|
اريد كم طالب يدخل معي على وكيل الجامعة ....
السلام عليكم اخواني الكرام واخواتي الكريمات تكلم الكثير منا حول مشكله البلاك بورد ... أخواني الكرام ... ياجماعة الخير المشكله بإختصار ... وبدون مقدمات انا رجل دخلت الجامعة بإنتساب لوجود ضروف منعتني من الالتحاق بالتعليم النظامي رغم أنقطاعي عن الثانويه العامه حوالي عشر سنوات درست الترم الاول وبتوفيق من الله اخذت معدل فوق الاربعه ( قولو ما شاء الله )) والان ياجماعة الخير ... الترم هذا ولله الحمد اختباراتي زينه وبجيب في اكثر المواد فوق ال 60 من 70 في الاختبار ... ويا فرحه ماتمت ... البلاك بورد خرب الطبخه كله ... بالعربي الفصيح فيه مواد عندي لم اشارك فيها نهائيا او مشاركه فقط او مشاركتين ... يعني اشد حيلي واخذ اجازه من العمل وادفع رسوم جامعية واترك اهلي ووالدتي واذاكر وفي الاخير تروح علي اكثر من عشر درجات ... علي كيفهم ..؟؟؟؟ رغم بعض المحاضرات قد يكون التحميل لم يحسب او انك لم تحملها بشكل يضمن لك ان الجهاز حسبها لك ..والله العظيم ياجماعة الخير ان اخلي البيت وطلع لمقهى نت علشان السرعه وكذلك رفض يفتح البلاك بورد .. رغم إنني راسلت العميد النجار اكثر من مره والتليفون ما يرد عليه يشوف لنا حل .... لذلك اليوم البلاك بورد مغلق .... ولن يفتح إلا مع الدراسه ... اريد منكم يالنشامى ابي لي كم طالب شقردي وخاصه الي قريب من الجامعة نتفق على يوم معين ونكتب لائحة وندخل بها على الدكتور احمد الشعيبي وكيل الجامعة ... يبت في الموضوع ويشوف لنا حل .. ياتحسب الثلاثين للعموم او يشوف لنا حل .. انا من سكان الرياض والاسبوع القادم ننتظر الوضع اذا صدر من العميد النجار بيان حول ذلك او الله لا يعوق بشر .. يوم الاثنين القادم او الثلاثاء عند الدكتور الشعيبي ... بالمناسبه الدكتور الشعيبي رجل طيب واخلاق عاليه ... وكذلك لو مافيه تجاوب مستعد اصعد القضيه إعلاميا ... عن طريق جريده الرياض او سبق نجتمع مجموعه ومستعد ادق على المحرر واوضح له الوضوع وياخذ لقاء معنا وكل يبين وضعه ... وسلامتك ... ارجو ان يكون في الموضوع جديه والي عند استعداد يراسلني على الخاص ... قد لا ارد اليوم او بكره لاني بسافر اسلم على الوالده الله يعافيه ... ننتظركم ... |
رد: اريد كم طالب يدخل معي على وكيل الجامعة ....
الله يشدكـ بالقوه أخـوي ..
أي والله ياليته ,, صااارت الـ 30 هاااجس الكل أكثر من النتااائج :000: يالله نستنى فزعة النشاامى :biggrin: بالتوفيق والله يخليلكـ الوااالده .. :106: |
رد: اريد كم طالب يدخل معي على وكيل الجامعة ....
اقتباس:
شكرا اختي على التفاعل ابي لي معي اكبر عدد ممكن من الطلاب علشان يكون فيه تأثير عليهم .. ونوضح له وضعنا إحنا موظفين والوقت محسوب علينا .... |
رد: اريد كم طالب يدخل معي على وكيل الجامعة ....
يعني لو ما استفدت من الــــ 30 درجه رايح يطيح معدلي في الحضيظ ولا رايح استفيد من شهاده تجيني مقبول ..... يعني يا تتعب تعب يستاهل يا ترتاح اصرف لك ...
|
رد: اريد كم طالب يدخل معي على وكيل الجامعة ....
نبي نشوف تفاعل
تكفوووووووووووون يالنشامى |
رد: اريد كم طالب يدخل معي على وكيل الجامعة ....
ننتظر النشامـــــى ووقفت الرجاااااال ,,,:(204)::(204)::(204)::(204):
إن شاء الله تلقى من يوقف معك ,, مروري رنــو |
رد: اريد كم طالب يدخل معي على وكيل الجامعة ....
اقتباس:
رنو اشكرك ... على تفاعلك ونبي نشوف الشباب القضيه ليست شخصيا فقط وانما قضيه الالف من الطلاب والطالبات |
رد: اريد كم طالب يدخل معي على وكيل الجامعة ....
أنا من ناحيتي بوقف معكم بس قووول كيف تبغى وأحنــا قدااام ,,
مثلاً// احنا يالبنات فاكسات وأنتم يالشباب مهمتكم تروحون للجامعه نفسها وتقابلووون المنجر بنفسه ,,, ولا وش رايك ياأخووي؟؟ |
رد: اريد كم طالب يدخل معي على وكيل الجامعة ....
ابشر بسعد شدّ حيلك وحنّا معك وننتظر الباقي من الشباب
|
رد: اريد كم طالب يدخل معي على وكيل الجامعة ....
وهذا أخونـــا المبدع1 جـــاء وننتظر البقـــيه من النشامـــى’’
, :d5::d5::d5::d5::d5: |
رد: اريد كم طالب يدخل معي على وكيل الجامعة ....
اقتباس:
إسمعي وانا اخوك (( ولو ان الامر كتابه مافيه سمع )) انا شخصيا سبق وإن قابلت الدكتور احمد الشعيبي ...رجل طيب واخلاق ومتفهم جدا ومتأكد ان لو جاه معي اقل شي عشره طلاب ان رايح يتجاوب معنا انا ماعندي مشكله اسافر من الرياض إلى الاحساء .... بس ابي ناس يعطوني من وقتهم ساعه فقط ... يدخلوون معي وانا الي بتقدم وتكلم واوضح له الصوره ... وسلامتك وانتم يابنات ارسلو فاكسات على وكيل الجامعة وليس النجار |
رد: اريد كم طالب يدخل معي على وكيل الجامعة ....
اقتباس:
برسل لك رقمي باخاص عساك بالاحساء بس ؟؟؟ |
رد: اريد كم طالب يدخل معي على وكيل الجامعة ....
اقتباس:
مثل ماقلت الشعيبي مايقصر , تذكرت يوم أقوله نبغى اكثر من فرع بالريااض للأختبارات ماقصر ومشى على اللي نبغى ’’ يعني نكلم الشعيبي ونرسله بالبريد ,,, |
رد: اريد كم طالب يدخل معي على وكيل الجامعة ....
اقتباس:
035812658 هذا فاكس مباشر على مكتب الشعيبي |
رد: اريد كم طالب يدخل معي على وكيل الجامعة ....
اقتباس:
اخوي الغالي انت عندك قدره وتكون فاضي الاسبوع القادم يوم الاثنين او الثلاثاء وندخل على الدكتور مع الي بيجي معنا |
رد: اريد كم طالب يدخل معي على وكيل الجامعة ....
اقتباس:
أول ماأصحى برسله ,,, وعسى الله ينولك وينولنا اللي في بالنا ,,, وعن جد هال30 تعبتنا نفسيا ,, بالتوفيق :119: |
رد: اريد كم طالب يدخل معي على وكيل الجامعة ....
اقتباس:
اختي .. جزاك الله كل خير لما مثلا نجيه (( اصلا انا بدخل عليه حتى لو اكون ما معي احد لان إن شاء الله معي ربي )) ويكون عنده خبر بالفاكس سوف يكون عنده انطباع اولي عن المووضوع ... يعني انتي وزميلاتك ... لما ترسلون فاكسات سوف يكون لها تأثير في الموضوع .. والفاكس الي كتبت قبل شوي رقم مباشر على طول للشعيبي |
رد: اريد كم طالب يدخل معي على وكيل الجامعة ....
اقتباس:
اختي الغاليه رنو انا ممكن اليومين هذه ما ادخل النت ... بس الله يعافيك علق على المووضع وتكلمي عني قولي عاشق المجد مستعد بس يبيه له احد معه من الطلاب نجتمع ونتفق على يوم معين وندخل على الوكيل ... بس ابيهم معي والباقي علي وكل شي بيد الله ... إلى اللقاء مساء يوم السبت إن بقاء في العمر بقيه |
رد: اريد كم طالب يدخل معي على وكيل الجامعة ....
:(204):
أبشر بعزززك وماراااح يقصرووون الأعضاء ,,, كلنـــا يدا واحدهـ معااااك ,, |
رد: اريد كم طالب يدخل معي على وكيل الجامعة ....
والله صارت الــ 30 هاجس كل واحد
انا مستعده بس لازم يكون عندى فاكس عشان ارسله ولا كيف لان انا مااعرف شى بالفاكسات :000: |
رد: اريد كم طالب يدخل معي على وكيل الجامعة ....
اذا تقدرون علمونى او احد يعرف يرسل ويرسل لى معه
|
رد: اريد كم طالب يدخل معي على وكيل الجامعة ....
حصلــــنا على المبدع! بيروووح معاك والبـــاقي كثيـــــــــــر بإذن الله ,,,
فق تواصل معهم بالخاااص وخذ أرقامهم علشان تضبط الأمورر معهم ,,, |
رد: اريد كم طالب يدخل معي على وكيل الجامعة ....
اقتباس:
نسقي مع اختك رنو .. |
رد: اريد كم طالب يدخل معي على وكيل الجامعة ....
اقتباس:
يعني نقول 3 بنات بإذن الله بيرسلون للشعيبي , وحصلنا 2 من الشباب بيقابلون النجااار <<<ننتظر تزايد الأعداد ,, الجنه مبتغاي خوذي رقم الفاكس تلقينه بأحد الردود اللي فوووق ,,, |
رد: اريد كم طالب يدخل معي على وكيل الجامعة ....
الزملاء الطلاب المتواجدين بالاحساء
إلى يوم الاثنين أذا صدر بيان من الجامعة حول هذه الكارثه .. او موعدنا يوم الاثنين او الثلاثاء في الجامعة .. |
رد: اريد كم طالب يدخل معي على وكيل الجامعة ....
موفقيييييييين ي ر ب :71::71:
انا معكم ومستعده ارسل للشعيبي عشان يتعدل الوضع :53: الله يكون معكم ي ر ب ويسمعون بس لنا ويتعدل لو شي بسيط :71: وبالتوفيق للجميييع تقبلوو مروري:119: |
رد: اريد كم طالب يدخل معي على وكيل الجامعة ....
ياليت وحده من البنات تتكفل وترسل عنا فاكسات
الله كـــريـــم .. |
رد: اريد كم طالب يدخل معي على وكيل الجامعة ....
يالتني بالاحساء كان اقابله معكم
ان شاء الله شباب الاحساء مايقصرون معكم |
رد: اريد كم طالب يدخل معي على وكيل الجامعة ....
ياعاشق المجد بارك الله فيك الحقيقة أنا أحيك وأحيي الهمه العالية والعزم الشددين لديك التي يمكن أن توصلك إلى القمر والثريا لو أردت ..وهكذا هو المجتهد بل المناضل وأنا من اليوم أنا بسميك الرفيق المناضل
ومن طرفي أنا من أهل الخفجي وتعرف المسافة فوق 500 كم لكن أنا في معاكم في أي عريضة تقدمونها أكتب اسمي فيها ومستعد للتوقيع أو وقع عني بالنيابة مفوضك وأي دعم مالي يغطي تكليف العملية ارسلوا لي رقم الحساب ومستعد للتبرع وإلى الأمام ياعاشق المجد ( مافيك حيلة) |
رد: اريد كم طالب يدخل معي على وكيل الجامعة ....
والله لو انا رجل والله تلقاني قدامك على باب الجامعة بس مالي الا اني اراسل النجار على ايميله :d5:
|
رد: اريد كم طالب يدخل معي على وكيل الجامعة ....
يازقم النملة !!!!!!!!!!!! كلن يقدم مجهوده واستطاعته وكل جهد تبذلينه حسب الإستطاعة فهو مشكور ومقدر
وتري الفاكسات إذا كانت كثيرة لها مفعول أكثر من المقابلة لأنها موثقة رسميا وتظل موجودة بالجامعة أما المقابلة فتنتهي بمجرد مغادرة المكتب شكر الله سعيكم يامجتهدين |
رد: اريد كم طالب يدخل معي على وكيل الجامعة ....
و الله لو ما عندي دوآآآم ، وربي لاكووون معك ’’ و ندخل سوآء ..
بالشمال و اجواء فوق الزفت و فوقن عليها [ دوام ] .. الله يعين ’’ ~ لك علي يالغآلي احرق لك الفاكس احراق .. [ خزنت رقمه و ان شاء الله ببدأ ] .. [ احرصوو يكون من اكثر من اتصال و بأسماء مختلفة بحيث يعرف انهُ هذا الامر يعانو منهُ الجميع ] .. مو طالب و طالبه ـ، او يجيه فاكس او فاكسيين .. احيييك يالغالي على تعاونك الطيب .. بالتوفيق و يالله تياسير امرك .. |
رد: اريد كم طالب يدخل معي على وكيل الجامعة ....
من جـد يـاليت يكون في تعـاون أكثر !! موفقين جميعاً وأنا أن شاء الله راح أشتغل عاالفاكس |
رد: اريد كم طالب يدخل معي على وكيل الجامعة ....
و أنا معكم :mh318:
|
رد: اريد كم طالب يدخل معي على وكيل الجامعة ....
انا ماادري ليش التسرع هذا
اللي ناوين تسوونه هذا يمكن يتسبب في الغاء درجات المشاركة وهذا الشي اكيد راح يضر فئة كبيرة من الطلبة والطالبات اقل شي انتظروا تطلع درجات المشاركة ونشوف قبل الاستعجال ،، |
رد: اريد كم طالب يدخل معي على وكيل الجامعة ....
اقتباس:
ننتظر ونشوف !!! مانبغى نخسر درجات المشاركه بسبب الاستعجال !!! |
رد: اريد كم طالب يدخل معي على وكيل الجامعة ....
أنا معك يا الحبيب ومستعد أجيكم يوم الثلاثاء والاربعاء ..
ولي كم معرفة بالجامعه بس انهم بعمادات ثانية مو بعمادة التعليم عن بعد . أرسل لي رقمك خاص ومن هنا الى يوم الاثنين اذا وجدنا نقص بدرجات المشاركة حنا داخلين نشتكي للشعيبي والنجار ولمدير الجامعه الجندان شخصيا . مو يحطون لنا نظام بلاك بورد قديم وتعبان وشغالين خصم علينا .. هالكلام مايرضي أحد وأنا عندي محرر صحيفة الوئــام , لو احتجتوا موضوع ينشر بالاعلاام . موفقين . |
رد: اريد كم طالب يدخل معي على وكيل الجامعة ....
اخوي انا معكم لكن يعلم الله ان المسافه اكثر من 2000 كيلو انا من تبوك
لكن ارسل لي بالخاص رقمك واتفاهم معك ,,, ياخي لو ادفع معكم ثمن تكلفه او مبلغ رمزي على الاقل اكون معكم وتكفى لا تردني ,,,,, اما عن الجيييييه فأنا والله بعيد حييل |
رد: اريد كم طالب يدخل معي على وكيل الجامعة ....
ابشر بعزك
|
رد: اريد كم طالب يدخل معي على وكيل الجامعة ....
مــــــــــن : طالبات وطلاب جامعة الملك فيصل ( التعليم عن بعد )
إلــــــــــى : سعادة / وكيل عمادة التعليم عن بعد الدكتور أحمد الشعيبي حفظه الله . الموضوع : بشأن طلب الثلاثون درجة كاملة . السلام عليكم ورحمة الله وبركاته .. وبعد ،،، في بداية هذا الخطاب نشكر لكم جهودكم المبذولة نحونا وسعيكم الدائم لتحقيق مصلحة الطلبة والطالبات فجزآك الله عنا خير الجزاء .. أستاذي الفاضل .. لم نرى من شخصكم الكريم إلا كل خير ونحن نطمع في المزيد فأبنائك وبناتك طلبة ( التعليم عن بعد) يرغبونا في الحصول على أعلى الدرجات من خلال دراستهم ونظراً لظروفهم الخاصة البعض منهم لم يتمكن في تحصيل الثلاثون درجة ( بمنتدى الحوار ، المحاضرات المباشرة والمسجلة ، الواجبات) بسبب المشاكل الحاصلة في الدخول إلى نظام البلاك بورد مما أدى إلى التذمر من هذا النظام ،، وعليه فإننا نأمل من الله ثم منكم التكرم بالوقوف معنا لحل هذه المشكلة ومنحنا الثلاثون درجة كاملة لضمان الحصول على أعلى الدرجات ولرفع المعدل قدر الإمكان فهذه رغبة يطمح إليها أبنائك وبناتك طلبة ( التعليم عن بعد) ،، فنحن نفخر بما تقدمونه لنا في سبيل النهوض إلى أرقى المستويات فبارك الله لكم في أعمالكم وسدد بالخير خطاكم . هذا للعلم والإحاطة .. وتقبلوا تحياتنا الطيبة (( أولاً أشكر الأخ الكريم عاشق المجد وجزاك الله ألف خير عنا .. الأخت رنو شكراً لك يالغلا على تبليغي بموضوع الثلاثون درجة وأنا معكم راح ارسل فاكس وكتبت لكم نص الخطاب أتمنى كلنا نرسل نفس الصيغة إلا اذا في تعديل فأنا حاضرة وما عندي مشكلة أو أي أحد يكتب الصيغة ونرسلها ،، وأنا من مؤيدة لرأي الأخ سمو مانستعجل بارسال الفاكس ننتظر ونشوف الدرجات بعدين نرسل لأن ممكن أنهم يلغونها وهذا الأمر مو في صالحنا أبداً نحدد يوم والكل يرسل فيه .. لكم تحياتي ودعواتي بالتوفيق )) |
| All times are GMT +3. الوقت الآن حسب توقيت السعودية: 02:26 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه