ملتقى طلاب وطالبات جامعة الملك فيصل,جامعة الدمام - طريقة حساب المعدل الفصليّ والتراكميّ بالصور [ ولد الحفر ]

طريقة حساب المعدل الفصليّ والتراكميّ بالصور [ ولد الحفر ]

بالبداية

الفايزين الناجحين نقول لهم مبروك :53:

واللي تعثروا بمادة أو أكثر نقول لهم مافات شيء ويعوضونها بالفصل الجاي إن شاء الله :(204):

نظرا ً لكثرة الأسئلة عن طريقة أستخراج المعدل الفصلي والتراكمي شمر تّ << فديتنا بس :mh318:
* شمر يشمرو تشميرا ً يعني يرفع كمه لييييين عند رقبته كناية ً عن أقوى أنواع الفزعة :biggrin:

حاولت أصور لكم الشاشه بس الموقع مادري شفيه كل ما أضغط برنت سكرين مايضغط مع أني إذا جربتها بإي موقع ثاني تضبط إلا موقع الجامعة << شكل الدكتور النجار كل ماأجي أصور الشاشه يحط يده على الشاشه ومااقدر أصور :hahahahahah:

الموهم دبرتّ نفسي وصورت لكم الشاشه عن طريق الأي فون :wink:

http://img41.imageshack.us/img41/7029/imagetdl.jpg

بالبداية تدخل على الخدمات الطلابية >> الأستعلام عن النتيجة .. وتظهر لك نتيجتك كما هو ظاهر بالصوره أعلاه ( ضروري تحفظ درجاتك بورقة خارجيه )

http://img842.imageshack.us/img842/7520/image1cxt.jpg

بعد الحصول على النتيجة نرجع للخدمات الطلابية ونختار أيقونة حساب المعدل الفصلي والتراكمي

http://img39.imageshack.us/img39/8762/image2nv.jpg

يظهر لك الجدول التالي وتسجل
نتيجة كل مادة مثل A او B او C ... وتسجل بجنبها كم عدد الساعات لكل مادة

مثلاً المادة الأولى عندي كانت اللغة الانجليزيه وحصلت على معدل B وكانت عدد ساعات المادة 3 ساعات

ملاحظه مهمه جداً : بعد الأنتهاء من تسجيل موادك لازم تضع في بقية المربعات المتبقية الساعه ( 0 ) عشان ماتنحسب بالمعدل << وهالنقطه يخطئ فيها كثير من الطلاب وبسببها مايطلع له معدله

http://img834.imageshack.us/img834/2190/image3wl.jpg

بتفتح لك صفحه جديده ويطلع لك معدلك ( هذا يسمى المعدل الفصلي ّ فقط ) يعني المعدل اللي حصلت عليه هذا الفصل وإذا كنت حاب تطلع معدلك التراكمي ( اللي هو معدلك العام حق الفصل الأول والثاني تابع مع الصوره القادمه )
http://img691.imageshack.us/img691/1774/image4wff.jpg

إذا كنت حابّ تعرف معدلك التراكي تضغط على الرابط ( إضغط هنا إذا كنت ترغب في حساب معدلك التراكمي ) بتفتح لك صفحة جديده تسجل الرقم الأكاديمي والسري ويطلع لك معدلك التراكمي ( الشامل ) كما في الصورة القادمه

http://img13.imageshack.us/img13/1451/image5al.jpg

هنا نشوف إن المعدل ظهّر في أسفل الصفحه اللي هو 3.48

أتمنى أكون وفقّت بالشرح وأعذروني على بساطة التصوير لأن مثل ماقلت لكم كل ماأجي أصور الشاشه ببرنت سكرين مره تطلع لي يد مره كراع بس مادري منهو بالضبط :cheese:

همسه
لكل مجتهد نصيب ، ومن جدّ وجد ومن زرع حقد قصدي حصد :biggrin:
أتمنى من الأخوان اللي ماتوفقوا هالفصل يشدون حيلهم الفصل القادم ويعوضون اللي فات ولا أحد يضع الملامه لا على الجامعة ولا على النجار ولا على دكتور الأنقلش ولا علي أنا :cheese: واللي ذاكر بيحصل نتيجة مجهوده وتعبه واللي أهمل ومافتح كتبه إلا قبل الأختبار بيوم أو يومين لايلوم إلا نفسه ويجعل هالفصل نهاية الأهمال ويشد حيله أول بأول ، أما من أجتهد وظلم ومتأكد من درجاته لايترك حقه ويطالب الجامعة لين يحصل على مراده وربي يوفق الجميع

لازم نتشارك الفرحه كل واحد يحط لنا معدله الفصل والتراكمي واللي مايبي وخايف من العيّن بكيفه ونقوله العين حق ولاينسى يدهن خشته الليله بزيت زيتون مقري عليه ويشرب له قروهـ ومايشوف إلا العافيه :hahahahahah:

المعدل الفصلي 4 ولله الحمد

المعدل التراكمي 3.48 وإن شاء الله أرفعه إلى 4 بإذن الله

أخوكم :: ولد الحفر