|
يااخوان اين تقع ثانوية عبدالرحمن بن مهدي في الرياض
بصراحه الي راسم الكروكي لو راسم كروكي زواج ماحضر احد سهل للي يعرف المنطقة
انا مااعرف شي في شرق الرياض انا ان شاء الله بمشي من التخصصي الى خريص على طريق (خريص) وين شارع عبدالله بن عوف اي مخرج ّّ اي ..... والرقم الجوال المكتوب (ساحب على الشعب) ياليت احد يوصفلياه |
رد: يااخوان اين تقع ثانوية عبدالرحمن بن مهدي في الرياض
شارع المعارض الي بنسيم هو عبدالرحمن بن عوف
|
رد: يااخوان اين تقع ثانوية عبدالرحمن بن مهدي في الرياض
شوف هالرابط بيفيدك في رسم كروكي لاغلب مراكز الاختبار
http://kfuforums.kfu.edu.sa/showthread.php?t=92048 |
رد: يااخوان اين تقع ثانوية عبدالرحمن بن مهدي في الرياض
اقتباس:
هلا بك تشرفنا بشرق الرياض سبق وسصفته للاخوان في موضوع مختلف حي النسيم الغـــــــــــــــــــــربي من طريق خريص شارع المعارض مقابل جيان سابقاً هايبر بنده حالياً هو شارع عبدالرحمن بن عوف بين النسيم الغربي و حي المنار <<<<<<<<<<<< من سكان النسيم الغربي :biggrin: |
رد: يااخوان اين تقع ثانوية عبدالرحمن بن مهدي في الرياض
والنعم باهل النسيم
انا ااذكر جيان الي في خريص ...بس كيف مافيها ملفات وهذولي حاطين ملفات |
رد: يااخوان اين تقع ثانوية عبدالرحمن بن مهدي في الرياض
اقتباس:
لا .............. هذا الوصف الاكيد و الملفات بعد الاشارة الثانية وانت جاي من المعارض بعد ما تدخل يمين من خريص مقابل جيان سابقاً ( هايبر بنده حالياً ) تتعدى اول اشارة والثانية بعدها اول لفه يمين |
رد: يااخوان اين تقع ثانوية عبدالرحمن بن مهدي في الرياض
[align=right]
الكروكي اللي في مركز اختبارات الرياض مو وااااضح ويوهم الكثير خصوصاً كارفووووور لأن فر عها على خريص ومو معروف اللي على احمد بن حنبل المعلومات الصحيحه ثانويه عبد الرحمن بن مهدي - شارع عبد الرحمن بن عوف، بعد تقاطعه مع شارع أحمد بن حنبل، اول شارع يمين - هاتف رقم 0504429200 الكروكي الصحيح وراح ان شاء الله اوصح لكم بالصور و المعالم البسيطه كارفور ليست معلم صحيح ... لعدم قربها من المدرسة بالشكل المطلوب للي جايين من شمال و غرب الرياض (( زحمة المعارض عجلوا بالجيه ) على طريق خريص مخرج 13 الدائري الشرقي امسك الطريق باتجاه الشرق الين توصل معارض النسيم مقابل جيان سابقاً ( هايبر بنده حالياً ) مخرج ( 26 ) أو يسمى مخرج خالد بن الوليد توصل اشارة المعارض مقابل جيان كما قلنا ادخل يمين إلين توصل اول اشاره تعداها الين توصل الاشارة الثانيه ( تقاطع شارع عبد الرحمن بن عوف اللي انت عليه مع شارع أحمد بن حنبل ) تعدى الاشارة الين توصل اول مدخل على يمينك وهو شارع ( شهاب العنبري ) امش سيدا لين تشوف مواقف السيارات و المدرسه المطلوبه اللي جايين من الدائري الجنوبي امسك مخرج 14 أحسن لك ... بعيد عن الزحمه و أقرب من عند مخرج 14 يمين لين تجيك أول اشاره حرف t رح يسار أول اشارة يمين ( بداية شارع احمد بن حنبل ) لين توصل شارع عبد الرحمن بن عوف أو طريق ( عبد الرحمن بن سعد الأول ) شارع ( الميه نسميه وانتبه من ساهر عليه :119: ) لين توصل اشارة عبد الرحمن بن عوف خذ يسار بس ما انصح من مخرج 15 لأن اشاراته قلق مع ساهر [/align] |
رد: يااخوان اين تقع ثانوية عبدالرحمن بن مهدي في الرياض
توي جاي من المدرسه
شفت موقعها وجيت اللي راح يجي من جنوب الرياض يخش من مخرج 15 < الدائري الشرقي يمسك طريق عبدالرحمن الأول اول شاره (يكمل سيده ) ثاني اشاره ( يكمل سيده ) ثالث اشاره ( يخش يسار) << عند مقبره النسيم يمشي سيده لين توصل أول اشاره ( يكمل سيده ) الأشاره الثانيه ( يديور و أول شارع يمين يدخل معاه ) تحصل المدرسه في وجهك على طول مبناها حلو ماعليه :cheese: |
رد: يااخوان اين تقع ثانوية عبدالرحمن بن مهدي في الرياض
الجمدلله جنب بيتنا في المنار والله ان هذا احسن شي والثانويه اللي يدرسون فيها اخواني يارب المراقبين من نفس المدرسه كان فله بجد |
رد: يااخوان اين تقع ثانوية عبدالرحمن بن مهدي في الرياض
[align=center]المدرسة وصفها واضح جدا
فيه بعض الاوصاف صحيحه وبعضها فيها نوع من الخطاء المدرسه في حي السلام وليست في حي النسيم للي يجي من طريق خريص يدخل من عند معارض النسيم شارع عبدالرحمن بن عوف ويعدي اول اشارة وثاني اشارة من يتعداها على طول يدخل يمين اول لفه من بعد الاشارة يحصل المدرسة قدامه على طول وهي واضحه حكومية من المباني الجديدة لونها بيج ايضا فيه كارفور قريب منها بس من جهة الشمال على شارع احمد بن حنبل هذي المدرسة لها ذكريات أليمة دارس فيها ايام الثانوي وانشالله نتقابل هناك ياشباب واسئل الله لي ولكم التوفيق والنجاح الباهر [/align] |
رد: يااخوان اين تقع ثانوية عبدالرحمن بن مهدي في الرياض
انا بصراحه مو من الرياض لكن الوصف الربع الي بي الصفحه حقك هو الصحيحه بس انت تاكد اتصال بكره الصباح على الجا معه وهم يقلون لك بس انت تاكد :smile:
|
رد: يااخوان اين تقع ثانوية عبدالرحمن بن مهدي في الرياض
الوصف واضح ياشباب مايبي له ابد ابد
نفس اللي قلته |
رد: يااخوان اين تقع ثانوية عبدالرحمن بن مهدي في الرياض
الموقع فاشل و صعب بصراحة
|
رد: يااخوان اين تقع ثانوية عبدالرحمن بن مهدي في الرياض
من وين تجي وانا اوصف لك
|
رد: يااخوان اين تقع ثانوية عبدالرحمن بن مهدي في الرياض
شوقتوني وربي للرياض صار لي شهور ماشفتها
احسها مني وانا منها ياحبي لنجد انااااااااا:love080: :love080: :love080: |
رد: يااخوان اين تقع ثانوية عبدالرحمن بن مهدي في الرياض
اللي مايعرف
بس يرسل لي ع الخاص رقم جواله وانا اوصف له لين يوصل واي شي يخص شرق الرياض انا حاضر <<خبره 17 سنه :biggrin: |
رد: يااخوان اين تقع ثانوية عبدالرحمن بن مهدي في الرياض
:064:
اقتباس:
اجلس جنبي بالاختبار ههههههه |
| All times are GMT +3. الوقت الآن حسب توقيت السعودية: 03:59 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه