ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   ملتقى طلاب التعليم عن بعد جامعة الملك فيصل (https://vb.ckfu.org/forumdisplay.php?f=183)
-   -   حضور المحاضرات والواجبات ؟؟؟؟؟؟؟؟؟ (https://vb.ckfu.org/showthread.php?t=111518)

احمد الشمري 2010- 10- 26 03:08 PM
حضور المحاضرات والواجبات ؟؟؟؟؟؟؟؟؟
 
السلام عليكم ورحمة الله

اسعد الله مساكم

كيفكم جميعاً

الحين حضور المحاضرات ضروري واذا ماحضرت وش يصير

والشي الثاني فيه واجبات ولا لا

انا لي كم اسبوع ساحب مادخلت

ماني فاضي كل شوي ادخل طفش احس اني بمدرسه

اذا حضور المحاضرات ضروري وفيه واجبات راح اتحسف اني سجلت بالجامعه

ابي اذاكر وقت الاختبارات بس

ماتحسون اني ثقل > متنرفز :mh01:

صموته الدلوعه 2010- 10- 26 03:12 PM
رد: حضور المحاضرات والواجبات ؟؟؟؟؟؟؟؟؟
 
وربي جد مالهم دااعي

الواجبات وحضوور المحاضره لازم وكمان منتدى الحوار وعليها 30 درجه

واذا محتاج وروابط وهيك مستعده انزلها لك

مووفق

عـــــ بـنـت ـــــز& 2010- 10- 26 03:19 PM
رد: حضور المحاضرات والواجبات ؟؟؟؟؟؟؟؟؟
 
الله يكون بالعون

صار كل شي محسوب عليك ,,, الدخول للمحاضره ,, والمحاضره المباشره <<بعشر درجات

والواجبات ,, فيه واجب للنحو ,,, الاخت رشوف حلت الواجب اذا منت فاضي انسخ والصق

اااااه ياقلبي بالله الدكتور بيشوف كل الواجبات اللي تجيه ,, بصراحه اشك

صموته الدلوعه 2010- 10- 26 03:19 PM
رد: حضور المحاضرات والواجبات ؟؟؟؟؟؟؟؟؟
 
http://www.ckfu.org/vb/t111362.html
http://www.ckfu.org/vb/t111419.html
http://del.kfu.edu.sa/entisab%5Fapp/...rses%5Fgroups/

ان شاء الله تستفيد من الرووابط مووفق

احمد الشمري 2010- 10- 26 03:29 PM
رد: حضور المحاضرات والواجبات ؟؟؟؟؟؟؟؟؟
 
اما هي يعني الي سمعته حقيقه
ياااااااااااااااااااااااااربي والله لو انا داري ان الموضوع كذا ماسجلت :s9:
مابي مابي كذا بكيفي مو على كيفهم الدبيين > من الحره الي بقلبي :d1:
ياويل قلبي بس ااااااااااااااااااااااه :mad:
مشكورات خواتي الله يجزاكن خير
ماقصرتن وربي بيض الله وجيهكن

طموح فتاه 2010- 10- 26 03:45 PM
رد: حضور المحاضرات والواجبات ؟؟؟؟؟؟؟؟؟
 
والله صعبو علينا السالفه انا للحين ماشفت ولا محاضره للأسبوع هذا الله يعين بس

اجتماعي 2010- 10- 26 04:03 PM
رد: حضور المحاضرات والواجبات ؟؟؟؟؟؟؟؟؟
 
مالهم داعي هذا انتساب ولا انتظام ؟؟؟؟؟؟؟؟؟؟؟؟؟؟؟؟؟؟؟؟؟؟؟:tj4::mad:

رتووووش 2010- 10- 26 05:57 PM
رد: حضور المحاضرات والواجبات ؟؟؟؟؟؟؟؟؟
 
مالك الا الصبر وش وداك له

اخوي احمد الله يعينك كلنا توهقنا والله الظاهر وجيهنا وجيه شؤم على الطلاب هذا النظام السنه هذي بس

المهم الاخت اللي نزلت الرابط هذا رابط يعلمك باي مجموعة فقط
بالله اللي يعرف شي عن الجدول مع انه عندي بس مافهمت شي منه
ونصه مو مكتوب عليه مجموعه واللى ادهى وامر ان امس يوم الاثنين منزلين لي محاضرتين بنفس التوقيت
والا اني مافهمت شي

مصفوقه بطابوقه 2010- 10- 26 06:01 PM
رد: حضور المحاضرات والواجبات ؟؟؟؟؟؟؟؟؟
 
هذا رابط جدول المحاضرات
http://www.kfu.edu.sa/ar/Deans/elear...tructions.aspx

رقم واحد حق جدول المحاضرات ..

رتووووش 2010- 10- 26 06:25 PM
رد: حضور المحاضرات والواجبات ؟؟؟؟؟؟؟؟؟
 
الف شكر اخت مصفوووقه دايما مجتهده الله يوفقك يارب

#saif# 2010- 10- 26 06:28 PM
رد: حضور المحاضرات والواجبات ؟؟؟؟؟؟؟؟؟
 
اقتباس:
المشاركة الأصلية كتبت بواسطة احمد الشمري (المشاركة 1859804)
مابي مابي كذا بكيفي مو على كيفهم الدبيين >





ههههههههههههههههههههههه فاطس :m07: عجبتني الدبيين

احمد الشمري 2010- 10- 26 11:01 PM
رد: حضور المحاضرات والواجبات ؟؟؟؟؟؟؟؟؟
 
من جد وربي كاننا بانتظام واحلا توهيقه

المفروض اقل شي يعطوننا شهادة انتظام مو انتساب

لاوالي مجنني الواجبات ياااااااااااربي مابي والله مابي :d1:

اكرهه مااحبه ابد فكوني منه ولا اكسر لابي وغرفتي وكل شي :tj4:

قسم بالله كرهت كل شي حتى النظام ماادخله مالي نفس ليش

طيب انا حر ابي احضر محاضرات احضر مابي على راحتي

ليش يجبروننا :mad:
عسكري تضحك ها ليتك عندي طلعت الحره فيك ههههههههههههه
اااااااااااه بس الله يعين

رتووووش 2010- 10- 26 11:34 PM
رد: حضور المحاضرات والواجبات ؟؟؟؟؟؟؟؟؟
 
يابن عمي ازيدك من الشعر بيت لازم تناقش الدكتور بالحوار وعليه درجاات ليتها بس على حضور المحاضرات والواجبات
الله يعينك ادري اني ضيقتها عليك بس لازم اعلمك

شــــوق 2010- 10- 26 11:42 PM
رد: حضور المحاضرات والواجبات ؟؟؟؟؟؟؟؟؟
 
ياناس ليه مصعبينها

محاضره مباشره مدتها ساعه بسسس
تراه مو دهر ولا هي كل يوم

واذا على درجات النقاش ياخوي انت واياه جهزوا لكم اي سؤال واسألوا الدكتور وناقشوه بالاجابه ... اعصر مخك وطلع سؤال ان شاء الله لو تقوله كم عمرك :(164):

وبعدين اللي مافهم الجدول يرجع ويقراه عددددل تراه واضح :mh01:

علوووش 2010- 10- 26 11:53 PM
رد: حضور المحاضرات والواجبات ؟؟؟؟؟؟؟؟؟
 
شباب الجدول هذا يبداء من يوم الاربعاء الموافق19/11/1431هـ أو انه قد بدا قبل كذا بصراحه لي فتره مادخلت على النظام وبعدين كيف حيبدأ من اول محاضره والا يواصلو المحاضرات يليت تفيدونا ولكم كل الشكر

شــــوق 2010- 10- 27 12:00 AM
رد: حضور المحاضرات والواجبات ؟؟؟؟؟؟؟؟؟
 
اخوي علوش

بكرا يوم الاربعاء 19/11 يعني بكرا تبداء المحاضرات مع انها ابتدت امس الاثنين محاضرتين للتربية الخاصه واليوم بعد فيه محاضره الظاهر لادارة الاعمال


كل اللي عليك تناظر انت الجدول تبع المحاضرات المباشره وتناظر انت عندك اي يوم واي ساعه وكم محاضره باليوم .... عموما مو اكثر من محاضرتين ومدة المحاضره ساعه

وطريقة الدخول تفتح البلاك بورد وتدخل على الماده اللي لها محاضره مباشره وتدخل على ايقونة المحاضرات المباشره وبس .. عموما فيه موضوع فيه شرح كامل لطريقة دخول المحاضرات المباشره ابحث عنه بالمنتدى وبتلاقيه

اتمنى اني افدتك

لين 24 2010- 10- 27 12:58 AM
رد: حضور المحاضرات والواجبات ؟؟؟؟؟؟؟؟؟
 
يااااااربي رباه

انا المحاضرات متراكمه علي كيف يمديني الحق ع الباقي :(154):

والله اللي ضعنا من جديد :s9:


يارب تسهلهاا من جد قهر

رَحيق الورد 2010- 10- 27 01:10 AM
رد: حضور المحاضرات والواجبات ؟؟؟؟؟؟؟؟؟
 
شدوااحيلكم بالمذاكرة ولاترهقون انفسكم وتجهدونها
مذاكرة ساعة وانتم مركزين افضل من عشر ساعات وانت مشتتين
ذهنيا.مادام الاسئلة كلها اختيارية لاتضيعون وقتكم كثير بالحفظ اهم شي الفهم .
بالنسبة للواجبات والمحاضرات المباشرة اهديكم هالرابط بس تصفحوا كل الصفحات حتى تستفيدون اكثر.
http://www.ckfu.org/vb/t111693.html

رَحيق الورد 2010- 10- 27 01:14 AM
رد: حضور المحاضرات والواجبات ؟؟؟؟؟؟؟؟؟
 
طبعا اقصد بالحفظ (((الحفظ بالنص ))))يعني على سبيل المثال التعاريف ماراح يجيك عرف .لو اكتفينا بفهمه كمعلومة يكفي.وقيس على ذلك ...

رتووووش 2010- 10- 27 02:56 AM
رد: حضور المحاضرات والواجبات ؟؟؟؟؟؟؟؟؟
 
اقتباس:
المشاركة الأصلية كتبت بواسطة لين 24 (المشاركة 1865596)
يااااااربي رباه

انا المحاضرات متراكمه علي كيف يمديني الحق ع الباقي :(154):

والله اللي ضعنا من جديد :s9:


يارب تسهلهاا من جد قهر
من جد كلنا ترى مابدينا للحين باقي وقت طويل

اقتباس:
المشاركة الأصلية كتبت بواسطة رحيق الجنة (المشاركة 1865650)
شدوااحيلكم بالمذاكرة ولاترهقون انفسكم وتجهدونها
مذاكرة ساعة وانتم مركزين افضل من عشر ساعات وانت مشتتين
ذهنيا.مادام الاسئلة كلها اختيارية لاتضيعون وقتكم كثير بالحفظ اهم شي الفهم .
بالنسبة للواجبات والمحاضرات المباشرة اهديكم هالرابط بس تصفحوا كل الصفحات حتى تستفيدون اكثر.
http://www.ckfu.org/vb/t111693.html
الله يعطيك العافيه اختي

شــــوق 2010- 10- 27 03:02 AM
رد: حضور المحاضرات والواجبات ؟؟؟؟؟؟؟؟؟
 
لحدددددد الحين مابديتوا بالمذاكره ؟؟؟؟؟؟؟؟؟

واااااي منكم صدقوني الملازم كبيره والمعلومات كثييييييره مرا ..... كيف لحد الحين مبردين على اعصابكم وتقولوا لسى فيه وقت طويل

ياحبني لي واللللللللله اثاريني طالبه مجتهده :(164): الله يديم علي <<< اذكروا الله

عَ ـزْفْ الہُـدوُء 2010- 10- 27 03:29 AM
رد: حضور المحاضرات والواجبات ؟؟؟؟؟؟؟؟؟
 
ههههههههههههههههه :m07:

هــذاا النـظاام اللي ماا كاان عااجبني صاار يعجبني:049:

الأنه صاار يخلييني أطلع من الدواام قبل أربع :(156):

هوو صحييح فييه أشياااء تغث وتطفش بس بداامي أطلع بدري عاا جبني:(164):

قوولوو ماشاءالله لاتصكووني عيين ويجلسووني عندهم ووووووووووع أمووت بعديين عندهم:(154):

نانا ماشاءالله علييك شكلك فااضيه عشاان كذا تحطيين حرتك في الملازم:(156):

شــــوق 2010- 10- 27 03:32 AM
رد: حضور المحاضرات والواجبات ؟؟؟؟؟؟؟؟؟
 
لا والله مو فاضيه اببد بس وربي الملازم مرعبه بششششكل

علوووش 2010- 10- 27 09:04 PM
رد: حضور المحاضرات والواجبات ؟؟؟؟؟؟؟؟؟
 
اقتباس:
المشاركة الأصلية كتبت بواسطة نونا 1 (المشاركة 1865226)
اخوي علوش

بكرا يوم الاربعاء 19/11 يعني بكرا تبداء المحاضرات مع انها ابتدت امس الاثنين محاضرتين للتربية الخاصه واليوم بعد فيه محاضره الظاهر لادارة الاعمال


كل اللي عليك تناظر انت الجدول تبع المحاضرات المباشره وتناظر انت عندك اي يوم واي ساعه وكم محاضره باليوم .... عموما مو اكثر من محاضرتين ومدة المحاضره ساعه

وطريقة الدخول تفتح البلاك بورد وتدخل على الماده اللي لها محاضره مباشره وتدخل على ايقونة المحاضرات المباشره وبس .. عموما فيه موضوع فيه شرح كامل لطريقة دخول المحاضرات المباشره ابحث عنه بالمنتدى وبتلاقيه

اتمنى اني افدتك
ربي يعطيك العافيه بس انا نزلت الجدول تمام لكن القصد انه كم محاضره مباشره فاتتني قبل هذا التاريخ ربي يخليك لي

برزان الشمري 2010- 10- 28 12:37 AM
رد: حضور المحاضرات والواجبات ؟؟؟؟؟؟؟؟؟
 
طيب واللي ماعرف الجدول للحين ولا حضر ولا محاضره وش يصير عليه........

الله يعين يابو زيد اثاريك صادق ... والله وضاقت علينا..............:(177)::(177)::(177):

شــــوق 2010- 10- 28 12:48 AM
رد: حضور المحاضرات والواجبات ؟؟؟؟؟؟؟؟؟
 
علوش

انت ادارة وانا تربيه فما ادري كم محاضره فاتتك بس اعتقد انه يوم الاثنين كان فيه لكم محاضرة احصاء والنظام تعطل فذيك اللحظه واليوم الاربعاء فيه للتربيه محاضرة انجلش وكمان نفس الحاله



برزان الشمري

ياخوي ابحث عن الجدول وانتبه لاوقاتها لايضيعون عليك الدرجات

رتووووش 2010- 10- 28 12:55 AM
رد: حضور المحاضرات والواجبات ؟؟؟؟؟؟؟؟؟
 
اقتباس:
المشاركة الأصلية كتبت بواسطة برزان الشمري (المشاركة 1873447)
طيب واللي ماعرف الجدول للحين ولا حضر ولا محاضره وش يصير عليه........

الله يعين يابو زيد اثاريك صادق ... والله وضاقت علينا..............:(177)::(177)::(177):

ههههههههههه الله يعينك يابرزان والله حتى انا ماسويت شي للحين بس حاول تجتهد حوس بالبلاك بورد وتعتبر لك مشاركه


اقتباس:
المشاركة الأصلية كتبت بواسطة نونا 1 (المشاركة 1873545)
علوش

انت ادارة وانا تربيه فما ادري كم محاضره فاتتك بس اعتقد انه يوم الاثنين كان فيه لكم محاضرة احصاء والنظام تعطل فذيك اللحظه واليوم الاربعاء فيه للتربيه محاضرة انجلش وكمان نفس الحاله



برزان الشمري

ياخوي ابحث عن الجدول وانتبه لاوقاتها لايضيعون عليك الدرجات

نونا كيفك صارت شات هالموضوووع المهم انتي فتحت معك المحاضرة اليوووم

شــــوق 2010- 10- 28 01:01 AM
رد: حضور المحاضرات والواجبات ؟؟؟؟؟؟؟؟؟
 
اقتباس:
المشاركة الأصلية كتبت بواسطة رتووووش (المشاركة 1873600)

نونا كيفك صارت شات هالموضوووع المهم انتي فتحت معك المحاضرة اليوووم


اي فتحت معي ومافيه غيري انا والدكتور وهاااات ياسوالف وضحك انا واياه <<< :(164): تحلم ههههه

ههههههههههههههههه وين تفتح المحاضره مليييييييت وانا انتظر لحد الساعه 6 ونص وبعدين طلعت
افففففف الى متى واعصابنا كذا تلفانه معاهم

لانظام مثل العالم ولا احترام للطلاب .. <<< اللي يسمعهم يقول هذا نظام شركة ابل :mad:

رتووووش 2010- 10- 28 01:07 AM
رد: حضور المحاضرات والواجبات ؟؟؟؟؟؟؟؟؟
 
الله يعين على العموووووووووم بكرى مقابله مع النجار وعسانا نكلمه بس

شــــوق 2010- 10- 28 01:09 AM
رد: حضور المحاضرات والواجبات ؟؟؟؟؟؟؟؟؟
 
انت سامع اغنية يحلمووووون ؟؟ هههههههههههههههههههههههههههههههههههههههههه



هذا ردي عليك بالنسبه للمحاضرات المباشره

رتووووش 2010- 10- 28 01:14 AM
رد: حضور المحاضرات والواجبات ؟؟؟؟؟؟؟؟؟
 
لا ابشرك نزلت اغنيه جديد
ردد ياليل

كلي غموض 2010- 12- 4 04:10 PM
رد: حضور المحاضرات والواجبات ؟؟؟؟؟؟؟؟؟
 
ابفهم شي واحد بس

الــ 30 درجه من صالحنا كارهينها ليه ؟

يعني مشاءالله لهدرجه انتم دوافير وماتبونها:Cry111:

اقووول احمدوووو ربكم ومافي شي من غير تعب:119:

كلي غموض 2010- 12- 4 04:16 PM
رد: حضور المحاضرات والواجبات ؟؟؟؟؟؟؟؟؟
 
ايه صح نسيت جايه اهاوش احمد

< تمون عليه معصبه:017:

احمد عين خير واذا تبي الـ 30 حل واجباتك وحمل المحاضرات المباشره وشارك في منتدى البلاك

ماتبيها ومستغني عنها لاتسووي شي وبصرك:119:

رنجه 2010- 12- 4 04:26 PM
رد: حضور المحاضرات والواجبات ؟؟؟؟؟؟؟؟؟
 
اممممممممممممم اذكر الله وادخل البلاك وحمل المحاضرات المباشره المسجله لان عليها 10 درجات
وحل الواجبات اللي عندك وكل الاسئله محلولها بالمنتدى
وادخل المنتدى واكتب اي شي عن الماده << اهم شي يحسب لك النظام دخولك اممممممممم بكذا تظمن الدرجات 30 أن شاء الله
بالتوفيق

عاشق الطموح 2010- 12- 4 04:28 PM
رد: حضور المحاضرات والواجبات ؟؟؟؟؟؟؟؟؟
 
والله أنا يصيبني قرف وحموضه من بعض الكلام وأسلوب الطلاب والطالبات اللي يقولون ويتذمرون من الواجبات ونظام الساعات أجل وش تبون يسوون لكم الجامعه وهم معطين 30 درجه على طبق من ذهب .
بس أبي اسأل سؤال ليه يسجل وتسجلي مدامكم كسولين ودلوعين شوي .

الصراحه مزعجه وأنا صريح
تزعلك ما تزعلك با قولها

شــــوق 2010- 12- 4 07:55 PM
رد: حضور المحاضرات والواجبات ؟؟؟؟؟؟؟؟؟
 
اقتباس:
المشاركة الأصلية كتبت بواسطة عاشق الطموح (المشاركة 2093271)
الصراحه مزعجه وأنا صريح
تزعلك ما تزعلك با قولها

اخس ياقوي انت :d5:


باااااااااااااااااااااااااااااااااقي شهر واحد بس :Cry111: ,, الله يعيننا امييييييييييين

يارب انجح بتفوق ياااااااااااارب

الباارونه 2010- 12- 4 07:59 PM
رد: حضور المحاضرات والواجبات ؟؟؟؟؟؟؟؟؟
 
يارب تعينا عليهم وعلى قرارتهم

ابوالجوهره 2010- 12- 4 08:05 PM
رد: حضور المحاضرات والواجبات ؟؟؟؟؟؟؟؟؟
 
صحيح انها ارتباط ولكن بنعرف قدر الدرجة عند الاختبار وما لنا الا الصبر والاجتهاد وانشاالله بيعوضنا الله خير

احمد الشمري 2010- 12- 6 11:53 AM
رد: حضور المحاضرات والواجبات ؟؟؟؟؟؟؟؟؟
 

ياناس المشكله اني حاط ببالي بس وقت الاختبارات اختبر
مادريت ان السالفه محاضرات وواجبات ومنتدى حوار :mh12:
طيب طيب لاتهاوشون خلاص ابي احاول احل الواجب وانزل المحاضرات
اهم شي لاتزعلون علي :Cry111: هههههههههههههههههاي
الحين بديت على شوي شوي تخيلو امس تشجعت ونزلت محاضره وحده >عسى ماتعنيت:hahahahahah:
خلاص الحين مافيه تراجع لازم نشد على انفسنا ونسوي الي نقدر عليه
والله يوفق الجميع

كلي غموض 2010- 12- 6 02:03 PM
رد: حضور المحاضرات والواجبات ؟؟؟؟؟؟؟؟؟
 
ايه كفووو وانا اختك هذا الكلام اللي يونس قسم شايله همك

وشد على حيلك شوووي قد ماتقدر حمل المحاضرات

والواجبات حلها كلها ماتاخذ منك ساعه وحده

والله يوفقك واي شي تبيه انا بالخدمه :119:

احمد الشمري 2010- 12- 8 08:44 AM
رد: حضور المحاضرات والواجبات ؟؟؟؟؟؟؟؟؟
 
كفوك آلطيب تسلمين آختي
توي آحس آني مهم :cheese:
آن شآء آلله ولآيهمك آلحين آبي آبدآ خلآص تهورت :biggrin:
الله يعطيك آلعآفيه ويوفقك


All times are GMT +3. الوقت الآن حسب توقيت السعودية: 04:00 PM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه