ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   ملتقى طلاب التعليم عن بعد جامعة الملك فيصل (https://vb.ckfu.org/forumdisplay.php?f=183)
-   -   عتبي على إدارة القبول في الجامعة (https://vb.ckfu.org/showthread.php?t=103554)

saudirakd 2010- 10- 2 10:42 PM
عتبي على إدارة القبول في الجامعة
 
السلام عليكم ورحمة الله،،،
تحية طيبة لجميع الأعضاء،،،

كحال كثير من الطلاب إلي قدموا ع هذا الترم، وصلتني اليوم رسالة تفيد بقبولي في الرغبة الأولى وهي إدارة اعمال بعدما تم رفضي سابقاً في رمضان..

في الحقيقة أول ما شفت الرسالة فرحت ولكن بنفس القدر زعلت وكنت ع وشك أن امسح الرسالة لكن تعوذت من الشيطان..

إلي خلاني أفكر أني أمسح الرسالة هي الطريقة إلي تم بها القبول.. في البداية نقدم ويقولون آسفين مالك حظ معانا وأنسى كل احلامك وطموحاتك.. والحين يقولون خلاص يلا ترى قبلناك بس هاه ترى معاك 4 أيام علشان تسدد وترسل أوراقك..

ما هذا التعامل يا إدارة القبول..!! لماذا تستخفون في عقولنا.. في لحظة ترمون بنا في القاع.. ثم تصعدون بنا للقمة..

أستغرب هذا الأسلوب في التعامل من جهة أكاديمية كان المفروض أن يكون تعاملهم أفضل من ذلك.. كان المفروض أنهم يتعبون ع نفسهم شوي ويزيدون سطر يوم أرفضونا ويقولون أنه فيه أمل لقبولنا في حال الانسحاب أو بنكون في قائمة الأنتظار او اي شيء بس ما تكون بهذي الطريقة، كثير مننا بعد ما خذا حسابه مادياً ولازم يوفر 2475 في خلال 4 أيام ولا ذنبه ع جنبه..

أتمنى أنهم يلاحظون هالشيء ويتلافونه في السمسترات القادمة علشان ما ينصدمون إلي بيقدمون عقبنا مثل ما أنصدمنا حنا..


في الحقيقة ما حبيت أنها تكون أول مشاركة لي معكم بهذا الشكل لكن الظروف حكمت..
أعذروني ع الاطالة.. واتمنى انك تقبلوني عضو جديد في إدارة الاعمال.. وربي يوفق الجميع..

تقبلوا تحيتي،،،

سفير الشرقية 2010- 10- 2 10:53 PM
رد: عتبي على إدارة القبول في الجامعة
 
اهلاً وسهلاً بك اخوي الغالي ..

الف مبروك القبول .. وعقبال التخرج يارب ..

والله من كثر الضغط اللي تواجه الجامعة في عملية القبول والتسجيل .

تخيل السمستر اللي راح 11000 طالب وطالبة .. إنتساب فقط . سمستر واحد ..

يعني يبي لك تطول بالك وتوسع صدرك ..

أهم شي انك قبلت في التخصص اللي أنت تبيه .. ومن ناحية توفير المبلغ بعد بكره الرواتب وفيه مجال . أنك تسدد في نفس اليوم وترسل أوراقك يوم وهي عندهم ..

أبارك لك مرة ثانية ,,, والله يوفقك .. وخل أملك كبير ..

وحياك الله عضو نشيط تفيد وتستفيد ..

أخوك سفير الشرقية ..

saudirakd 2010- 10- 2 11:15 PM
رد: عتبي على إدارة القبول في الجامعة
 
يا هلابك أخوي سفير..
الله يبارك فيك.. وعقبال تخرجنا أجمعين باذن الله..

والله يا الغالي أقدر رأيك والتسامح مطلوب لكن مو في كل شيء.. أحياناً لازم تتكلم وتعاتب علشان يتم اصلاح الخلل..
إدارة القبول أخطأت بحق الجميع يوم انها ما نبهتنا وهي عملية سهلة جداً وكلها سطر زيادة..
ما أبي أتكلم عن الضغط إلي يعانونه لأن هذا الامر لا يعنيني وهو عملهم وكل الجامعات في المملكة ما يقل عدد إلي يقدمون عليها عن جامعتنا..
أما بالنسبة للرسوم الراتب نزل من زمان وصرفناه لكن ابشرك استلفت وضبطت الأمور :)

الله يوفقني وياك.. وإن شاء الله الجاي أكيد بيكون أخف من إلي راح..

أوراق منثورة 2010- 10- 2 11:20 PM
رد: عتبي على إدارة القبول في الجامعة
 
مبرووك القبوول.. وان شاء التخرج بامتياز ,,

بالتووفيق يارب..

لبنونه 2010- 10- 3 01:02 AM
رد: عتبي على إدارة القبول في الجامعة
 
مبروك واقول لاوراق منثورة باللة لاتطلعين انتى بعد وتنسحبين مثل الى ماابى اقول اسمائهم خليك معناااااولاتغيرين رايك تعودنااا عليكم

الفهّــاد 2010- 10- 3 02:29 AM
رد: عتبي على إدارة القبول في الجامعة
 
يعني يمدينااااااااا....او رجعت الدراهم صعبه




الله كريم’’

رنو 2010- 10- 3 02:57 AM
رد: عتبي على إدارة القبول في الجامعة
 
اقتباس:
المشاركة الأصلية كتبت بواسطة الفهّــاد (المشاركة 1675528)
يعني يمدينااااااااا....او رجعت الدراهم صعبه




الله كريم’’
يمديك أخوي تستلم الدراهم

زيـــزومــ 2010- 10- 3 03:14 AM
رد: عتبي على إدارة القبول في الجامعة
 
Saudirakd أولاً مبروك القبول ثانياً معليش طول بالك عادي ترا صارت أخطاء اكبر من كذا معانا منها الغموض في اللي بالجدول الدراسي وسالفة الـ15 حقت الـSMS والبلاك بورد المعلق وعدم إرسال الرقم السري للجوال معليش معليش يبيلنا نمشي على قاعدة BTB اللي هي BبدكTتطولBبالك

بيبداء الترم وبتنزل المحاضرات وان شاء الله يتلافون الأخطاء لاحقاً
موفقين أن شاء الله

قمر السعودية ~ 2010- 10- 3 03:24 AM
رد: عتبي على إدارة القبول في الجامعة
 
الف مبروووك اخوي saudirakd عالقبول
ومعليه طول بالك بكل مكان تحصل هاللخبطه والحمدلله انهم قبلوك بنفس هالسنه وماتهدمت احلامك وطموحاتك والله كتب لك تدرس وتحققها

كلك حركات 2010- 10- 3 08:39 AM
رد: عتبي على إدارة القبول في الجامعة
 
الف مبرووك القبول:(204):

لسسه ماشفت شي البلاك بورد معلق وموقع الجامعه زي الزفت مايتحمل الزحمه

مششش حتقدر تغمض عنيك

محمــــــــــد 2010- 10- 3 10:17 AM
رد: عتبي على إدارة القبول في الجامعة
 
صل عل النبي

ان مع العسر يسرا

والحمد لله تم قبولك في النهايه ..

صحيح انها صدمه في البداية رفض بعدين قبول ... كأنك خاطب وحده رفضت بعدين قبلت :oao:


بس المهم وانا اخوك انك انقبلت والهدف الأكبر هي الشهاده والعلم والتخرج باذن الله


شد حيلك ولا تخلي مشكلة صغيره تاثر فيك

وراح نشوف اشياء كثيرة زي كذا ..

ان شاء الله الصدمه البسيطه هذي تخليك أقوى ... دوووس يا وحش

موفق

saudirakd 2010- 10- 3 05:55 PM
رد: عتبي على إدارة القبول في الجامعة
 
اقتباس:
المشاركة الأصلية كتبت بواسطة أوراق منثورة (المشاركة 1674062)
مبرووك القبوول.. وان شاء التخرج بامتياز ,,

بالتووفيق يارب..

الله يبارك فيك.. وإن شاء الله النجاح للجميع..
شكراً ع المشاركة،،،

saudirakd 2010- 10- 3 05:56 PM
رد: عتبي على إدارة القبول في الجامعة
 
اقتباس:
المشاركة الأصلية كتبت بواسطة لبنونه (المشاركة 1674979)
مبروك واقول لاوراق منثورة باللة لاتطلعين انتى بعد وتنسحبين مثل الى ماابى اقول اسمائهم خليك معناااااولاتغيرين رايك تعودنااا عليكم

الله يبارك فيك..

يسلمووو ع المرور،،،

saudirakd 2010- 10- 3 05:57 PM
رد: عتبي على إدارة القبول في الجامعة
 
اقتباس:
المشاركة الأصلية كتبت بواسطة الفهّــاد (المشاركة 1675528)
يعني يمدينااااااااا....او رجعت الدراهم صعبه




الله كريم’’


الله يوفقنا وياك..

يسلمووو ع المرور،،،

saudirakd 2010- 10- 3 05:58 PM
رد: عتبي على إدارة القبول في الجامعة
 
اقتباس:
المشاركة الأصلية كتبت بواسطة رنو (المشاركة 1675670)
يمديك أخوي تستلم الدراهم

شكراً ع الإفادة والمرور،،،

saudirakd 2010- 10- 3 06:08 PM
رد: عتبي على إدارة القبول في الجامعة
 
اقتباس:
المشاركة الأصلية كتبت بواسطة زيـــزومــ (المشاركة 1675749)
saudirakd أولاً مبروك القبول ثانياً معليش طول بالك عادي ترا صارت أخطاء اكبر من كذا معانا منها الغموض في اللي بالجدول الدراسي وسالفة الـ15 حقت الـsms والبلاك بورد المعلق وعدم إرسال الرقم السري للجوال معليش معليش يبيلنا نمشي على قاعدة btb اللي هي bبدكtتطولbبالك

بيبداء الترم وبتنزل المحاضرات وان شاء الله يتلافون الأخطاء لاحقاً
موفقين أن شاء الله

يا هلابك أخوي زيـــزومــ.. الله يبارك فيك..

والله شكلها هالـ btb ما راح يمشي حالها :)

إذا استمرت هالأخطاء ما راح نتخرج إلا وكل واحد فينا في يده خيشة علاجات وعلاج للنفسية فوق البيعة :)

يسلمووو ع المشاركة وربي يوفقنا أجمعين..

saudirakd 2010- 10- 3 06:14 PM
رد: عتبي على إدارة القبول في الجامعة
 
اقتباس:
المشاركة الأصلية كتبت بواسطة قمر السعودية ~ (المشاركة 1675803)
الف مبروووك اخوي saudirakd عالقبول
ومعليه طول بالك بكل مكان تحصل هاللخبطه والحمدلله انهم قبلوك بنفس هالسنه وماتهدمت احلامك وطموحاتك والله كتب لك تدرس وتحققها

الله يبارك فيك..

الحمد لله اليوم بعد ما رحت سددت وارسلت الأوراق نسيت الموضوع.. لكن أتمنى أنهم ما عاد تتكرر أخطائهم..

الحمد لله ع فضله وكرمه.. صحيح فيه شباب معي اليوم في الدوام ما ارسلو لهم شيء وضاع عليهم هالترم.. الله يعوضهم خير ويوفقنا يا رب..

شكراً ع هالمشاركة إلي اسعدتني كثيراً،،،

saudirakd 2010- 10- 3 06:15 PM
رد: عتبي على إدارة القبول في الجامعة
 
اقتباس:
المشاركة الأصلية كتبت بواسطة كلك حركات (المشاركة 1677261)
الف مبرووك القبول:(204):

لسسه ماشفت شي البلاك بورد معلق وموقع الجامعه زي الزفت مايتحمل الزحمه

مششش حتقدر تغمض عنيك

ههههههههه

الله يبارك فيك يا حركات.. والله يستر من إلي جااااي..

تقبل تحيتي،،،

saudirakd 2010- 10- 3 06:30 PM
رد: عتبي على إدارة القبول في الجامعة
 
اقتباس:
المشاركة الأصلية كتبت بواسطة محمــــــــــد (المشاركة 1677917)
صل عل النبي

ان مع العسر يسرا

والحمد لله تم قبولك في النهايه ..

صحيح انها صدمه في البداية رفض بعدين قبول ... كأنك خاطب وحده رفضت بعدين قبلت :oao:


بس المهم وانا اخوك انك انقبلت والهدف الأكبر هي الشهاده والعلم والتخرج باذن الله


شد حيلك ولا تخلي مشكلة صغيره تاثر فيك

وراح نشوف اشياء كثيرة زي كذا ..

ان شاء الله الصدمه البسيطه هذي تخليك أقوى ... دوووس يا وحش

موفق

اللهم صلي وسلم على رسول الله..

حياك الله أخوي محمد.. والحمد لله ع القبول
والله مشاركتك أنت وأخوي زيـــزومــ هونت علي كثيييير وأمتصت غضبي..
ضحكت ع التشبيه إلي جبته.. لكن أعتقد أن دلع الجامعة غطى ع دلع البنات :)

الله يوفقنا ويجي ذاك اليوم إلي نتخرج فيه ونفرح كلنا..

تقبل تحيتي،،،

المشتاق لعيونك 2010- 10- 3 08:38 PM
رد: عتبي على إدارة القبول في الجامعة
 
من حقك تشره وتعاتب وان شاء الله يكون نقد بناء وفيه مصلحه للجميع ويتم الانتباه للنقطة التي ذكرت

ابوالجوهره 2010- 10- 3 08:47 PM
رد: عتبي على إدارة القبول في الجامعة
 
مبروووووووووك على القبول

والملاحظات كثيرة على الجامعة مو بس الي ذكرت


All times are GMT +3. الوقت الآن حسب توقيت السعودية: 10:37 AM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه