|
استفسار ضروري
السلام عليكم
لو سمحتوا عندي استفسار ضروري للغايه بخصوص القبول في الانتساب المطور هل هو مضمون ؟؟ يعني في الوقت الحالي مفتوح التسجيل في الامام و الملك عبدالعزيز وانا حاط في بالي بسجل في الملك فيصل علما انا الامام و الملك عبدالعزيز تسجيلهم بادي الان و بينتهي في نهاية شعبان و الملك فيصل يبدا في رمضان فأخاف انتظر ولا اقدم على الامام و الملك عبدالعزيز على اساس اني بقدم على الملك فيصل و في النهايه ما يقبلوني الملك فيصل فياليت تعطوني الرد الشافي و العلم الاكيد جزاكم الله خير لاني سمعت ان القبول مو مضمون من خلال بعض المواضيع وان فيه ناس ما قبلوهم |
رد: استفسار ضروري
.
أخوي بصراحة مو مضمون يعني لو مؤهلاتك عالية جدا مثل النسبة فإن شاء الله إنه مضمون غير كذا لا والله تبي الصدق أعرف ناس ماقبلوهم بالترم اللي راح وبعضهم مايقبلونهم بالدفعة الاولى يمكن بالثانية أو الثالثة مافي شي مضمون بس ترى دايما بالترم الأول يقبلون أكثر من اللي يسجلون بالترم الثاني استخير وربي يكتب لك اللي فيه الخير . |
رد: استفسار ضروري
طيب اخوي انت قدم في الجامعات اللي ذكرت واذا انقبلت فيهم تقدر تحول عندنا انا قدمت رمضان الماضي وانقبلت مباشرة والحمدلله وحطيت كل الرغبات ادارة اعمال :119: |
رد: استفسار ضروري
كم نسبتك ؟
|
رد: استفسار ضروري
قدم عليهم كلهم .. واستخير ..
واكيد ربي بيسرك للي فيه خير .. بس لاتعتمد على جامعه معينه ..قدّم بكل مكان منت خسران شي .. انا قدمت بعزوز وهنا .. وانقبلت بال2 ..بس كنت ابي تربيه خاصه فكانت هالجامعه انسب لي .‘ موفق:106: |
رد: استفسار ضروري
إذآ كآنت نسبتك الثآنويه فوق الـ 80 ! أظممن قبولك ب إذن الله في جآمعه فيصل , + مارآح يضرّك شيء سجل فيهـآ كلهـآ وب النهايه إختآر إللي تبي - ع حسب التخصصآت - وفقك الله |
رد: استفسار ضروري
آقولك نصيحه آذآ نسبتك 80 و فوق فهو مضمون بآذن الله
الترم اللي راح صديقتي نسبتها 68 قبلوها و كآنت آخر نسبه تقفل عليها القبول 60 آنت آستخير وتوكل على الله ترآ آنا كنت مسجله بالامام بس ترا الامام نظامهم بايخ الله يهديهم لازم دوره تآهيليه ترم بـ 3000 بعدين 4 سنوات دراسه جآمعة الملك فيصل السنه التحضيريه وثلاث سنوات يعني المجموع 4 سنوات و هذا شي حلو |
رد: استفسار ضروري
نسبتي89 و متخرج من 5 سنوات
يا اخوان المشكله ان الامام قبلوني و يقولون يالله لازم تدفع 3000 ريال ولا بيروح عليك فخايف اسحب عليهم و اقدم على الملك فيصل ما يقبلوني والله ما ادري وش اسوي :( |
رد: استفسار ضروري
اقتباس:
امممممم لا إن شاء الله إظمن جآمعه فيصل ب إذن الله :wink: وح‘ـيييآك الله بين أخوآنك وأخوآتك :106: |
رد: استفسار ضروري
المشكله انهم اذا سجلت فيهم يقولون لك يالله سدد 3000 ريال والا بنلغي قبولك يعني لازم ما يجي رمضان الا و انت مسدد و طالع اسمك بعد فهمتوني ؟
|
رد: استفسار ضروري
هذي جآمعه الإمام , صح صآدق , لـآن عندهم سمستر تأهيلي + 4 سنوآت حنـآ ماعندنا ع طول 4 سنوآت فآهمه قصدك , أستخير وتوكل ع الله وإللي ينآسبك إخختآرهـ ربي يختآر لك الخيره الطيبه , موفق :biggrin: |
رد: استفسار ضروري
اقتباس:
من هاللحين اقول لك حياك الله معنا إن شاء الله ... وبالنسبة لجامعة الامام اذا بتطيع شوري لا تسجل عندهم نصيحة اخويه .... اهم شيء لا يفوتك موعد التقديم قدم على طول بجامعة الملك فيصل واذا طلع اسمك بادر بإرسال الوثائق وكذلك تسديد الرسوم ... بالتوفيق |
رد: استفسار ضروري
ان شاءالله راح يقبلونك
لانهم يقبلون حتى نسبة 78 % اناا اعرف شخص متخرج عام 1410 الحين في المستوى الاول يدرس يعنى مو معقوله اللي متخرج له خمس سنوات ما ينقبل توكل على الله |
رد: استفسار ضروري
حياك الله اخوي ونسأل الله لك التوفيق والسداد
الجامعات الثلاث فيهم الخير والبركة لكن الامام عندهم دورة تاهيليه 3000 ريال قبل الالتحاق بالجامعة مدتها شهرين نقريبا الملك عبد العزيز اختبارتهم تكون في جدة بعد السنة الاولى ورسومهم الان ستكون 4000 ريال الملك فيصل القبول ليس مضمون فيها لانها تعاني ضغطا كبيرا لافي التسجيل في كل عام وكل سنة تزداد نسب القبول لذا لانستطيع ان نقرر عنك هنا لكن عليك بالاستخارة وما خاب من استخار . على فكرة جامعتنا ما عندها دورة تاهيلية والاختبارات تكون في مدينتك والرسوم ثابته بسعر الساعة 165 ريال للساعة الواحدة . |
رد: استفسار ضروري
يعطيكم العافيه و الله يوفقكم دنيا و اخره
و اطمح في مزيد من المعلومات للي عنده خبره |
رد: استفسار ضروري
لا تخلي ولا جامعة اخوي ..... قدم على الامام والملك عبدالعزيز والملك فيصل
ولي يكتبة الله حياه الله ولا تنسى تستخير |
| All times are GMT +3. الوقت الآن حسب توقيت السعودية: 04:42 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام