ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   ملتقى طلاب التعليم عن بعد جامعة الملك فيصل (https://vb.ckfu.org/forumdisplay.php?f=183)
-   -   بنــات الخبــر2 في مجمع السلام .. لازم يشوفون لنا حل .. (https://vb.ckfu.org/showthread.php?t=185957)

لــوســي 2011- 5- 30 12:48 AM
بنــات الخبــر2 في مجمع السلام .. لازم يشوفون لنا حل ..
 
السلام عليكم ..

بنات الخبــر 2 .. اللي أختبروا بمجمع السلام التعليمي ..

لازم نشتكي ..


هذه مو حاله .. وهذه مو بيئة أختبار ..

..

طبعا للي ما أختبر هناك بأقول لكم مواصفات مركز الأختبار ..
..

مكان الأختبار :

عباره عن مسرح كبير.. بكراسي صغيره وطاولات جانبيه صغيره تسحبها

والكل أعتفس داخلها .. وقعدنا نص ساعه وحنا نتنظم ونترتب ..

تعالوا هنا .. لا روحوا هناك ..



...
أماكن الجلوس :

كراسي ملتصقه ببعض تماما .. يعني ذراعك لما تكتب يصقع في اللي جنبك ..

لأنه مو مكان دراسه هي مسرح للجلوس والمشاهده فقط ..

الطاوله تقريبا حجمها زي حجم ورقة بس بشكل مربع
..

لما يجي أحد يبي يمر من جنبك ويجلس في كرسيه .. أو يبي يخرج خلص الأختبار

لازم يطيح معاه كل أغراضك بالأرض ..

الآله الحاسبه في حضني .. والورقه كل أشويه تطيح ..
..

الأضـــــــاءه

.. وما ادراكم ما الأضاءه ..

أضاءه رومانسيه صفراء زي اللي تنحط في غرف النوم .. وأماكن المساج والأسترخاء ..

كأنها شموع .

ولما قلنا لهم .. قالوا بنولع انوار الحين ..

وفتحوا ذيك الأنوار .. كشافات صفراء زي اللي بالشوارع ..

وموجهه على عدد محدد من الطالبات ..

قعدوا يصارخون أنعمينا طفوها .. وأحنا نقول لا نبي نشووف ..

..

مافيه تنظيم فوضى من جد وضيعوا وقتنا وهم يرتبون وين نقعد
..

مافيه مقصف .. مافيه مكان نقعد فيه بين الفترتين مافيه الا الأرض ..

وش أقول وش أخلي ..

أنسدت نفسي من الأختبار والله ..


اغليكـ بسكات 2011- 5- 30 12:54 AM
رد: بنــات الخبــر2 في مجمع السلام .. لازم يشوفون لنا حل ..
 
هههههه حللوه سالفة الانوار:lllolll:
الله يعينكم من جد يلا كلها فتره وتعدي

سما الروح 2011- 5- 30 01:07 AM
رد: بنــات الخبــر2 في مجمع السلام .. لازم يشوفون لنا حل ..
 


وعليكم السلام خيتو لوسي

حاولي اذا فيه مجال تتكلمي مع المشرفه ترتب الوضع قبل مايتواجدون الطالبات ..
لازم تكون بيئة الاختبار مهيئه من كراسي وطاولات واضاءه ..

احنا بالدمام بالعاشره وضعنا زين,,بس اللي يخرب علينا صراخ المراقبات :017:
جننونا بأصواتهم العاليه يعني الوحده اذا مو متوتره تتوتر غصب من صراخهم
ليش ينادون بعض بصراخ ماااادري :41jg:
الله يعينا عليهم :(107):

خيتو لوسي مثل ماقلتي لازم تشتكي
لانه مو معقول تضلو على هالحال لحد ماتنتهوا من الاختبارات ..

الله يوفقكم ويسهل عليكم يارب .

لــوســي 2011- 5- 30 01:25 AM
رد: بنــات الخبــر2 في مجمع السلام .. لازم يشوفون لنا حل ..
 
أشتكينا .. وكل البنات أشتكوا .. مافيه

قلنا لهم طلعونا الفصول .. في فصول في الطابق العلوي

قالوا لاااا .. الجامعه هم اللي اختاروا تختبرون في المسرح ..

يقولون الفصول الكراسي فيها صغيرة حقت أبتدائي ..

يانااس خلونا من الكذب ..

المدرسه عباره عن مجمع متكامل .. أبتدائي ومتوسط وثانوي ..

يااازين أيام الحماد ..:Cry111:

آآآآآآه يااازينها .. فصل بأضاءه بيضاء مريحه للعين وطاولات وكراسي زي الأوادم

وندخل الفصل والأوراق جاهزه على الطاوله ..


هناك نقعد وننتظر حوالي ربع ساعه وهم يوزعون اوراق الأجابه ..

وربع ساعه وتجينا اوراق الأسئله ..

عفسه .. وفوضى .. :mad: .. أطااااالب أنهم يطلعونا فصول المتوسط والثانوي ..

المسرح مسخـــرره من جد ..

ήŏOηiтɑ 2011- 5- 30 12:22 PM
رد: بنــات الخبــر2 في مجمع السلام .. لازم يشوفون لنا حل ..
 
^
الله يعينكم من جد ضاق صدري عليكم :icon9:

وبعدين مو من جدهم الجامعه مختاره مكان مثل كذآ ..!! (( مسرح )) عشان يختبرون فيه البنات :mad:

احححنا بالمتوسطه 12 بالدمام ..
صحيح المدرسه صغيرا والكراسي اللي برا قليله ونص البنات جالسين بالارض وعلى الدرج
بس وربي مرتاحين .. القاعات منظمه والانوار سليمه والاحسن من كذا مافيه حشر طالبات بالقاعات :(204):

اذا ماعاد بقى إلآ شووي وتخلصين يالووسي ..
خلاص تصبري والله يعينج .. واذا مطووله

حاولو فيهم او كلمو الاداره

الله يوفقكم ويعينكم يَ رب

رواسي R 2011- 5- 30 01:11 PM
رد: بنــات الخبــر2 في مجمع السلام .. لازم يشوفون لنا حل ..
 
زين اني بالحماد أجل , أبسسألك الي بالسسلام كلهم قسم اداره اعمال ؟؟

Rozee 2011- 5- 30 01:47 PM
رد: بنــات الخبــر2 في مجمع السلام .. لازم يشوفون لنا حل ..
 
توني ادري انهم قسمين فى الخبر !!
الله يعينكم

siham 2011- 5- 30 10:30 PM
رد: بنــات الخبــر2 في مجمع السلام .. لازم يشوفون لنا حل ..
 
كلموا الدكتور النجار ، عشان يشوف لكم حل

لــوســي 2011- 5- 30 11:00 PM
رد: بنــات الخبــر2 في مجمع السلام .. لازم يشوفون لنا حل ..
 
أنا الحين كتبت هالموضوع من البارح .. بس ماحد من بنات المركز اللي معي تفاعل ..

أنا لحالي أشتكي يعني ؟؟

أرسلت رساله لعمادة التعليم الألكتروني وشرحت فيها الحاله المزريه ..

وأن شااء الله يردون علي ..

أم ليــــان 2011- 5- 31 01:14 AM
رد: بنــات الخبــر2 في مجمع السلام .. لازم يشوفون لنا حل ..
 
الله يكون بعونكم

احنا بمدرسة الامير فيصل بن فهد الدمام 3

تعامل المراقبات رائع مافي كلام

لكن على قولك الكرااسي والطاولات صغييره لان المدرسه ابتدائي والله انقصت ظهورنا

ولازم العمود يكون فيه 20 طاوله فيرصونا رصصصص كننا بكيس تمر :000:

والاضاءه في الفصول ماعليها كلام بس الي في المسرح الي فوقي كانت تطفي وتشتغل والانوار صفرا باااهته

بس مانقول الا الله يعديها على خير

الترم الي فات اختبرت بمقر الجامعه في الاحساء

ترتيب ونظااااام على ان البنات يشوفون ان الوضع حلو في المدرسه بس من بعد الجامعه وترتيبها

انا اشوفه غير مرضي ميه ميه

لــوســي 2011- 5- 31 06:49 PM
رد: بنــات الخبــر2 في مجمع السلام .. لازم يشوفون لنا حل ..
 
سبحاان الله .. :mh001:

اليوم رحنا وفي تغييرات حللوة ..

الترتيب أختلف والفصول فتحوها بالأضافه للمسرح ..

والمسرح ماصار في تحشير للطالبات

بين كل طالبه والثانيه كرسي فاضي ..

وجابوا كراسي وطاولات أضافه للمسرح للحوامل واللي عندهم مشاكل ..

يعني في تحسينات حلوه ..

صحيح ان الوقت عندهم ببلاش وما أستلمنا الأوراق الا الساعه 4 ..

لكن مو مشكله لأن الأختبار ماكان يبي له وقت طويل

أن شاء الله بكره في الأقتصاد مايتساهلوا بالوقت ..

عقبال الأضاءه نلاقي لها حل

ســ ليل ــوالف 2011- 5- 31 07:40 PM
رد: بنــات الخبــر2 في مجمع السلام .. لازم يشوفون لنا حل ..
 
هههههههه
بالنسبه لي مريح
بس المشكله بالطاوله والكرسي حسيت بالطفوله
الي بداخل القاعات الكبيره الله يعينهم

لــوســي 2011- 5- 31 08:07 PM
رد: بنــات الخبــر2 في مجمع السلام .. لازم يشوفون لنا حل ..
 
ماطلعت الفصول .. تمنيت ان اسمي مو موجود بالمسرح عشان الأضاءه ..

بس طلع اسمي هونااك ..

بس بعد بكره ان شاااء الله أطلع الفصول ...

ســ ليل ــوالف 2011- 5- 31 08:10 PM
رد: بنــات الخبــر2 في مجمع السلام .. لازم يشوفون لنا حل ..
 
ااطلبواطلبه مكان واحد وبس من يوم اختبارهم لنهايته
الا اذا عندك واسطه شي ثاني :)

ســ ليل ــوالف 2011- 5- 31 08:11 PM
رد: بنــات الخبــر2 في مجمع السلام .. لازم يشوفون لنا حل ..
 
للتعديل
اخبر للطالب
المعذره المشكله بالايباد > قالو ميزه قلت إحراج

حلم ملوك 2011- 5- 31 08:15 PM
رد: بنــات الخبــر2 في مجمع السلام .. لازم يشوفون لنا حل ..
 
الله يعينكم

ήŏOηiтɑ 2011- 5- 31 08:20 PM
رد: بنــات الخبــر2 في مجمع السلام .. لازم يشوفون لنا حل ..
 
ألف ألف ألف مبرؤؤؤؤؤؤؤك :mh001:

زين غيرووو لكم :biggrin: شكلج يالوسي عندج واسطه :cheese: مثلي :cool: <~ منآك بس :biggrin:

لــوســي 2011- 5- 31 08:43 PM
رد: بنــات الخبــر2 في مجمع السلام .. لازم يشوفون لنا حل ..
 
لا واسطه ولا شي ..

بس أعتقد المراقبات اللي طلبوهم .. اي واحد عنده عيون يشوف العفسه اللي كنا فيها

أو يمكن من الخطاب شديد اللهجه اللي كتبته للعماده على ايميلها وشرحت فيه الوضع ..>> اذا شافوه اصلا:biggrin:

وكتبت فيه انه بأسم كل الطالبات في المركز.. مع ان ولا وحده قالت لي أتحدث بأسمها .. :biggrin:

Иσŋι 2011- 6- 1 08:26 AM
رد: بنــات الخبــر2 في مجمع السلام .. لازم يشوفون لنا حل ..
 
الله يعينكم:icon9:

وين بنات الخبر2 يشتكون وياج مايصير انتي بروحج:icon9:

بالتوفيق

لــوســي 2011- 6- 3 06:28 PM
رد: بنــات الخبــر2 في مجمع السلام .. لازم يشوفون لنا حل ..
 
قفلووووا المسرح .. وفتحوا لنا الفصول .. وكل شي زي الفل:(204): ..

الحمد لله .. :d5:

الخبر 499 2011- 6- 3 08:37 PM
رد: بنــات الخبــر2 في مجمع السلام .. لازم يشوفون لنا حل ..
 
.. ماعليه ماعليه تحملي .. وش تسوين :(

وانا كمان في مجمع السلام .. بس قسم اولاد .. بس الفرق بينا وبينكم .. ان احنا عندنا مجال للكتابة . وتاخذ راحتك في الكرسي .. لان يمينك .. وشمالك يكون كرسي فاضي تاخذ راحتك على الاخر ...


وشدي حيلك . هذا اهم شي ..


All times are GMT +3. الوقت الآن حسب توقيت السعودية: 01:02 AM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه