|
مساعده يا اخوان للاختيار الخطه للمستوي الثالث
السلام عليكم ورحمه الله وبركاته اخواني الاعزاء انا عندي ثلاث مواد بالخطه للمستوي الثاني ما اخذتها وهي : فقه السيرة بناء وتطوير المناهج مهارات البحث التربوي ===================================== وهذه للمستوي الثالث اللي بالخطه وهي : علم نفس التربوي مهارات التفكير تطبيقات الحاسب في التعليم مدخل إلى تربية الموهوبين مقدمة في تأهيل ذوي الاحتياجات الخاصة الصحة النفسية لذوي الاحتياجات الخاصة مدخل إلى الإعاقة العقلية الأخلاق الإسلامية وآداب المهنة التربية الخاصة في المملكة الأن انا في حيره بجد وش اخذ مواد انا ودي 6 مواد فقط ما ابي اثقل على نفسي بحكم الدوام والاهل مافي وقت بجد عندي وش رايكم ابي منكم المساعده !!! |
رد: مساعده يا اخوان للاختيار الخطه للمستوي الثالث
وعليكم السلام ورحمة الله وبركاته
انصحك تاخذ الاعاقة العقلية والتربية الخاصة مواد حلوة وسهله اما باقي المواد ماعندي خلفية عنها المهارات المادة يبي لها متابعة وفهم البناء ان شاءالله ناويه اخذه المستوى الجاي اما فقه السيره محتاره فيه |
رد: مساعده يا اخوان للاختيار الخطه للمستوي الثالث
هلا بندر
المهارات نصيحه لا تاخذه يبي له وقت :(177): |
رد: مساعده يا اخوان للاختيار الخطه للمستوي الثالث
اقتباس:
الله يجزاك خير ريحتيني بجد في ردك وانتظر البقيه عشان ودي لما اختار المواد اتابعها وشوف ملخصاتها تحياتى لك |
رد: مساعده يا اخوان للاختيار الخطه للمستوي الثالث
اقتباس:
حتي ماده البناء يشتكووووووون الله يجزاك خير ويوفقك |
رد: مساعده يا اخوان للاختيار الخطه للمستوي الثالث
الفقه والسيرة من اسهل المواد صدقني
البحثالتربوي يبي متابعة وتركيزلان في اشياء تتشابه وتلخبط البناء هو ام اللخبطة لا تفوت على حالك الفقة لانه اسهل من الماء |
رد: مساعده يا اخوان للاختيار الخطه للمستوي الثالث
فقه حلووه مره توكل على الله وخذها
والبناء خوفوني منها بس الحمدالله اسئله الدكتور حلووه وسهله :119: الله يكتب لك اللي فيه الخير المهارات تخوف ويبي لها فهم خصوصا ان الدكتور مايشرح |
رد: مساعده يا اخوان للاختيار الخطه للمستوي الثالث
فقه السيرة
مراجعه لسيرة الرسول وغزواته الي اخذناها بالابتدائي بالمختصر مادة سهله وماتحتاج الالتصفح بناء وتطوير المناهج المنهج صعب ومتشابه لكن اسئله الدكتور رووووعه مهارات البحث التربوي غثيثه بمعني الكلمه هي ودكتورها:(177): |
رد: مساعده يا اخوان للاختيار الخطه للمستوي الثالث
رتب وضعك بحيث يكون عندك السهل والصعب
وطبعا الصعب بالمتابعه يسهل بإذن الله لانك لو خليت الصعبه راح تتجمع عليك بالنهاية وبتصعب عليك المذاكره فانتبه لهذي النقطه ربي يوفقك |
رد: مساعده يا اخوان للاختيار الخطه للمستوي الثالث
اقتباس:
:(204)::(204): |
رد: مساعده يا اخوان للاختيار الخطه للمستوي الثالث
اقتباس:
والله يعطيك العوافي |
رد: مساعده يا اخوان للاختيار الخطه للمستوي الثالث
نصيحه دامها ست مواد تخلص الغثيثات بناء ومهارات علم النفس التربوي مقدمه في تأهيل ذوي الأحتياجات الخاصه الصحه لذوي الأحتياجات الخاصه وخل لك ماده سهله تربيه خاصه أو مدخل للأعاقه العقليه أو تربية الموهوبين أنا أخذت تربيه خاصه ومدخل للأعاقه العقليه ماي سهله موادك شوي وتقدر ترفع معدلك لأن مافيه ضغط
|
رد: مساعده يا اخوان للاختيار الخطه للمستوي الثالث
اقتباس:
وتوكلنا على الله بالفقه والسيره واحتمال اخذ البناء |
رد: مساعده يا اخوان للاختيار الخطه للمستوي الثالث
اقتباس:
هذا ما افكر فيه انا بسووووويه ان شاء الله السهل والصعب تسلمين على النصيحه |
رد: مساعده يا اخوان للاختيار الخطه للمستوي الثالث
اقتباس:
اشكرك على المرور |
رد: مساعده يا اخوان للاختيار الخطه للمستوي الثالث
خذ باقي مواد مستوى 2
و3 مواد من مستوى 3 التاهيل وعلم نفس التربوي صعبات باقي المواد اوكي بس نصيحه رتّب موادك ع حسب جدول الاختبارات يوم اختبار ويوم اوف |
رد: مساعده يا اخوان للاختيار الخطه للمستوي الثالث
فقه السيره مايحتاج للمحاضرات المسجله
اما البناء والمهارات فهم ولازم محاضرات انا مااخذتهن بس مابي اجلها اكثر ان شاء الله باخذهن |
رد: مساعده يا اخوان للاختيار الخطه للمستوي الثالث
اقتباس:
انا لا بد اخذ الغثيثات اليوم او بكره ولكن احنا بنمشي على الخطوه نص صعب ونص سهله عشان النفسيه ههههههههههههههههه يسلموووووو على النصيحه |
رد: مساعده يا اخوان للاختيار الخطه للمستوي الثالث
اقتباس:
يا هلا ومسهلا همووووووووس ان شاء الله بتقيد با الايام تبع الاختبارات عشان ما يكون هناك ارعااااااااااق واكيد يوم اختبار ويوم راحه عشان استوعب للمذاكره وللحفظ واشكرك على المرور لتصفحي ونصيحتي تحياتى لك |
رد: مساعده يا اخوان للاختيار الخطه للمستوي الثالث
اقتباس:
اجل ان شاء الله باخذ الفقه والسيره واشكرك على التوضيح لها الماده بالتفصيل الله يوفقك يا شيخه تحياتى لك |
رد: مساعده يا اخوان للاختيار الخطه للمستوي الثالث
2 مرفق
بندر
بالمرفق مجلد فقه السيره واسوره جمعت اسئله هالسمستر |
رد: مساعده يا اخوان للاختيار الخطه للمستوي الثالث
اقتباس:
يسلمووووووووو همووووووس والله يعطيك العووووافي بجد احرجتيني بكرمك |
رد: مساعده يا اخوان للاختيار الخطه للمستوي الثالث
الله يعافيك
ولوو ماسويت شئ شد حيلك وارفع معدلك :(204): |
رد: مساعده يا اخوان للاختيار الخطه للمستوي الثالث
هلا فيك اخوي
نصيحه اخذ بس 5 مواد انا باخذ بناء وتطوير المناهج التربيه الخاصه في المملكه مدخل الاعاقه العقليه مدخل التربيه الموهوبين وفقه السيرة وبسسسسسسسسسسس لااكثر حنا انتساب وقاعدين بالبيت ليه نحاتي متى نخلص جعل مانخلص الجامعه الاثمان سنين مافي مشكله |
رد: مساعده يا اخوان للاختيار الخطه للمستوي الثالث
اخذ التربيه الخاصه في المملكه +والاعاقه العقليه سهل وحلو انا اخذته هالترم+ وعلم نفس التربوي بعد اكيد حلو +ومهارات البحث +وفقه السيرة +والبناء هذي المواد اغلبها سهله
|
رد: مساعده يا اخوان للاختيار الخطه للمستوي الثالث
بندر بما انك بتاخذ ست مواد بس
خل بينها اقل شى مادتين صعبه :(204): لا تخليها كلها سهله |
رد: مساعده يا اخوان للاختيار الخطه للمستوي الثالث
سمع راي هتااااااااااااااااااان:(204)::(204):
|
رد: مساعده يا اخوان للاختيار الخطه للمستوي الثالث
الحمدلله انا اخذت المواد ألي بالخطه كلها وما واجهت صعوبه باي ماده الا البناء والتطوير نصيحه لاتاخذه الا لمن يتغير الدكتور الله يسامحه على ألي سواه فينا
كل المواد الباقيه سهله وحلوه واذا تبي تذاكرها لاتتعب نفسك وتدرس المحتوى ملخصات هتان جزاه الله الف خي كافيه ووافيه هذا رايي فقه السيره ماده روووعه |
رد: مساعده يا اخوان للاختيار الخطه للمستوي الثالث
لاتستصعب المواد دام انك متابع اول باول
عني اخذت الموهوبين والاعاقه العقليه ...مره حلوين وسهلين حيل بالذات الموهوبين محتواه قليل والاعاقه العقليه كلها معلومات درسناها المستوى الاول بس بشكل موسع حبتين عني باخذ 3 مواد الي ماخذتهم من ثاني ...مهارات...فقه...بناء.. وباخذ ياخمس او 6 مواد من ثالث بطلع عليهم اول وبعدها بختار .... |
رد: مساعده يا اخوان للاختيار الخطه للمستوي الثالث
|
رد: مساعده يا اخوان للاختيار الخطه للمستوي الثالث
اسمع وانا اخوك مدخل الاعاقة العقليه مثل الماء جدآآآ سهل
ومدخل الي التربيه والموهبين << سهل هذا الي اقدر افيدك فيهم بس با التوفيق |
رد: مساعده يا اخوان للاختيار الخطه للمستوي الثالث
بختصاار شديد روح ايقونة تسجيل المقررات وختار المستوى وبيطلع الجدول حق الاختباررا الي اعرفه انها ذابت ما تغير من العااام واختار المواد على حسب الجدول الي يناسبك وان شاء الله يفتحون ترم صيفي وترتاح من المواد 3
|
رد: مساعده يا اخوان للاختيار الخطه للمستوي الثالث
نصيحة أخت لاخوانها
اللي ما أخذ فقه السيرة يأخذها والله حلوة وسهلة ولاتحتاج متابعة احفظ المحتوى وبس أما البناء والمهارات لازم متابعة عشان تفهم والله يختار اللي فيه الخير مــــــوفقيــــــــــن باذن اللــه:106::106: |
رد: مساعده يا اخوان للاختيار الخطه للمستوي الثالث
الاعاقة العقلية انا اخذتها حييل حلوة
اما البقية ماخذتهم يعني عندي 10 مواد اتخيير بينهم 2 من مستوى 2 و8 مستوى 3 والاعضاء ماقصرو جاوبك وعلى الجدول رتب امورك وربي يسهل |
رد: مساعده يا اخوان للاختيار الخطه للمستوي الثالث
المشكله يابندر لازم نعرف جدول اختبار لسنة القادمه مشان مايكون فيه تعارض في المواد ونحسم امرنا في اختيار المواد بنسبة لمسوى ثالث اخذت مدخل الاعاقه العقليه والتربيه الخاصه بلمملكة وانصحك فيهم مواد سهلين مررره
|
رد: مساعده يا اخوان للاختيار الخطه للمستوي الثالث
أنا أخذت مواد المستوى الثاني الحمد لله فيها السهله مرررره
وفيها السهله لكن يبي لها تركييييييييييز مرررررره ،،وأصعب ماده مهارات البحث التربوي إن شاء الله أعدي منها الله يسامح الدوغان على ذيك الأسئله إلي مدري ليش حاطها فأنصحك إذا تبي تاخذها تشد حيلك فيها من البدايه ،،وربي يسهل عليك وعلى الجمييييييع يااارب |
رد: مساعده يا اخوان للاختيار الخطه للمستوي الثالث
انا من راي خذ من ثالث مثل ماقالوا لك الاعاقه .. والتربيه
ومن ثاني ... فقه جد سهل ومافي اي صعوووبه ..ويجي بالمرتبه الاولى بالنسبه لي .. مهارات البحث .. الماده حلو ومابها تعقيد وصعووبه .. بس الاسئله صعبه وملخبطه << مااقول الا الله يسامحه والبنــــــاء الحمد الله احمد ربي اني اخذتها .. الماده مو مررره صعبه مثل ماالكل يقوول انا اشووووفها سهله لو ذاكرتها من بدري يعني قبل الاختبار باسبووع او اسبوعين .... واسئلته مو صعبه بالعكس واااااضحه وحلوه وانت شفت الاغلب ماااادحها ومو سابها ويحمد ربه انه اخذهــا هذا بالنسبه لي ... والقرار الاخير بيدك .... والله يوفقك ويسهل عليك يااارب ... :love080::love080: |
رد: مساعده يا اخوان للاختيار الخطه للمستوي الثالث
انا اقول يا بندر اعقلها وتوكل اذا راح تسمع الكلام اللي ينقال راح تتعب اهم شيء انا اخوك شوف الجدول وضبط امورك يعني سدد وقارب مزيج من السهل والصعب وفي الأخير راح ترتاح ..بالنسبه لمادة الفقه سهله جداً ودكتورها رائع .. بناء وتطوير المناهج اسلتها يبيلها تركيز شوي يعني لازم تذاكر الماده قبل الأختبارات بأسبوعين علشان يكون عندك ألمام جيد فيها لأن دكتور الماده يضع الأسئله والأختيارات قريبه للأجابه الصحيحه يعني اذا مو مركز راح عليك السؤال .. المواد الثانيه افادوك فيها الأعضاء والله يسهل امرك وامرنا جميعاً .
|
رد: مساعده يا اخوان للاختيار الخطه للمستوي الثالث
الله يعطيكم الف الف الف عااااااااافيه
جميعآآآآآ ،،،،،، فردآ فردا نصايحكم باخذها في عين الاعتبار وبجد أفادتني الكثير والكثير للي لي والا على اخوي هتاااان : ابشر باخذ كذا مادتين او ثلاث صعوبه والباقي سهلات لكي يكون هناك توازن واشكرك يا غلاهم أمبشن : اشكرك على النصيحه وعلى دعمك لي بالرابط وبالفعل بستفيد منه الكثير واشكر البقيه اسم اسم على دعمهم لي والله يوفقكم يارب وتاخذون المعدلات اللي تثلج الصدر يارب تحياتى لكم |
رد: مساعده يا اخوان للاختيار الخطه للمستوي الثالث
بعد ماراجعت مواد مستوى ثالث
قررت مايلي<<<<قرار حكومي حشا :biggrin: اول شي اكيد اني باخذ المواد الثلاث الي تركتهم من ثاني الي هم ..فقه وبناء ومهارات وباخذ من ثالث مايلي: <<<<:biggrin: الاخلاق الاسلاميه وآداب المنه<<<<لازم افتك من كل مواد الدين لاني موفالحه فيها :biggrin: تطبيقات الحاسب الالي مهارات التفكير هذي المادتين سهلات مقدمه في تاهيل ذوي الاحتياجات الخاصه ...هذي حليوه يبيلها تركيز يعني علم نفس تربوي :(204): التربيه الخاصه في المملكه هذي حلوه بعد :(204): هذي تسع مواد واذا صار في تعارض في اي ماده باخذ بدالها من رابع يعني المستوى الجاي ناويه على 9 مواد على خير :(204): موفق اخوي بندر |
رد: مساعده يا اخوان للاختيار الخطه للمستوي الثالث
الحكم بصعوبة المادة او سهولتها تختلف من طالب وثاني حسب الفروق الفردية بس نصيحه ولك الحكم الاخير .. لا تتردد بأخذ الصعب وخاصه مهارات البحث التربوي يبي له متابعه وتركيز وخلطها بالسهل مثل فقه السيرة سهل جدا، أ ما بناء طويل ويبي تركيز .. موفق
بس الله يسهل من سهل علينا ويصعب حياة من صعب علينااا .. اللهم آمين .. |
| All times are GMT +3. الوقت الآن حسب توقيت السعودية: 03:54 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام