ياخوان كيف نظام الانتساب المطور ؟؟
 

السلام عليكم .

ياخوان انا قررت افصل من جامعة الملك عبدالعزيز واسجل عندكم . كيف نظام الانتساب المطور في جامعة الملك فيصل وهل تأيدوني


هل حين التسجيل هل ارسل ارواقي لهم على اي شركة .؟
وهل لابد تكون الشاهدة مصدقه من ادارة التربيه والتعليم ؟
وهل لابد اتابع المحاضرات على النت يوميا ؟؟


وول ترم وش راح يعطوني مواد ؟؟

ياليت تفيدوني <<< متقروش :(107):

رد: ياخوان كيف نظام الانتساب المطور ؟؟
 

:119:هلا بجاوبك على سؤالين فقط لان الباقي مدري يمكن الاخوان يفيدونك
وهل لابد اتابع المحاضرات على النت يوميا ؟؟

لا كل اسبوع راح تنزل لك محاضرة مسجله طيب ولازم تحملها او تسمعها عشان تاخذ الدرجه مجموع المحاضرات 14 محاضرة مقسمه على 14 اسبوع
اذا كانت عندك محاضرات مباشره ذيك االساعه لازم تحظرها عشان تاخذ الدرجه او اذا ظروفك ماسمحت لك انك تحظرها لايف قصدي مباشر راح تنزلك مسجله وراح تاخذ الدرجه كمان طيب
وول ترم وش راح يعطوني مواد ؟؟

اول ترم راح ينزلونلك المواد تلقائي من الجامعه نفسها انت ماتختار اوك وبس اتمنى الاخوان يفيدونك اكثر

رد: ياخوان كيف نظام الانتساب المطور ؟؟
 

وأي استفسااااااااااار نحن بالخدمه
على فكره عجبتني كلمه متقروش ذكرتني ببطاطس ليز بالملح مدري ليه:hahahahahah:

رد: ياخوان كيف نظام الانتساب المطور ؟؟
 

أهلاوسهلا ببندر..
اهلا بك بكوكب الفيصلي
حللت اهلا ونزلت سهلا:106:
...
بصراحة وبدون مقارنه مافي مثل جامعتنا..
نظام الانتساب المطور مازال جديد ...اكبر دفعة الحين مستوى رابع.
النظام لايخلو من بعض المشاكل الطفيفة بسبب حداثة النظام بعض اخطاء بالانظمة ولكن سرعان ماتتداركها الجامعة وتسعى لحلها جاهدة.. بالمقابل هناك تعاون من الجامعة وتسهيلات ومراعاه لطلابها..
لدينا نظام ال30درجة تحصل عليها قبل الامتحان والامتحان عليه 70درجة اختياري من متعدد
نظام ال30درجة
موزع 10درجات على الواجبات اختيار من متعدد..هناك بالترم كامل ثلاث واجبات لكل مادة
وهنا الطلبه متعاونين بحل الواجب ماعليك سوى نسخ ولصق ..اومايحتاج تشوف من هنا الصح لانه اختياري وتحله.وبتضمن 10درجات
وهناك 10درجات على المشاركة
المشاركة بمنتدى يطلق عليه نظام منتدى الحوار..متوفربالنظام الذي نتابع به محاضراتنا نظام البلاك بورد...
سواء كان موضوع او رد حتى لوتكتب يعطيك العافية بتاخذالدرجة...عدد المشاركة بكل مادة طيله الترم14مشاركة تشمل المناقشات ينزلها بعض الدكاترة بشكل اسبوعي سو نسخ ولصق من الاجوبه الموجودة بالمنتدى امامك وفالك الدرجة الكامله:tongue:<<حدد لهااوقات زمنية ولكن قبل اسبوعين استفسرت من العميد وقال بسبب ظروف المنتسبين سيتم المراعاة والتدريج ومفتوح على حد كلامه تشارك كل شهر ..
ويتساهلون كثير ..لاتخاف.
اماالمحاضرات عليها10درجات
موزعة على المحاضرات المسجلة للمقرر سوا ءسمعتها او حملتها ستحصل على الدرجة وهناك محاضرات مباشرة لاتتجاوز الاثنتان اوالثلاث بالترم ان حضرتها مباشرة ستحصل على الدرجة وان لم يكن ذلك لامانع من حضورها عندما تنزل مسجلة وستجل لك نفس الدرجة يعني درجاتك لن تضيع..<<ماتخفش:tongue:
موشرط تسمعها اسبوعيا اويوميا لوشغلتها وماتسمعها انت حر اهم شيء تاخذ الدرجة
مفتوح لك سماعها الى ماقبل الاختبارات قبل تثبيت درجات 30درجة
.......
بالنسبة للتسجيل تابع الموقع الرسمي للجامعة التقويم الزمني اوهنا بالملتقى وستجد موعد التسجيل ..
تسددعن طريق بنك الرياض .
ورسومنا اقل رسوم مقارنة بجامعة عزوز.
لدينامراكز اختبارموزعة بجميع مناطق المملكة وبعض دول الخليج <<<<والعقبى يفتحوا لنا مراكز ببيوتنا:cheese:
والمفاجأة ماتدفع على المراكز رسوم .
اختبربالمكان الذي تريد:biggrin:
بالنسبة لارسال الوثاثق عن طريق البريد .
بالنسبة للمواد ..لاول ترم
اذاتقصد السنة التحضيرية
مدة الدراسة 4سنوات
كلية ادراة الاعمال مافي سنة تحضيرية على طول تدرس مواد التخصص
رياضيات ..الاقتصاد الجزيء...قانون ..مبادئ ادارة الاعمال...محاسبة<<مواد اول ترم ولوحاب تتعمق بمواد هالقسم زور قسمهم هنا بالملتقى واطلع على مناهجهم...

واخيرا..اتمنى وفقت في اجاباتي
لاتنسى الاستخارة ثم الاستشارة:g2:
وفالك التوفيق
:106::106:
رحيق

رد: ياخوان كيف نظام الانتساب المطور ؟؟
 

رد: ياخوان كيف نظام الانتساب المطور ؟؟
 

اخوي
بنيدر اصبر وانااخوك

خلني بعد الاختبارات اعلمك

كاني نجحت قلت سجل

وكاني رسبت قلت انحش

<<<<<<<<<<<<صاير مستشار المستوى الاول ههههههههههههههه

تحياتي لك ياولد عون
اخوك
شاعر رايق

رد: ياخوان كيف نظام الانتساب المطور ؟؟
 

حول وبدون تفكير :biggrin:



بسسس ماوصيك لاتنسى صلاة الاستخاره وبانتظارك زميل مجتهد نقتدي به:106:

رد: ياخوان كيف نظام الانتساب المطور ؟؟
 

:106:والله افضل لك تسجل في هالجامعه لان النظام حلو مره ويساعد ..

لك 30 درجه لكل ماده قبل الاختبار ويبقى عليك بس 70 على الورقه ..

غير كذا من ناحيه المحاضرات المسجله على حسب المواد بعضها تحتاج استماع ومشاهده عشان تفهم الماده
وبعض المواد والله نفس اللكلام الي في المحتوى مايحتاج تشوفها ..

لكن انت عليك تحملها كذا ولا كذا لازم تحملها عشان تنحسب لك درجات ..

بالاضافه الى تحميل المحاضرات المباشره ..عشان تنحسب لك درجات بعد

ثم تشارك في منتدى الحوار وتحل المناقشات ..

وتحل بعد الواجبات ..

وكل الي قلته فوق بس تنسخ وتلصق مايحتاج حتى تفتح الكتاب :lllolll:

وبس لو سويت الي قلته فوق راح تاخذ 30 درجه للكل ماده يبقى عليك الاختبار .

وطبعا اول شي استخير وربي يوفقك يارب ويختار لك الي فيه الخير

رد: ياخوان كيف نظام الانتساب المطور ؟؟
 

هل حين التسجيل هل ارسل ارواقي لهم على اي شركة .؟

ترسلها على البريد طبعا
وهل لابد تكون الشاهدة مصدقه من ادارة التربيه والتعليم ؟


مافهمت

رد: ياخوان كيف نظام الانتساب المطور ؟؟
 

بالنسبه للمستجدين
الارسال عن طريق البريد الممتاز على حساب الجامعه

وكل المطلوب
شهادة الثانويه العامه وصوره من الهويه ووصل السداد عن طريق بنك الرياض .... يعني كلها اوراق عاديه


:106::106::106::106:

رد: ياخوان كيف نظام الانتساب المطور ؟؟
 

خيو حبيت افيد ك اذا لك نية تتخصص ادارة اعمال <<مثل ماشفت فوق ببياناتك..
طبيعة هالقسم مواد علمية...وحسابات مالهانهاية
اذاانت ادبي او ماتحب تشغيل المخ والتطبيق العملي والمسائل الحسابية <<<<<<<<<والمتابعة اول باول
لاتقرب صوبه:cheese:
حتى لاتنجلط:biggrin:<<<بعيد الشرعنك
^
^
^
تشرفنا:biggrin:

رد: ياخوان كيف نظام الانتساب المطور ؟؟
 

صدقت رحيق الجنه
كاني اختفيت تراني منجلط
بعيد الشر عني
اخوي بندر
مواد ادارة اعمال
قانون - رياضيات - محاسبه - ادارة اعمال - اقتصاد
بس ههههههههههههههههههههههه
خمس مواد تحسون انها قليله صح
لا واللي قاهرني الرياضيات
الظاهر انه بيلحقني بقبري بعد
؟؟؟
ادري ان بعضكم بيقول ليش مسجل من الاصل؟
بجاوبكم ؟
ابي اصير جامعي وابي تخصص زين؟
قالوا ادارة اعمال ماتوظف الا مدبر اول ماتخلصها
قدم فصلك و دور الاداره اللي تبيها وتصير مديرها
والحمد لله على كل حال
ماعاد نبي وظيفه
الله لايفشلنا نبي ننجح بس
تحياتي لكم

رد: ياخوان كيف نظام الانتساب المطور ؟؟
 

طبعا قبل ما ارد عليكم تدرون ليه طولت بالرد كنت عم بفكر <<< اخس يالسوري :tongue:

الشباب يقولون اصبر والبنات يقولون سجل ولادري اكون مع مين بس ببقى محايد :hahahahahah:

على العموم الله يجزاكم خير جميعا وتسلم ايدياكم يارب .

ومن هنا لين اختبر يمديني قررت لاني عندي اختبارات في جامعة الملك عبدالعزيز في
25 / 6/ 1432هـ

وقد دفعت رسومها وكل شي حرام اخليها خلل احلل فلوسي لو اشخبط في ارواقهم :017:










فديتك والله على الرد . طيب هل المواد هذه اللي تقول ينزلونها تلقائي هل فيها رياضيات وانجليزي :(107):



شكلك جوعانه :biggrin:

الحين وش جاب متقروش عند البطاطس ومالح بعد :hahahahahah:

لا لا يوعانه يوعانه مايبيلها شي المره الجايه لا تدخلين المنتدى الا بعد ما تاكلين على الاقل اندومي :wink: <<< أمزح :tongue:

اها قصدك مقرمش <<<< صدق اني طلعت افدغ :71:

مشكوره على الرد ورايتك بيضاء .



اوما رياضيات يعني وراي وراي هالرياضيات يادوب نجحت فيه في جامعة الملك عبدالعزيز ماراح يسيبني في حالي في جامعة الملك فيصل عارف :bawling:

طيب مافيه تخصص ثاني يفكني من الرياضيات :tongue:

الله يوفقك وماقصرتي .






النور نورج . يكفي طلتج وحماسج الله يعطيك العافيه :106:






هلا والله بحبيب قلبي شاعر رايق والله انك جبتها متى اختبارك بشوف يمديني واصبر ولا لا ؟؟
فديتك على الرد :106:





هلا حياه الروح بدون تفكير بعد والله اللي ملزمة علي :tongue:
انتي شكلك بحمسيني من الحين :mh318:
ياويلك لو يدرون عنك جامعة الملك عبدالعزيز بيقولون هذي اللي خذت طلابنا :71:
مشكوره على الرد والنصيحة وان شالله ربي يسر الامور :106:



وضحت الله يعافيج ايمانه . ان شالله نشوفك دكتوره ولادة وحمل <<< يبي يزينها وخربها :biggrin:



بالنسبه لتصديق الشهاده اول جامعة الملك عبدالعزيز جبروني اصادق على الشهادة من ادارة التربيه والتعليم هذا اللي كنت اسأل عنه يعني جامعة الملك فيصل يطلبون ولا لا . ؟

مشكورة مره ثاني :106:


هلا بحياه الروح مرة ثاني وشكرا كثير وهذه ثلاث وردات :106::106::106:

على الافادة . وردة هنا احتياط :106: <<< :tongue:




هلا برحيق الجنه . الله يرزقنا وياكم الجنه قولي امين .

لاوالله مابي اداره اعمال بس اخترتها في ملفي بشكل عشوائي ولا وع مابيها .

ابي تخصص سهل خالي من الرياضيات والانجليزي :g2:

ربي يوفقك ويسر امرك على الرد والافادة . وان شالله اشوفك دكتوره اطفال :mh318:

رد: ياخوان كيف نظام الانتساب المطور ؟؟
 

يبعد الشر عنك وعن كل مسلم .

الا ما تقولي انت وش وداك ادراه اعمال يالملقوف :(107):

ان شالله انك تنجح ونشوفك طبيب اسنان<<< والله من مواطن يبي يدخل عنده بكامل سنونه ويطلع من عنده بسن واحد فقط :71:

حبيت امزح معك ياحبيب قلبي الله يوفقك .

بس ياخي مافيه شي يفكنا من هالرياضيات والمشاكل يعني تخصص ثاني .

رد: ياخوان كيف نظام الانتساب المطور ؟؟
 

هلا برحيق الجنه . الله يرزقنا وياكم الجنه قولي امين .

لاوالله مابي اداره اعمال بس اخترتها في ملفي بشكل عشوائي ولا وع مابيها .

ابي تخصص سهل خالي من الرياضيات والانجليزي :g2:

ربي يوفقك ويسر امرك على الرد والافادة . وان شالله اشوفك دكتوره اطفال :mh318: [/QUOTE]
اهلا فيك اخوي ...
ياشين جامعة عبدالعزيز ويازين جامعتنا:(284):
جرب منت خسران:lllolll:<<دعاية ولااحلى

..امااا <ماتبي رياضيات اسا ساالانجلش والاحصاء الاساس بجميع الكليات ..تربية خاصة واداب بس بتدرسهم مرة وحدة اماااا الادارة <<<<العالم الله كم مادةبتدرسهم<<<بس يخلف الله ودع وناستك لودخلتها<<امزح عندك ميول لهاواحطمك والناس اجناس:tongue:

.........
اماتشوفني دكتورة اطفال يعني مالقيت الا

^^^^^^الا اطفال^^^^^^
<<<
وراي هالكلمة بكل مكان:(269):


شكلي بغير نك نيمي <<<طيور الجنه:tongue:
بالتوفيق خيو لاتنسى الاستخارة والصعوبة بكل مكان ولكل مكان ايجابيات وسلبيات ..
احنا من نحكمها وليست هي من تحكمنا:biggrin:

كانت معك رحيق:mh318:

رد: ياخوان كيف نظام الانتساب المطور ؟؟
 

الله يسعدك

رد: ياخوان كيف نظام الانتساب المطور ؟؟
 

اخوي شرح وافي كفيت ووفيت

رد: ياخوان كيف نظام الانتساب المطور ؟؟
 

وضحت الله يعافيج ايمانه . ان شالله نشوفك دكتوره ولادة وحمل <<< يبي يزينها وخربها :biggrin:
:bawling::bawling::bawling:


بالنسبه لتصديق الشهاده اول جامعة الملك عبدالعزيز جبروني اصادق على الشهادة من ادارة التربيه والتعليم هذا اللي كنت اسأل عنه يعني جامعة الملك فيصل يطلبون ولا لا . ؟

للحين مافهمت :lllolll: بس الي اعرفه اني خذيت شهادتي وارسلتها لهم على طول ولا طلببوا لا مصادقه ولا شي :106:

رد: ياخوان كيف نظام الانتساب المطور ؟؟
 

حبايبي كيف ارسل للبريد الممتاز وكيف اسجل مستجدة تكفون انا ابي احول عندكم وابدأ من الصفر علموني الله يسعدكم.. انا من جامعة اخرى وماادري وش السالفة؟.

رد: ياخوان كيف نظام الانتساب المطور ؟؟
 

ناسف على التاخير في التعقيب نظرا لاني كنت في رحله سفريه :119:

الله يعطيكم العافيه وماقصرتو جميعا شباب وصبايا .

ان شالله اكون من زملائكم الخفيفين عليكم :tongue:

اجمل تحيه لكم . :106: