ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   ملتقى طلاب التعليم عن بعد جامعة الملك فيصل (https://vb.ckfu.org/forumdisplay.php?f=183)
-   -   مالقيتوا الا بنك الرياض تتعاملون معاه !!!! (https://vb.ckfu.org/showthread.php?t=211594)

سعيد السند 2011- 8- 24 04:14 PM
مالقيتوا الا بنك الرياض تتعاملون معاه !!!!
 
السلام عليكم ورحمة الله وبركاته

احيي اداره المنتدى والاعضاء على هذا المنتدى الرائع
واشكر جهودكم

ولا انسى ان اشكر جامعه الملك فيصل لقبولي وماتعمله من خدمات الكترونيه وخدمه ممتازه


التسجيل من احسن مايكون

المشكله في السداد

طبعت اوراق بنك الرياض ورحت لهم واعطيتهم المبلغ

للاسف انا غلطت
المبلغ الاجمالي طبعا لازم يكون 2485 ريال

من ضمنها عشر ريال حق رسائل الجوال

يوم قربت للموظف واعدلها لاني ناظرت في نموذج التسديد طاحت عيني التعبانه من التعب وقلة النوم على رقم 2475 ! للاسف

وعدلت الرقم بورقه البنك

المهم سددت وطالبت الموظف بختم نموذج التسديد حق الجامعه قال مايحتاج وماتاكدت الا بعدين يوم وصلت للبيت ان الختم مايحتاج !

مشكلتي الكبيره اخواني واخواتي الاعزاء الا ودقق بالورقه اثاريها 2485 الاجمالي طبعا الا وامسك راسي وينقلب مزاجي وطار النوم !

رجعت للبنك ونفس الموظف الا والناس واقفين وحوسه اثاري النظام حق البنك تعطل عاد يوم اربعاء والاسبوع الجاي اجازه العيد :(

قالي الموظف تعال بعد العيد او مر اي فرع مداوم بالعيد وسدد العشر واكتب في خانه سبب الايداع رسوم جوال !


تمنيت من جامعتنا الغراء تحط المبلغ الاجمالي فقط بدون قوسين ورسوم جوال او بيجر او فاكس والى اخره

من الاخير حطو المبلغ الاجمالي وخلاص مايبيلها صناعه صاروخ

الحين وش رايكم احط عشر ريال مع الاوراق ولا انتظر البنك واسدد في ايصال لحاله وارفقه مع ايصال ابو الفين وخمس وسبعين ريال !

بانتظار ردودكم

اتمنى ان الجامعه دخلت بنظام سداد وفكتنا من هالبهذله لان اللي صار لي اليوم مشاكل كثير

عالي المستوى 2011- 8- 24 04:59 PM
رد: مالقيتوا الا بنك الرياض تتعاملون معاه !!!!
 
الله يعين وانا اخوك



قال وش اللي حادك على المر قال اللي امر منه

لــوســي 2011- 8- 24 07:24 PM
رد: مالقيتوا الا بنك الرياض تتعاملون معاه !!!!
 
لا مافي مشكله .. ممكن تسددها الترم الجاي ..

صارت نفس المشكله مع الترم الماضي لبعض الطلبه ..

وطلع لهم انه باقي 10 ريال .. ولما كلموا الجامعه قالولهم : سددوها مع رسوم الترم القادم ..

الجامعه متساهله كثير ..

B A N D R 2011- 8- 24 08:08 PM
رد: مالقيتوا الا بنك الرياض تتعاملون معاه !!!!
 
دام التعليم الكتروني ونتساب عن بعد مانحتاج شي اسمه رسايل

لأنك مضطر انك تدخل النت وتشاهد المحاضرات وتابع بنفسك

عشره ريال ما أشوف لها فايده ومفروض ماتكون أجباريه للطالب

اللي يحتاجها يسجل فيها

أما بالنسبه لبنك الرياض الكثير يشتكي من الأعطال الفنية المتكرره

مفروض جميع البنوك تشارك في السداد مو محصور على بنك واحد

عبدالله ع العنزي 2011- 8- 24 08:12 PM
رد: مالقيتوا الا بنك الرياض تتعاملون معاه !!!!
 
يقولون انهم بيشتركون بخدمة سداد بس للحين ماشفنا شي

طبعي كذآ 2011- 8- 24 08:16 PM
رد: مالقيتوا الا بنك الرياض تتعاملون معاه !!!!
 
صدق ياليت الدكتور النجار يطور فكرة تسديد الرسوم
يعني ماعندنا حسابات بالبنك
والبنك فرعه ماهو حولنا اقرب فرع ووين اكثر من 100 ك
يعني وش نسوي حنا البنات .. نسوق:41jg: مثلا
وكلنا عندنا حسابات ببنوك ثانية
وش معنى قصره على الرياض
ليه مايكون هناك ايقونة في الموقع للسداد من اي بنك بالسعودية يخصم مباشرة من حساب الطلاب والطالبات
ويمكنهم بعده من طباعة قسيمة الايداع من الموقع وتكون في خدمات الطلابية
وبذاك سهولة وسرعة اكثر من قصر بالتعامل ببنك واحد

Hannudah 2011- 8- 24 08:23 PM
رد: مالقيتوا الا بنك الرياض تتعاملون معاه !!!!
 
الله ييسر لك والله مابعد سويت شي من الدوشه

فانتوم 2011- 8- 24 08:49 PM
رد: مالقيتوا الا بنك الرياض تتعاملون معاه !!!!
 
عادي ارسل الوصل والعشره ريال سددها مع رسوم الترم القادم ان شاء الله

AbOoOdALH 2011- 8- 24 08:53 PM
رد: مالقيتوا الا بنك الرياض تتعاملون معاه !!!!
 
هههههههههههه

ياحليلك ياسعيد :biggrin:

العجله شينه خيووو

اسمعني مثل ماقالوا لك الاعضاء لـ 10 ريال تسددها الترم الثاني

روح وناخوك وتونس شارع شارع حاره حاره >>> صار القذافي بالسن العجز والشياب :tongue:

عيون ALmaha 2011- 8- 24 09:13 PM
رد: مالقيتوا الا بنك الرياض تتعاملون معاه !!!!
 
وسع صدرك ياخوي مافي شي يستاهل

حقك محفوظ

وبعد العيد تقدر تحل اشكاليتك بس الأهم يكون عندك صور من السند


قالكم اخوي ماي دريم لا تسددون الا بعد العيد وفتح موضوع كامل بهالخصوص

بالتوفيق
وهارد لك:(269):

حصة أمآل 2011- 8- 24 09:32 PM
رد: مالقيتوا الا بنك الرياض تتعاملون معاه !!!!
 

وعليكم السلام مبروك قبولك
و نورت قسم الجغرافيا
انا العشر الريال لحد اللحين ما سددتها وقالوا لي عادي
سدديها السنه الجديده اللي هي الجايه
لا تشيل همها أبد .. الترم الثاني سددها
الله يوفقك ~

سمو الإحساس 2011- 8- 24 09:40 PM
رد: مالقيتوا الا بنك الرياض تتعاملون معاه !!!!
 
اذا انت سددت 2475 ريال خلاص انتهى الموضوع ارفق سند السداد وباقي الاوراق وال10 ريال تضاف للترم القادم
لاتشيل هم كل المستجدين مايدفعون الا 2475 ..

موفق

حكاية شوق 2011- 8- 24 09:42 PM
رد: مالقيتوا الا بنك الرياض تتعاملون معاه !!!!
 
اقتباس:
المشاركة الأصلية كتبت بواسطة سعيد السند (المشاركة 4255669)
السلام عليكم ورحمة الله وبركاته
وعليكم السلام ورحمة الله وبركاته

اقتباس:
المشاركة الأصلية كتبت بواسطة سعيد السند (المشاركة 4255669)
الحين وش رايكم احط عشر ريال مع الاوراق ولا انتظر البنك واسدد في ايصال لحاله وارفقه مع ايصال ابو الفين وخمس وسبعين ريال !
ههههههههههههههههههههه
شكلك نايم وانت تكتب ا ذا صحيت من النوم فكر فيها , معذور

المهم

لآ تحط عشره مع الاوراق ولا ريال حتى ؟!
عن طرق البنك سدد العشره

طبعي كذآ 2011- 8- 24 10:29 PM
رد: مالقيتوا الا بنك الرياض تتعاملون معاه !!!!
 
طيب سو قسيمة ايداع ثانية بالعشرة وارفقها مع القسيمة الاولى وخلصنا من الحووسة
اعجبكم افكاار ولا احلى
هههههههههههههههه:d5::d5:

حنان العالم 2011- 8- 24 10:36 PM
رد: مالقيتوا الا بنك الرياض تتعاملون معاه !!!!
 
مشاكل ..محتاره متى ارسل اوراقي ؟؟ الخميس يكون البنك اكيد مفتوح بس البريد مفتوح او اخليها بعد العيد

Abdulrhman 2011- 8- 24 11:28 PM
رد: مالقيتوا الا بنك الرياض تتعاملون معاه !!!!
 
أرفق عشرة ريال بالأوراق المرسلة عن طريق البريد .. (أمزح)

عموماً ردود الأخوة والأخوات مطمئنة ، لن يعاق قبولك بسبب 10 ريال ، بتصير دين عليك

وأنا أتفق معكم بنك الرياض من سيئ لأسوأ ، نظام تعيس كثير الأعطال ، ونأمل من الجامعة تفعل السداد عن طريق نظام سداد ، قد يكون مكلف بالنسبة لها في البداية ولكنه يستحق كثيراً

وفق الله الجميع

سعيد السند 2011- 8- 25 12:05 AM
رد: مالقيتوا الا بنك الرياض تتعاملون معاه !!!!
 
الله يعطيكم العافيه ماقصرتوا

طيب اذا تركت العشر ريال هالنتفه الترم الجاي
رسايل الجوال شغاله ولا وشلون !

ياخوان اللي صار اليوم بالفرع مشكله
تعطلت مصالح ناس

بعدين بسالكم البريد متى بيعمل !

المفروض الجامعه تركت ارسال الوثائق والتسديد لبعد العيد
من جد تمرمطنا اليوم

عيون ALmaha 2011- 8- 25 12:58 AM
رد: مالقيتوا الا بنك الرياض تتعاملون معاه !!!!
 
هههههه

^
^:lllolll:

ابوفهد100 2011- 8- 25 01:59 AM
رد: مالقيتوا الا بنك الرياض تتعاملون معاه !!!!
 
هلا اخوي الى حد 300 ريال تحول على الترم الذي يليه ولا تعيق اكمال الدراسه
وتجدها كمبلغ متبقي في نموذج السداد


تحياتي

سعيد السند 2011- 8- 25 03:44 AM
رد: مالقيتوا الا بنك الرياض تتعاملون معاه !!!!
 
اقتباس:
المشاركة الأصلية كتبت بواسطة ابوفهد100 (المشاركة 4258342)
هلا اخوي الى حد 300 ريال تحول على الترم الذي يليه ولا تعيق اكمال الدراسه
وتجدها كمبلغ متبقي في نموذج السداد


تحياتي

يعطيك العافيه اخوي وبيض الله وجهك

ناوي السوكبا 2011- 8- 25 03:47 AM
رد: مالقيتوا الا بنك الرياض تتعاملون معاه !!!!
 
10 ريال

قادرة على بناء منزل من الطين

تحتاج الى وايت ماء فقط والرمال متواجدة في الصحراء

سعيد السند 2011- 8- 25 03:50 AM
رد: مالقيتوا الا بنك الرياض تتعاملون معاه !!!!
 
اقتباس:
المشاركة الأصلية كتبت بواسطة ناوي السوكبا (المشاركة 4259054)
10 ريال

قادرة على بناء منزل من الطين

تحتاج الى وايت ماء فقط والرمال متواجدة في الصحراء

:(269):

منزل من طين !

وايت ماء !

وصحراء !

مادري تعليقك وش يبي بصراحه

رحال911 2011- 8- 25 03:58 AM
رد: مالقيتوا الا بنك الرياض تتعاملون معاه !!!!
 
بعد العيد اعتقد فيه وقت

ناوي السوكبا 2011- 8- 25 04:03 AM
رد: مالقيتوا الا بنك الرياض تتعاملون معاه !!!!
 
اقتباس:
المشاركة الأصلية كتبت بواسطة سعيد السند (المشاركة 4259071)
:(269):

منزل من طين !

وايت ماء !

وصحراء !

مادري تعليقك وش يبي بصراحه
البعض يقلل من العشرة ريالات
لـ نفرض ان عدد الطلاب 40 ألف أضربها في 10
تعرف معنى كلامي

انتهى

سعيد السند 2011- 8- 25 04:10 AM
رد: مالقيتوا الا بنك الرياض تتعاملون معاه !!!!
 
اقتباس:
المشاركة الأصلية كتبت بواسطة ناوي السوكبا (المشاركة 4259190)
البعض يقلل من العشرة ريالات
لـ نفرض ان عدد الطلاب 40 ألف أضربها في 10
تعرف معنى كلامي

انتهى

الله يعافيك ماقللت من العشر الريال حتى الخمس ريال حتى الريال

بس تمنيت يحطونها مع المبلغ الكامل الاجمالي مره وحده
مالها داعي تنحط بين قوسين وعلامة زايد والى اخره

وشكرا لك

طموح وهمة 2011- 8- 25 05:22 AM
رد: مالقيتوا الا بنك الرياض تتعاملون معاه !!!!
 
المشكلة الآن مو في العشرة . المشكلة بكل صراحة بتحديد بنك الرياض

بحجم جامعة الملك فيصل لابد من التعامل مع أكثر من بنك واتاحة الفرصة لنظام سداد

وأشيد بفكرة عدم تحديد العشرة ودمجها بالمبلغ دون تحديد

نرجوا تيسير الأمور للجميع

شكرا لصاحب المتصفح

مفرح إلقحطاني 2011- 8- 25 06:10 AM
رد: مالقيتوا الا بنك الرياض تتعاملون معاه !!!!
 
الجامعه متساهله كثير يا الغلا

عادي حتى لو ترسلها بطاقة شحن بعشره للدكتور النجار مو مشكله

ام عبدالرحمن21 2011- 8- 25 06:15 AM
رد: مالقيتوا الا بنك الرياض تتعاملون معاه !!!!
 
:000:ياجماعه متي يفتح البنك بعد العيد
ومتي تنزل نتائج الدفعه 2 وال3 الله يعافيكم افيدوني

آلمآسة آلحسآسة 2011- 8- 25 07:47 AM
رد: مالقيتوا الا بنك الرياض تتعاملون معاه !!!!
 
اقتباس:
طيب اذا تركت العشر ريال هالنتفه الترم الجاي
رسايل الجوال شغاله ولا وشلون !
اخوي انا دفعت هالعشره وللاسف ما وصلني غير مسجين من الجامعه من لمن انقبلت :tongue:
واحد موعد ارسال الوثائق والثاني خبر القبول :064:

لا تفكر في هالعشره اتركها للمستوى الثاني وسددها :(204):

Ransy 2011- 8- 25 08:11 AM
رد: مالقيتوا الا بنك الرياض تتعاملون معاه !!!!
 
عاحلوين انا انقبلت مبدئين لكن حابه اسال متى اخر موعد لارسال الوثائق وتسديد المبلغ:g2:

سعيد السند 2011- 8- 25 09:39 AM
رد: مالقيتوا الا بنك الرياض تتعاملون معاه !!!!
 
اقتباس:
المشاركة الأصلية كتبت بواسطة ام عبدالرحمن21 (المشاركة 4260506)
:000:ياجماعه متي يفتح البنك بعد العيد
ومتي تنزل نتائج الدفعه 2 وال3 الله يعافيكم افيدوني

الاخت ام عبدالرحمن

فيه بنوك فروع رئيسيه في اجازه العيد تقدرين تمرينها او يمرها زوجك مثلا يكون افضل

الافضل تنتظرين الى تاريخ 5/10 هجري يوم السبت بدايه عمل البنوك ومعاك الى تاريخ 19 اخر موعد لارسال الوثائق

سعيد السند 2011- 8- 25 09:41 AM
رد: مالقيتوا الا بنك الرياض تتعاملون معاه !!!!
 
اقتباس:
المشاركة الأصلية كتبت بواسطة آلمآسة آلحسآسة (المشاركة 4261258)
اخوي انا دفعت هالعشره وللاسف ما وصلني غير مسجين من الجامعه من لمن انقبلت :tongue:
واحد موعد ارسال الوثائق والثاني خبر القبول :064:

لا تفكر في هالعشره اتركها للمستوى الثاني وسددها :(204):

يعطيك العافيه

المره الجايه بارسل لهم خمسين ريال عشره رسايل والباقي حق بيجر او فاكس او ايميل او صدقه لهم :tongue:

شكرا

سعيد السند 2011- 8- 25 09:42 AM
رد: مالقيتوا الا بنك الرياض تتعاملون معاه !!!!
 
اقتباس:
المشاركة الأصلية كتبت بواسطة abeeer (المشاركة 4261393)
عاحلوين انا انقبلت مبدئين لكن حابه اسال متى اخر موعد لارسال الوثائق وتسديد المبلغ:g2:

اخر موعد 19 شهر عشره

سعيد السند 2011- 8- 26 10:51 AM
رد: مالقيتوا الا بنك الرياض تتعاملون معاه !!!!
 
اقتباس:
المشاركة الأصلية كتبت بواسطة abdulrhman (المشاركة 4257545)
أرفق عشرة ريال بالأوراق المرسلة عن طريق البريد .. (أمزح)

عموماً ردود الأخوة والأخوات مطمئنة ، لن يعاق قبولك بسبب 10 ريال ، بتصير دين عليك

وأنا أتفق معكم بنك الرياض من سيئ لأسوأ ، نظام تعيس كثير الأعطال ، ونأمل من الجامعة تفعل السداد عن طريق نظام سداد ، قد يكون مكلف بالنسبة لها في البداية ولكنه يستحق كثيراً

وفق الله الجميع

يعطيك العافيه

ونتامل ان نظام سداد يفعل وبسرعه


All times are GMT +3. الوقت الآن حسب توقيت السعودية: 01:41 AM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه