ملتقى طلاب وطالبات جامعة الملك فيصل,جامعة الدمام - عضو جديد .. كومة استفسارات .. ولكن قادرين ان شاءالله

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)

- ملتقى طلاب التعليم عن بعد جامعة الملك فيصل (https://vb.ckfu.org/forumdisplay.php?f=183)

- - عضو جديد .. كومة استفسارات .. ولكن قادرين ان شاءالله (https://vb.ckfu.org/showthread.php?t=203863)

الرامي

2011- 7- 25 03:28 AM

عضو جديد .. كومة استفسارات .. ولكن قادرين ان شاءالله

السلام عليكم ورحمة الله وبركاته ..

/

/

،\

/

اخوكم جديد في حكاية الانتساب والجامعات وقررت انتسب في هذه الجامعه ..

المطلوب يااخوان بما اني مطالب في مجال عملي بأحد هذه التخصصات (علم نفس , علم اجتماع , ادارة مستشفيات)

فهل يوجد انتساب مطور لأحد هذه التخصصات
ومتى يبدأ ومتى ينتهي وكم الرسوم وطريقة التسجيل

ولو كتب الله لي اني اسجل في الجامعه نكمل بقية الفرفره في المنتدى :)

لــوســي

2011- 7- 25 03:36 AM

رد: عضو جديد .. كومة استفسارات .. ولكن قادرين ان شاءالله

في علم أجتماع .. وفي أدارة أعمال ممكن تنفعك ..

يبدأ التسجيل في 11 رمضان .. ويستمر اسبوع

طريقة التسجيل بالدخول على هذا الرابط

http://www.kfu.edu.sa/ar/deans/elear...plication.aspx

الأيقونات الحين مسكره .. لكن احفظ هالصفحه عندك حتى موعد التسجيل

والرسوم في الترم الأول 2475

وباقي الأترام على حسب عدد المواد اللي ترغب في دراستها

بالتوفيق ..

الرامي

2011- 7- 25 05:46 AM

رد: عضو جديد .. كومة استفسارات .. ولكن قادرين ان شاءالله

بارك الله فيكي اخت لوسي واخشى ان الموضوع اشكل عليكي ...
لأني متأكد من وجود التخصص بالنسبه للبنات .. فهل يوجد للرجال ؟ ياليت اجابة اكيده الله يرضى عن الجميع

وياليت تشرحولي كيف الرسوم وكيف ااختصر الوقت لتخرج مثلا في 3 سنوات

ЯЄĻǻχ

2011- 7- 25 06:46 AM

رد: عضو جديد .. كومة استفسارات .. ولكن قادرين ان شاءالله

ايه اخوي الرآمي
التخصصآت للبنآت وللرجآآآل

الرسوم ع حسب السآعآت
لكل سآعه 165

اذا كآن فيه ترم صيفي تقدر تخلص ان شاءالله بـ 3 سنوات

لكن للآسف مآفيه =(

الرامي

2011- 7- 25 02:55 PM

رد: عضو جديد .. كومة استفسارات .. ولكن قادرين ان شاءالله

بارك الله فيكي ريلاكس الله يطمن قلبك لأني كنت مضيع
بس لو تكملو جميلكم وتقولولي كيف اقصر طريقة للتخرج .. يعني مثلا اضغط الترم بالمواد ..؟
هل لهم حد اعلى للمواد وحد ادنى ؟ وياليت بعدد الساعات حتى اعمل لنفسي جدول بالمواد وكل ترم كيف راح يكلفني ماديا .......

Hanoo Abdulaziz

2011- 7- 25 03:05 PM

رد: عضو جديد .. كومة استفسارات .. ولكن قادرين ان شاءالله

المستوى الأول اجباري هم يحددون لك المواد
بالنسبة لإدارة اعمــآآل 5 مواد
علم اجتمــآآع اللي اعرفة 8 مواد

المستوى الثاني على حسب المعدل راح يسمح لك تسجل المواد

Hanoo Abdulaziz

2011- 7- 25 03:08 PM

رد: عضو جديد .. كومة استفسارات .. ولكن قادرين ان شاءالله

وو بالنسبة كم راح يكلفكـ
مثل مــــآآ قال اخووي ريلآآكس

كل ساعة 165

وانت عليك الحســآآآآب ,, :(269):

بالتوفيق يــــارب ,, :106:

آلمآسة آلحسآسة

2011- 7- 25 03:36 PM

رد: عضو جديد .. كومة استفسارات .. ولكن قادرين ان شاءالله

اقتباس:

المشاركة الأصلية كتبت بواسطة الرامي (المشاركة 4072407)

اخوي اذا تبي تختصر في 3 سنوات صعبة لانه ما عندنا ترم صيفي :119:
وع حسب معدلك تقدر تأخذ مواد الحد الاعلى 19 ساعة اذا كان معدلك فوق 3
والحد الادنى 15 ساعة .

مثل ما قالو اخواتي الساعة 165ريال وانت احسب عدد ساعاتك والرسوم :(204):

بالتوفيق واي استفسار لا يردك شي :(204):

قحطه	2011- 7- 25 08:12 PM

رد: عضو جديد .. كومة استفسارات .. ولكن قادرين ان شاءالله

ومازال قحطه يحاول ان يستوعب الامور الجامعية ياحلو المعاهد في سؤال بس مستحي اقوله لاكن بخربها الحين الساعات هي الحصص:064: يارب يارب يقبلوني طيب ودي اذاكر من الحين(مصري مثلا) كيف الطريقه :71:

وفي سؤال بعد بس مو مستحي بقوله الخمسين نقطه اللى مكتوبه تحت عمري الله يطول بعمري ومعلوماتي وش معناها نلعب دوري يعني :53::71:

آلمآسة آلحسآسة

2011- 7- 25 08:53 PM

رد: عضو جديد .. كومة استفسارات .. ولكن قادرين ان شاءالله

اقتباس:

المشاركة الأصلية كتبت بواسطة قحطه (المشاركة 4073366)

ههههههههههههههههههههههههههههههههه ما عليك يا خيووو فرفر بالملتقى وراح تستوعب معانا بأذن الله :biggrin:

بالنسبة لعدد الساعات لا مو معناها الحصص :biggrin:

هذي يا طويل العمر علشان تخلص الجامعة لازم تخلص 136 ساعة لكل مستوى عدد ساعات معينه ..
مثلآ المستوى الاول 15 ساعة وعندك خمس مواد لكل مادة 3 ساعات << أجباري ما تقدر تغير فيهم :(204):
والمستوى الثاني 19 ساعة سبع مواد << هنا تقدر تغير في المواد وتأخذ عدد ساعات اقل .. وهكذا

والسؤال الثاني هذي النقاط تقيم لك من الاعضاء اللي يعجبه ردك ولا موضوعك يقيمك من هالايقونة http://www.ckfu.org/vb/ckfu/buttons/reputation.gif

وسلامتك اي سؤال لا يردك الا الكيبورد :tongue:

قحطه	2011- 7- 25 09:23 PM

رد: عضو جديد .. كومة استفسارات .. ولكن قادرين ان شاءالله

الايقونه اللى علامتها شزيه اوكية ولا غيرها بعدين انا من دخلت خمسين ماتغيرت يمال الفقر محد قيمني صح بس فيه ايقونه ضغطتها طلع معجب خفت وتراجعت وش معجبه حنا ندرس :(204):

الرامي

2011- 7- 25 10:55 PM

رد: عضو جديد .. كومة استفسارات .. ولكن قادرين ان شاءالله

لايطلع الموضوع عن محوره الاساسي الله يسعدك اخويا قحطه .. يوجد مواقع مخصص للدردشه ولو عندك اي استفسار عن شي له علاقة بمسمى المنتدى فالمجال مفتوح

على راسي ياعزيزي قحطه

ЯЄĻǻχ

2011- 7- 25 11:22 PM

رد: عضو جديد .. كومة استفسارات .. ولكن قادرين ان شاءالله

اقتباس:

انا اللي اعرفه الحد الاقصى 18 ساعه
يعني لكل ماده مثلا ساعتين
صاروا 9 مواد بالسمستر الواحد

الله يوفقك اخوي الرامي وتجتآز السنوآت بنجآح وآمتيآز

اسأل الله ان يحقق مرآدك

/

ЯЄĻǻχ

2011- 7- 25 11:25 PM

رد: عضو جديد .. كومة استفسارات .. ولكن قادرين ان شاءالله

اقتباس:

وياليت بعدد الساعات حتى اعمل لنفسي جدول بالمواد وكل ترم كيف راح يكلفني ماديا .......

انا السمستر اللي رآح اخذت 18 ساعه يعني 9 مواد كلفني 2970 ريال
شوف عدد ساعاتك كم واضرب عدد الساعات بـ 165

الرامي

2011- 7- 26 02:01 AM

رد: عضو جديد .. كومة استفسارات .. ولكن قادرين ان شاءالله

طيب الدراسه كلها كم ساعه؟
لو قلنا الترم الاول 15 ساعه "اجباري" = 2470
والثاني كم
والثالث كم
والرابع كم .......
الخ
طبعا اذا مشيت على خطة الكليه الطبيعيه ( 4 سنوات = 8 اترام , مستويات )

واذا فيه اقتراحات لوضع افضل خطه دراسيه تخفف المده ياليت كل شخص يحط مايمكن عمله ..

ريلاكس / الله يجعل كل مساعده منك في ميزان حسناتك ,,, وجميع من يسعى في مساعدة الناس بيض الله وجوهكم جميعا

آلمآسة آلحسآسة

2011- 7- 26 04:17 AM

رد: عضو جديد .. كومة استفسارات .. ولكن قادرين ان شاءالله

4 مرفق

اقتباس:

المشاركة الأصلية كتبت بواسطة الرامي (المشاركة 4075014)

أخوي هالرابط فيه الخطه الدراسية لعلم الاجتماع

http://www.kfu.edu.sa/ar/Colleges/ar...Pages/SOI.aspx

انا بصراحة أدارة أعمال ولا اعرف للاقسام الثانيه كثير بس احاول اساعدك باللي اقدر عليه :(204):

بحط لك بالرابط جدول المستوى الاول والثاني والثالث والرابع لتخصص علم أجتماع لحد دحين ما عندنا الا هالمستويات ان شاء الله ع بداية الترم راح ينزل جدول المستوى الخامس .

انا استغربت انه في اختلاف في الساعات بس اتمنى احد من قسم علم اجتماع يفيدك أكثر :106:

انت احسب مبلغ هالمستويات بحكم انه الساعه بــ165 ريال

وبالتوفيق :119:

الرامي

2011- 7- 26 10:43 AM

رد: عضو جديد .. كومة استفسارات .. ولكن قادرين ان شاءالله

يعني المستوى الثاني 21 وحده (ساعه) يكلف 3465 ريال !!!!

هل يوجد مستوى اخر كمان فيه 21 ساعه ؟؟

كذا تصير مصيبه لأنو انا كنت اعتقد انها 8 اترام كل ترم ب2470 ....
هل مثلا اقدر اختصر الوقت وتكون 6 اترام مثلا ب3000 .. يعتبر كذا شي معقول .. او 7 اترام كم تكون تكلفتها ؟
يعني لو ابتخرج في 6 اترام كم ادفع للترم الواحد ؟ ونفس السؤال لو ابغى 7 اترام ...

ابغى الافاده جزاكم الله خير وأدري اني زودتها ولكن ابغى اسوي خطه مستقبليه بحيث اني اضرب مواعيد للعمل وانفذها بإذن الله

ЯЄĻǻχ

2011- 7- 26 11:17 AM

رد: عضو جديد .. كومة استفسارات .. ولكن قادرين ان شاءالله

لا لا المستوى الثآني 17 او 18 ماتتعدى هالحد يعني تقدر تقول اقصى مبلغ تدفعه 2970 تقريبا

والله نصيحتي لا تضغط نفسك وتحمل مواد لا قدر الله اهم شي اهم شي انك تنجح بكل المستويات
وتطلع من كل مستوى بدون رسوب

و3 سنوات ولا 4 ماتفرق تمر بلمح البصر ان شاءالله

الله يكتب لك اللي فيه الخير

الرامي

2011- 7- 26 11:20 AM

رد: عضو جديد .. كومة استفسارات .. ولكن قادرين ان شاءالله

طيب لو مشيت كل ترم 15 ساعه
هي نفسها لو مشيت كل ترم 17 مثلا ؟
بس اللهم المبلغ يزيد ولكن المده هي هي ؟

الرامي

2011- 7- 26 11:22 AM

رد: عضو جديد .. كومة استفسارات .. ولكن قادرين ان شاءالله

طيب لو مشيت كل ترم 15 ساعه
هي نفسها لو مشيت كل ترم 17 مثلا ؟
بس اللهم المبلغ يزيد ولكن المده هي هي ؟

ЯЄĻǻχ

2011- 7- 26 11:29 AM

رد: عضو جديد .. كومة استفسارات .. ولكن قادرين ان شاءالله

شوف مثلا السمستر الاول عليك 18 ساعه
انت تبي تأخذ مثلا 16 ساعه

يعني حذفت مادهـ. والمبلغ نقص

هالماده تبقى معك السمستر اللي بعده عاد بكيفك تأخذها ولا تأجلها
يعني راح تضغط نفسك بعدين

..

او مثلا عليك 16 ساعه وانت اخذت 18 ساعه
زدت ماده عن الجدول الاساسي والمبلغ زاد

بس شفت جدول علم الاجتماع اتوقع ماتقدر تختصر لان الجدول شوي ثقيله
يعني كلها 16 ساعه و 18

يعني المده 4 سنوات اذا مشيت ع الجدول ونجحت بكل المستويات بدون رسوب
بس لاقدر الله رسبت بكم ماده وكذا يمكن يزيد لك ترم عن الـ 4 سنوات

ЯЄĻǻχ

2011- 7- 26 11:33 AM

رد: عضو جديد .. كومة استفسارات .. ولكن قادرين ان شاءالله

شوف اذا مثلا عدد ساعاتك 18 وانت اخذت 16
كذا معنآته انك حذفت ماده والمبلغ نقص

وهالماده تبقى معك بالمستويات الجايه ولك حرية الاختيار بأي مستوى تبي تختبرهآآ

ولا مثلا عدد ساعاتك 16 وانت اخذت 18 ساعه كذا يعني آضفت ماده
سواء كانت من المستوى اللي راح او الجاي
والمبلغ يزيد

بس عدد السنوات هي 4 ولا قدر الله وصار عندك رسوب بكم ماده تصير 4 وترم

ЯЄĻǻχ

2011- 7- 26 11:40 AM

رد: عضو جديد .. كومة استفسارات .. ولكن قادرين ان شاءالله

ليش كذا !!
ارسل رد ومآأشوفه وآضطر اكتب مره ثآنيه :000:

لــوســي

2011- 7- 26 11:42 AM

رد: عضو جديد .. كومة استفسارات .. ولكن قادرين ان شاءالله

اقتباس:

طيب لو مشيت كل ترم 15 ساعه
هي نفسها لو مشيت كل ترم 17 مثلا ؟
بس اللهم المبلغ يزيد ولكن المده هي هي ؟

لا طبعا ..

اللي ياخذ 15 ساعه في الترم أكيد ماراح يخلص في 4 سنوات ..

15 ساعه /للترم × 8أترام = 120 ساعه

والمطلوب للتخرج 136 ساعه ..

لكن اذا ضغطت على نفسك في الأترام الأولى .. لما تكون المواد سهله نوعا ما

تقدر تخفف على نفسك في الأترام الأخيره ويكون ماباقي عليك كثير ..

أو في ترم تكون عندك فيه ظروف لاسمح الله تقدر تخفف على نفسك فيه وتضغط على نفسك بعدين

اقتباس:

لا الساعات هي بمثابة (قيمة الماده) مثلا المواد الصعبه والدسمه زي الرياضيات المحاسبه قيمتها 3 ساعات

المواد السهله زي مواد الدين قيمتها ساعتين ..

وهكذا .. كل ماده لها عدد ساعات ..

تستفيد من الساعات أولا تحدد ثمن الماده وثانيا تأثر على معدلك في النهايه ممكن ترفع وتنزله

اقتباس:

وفي سؤال بعد بس مو مستحي بقوله الخمسين نقطه اللى مكتوبه تحت عمري الله يطول بعمري ومعلوماتي وش معناها نلعب دوري يعني :53::71:

هذه للمنتدى أذا قيمك عضو على ردك او على موضوع كتبته تزيد عدد نقاطك .. تشجيع يعني

الرامي

2011- 7- 27 04:57 AM

رد: عضو جديد .. كومة استفسارات .. ولكن قادرين ان شاءالله

فيه مشكله بالردود يااخوان .. في خارج الموضوع مكتوب اخر رد للاخت لوسي .. وبالداخل اخر رد لي قبل 20 ساعه تقريبا ... فيه ردود انكتبت ولكن ماهي ظاهره ... ساعدونا بليز

الرامي

2011- 7- 27 07:04 AM

رد: عضو جديد .. كومة استفسارات .. ولكن قادرين ان شاءالله

ياسعادة القائمين على المنتدى ترى الموضوع فيه ردود غير مرئية لأني كتبت رد وماهو موجود ؟ والاخت ريلاكس كتبت رد ماهو موجود :(

اتمنى حل المشكلة ...

استفسار : انا من جده .. كيف طريقة الاختبارات وكيف اوفر كتب المناهج ؟

Guava.91

2011- 7- 27 07:24 AM

رد: عضو جديد .. كومة استفسارات .. ولكن قادرين ان شاءالله

ماعندي زود على المعلومات الي تفضلوا فيها الزملاء والزميلات يعطيهم العافيه :119:
بالتوفيق

ЯЄĻǻχ

2011- 7- 27 07:35 AM

رد: عضو جديد .. كومة استفسارات .. ولكن قادرين ان شاءالله

آشوآآآ ضبط :000:

اقتباس:

استفسار : انا من جده .. كيف طريقة الاختبارات وكيف اوفر كتب المناهج ؟

بالخدمات الطلابيه تحدد المنطقه اللي تبي تختبر فيها وان شاءالله يكون اختبارك بالمنطقه اللي حددتهآآ
ويكون موعد الاختبار مسائي يعني من 3 وورآآ ع حسب الفتره اولى ولا ثانيه
يعني للموظفين تمام :(269):

..

واذا ع المنهج كل شي ينزل لك بالبلاك بورد بس تحمل وتطبع اذا تبي
واغلب الدكاتره مايطلبون كتب نآدر اللي يطلبون

يعني ميسره بإذن الله

All times are GMT +3. الوقت الآن حسب توقيت السعودية: 04:19 AM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه