ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   ملتقى طلاب التعليم عن بعد جامعة الملك فيصل (https://vb.ckfu.org/forumdisplay.php?f=183)
-   -   جدولي المقترح .. للمغامرين فقط ؟ (https://vb.ckfu.org/showthread.php?t=144974)

^تركي^ 2011- 2- 8 05:26 PM
جدولي المقترح .. للمغامرين فقط ؟
 
السلام عليكم

اللي يبي يغاامر ويسجل جدوله مثلي يا هلا به

11 ماده بـــــ ( 21) ساعه

انا سويت جدول مقترح مبني على جدول الاختبارات اللي نزل بموقع الجامعة

والى الآن احتاج مغامرين يشجعوني على المغامره ..

انا اشوف ان الجدول مش وحش اووي

يعني عندنا يومين راحه .. شي حلوو :(269):
الخامس والسابع

وبعد عندنا بس يومين فيها فترتين اختبار والمواد بإذن الله مش صعبه اووي
اليوم الثاني ، واليوم الحادي عشر

شاركوني ارائكم ويا هلا بكم ..

test5 2011- 2- 8 05:29 PM
رد: جدولي المقترح .. للمغامرين فقط ؟
 
وعليكم السلام

اذا حاب تعتمد الجدول يبغالك تتصل على النجار

[ كافة المستويات ] : ### والان رقم جوال النجار داخل الموضوع ###

aa2aa 2011- 2- 8 05:30 PM
رد: جدولي المقترح .. للمغامرين فقط ؟
 
اخوي الله يوفقك بس اللي اعرفه ان اقصى شيء تنزل 19 ساعه والله اعلم بالصواب

عشق القصيد 2011- 2- 8 05:30 PM
رد: جدولي المقترح .. للمغامرين فقط ؟
 
ياقو قلبك بسسسسسس هع :lllolll:
اجل 11 ماده > جد اهنيئك :(284):
الله يوفقك وماتدري يمكن اسجل معكمـ 11 بعد :biggrin:

ابوالجوهره 2011- 2- 8 05:32 PM
رد: جدولي المقترح .. للمغامرين فقط ؟
 
هلا بك اخوي تركي

هذي مو مغامره هذا انتحار في المذاكره وانا اشوف انها بتكلف نزول المعدل اذا لا سمح الله كانت الدرجات سيئة لبعض المواد هذه وجهة نظري وخير الامور الوسط يعني من سبعه الى ثمان مواد اشوفها مناسبه جدااااااااااااا واسأل الله لنا وللجميع التوفيق ,,,

فيصل العمار 2011- 2- 8 05:33 PM
رد: جدولي المقترح .. للمغامرين فقط ؟
 
اخوي تركي والله ما انصحك انا سجلت 9 مواد بالمستوى الثاني وربي بغيت انجن

انت ماعنك وعن اربع سنوات سواءً عجلت بالمواد او لا

اضف الى ان معدلك احتمال ينضرب من هالحركة

فمااااااااااااااااااااااااااااااااااا انصحك والله ارهاق 11 مادة

ولكن بالتوفيق

قلم طالب 2011- 2- 8 05:36 PM
رد: جدولي المقترح .. للمغامرين فقط ؟
 
أقصى ما يمكن تسجيله من الساعات 18

انصحك (من صميم قلبي ) لا تستعجل

كل مطرود ملحوق

my Dreams 2011- 2- 8 05:37 PM
رد: جدولي المقترح .. للمغامرين فقط ؟
 
وانا ايضا لا انصحك اخي تركي ارهاق ومادتين بنفس اليوم وعندك واجبات ومحاضرات مباشرة وغيره

حفيدة شاعر 2011- 2- 8 05:41 PM
رد: جدولي المقترح .. للمغامرين فقط ؟
 
انا رايي من راي اخواني ما انصحك ابد

الله يوفقك

^تركي^ 2011- 2- 8 05:41 PM
رد: جدولي المقترح .. للمغامرين فقط ؟
 
اقتباس:
المشاركة الأصلية كتبت بواسطة test5 (المشاركة 2697613)
وعليكم السلام

اذا حاب تعتمد الجدول يبغالك تتصل على النجار

[ كافة المستويات ] : ### والان رقم جوال النجار داخل الموضوع ###
النجار لا يرد على الجوالات .. اصلن ما معه جوال :(284):

اقتباس:
المشاركة الأصلية كتبت بواسطة aa2aa (المشاركة 2697615)
اخوي الله يوفقك بس اللي اعرفه ان اقصى شيء تنزل 19 ساعه والله اعلم بالصواب
الله يوفق الجميع .. اقصى شيء 18 للي معدلاتهم اقل من 3.5 لكن اللي اعلى يقدرون يسجلون الى حد 22 ساعه حسب كلام زملائنا الطلبه اللي سبقونا في المستويات ..
اقتباس:
المشاركة الأصلية كتبت بواسطة عشق القصيد (المشاركة 2697618)
ياقو قلبك بسسسسسس هع :lllolll:
اجل 11 ماده > جد اهنيئك :(284):
الله يوفقك وماتدري يمكن اسجل معكمـ 11 بعد :biggrin:
انا قلبي قووي اذا فيه مغامرين معي مثلك وشرواك .. ولا وربي انه يقرقع :biggrin:

اقتباس:
المشاركة الأصلية كتبت بواسطة ابوالجوهره (المشاركة 2697630)
هلا بك اخوي تركي

هذي مو مغامره هذا انتحار في المذاكره وانا اشوف انها بتكلف نزول المعدل اذا لا سمح الله كانت الدرجات سيئة لبعض المواد هذه وجهة نظري وخير الامور الوسط يعني من سبعه الى ثمان مواد اشوفها مناسبه جدااااااااااااا واسأل الله لنا وللجميع التوفيق ,,,
اقوول ابو الجوهره كيفك بس .. انت يا اخي تحبطنا ليش كذا .. ما تقدر عليها اتركها لغيرك :biggrin:


:mh35: :mh35:يا هلا يا ابو الجوهره تشرفت بمرورك وتعليقك وادري انه من حرصك اشكرك :106:

آلمآسة آلحسآسة 2011- 2- 8 05:43 PM
رد: جدولي المقترح .. للمغامرين فقط ؟
 
وانا بعد ما انصحك تاخذ 11 مااده بصررراحه اشوف الجدول شوي فيه تعب وارهاق لك

بالتووووفيق يا رب للجميع :119:

ثابت 2011- 2- 8 05:56 PM
رد: جدولي المقترح .. للمغامرين فقط ؟
 
وانا كذلك ما انصحك بهالمغامرة

بس اخوي تركي مبادىء الادارة غير موجودة بجدول المقررات
http://store3.up-00.com/Feb11/dWe81995.jpg

ولا تستعجل وانا اخوك معنا وقت

^تركي^ 2011- 2- 8 06:00 PM
رد: جدولي المقترح .. للمغامرين فقط ؟
 
اشكر الجميع على المرور العطر ونصاايحكم محل اهتمامي وتقديري .. لا عدمناكم يا الغوالي

اقتباس:
المشاركة الأصلية كتبت بواسطة ثابت (المشاركة 2697752)
وانا كذلك ما انصحك بهالمغامرة

بس اخوي تركي مبادىء الادارة غير موجودة بجدول المقررات


ولا تستعجل وانا اخوك معنا وقت
مبادئ الادارة موجوده من ضمن خطة المستوى الأول المعدل وانا بسجلها

اشكرك اخوي ولا هنت

mnrf 2011- 2- 8 06:14 PM
رد: جدولي المقترح .. للمغامرين فقط ؟
 
:d5:أنا معك توكل على الله وسجل 11 مادة وكل واحد عارف قدراته إذا أنك شخص راح تنظم وقتك وتبدا أول بأول إن شاء الله مافي شيء صعب وأنا كان ودي أكون معك ومعدلي يسمح أسجل 21ساعة بس وضعي الصحي حاليا مايسمح وعندي ألتزامات .والله يوفقك بس لاتنسى الأستخارة .....وعلى قدر أهل العزم تأتي العزائم ....

مهّيه 2011- 2- 8 06:21 PM
رد: جدولي المقترح .. للمغامرين فقط ؟
 
الله يوفقك ان شاء الله
اما انا حدي 17 ساعه او اقل يمكن
ومووووووفق:106:

حياة الرووح 2011- 2- 8 06:24 PM
رد: جدولي المقترح .. للمغامرين فقط ؟
 
ترا موادنا سهله ومع المتابعه بتصير الـ 11 ماده عاديه لا مغامره ولا شي



:d5: تركي انا معااااااك

ونفس موادك ان شاءالله باستثناء تقنية المعلومات لازم نشوف ماده غيرها من مواد مستوى ثالث او رابع


وراح نتابع موادنا بانتظام

وتحدينا الثاني .... معدل الخمسه كامله :mh001: ان شاءالله




لي عوده

رَحيق الورد 2011- 2- 8 06:25 PM
رد: جدولي المقترح .. للمغامرين فقط ؟
 
ماشاء الله عليك(( يــــــــــ ـــــــــــــــاتركـــــــــــ ــــــي))
كثرت المواد أو قلت ..أهم شيء أن عندك الرغبه والارادة والقدرة ومافي شيء اسمه صعب مع الاصرار والعزيمة ..
وفالك البيرق أقصد النجاح..:lllolll:
أنا لو يتاح لي مستقبلاأقصى عدد راح آخذه وان شاء الله آخذ أعلى معدل ..
ساعتها<<ماراح أسجل11مادة ..>>لإني ناوية علــــــى 14مادة ..<<قويييييه :(284):
<<طبعا بالأول والأخير قبل المغامرةلازم تدرس جميع العقبات الي من الممكن انك تواجهها وتعرف ظروفك الي من الممكن تعيقك وتقيس مدى قدرتك للتحصيل
واذا عندك أحديفزع لك ويساعدك للحصول عى الـ30درجة بأمان..<ياسلاااام
بعدها جهز الخطة اللازمه للسير دون عثرات بطريقك ..والله يوفقك .:mh318:

Only Dreams 2011- 2- 8 06:27 PM
رد: جدولي المقترح .. للمغامرين فقط ؟
 
تركي ,,, حياة الروح ,,, أنا معاكم ,,, بالتوفيق للجميع ياااارب ,,,

عبدالله العصيمي 2011- 2- 8 06:34 PM
رد: جدولي المقترح .. للمغامرين فقط ؟
 

جعلك على القوووووووووووووه

والله يوفقك

اَلْـعُـمْـهُـوُجْ 2011- 2- 8 06:38 PM
رد: جدولي المقترح .. للمغامرين فقط ؟
 
تركي مســاك الله بالخير ,
فكرت , إستخرت , إطمنت , وقررت , إنطلق في طريقك ,
وتذكر... أنها مغامرة كما سميتها ,والمغامرة دائماً تكون محفوفةً بالمفاجآت ,ثابر ,وأجتهد , وكن واثقاً أن الهدف قاعدة أساسية هو إرتفاع المعدل ..
واصل ياأخي رسمت طريقك بنفسك وأنت مقتنع ..
أدعوا الله أن يكون معك ,ويثبت أقدامك,وتحصل على مبتغاك ..
هذا والله ولي التوفيق ..

^تركي^ 2011- 2- 8 06:43 PM
رد: جدولي المقترح .. للمغامرين فقط ؟
 
اقتباس:
المشاركة الأصلية كتبت بواسطة mnrf (المشاركة 2697847)
:d5:أنا معك توكل على الله وسجل 11 مادة وكل واحد عارف قدراته إذا أنك شخص راح تنظم وقتك وتبدا أول بأول إن شاء الله مافي شيء صعب وأنا كان ودي أكون معك ومعدلي يسمح أسجل 21ساعة بس وضعي الصحي حاليا مايسمح وعندي ألتزامات .والله يوفقك بس لاتنسى الأستخارة .....وعلى قدر أهل العزم تأتي العزائم ....
اشكرك على تواجدك وتشجيعك .. وعسى الله يمن عليك بالصحه والعافيه يا كرريم :106:


اقتباس:
المشاركة الأصلية كتبت بواسطة شمعة امـل (المشاركة 2697889)
الله يوفقك ان شاء الله
اما انا حدي 17 ساعه او اقل يمكن
ومووووووفق:106:
عسى الله يوفقك واشكرك على التواااصل :106:

اقتباس:
المشاركة الأصلية كتبت بواسطة حياة الرووح (المشاركة 2697903)
ترا موادنا سهله ومع المتابعه بتصير الـ 11 ماده عاديه لا مغامره ولا شي



:d5: تركي انا معااااااك

ونفس موادك ان شاءالله باستثناء تقنية المعلومات لازم نشوف ماده غيرها من مواد مستوى ثالث او رابع


وراح نتابع موادنا بانتظام

وتحدينا الثاني .... معدل الخمسه كامله :mh001: ان شاءالله




لي عوده
يا هلا والله بكبيرة المغاامرين .. يا هلا وغلا بالتحدي كله .. فالك الخمسه كامله بحول الله

مادة التقنيه اشووفها حلووه ولطيفه وسهله .. ما فيها صعوبه وش اللي يمنع من عدم تسجليها ؟؟

موفقه وبانتظار عودتك

اقتباس:
المشاركة الأصلية كتبت بواسطة رحيق الجنة (المشاركة 2697906)
ماشاء الله عليك(( يــــــــــ ـــــــــــــــاتركـــــــــــ ــــــي))
كثرت المواد أو قلت ..أهم شيء أن عندك الرغبه والارادة والقدرة ومافي شيء اسمه صعب مع الاصرار والعزيمة ..
وفالك البيرق أقصد النجاح..:lllolll:
أنا لو يتاح لي مستقبلاأقصى عدد راح آخذه وان شاء الله آخذ أعلى معدل ..
ساعتها<<ماراح أسجل11مادة ..>>لإني ناوية علــــــى 14مادة ..<<قويييييه :(284):
<<طبعا بالأول والأخير قبل المغامرةلازم تدرس جميع العقبات الي من الممكن انك تواجهها وتعرف ظروفك الي من الممكن تعيقك وتقيس مدى قدرتك للتحصيل
واذا عندك أحديفزع لك ويساعدك للحصول عى الـ30درجة بأمان..<ياسلاااام
بعدها جهز الخطة اللازمه للسير دون عثرات بطريقك ..والله يوفقك .:mh318:
اشكرك على هالتشجيع المميز ... وعسى الله يوفقنا لما فيه خير لنا جميع .. اشكرك على تواصلك ويا هلا بك :106:
اقتباس:
المشاركة الأصلية كتبت بواسطة only dreams (المشاركة 2697913)
تركي ,,, حياة الروح ,,, أنا معاكم ,,, بالتوفيق للجميع ياااارب ,,,
ارررررررررررحب اخووي .. حياك الله ويا هلا بك مع مجتمع المغامرين .. اسعدني تواجدك :106:

تعب فلبي 2011- 2- 8 06:43 PM
رد: جدولي المقترح .. للمغامرين فقط ؟
 
ان شاء الله ماتندم على هالمغامره

بس قويه 11 ماده انا خذت ثمان السمستر اللي راح وانهد حيلي بس كان جدولنا:(177):

اتمنى لك التوفيق

^تركي^ 2011- 2- 8 06:48 PM
رد: جدولي المقترح .. للمغامرين فقط ؟
 
اقتباس:
المشاركة الأصلية كتبت بواسطة عبدالله العصيمي (المشاركة 2697938)
جعلك على القوووووووووووووه

والله يوفقك
الله يقويك ويعافيك .. اشكرك على التواجد .. لا هنت اخووي :106:


اقتباس:
المشاركة الأصلية كتبت بواسطة اَلْـعُـمْـهُـوُجْ (المشاركة 2697955)
تركي مســاك الله بالخير ,

فكرت , إستخرت , إطمنت , وقررت , إنطلق في طريقك ,
وتذكر... أنها مغامرة كما سميتها ,والمغامرة دائماً تكون محفوفةً بالمفاجآت ,ثابر ,وأجتهد , وكن واثقاً أن الهدف قاعدة أساسية هو إرتفاع المعدل ..
واصل ياأخي رسمت طريقك بنفسك وأنت مقتنع ..
أدعوا الله أن يكون معك ,ويثبت أقدامك,وتحصل على مبتغاك ..

هذا والله ولي التوفيق ..
مساك الله بالرضا والعاافيه .. اشكرك على كل حرف سطر به قلمك المميز .. اعجبني جداً ردك واستوقفني كثيراً .. لا هنتِ اختِ وكتب الله اجرك واشكرك على دعاائك ولك بالمثل يا كريم .. :106:

ابو مها 2011- 2- 8 06:50 PM
رد: جدولي المقترح .. للمغامرين فقط ؟
 
اذا عزمتوا توكلوا على الله وشدوا حيلكم

لانها متعبه

توكلوا على الله والله يعينكم وادرسوا اول باول

^تركي^ 2011- 2- 8 06:59 PM
رد: جدولي المقترح .. للمغامرين فقط ؟
 
اقتباس:
المشاركة الأصلية كتبت بواسطة تعب فلبي (المشاركة 2697993)
ان شاء الله ماتندم على هالمغامره

بس قويه 11 ماده انا خذت ثمان السمستر اللي راح وانهد حيلي بس كان جدولنا:(177):

اتمنى لك التوفيق
هي قوويه بس انا تشجعت اكثر يوم شفت جدول الاختبارات .. من جهتي مبدئياً عاجبني وبدرس الموضوع اكثر وربك يختار الصالح ان شاء الله .. اشكرك على تواجدك :106:

اقتباس:
المشاركة الأصلية كتبت بواسطة ابو مها (المشاركة 2698023)
اذا عزمتوا توكلوا على الله وشدوا حيلكم

لانها متعبه

توكلوا على الله والله يعينكم وادرسوا اول باول
متوكلين عليه سبحاانه .. اشكرك على تواجدك ونصيحتك .. :106:

Turkiarar 2011- 2- 8 07:08 PM
رد: جدولي المقترح .. للمغامرين فقط ؟
 
11 مادة كم ساعة ؟؟
وبعدين احب اوضح حاجة في مادتين انا على حسب الخطة القديمة ماكانت موجوده عندنا مادة برامج الحاسب المكتبية والان تم اضافتها .
احتمال ما تقبل معك مادة برامج الحاسب المكتبية لان عندك مادة مدخل الى تقنية المعلومات ما خلصتها وكذلك مادة الانترنت والاتصالات اللي في مستوى ثالت ما خلصتها

هذا توقعي لان المادة اصلا ماكانت في الخطة السابقة

ξـزْ ومَهآبهِ 2011- 2- 8 07:09 PM
رد: جدولي المقترح .. للمغامرين فقط ؟
 
9 مواد عدد كويس لمستوى ثاني << وهذ1 هو قرآري

بس من رددودك على الأعضاء واضح أنك معزم على سالفة 11 :cool:

الله يسهلها عليك يَ رب وتجيب معدل عاااأإآالي :wink::106:

أبـو غـلا 2011- 2- 8 07:18 PM
رد: جدولي المقترح .. للمغامرين فقط ؟
 
ايش الفايدة لما تضغط على نفسك بالشكل هذا وانت في غنى عنه

نصيحة استخر علشان تجيب درجات عالية وتريح عمرك بدل ماتجهد نفسك وبالأخير تزفت بالإمتحانات

ويكون بعملك التركيز في الإمتحانات يبغى لك تكون مرتاح

ضاري الشمال 2011- 2- 8 07:21 PM
رد: جدولي المقترح .. للمغامرين فقط ؟
 
هلا اخوي تركي ,,, والله اني احب المغامرات واحب التحدي ,, بس ماهو على حساب مستقبلي " لاني ماعلم الظروف الي رايح امر به لين الاختبارات "

عني انا وانصحك اخوي تركي لاتنزل اكثر من 18 ساعه ... لانك رايح تنزل معدلكـ ... مجرد رأي

حياة الرووح 2011- 2- 8 07:41 PM
رد: جدولي المقترح .. للمغامرين فقط ؟
 
ياجماعه اول سنه ونصف من الدراسه الجامعيه هي سنوات للمغامره لمن يثق بقدراته


لان المعدل في اول السنوات من السهل ان يرتفع ,, لكن بعد اجتياز نصف عدد الساعات تقريبا
وقتها يكون من الصعب رفع المعدل ولاااااااااا مجال للمغااامره في ذلك الوقت ابدا ابدا


موادنا سهله
خلصنا 8 مواد مع الاهمال وطلعنا بامتيازات
وهالمره 11 ماده مع المتابعه نعدي وبمعدل عالي بعد :wink:

عـازفهـ الكيبورد 2011- 2- 8 07:42 PM
رد: جدولي المقترح .. للمغامرين فقط ؟
 
وانا شكلي بكون معاكم وبغامر

اكاديمي 2 2011- 2- 8 07:56 PM
رد: جدولي المقترح .. للمغامرين فقط ؟
 
اقتباس:
المشاركة الأصلية كتبت بواسطة test5 (المشاركة 2697613)
وعليكم السلام

اذا حاب تعتمد الجدول يبغالك تتصل على النجار

[ كافة المستويات ] : ### والان رقم جوال النجار داخل الموضوع ###
مع تحياتي لك اخوي بس ملاحظ انك قاعد تنشر جوال الدكتور باي طريقةفي جميع ردودك فهل الهدف هو ازعاج جوال الدكتور اذا كان كذلك مع كامل احترامي لك لايحق لك ذلك وتقبل انتقادي بصدر رحب تحياتي لك ،،،

^تركي^ 2011- 2- 8 08:48 PM
رد: جدولي المقترح .. للمغامرين فقط ؟
 
اقتباس:
المشاركة الأصلية كتبت بواسطة حياة الرووح (المشاركة 2698322)
ياجماعه اول سنه ونصف من الدراسه الجامعيه هي سنوات للمغامره لمن يثق بقدراته


لان المعدل في اول السنوات من السهل ان يرتفع ,, لكن بعد اجتياز نصف عدد الساعات تقريبا
وقتها يكون من الصعب رفع المعدل ولاااااااااا مجال للمغااامره في ذلك الوقت ابدا ابدا


موادنا سهله
خلصنا 8 مواد مع الاهمال وطلعنا بامتيازات
وهالمره 11 ماده مع المتابعه نعدي وبمعدل عالي بعد :wink:
يسلم لي هالتفاؤل .. ويسلم هالتحدي مع النفس ..

ايه كذا روح التحدي والمغاامره .. يا لبى اللي يفهمون بس :106:

{ نُ }.. 2011- 2- 8 08:59 PM
رد: جدولي المقترح .. للمغامرين فقط ؟
 
تركي 11 مادة بس <<<<<<شويه يبن الحلال
زودهم 12 او 13 <<<<<كويسين<<<<<<<انت منتحر منتحر:(269)::mh35:
اقول اتبع الخطه حقت الجامعه احسلك:biggrin:

الله ويفقك واستخير :(204):

هتلر الانثى 2011- 2- 8 09:05 PM
رد: جدولي المقترح .. للمغامرين فقط ؟
 
صراحه الجدول نفس جدولي بالضبط بس خايفه ومتردده عندي عزيمه قويه بس الظرووف مااضمنها؟ خايفه على المعدل ينزل ...

واحب المغامره والمجازفه ان شاء الله بين التسع والعشر اذا الله كتب
ويصير نحذف ماده التجويد مو هاضمتنها واخذ بدلها انترنت ؟

احيك على هذه الشجاعه والله يوفقك

حياة الرووح 2011- 2- 8 09:23 PM
رد: جدولي المقترح .. للمغامرين فقط ؟
 
حبيبتي هتلر الانثى ,, المعدل لو نزل لاسمح الله يتعوض
احنا بعدنا في اول سنه يعني سهل التعوض ورفع المعدل

وصدقيني مع المتابعه والاستعانه بالله نقدر نجيب الخمسه كامله > :106:

بنت سالم 2011- 2- 8 09:28 PM
رد: جدولي المقترح .. للمغامرين فقط ؟
 
تركي مغا مر ه الصرا حه طيب انت سج لت م واد ك:000:

^تركي^ 2011- 2- 8 09:35 PM
رد: جدولي المقترح .. للمغامرين فقط ؟
 
يسلم من تواجد في الموضوع وساهم برده ولو بدعوه .. :106:

اقتباس:
المشاركة الأصلية كتبت بواسطة بنت سالم (المشاركة 2699190)
تركي مغا مر ه الصرا حه طيب انت سج لت م واد ك:000:
ما بعد سجلت لأنه ما بعد فتح التسجيل .. غداً الاربعاء بإذن بيفتح التسجيل .. وعسى الله يوفقنا جميع .. اشكرك على تفاعلك وتواجدك :106:

βaŷaņ 2011- 2- 8 10:11 PM
رد: جدولي المقترح .. للمغامرين فقط ؟
 
انا مره محتاره بين 9 ولا 11
ماني شايله هم المعدل لاني فااضيه واقدر اتفرغ للدراسه
بس اخاف من مزاجي
انا دحين متحمسه بس بعدين الله اعلم :(107):
بكره ان شاءالله بقرر:biggrin:

دلوعة أخوها 2011- 2- 8 10:12 PM
رد: جدولي المقترح .. للمغامرين فقط ؟
 
11 ماده حتى لو نجحت وش الفايده بدون معدل لان ممكن ماده وحده تأثر على كل شي

وماتدري بكرا عن ظروفك وقت الاختبارات وارهاق والله

الله يوفقك

Aziza algarny 2011- 2- 8 10:17 PM
رد: جدولي المقترح .. للمغامرين فقط ؟
 
عادي مو مشكله بالعكس انا اشجعك !


انا ماخذه اقصى تسجيل للمواد كل ترم وانا حاليا مستوى 3

الترم اللي فات اخذت 10 مواد -وجبت معدل 63-3


لو كان معدلي فوق 4 كان اخذت 12 ماده


والدنيا مو بذاك الصعوبه المتخيله من قبل الاخوان -عن تجربه تقول مواد متوسط مو جامعه

حياة الرووح 2011- 2- 8 10:49 PM
رد: جدولي المقترح .. للمغامرين فقط ؟
 
اقتباس:
المشاركة الأصلية كتبت بواسطة اعطي لتجني (المشاركة 2699578)
عادي مو مشكله بالعكس انا اشجعك !


انا ماخذه اقصى تسجيل للمواد كل ترم وانا حاليا مستوى 3

الترم اللي فات اخذت 10 مواد -وجبت معدل 63-3


لو كان معدلي فوق 4 كان اخذت 12 ماده


والدنيا مو بذاك الصعوبه المتخيله من قبل الاخوان -عن تجربه تقول مواد متوسط مو جامعه



ياااااحياااااتي انتي

ياااربي يوفقج وتتخرجين بامتياز مع مرتبة الشرف قولي آمين


بالله عليكم احد يسمع هالكلام ويبقى فيه تردد بعد:(107):





اي احد عنده القدره لااااا يتردد وقداااااااااام خلوونا نستفيد من اوقاتنا :oao: فججججججر طاقاتك

Ệliẑaḇễṱĥ 2011- 2- 9 12:58 AM
رد: جدولي المقترح .. للمغامرين فقط ؟
 
الله يوفقك أخي الكريم ويسهل أمرك حلو روح التحدي والمغامرة أنا بأخذ بإذن الله 9 مواد فقط لاني مرتبط بدراستين غير دراسة الجامعة يعني الجامعة الثالثة بس ماشية تمام الحمدلله ,فما أقدر أزيد عشان أوفر وقت للتخصصات الثانية دعواتي لك وللجميع بالتوفيق والسداد.

Red.Ro0ose 2011- 2- 9 01:02 AM
رد: جدولي المقترح .. للمغامرين فقط ؟
 
ماشاءالله تباركـ الله <<الله يحفظكـ من شر عيون خلقه :tongue:
الله يشدكـ بالقوهـ وفالكـ المعدل العالي ياارب أنت وكل من معاكـ :53:
أنا بعد أخذ وعطى وشيل وحط ومشاورات ومجلس إجتماعات قررت أخذ 8 مــووواد :cheese:

أسووومه 2011- 2- 9 02:13 AM
رد: جدولي المقترح .. للمغامرين فقط ؟
 
الله يوفقك يارب اذا انت قدها ليش لا بس لاتنسى تستخير قبل كل شيء :(204):

هنـــاء 2011- 2- 9 02:15 AM
رد: جدولي المقترح .. للمغامرين فقط ؟
 
فالك التوفيق
بالنسبه لي ال 9 فققط :love080:

الكاااايد 2011- 2- 9 02:16 AM
رد: جدولي المقترح .. للمغامرين فقط ؟
 
معدلك التركمي (أقل من 2) تسجل12 ساعة فقط

معدلك التراكمي ( من 2 حتى 2.49) تسجل من 12 - 15 ساعة فقط

معدلك التراكمي (من 2.5 فما فوق) تسجل من 12 - 18 ساعة فقط

هنـــاء 2011- 2- 9 02:18 AM
رد: جدولي المقترح .. للمغامرين فقط ؟
 
اقتباس:
المشاركة الأصلية كتبت بواسطة bayan.h (المشاركة 2699528)
انا مره محتاره بين 9 ولا 11
ماني شايله هم المعدل لاني فااضيه واقدر اتفرغ للدراسه
بس اخاف من مزاجي
انا دحين متحمسه بس بعدين الله اعلم :(107):
بكره ان شاءالله بقرر:biggrin:
خليكي ع التسسعه يادبا :biggrin:

ضحكتي دمعه 2011- 2- 9 03:05 AM
رد: جدولي المقترح .. للمغامرين فقط ؟
 

طيب المواد 11مسجله بالجدول كلها يعني المفروض ندرسها كلها
المهم راح اغامر واسجل كل المواد الموجوده بالجدول
توكلت على الله

^تركي^ 2011- 2- 9 03:20 PM
رد: جدولي المقترح .. للمغامرين فقط ؟
 
هلا هلا .. اسعدني جداً كل من شارك في هذا الموضوع وادلى بنصحيته او تعليقه او حبه للمغامره معنا

بما ان مادة الانترنت والاتصالات اللي كنت بسجلها وبتكون في اليوم الثالث وصارت متطلب

لماده التقنية .. استبدلتها بمادة الاخلاق الاسلاميه وآداب المهنه في اليوم العاشر مع مبادئ الاحصاء

هذا جدولي الجديد


http://www.m5zn.com/uploads/2011/2/9...8n4yq1hc3n.gif

طالبه جامعيه E 2011- 2- 9 03:53 PM
رد: جدولي المقترح .. للمغامرين فقط ؟
 
امممممممممممممم:000:

انا ناويه على 9 بس اذ في موادانجليزي من المستوى الثالث او الرابع باخذها :(269):واتحداكم

حياة الرووح 2011- 2- 9 04:31 PM
رد: جدولي المقترح .. للمغامرين فقط ؟
 
مسسسساء الخير


ياجماعه نبي فكره عن مادة الاخلاق الاسلاميه !؟:(107): خصوصا انها مع الاحصاء في نفس اليوم ومافي قبلها اجازه

يعني لازم تنجز مذاكرتها في 4 ساعات لا اكثر ,, شرايكم فيها

حياة الرووح 2011- 2- 10 12:16 AM
رد: جدولي المقترح .. للمغامرين فقط ؟
 
:(107):

Aziza algarny 2011- 2- 10 12:35 AM
رد: جدولي المقترح .. للمغامرين فقط ؟
 
اقتباس:
ياااااحياااااتي انتي

ياااربي يوفقج وتتخرجين بامتياز مع مرتبة الشرف قولي آمين


بالله عليكم احد يسمع هالكلام ويبقى فيه تردد بعد
تسلمييييييييييييييييييييين ع الكلام الحلووووووووو



بالنسبه للاخلاق شكلها سهله مره -وما اظن احد اشتكى منها

fajr __ 2011- 2- 10 12:38 AM
رد: جدولي المقترح .. للمغامرين فقط ؟
 
أممم 11 صعبه شوي .. الله يقويك :71:

Aziza algarny 2011- 2- 10 12:39 AM
رد: جدولي المقترح .. للمغامرين فقط ؟
 
طالبه جامعيه :

اعتقد بالكاد الساعات المتاحه لك واللي اقصاها 18 .. تتيح لك تسجيل مواد المستوى الثاني كلها


بالتوفيق لك

sweet eyes 2011- 2- 10 06:19 AM
رد: جدولي المقترح .. للمغامرين فقط ؟
 
انا اتحدااكم كللكم ونشووف من الفاايز

:(284):


بيننا نهاايه السنه نبي سته من خمسه:oao:

بس قبل كل شي ماالي غيررب العاالمين

بصلي استخااره اكثر من مرره

وهذي فرصتي وفرصه لكم انه تاجل التسجيل الى يوم الجمعه يتيحل لكم تصلون استخااره


بس ان شاء الله بااخذهم كلهم


قبلت التحدي:33_asmilies-com:

sweet eyes 2011- 2- 10 06:20 AM
رد: جدولي المقترح .. للمغامرين فقط ؟
 
انا اتحدااكم كللكم ونشووف من الفاايز

:(284):


بيننا نهاايه السنه نبي سته من خمسه:oao:

بس قبل كل شي ماالي غيررب العاالمين

بصلي استخااره اكثر من مرره

وهذي فرصتي وفرصه لكم انه تاجل التسجيل الى يوم الجمعه يتيحل لكم تصلون استخااره


بس ان شاء الله بااخذهم كلهم


قبلت التحدي:33_asmilies-com:

طموح فتاه 2011- 2- 10 07:02 AM
رد: جدولي المقترح .. للمغامرين فقط ؟
 
والله ضغط وتعب اعصاب زحمة مواد يبغالها مجهود ذهني واعصاب

المستوى الأول 8 وتعبت نفسيا ايام الاختبارات :icon9:

حدي انا 9 مواد واحسها كثير برضو

اذا انت قدها وبتذاكر اول بأول واعصابك ريلاكس

خذها بس خوفي ان الاعصاب تصير كذا :71:

الله يوفقك

فرااااس 2011- 2- 11 02:13 AM
رد: جدولي المقترح .. للمغامرين فقط ؟
 
الجدول عندي



كلية الآداب طلاب المستوى الثاني ) الانتساب المطور (
الفصل الدراسي الثاني
365341

كلية الآداب جويع التخصصات الوستوى الثاني طلاب
م اسن الوقرر عذد الوحذات الرقن الورجعي
3
التلاوة والتجىيد 57433 4
4 القزاءة والمحادثت 57434 4
5 اللغت الانجليزيت كتابت 5743: 4
6 فقو السيزه 5747; 4
5;4:5 3 ) 7 النحى التطبيقي ) 2

8
مهاراث التعليم والتفكيز 57437 4
9 مبادئ الإحصاء 5743; 4
: مدخل إلى تقنيت المعلىماث 57438 4
; اللغة الانجليزية القراءة 57439 4
31 بزامج الحاسب المكتبيت 63;84 4

33 التذوق الادبي 57459


كيف عندكم يختلف عني

حياة الرووح 2011- 2- 11 04:01 PM
رد: جدولي المقترح .. للمغامرين فقط ؟
 
اقتباس:
المشاركة الأصلية كتبت بواسطة فرااااس (المشاركة 2719121)
الجدول عندي



كلية الآداب طلاب المستوى الثاني ) الانتساب المطور (


الفصل الدراسي الثاني
365341
كلية الآداب جويع التخصصات الوستوى الثاني طلاب
م اسن الوقرر عذد الوحذات الرقن الورجعي
3


التلاوة والتجىيد 57433 4
4

القزاءة والمحادثت 57434 4
5

اللغت الانجليزيت كتابت 5743: 4
6

فقو السيزه 5747; 4
5;4:5 3

) 7 النحى التطبيقي ) 2
8


مهاراث التعليم والتفكيز 57437 4
9

مبادئ الإحصاء 5743; 4
:

مدخل إلى تقنيت المعلىماث 57438 4
;

اللغة الانجليزية القراءة 57439 4
31

بزامج الحاسب المكتبيت 63;84 4
33 التذوق الادبي 57459


كيف عندكم يختلف عني



مو مختلف كل واحد يرتب جدوله حسب مايشوفه مناسب له

مادة الاداره مضافه للمستوى الاول واحنا مادرسناها في المستوى الاول لذلك لازم ناخذها

ونقدر ناخذ مواد من المستوى الثالث والرابع كل واحد يرتب جدوله على كيفه

عبير الصمت 2011- 2- 11 05:30 PM
رد: جدولي المقترح .. للمغامرين فقط ؟
 
من ناحيتي ( ما في شيء مستحيل ) خذها قاعده في حياتك ..
على فكره : ترى في فرق بين ( صعب ومستحيل ) ..
الصعب : أنك تقدر تسويه بس صعب عليك ..
أما المستحيل : أنه مافي أمل ومستحيل أن تقدر تسويه ..

أهم شيء الهدف والعزيمه والإراده والتخطيط .. ( لازم تكون على قد مغامرتك ) ..
من جد وجد ومن زرع حصد .. أزرع في الحاضر وراح تلقى الحصاد في المستقبل ..

يعطيكم العافيه .. بالتوفيق للجميع ..
في حفظ الرحمن ..

جوورري 2011- 2- 11 07:11 PM
رد: جدولي المقترح .. للمغامرين فقط ؟
 
السلام عليكم ورحمة الله وبركاته

جدول رائع اخي اتمنى لك التوفيق

سؤال ماهو اكبر عدد من الساعات المسموح به ومعتمد اكيد من الجامعة

أبو عبدالله13 2011- 2- 11 07:34 PM
رد: جدولي المقترح .. للمغامرين فقط ؟
 
اقتباس:
المشاركة الأصلية كتبت بواسطة ابوالجوهره (المشاركة 2697630)
هلا بك اخوي تركي

هذي مو مغامره هذا انتحار في المذاكره وانا اشوف انها بتكلف نزول المعدل اذا لا سمح الله كانت الدرجات سيئة لبعض المواد هذه وجهة نظري وخير الامور الوسط يعني من سبعه الى ثمان مواد اشوفها مناسبه جدااااااااااااا واسأل الله لنا وللجميع التوفيق ,,,
مع ابو الجوهرة
الله يوفك اخوي تركي

بيان باراس 2011- 2- 11 07:45 PM
رد: جدولي المقترح .. للمغامرين فقط ؟
 
انا ودي اسجلهن كلهن بس ابي استفسر

انا معدلي 3

كم عدد الساعات المسموحه لي اخذها لاني ابي اسجل اكبر عدد ممكن من الساعات علما اني حملت انقلش العام حق المستوى الاول بغض النظر عن صعوبه او كثافة المواد


ياليت احد يرد علي بسررررررررعه


وجزاكم الله خير



ما شاء الله عليك يا تركي الله يوفقك

ضحكتي دمعه 2011- 2- 13 01:36 AM
رد: جدولي المقترح .. للمغامرين فقط ؟
 
اللي اعرفه انها 18ساعه فقط ومايسمحون باكثر انت سجلت ياتركي 11 ماده وقبل معك ولا

^تركي^ 2011- 2- 13 01:42 AM
رد: جدولي المقترح .. للمغامرين فقط ؟
 
اقتباس:
المشاركة الأصلية كتبت بواسطة ضحكتي دمعه (المشاركة 2742754)
اللي اعرفه انها 18ساعه فقط ومايسمحون باكثر انت سجلت ياتركي 11 ماده وقبل معك ولا
بالضبط اختِ لم اسجل سوى 18 ساعه

ولكن عندي امل بيفتح النظام ويسمحون اسجل اكثر من الحد المسموح

انا عملت جدول اسجل حتى 22 ساعه وحلو وما فيه ضغط بالنسبة لي
لكن انتظر حتى يفتح النظام ماني مستعجل على التسجيل
اخر موعد يوم الجمعه 22/3

والله يكتب لنا ولكم ما فيه خير لنا ومصلحه يا كريم

^تركي^ 2011- 2- 13 01:45 AM
رد: جدولي المقترح .. للمغامرين فقط ؟
 
اقتباس:
المشاركة الأصلية كتبت بواسطة انفجار (المشاركة 2725675)
انا ودي اسجلهن كلهن بس ابي استفسر


انا معدلي 3

كم عدد الساعات المسموحه لي اخذها لاني ابي اسجل اكبر عدد ممكن من الساعات علما اني حملت انقلش العام حق المستوى الاول بغض النظر عن صعوبه او كثافة المواد


ياليت احد يرد علي بسررررررررعه


وجزاكم الله خير




ما شاء الله عليك يا تركي الله يوفقك
المعذره على التأخير يا انفجاار

معدلك يسمح لك حتى 18 ساعه
بالنسبة للي معدلاتهم 3.5 فأعلى حسب كلام الطلبه القدامى .. انه يتم السماح لهم بتجاوز الحد ولكن الآن مقفل على الجميع والحد الأعلى 18 ساعه

في انتظار فتح النظام لتجاوز الحد المسموح
دعواتكم

ضحكتي دمعه 2011- 2- 13 02:08 AM
رد: جدولي المقترح .. للمغامرين فقط ؟
 

اسفه بس وش النظام الي تتكلم عنه

^تركي^ 2011- 2- 13 02:12 AM
رد: جدولي المقترح .. للمغامرين فقط ؟
 
اقتباس:
المشاركة الأصلية كتبت بواسطة ضحكتي دمعه (المشاركة 2743028)
اسفه بس وش النظام الي تتكلم عنه
نظام البانر وتسجيل المقررات ..

موفقه

حصوصة 2011- 2- 13 07:18 AM
رد: جدولي المقترح .. للمغامرين فقط ؟
 
ياربي يوفق الجميع ويعينا وياكم ولكل مجتهد نصيب .


All times are GMT +3. الوقت الآن حسب توقيت السعودية: 09:07 PM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه