|
شكر خاص للدكتور عبدالله الفريدان
ألف مبروووك للناجحين وألف شكر للدكتور عبدالله الفريدان عبدالله الملحم وجميع الدكاترة الأفاضل وأهديهم نجاحي وتفوقي والحمدلله رب العالمين
|
رد: شكر خاص للدكتور عبدالله الفريدان
ألف ألف ألف شكر لك يادكتتتور الفريدان ونشكرك ع جهودك الله يجعلها ف موازين حسناتك
|
رد: شكر خاص للدكتور عبدالله الفريدان
من لا يشكر الناس لا يشكر الله فعلا يستاهلون الدكاتره ... مجهودات جباره تبذل اشكرهم من القلب واسأل الله لهم التوفيق والسداد . وجميع العاملين والقائمين على التعليم المطور وما يقدمونه لنا حتى لو كان بمقابل اشكرهم . والحمدلله ميسرة الدراسة والرسوم رمزيه فعلا بالجامعات السعوديه عامة بالمقارنه بالجامعات الاهلية التي تطلب بالترم الواحد مبلغ 45 الف ريال بالتخصصات الادبيه و 75 الف ريال بالتخصصات العلميه واما الطبيه 95 الف ريال وهذا كله طبعا بالترم الواحد من غير قيمة الكتب والمراجع والمذكرات والمشاريع الدراسية التي تعمل خلال السمستر الواحد وكلها بفلوس والحسابه بتحسب .. والله يا جماعه اقول لهم شكرا وحنا بخير والله يعز الحكومه وما قصرتي يا جامعة الملك فيصل ولا قصرتوا يا دكاترتنا على ما تبذلونه وبفضل الله ثم بفضلكم استطعنا مواصلة دراستنا والله يسدد خطانا وخطاكم لكل ما يحب ويرضى ويوفقنا بباقي مشوارنا .. وشكرا لكل طالب وطالبه اخ واخت ولمجهوداتكم المبذوله التي والله لا تقل اذا ما كانت افضل من المقدم من قبل الجامعه والدكاتره شكرا للزملاء بدون استثناء وبدون تحيز .. شكرا للجميع واشكر صاحبة الموضوع واشكر كل من يقول كلمة حق . وللأخوان المتضررين والمتظلمين من ظلم الجامعه بحسب رأيهم اقول لهم وما اصابنا من خير فمن الله وما اصبنا من شر فمن انفسنا والشيطان . كل واحد يراجع وش قدم لنفسه في الاختبارات ويحاسب نفسه اولاً ثم بعد ذلك يحاسب الجامعه ويتذكر انه كان طالب ثانويه موظف بسيط او حتى بدون وظيفه والجامعه الظالمه قدمت لك الفرصه لمواصلة دراستك والحاق بالركب والتقدم والرقي الذي تطمح له حتى لو كان ذلك بالمقابل البسيط . شكرا للجميع ،،، |
رد: شكر خاص للدكتور عبدالله الفريدان
بعد اذن صاحبة الموضوع نبي موضوعنا يكون واحد لانه يخدم الجميع تفضلوا هنا http://www.ckfu.org/vb/t470883.html#post9136195 |
رد: شكر خاص للدكتور عبدالله الفريدان
سبحان الله وبحمده ، عدد خلقه ورضا نفسه وزنة عرشه ومداد كلماته
|
رد: شكر خاص للدكتور عبدالله الفريدان
أنا مدين لهذا الرجل متعاون جداً قبل أسبوع ارسلت له أكثر من 7 ايملات بخصوص التسجيل في الترم الصيفي والله ما قّصر معي أبداً ورد على جميع الايميلات و وعدني خير من ناحية تسجيلي . الله يحفظ له عين من يحب .. وبهدية :16: |
رد: شكر خاص للدكتور عبدالله الفريدان
الله يجزاه خير
|
رد: شكر خاص للدكتور عبدالله الفريدان
والله ماشفت اي تعاون منه
على ايش تشكرونه انتم نجحتوا من انفسكم مو منه ولا له فضل للاسف لو هو فعلا يخدم كان على الاقل يرد علينا واستفساراتنا مو يهمش الله يذكر النجار بخير وبالنسبه لعدنان الملحم الله فوقه والله يحاسبه ان شاءالله |
رد: شكر خاص للدكتور عبدالله الفريدان
حسبي الله ونعم الوكيل
|
رد: شكر خاص للدكتور عبدالله الفريدان
يازين الواحد لاخذ حاجته ... و الله الي يشوف كلامكم بعد كل اختبار و الله يقول انه ذي الجامعة مجرمة بحقكم او مسوية شي لا صار و لا استوى ... على قولة المصريين اسمع كلامك اصدقك .. اشوف افعالك استعجب للي عدّو الترم هذا مبروك و شد حيلك و لا عاد ترمي أخطائك على جامعة مثل هذاي امكانياتها متواضعة وعلى قدها والي عنده تطلعات لمواصفات عالية هذاي الجامعات الي تكاليفها بالشي الفلاني تفضلوا روحوا جربوها و الا ارضوا بالمقسوم لانه هذا الي متوفر عندنا في بلدنا ... لا مزايدات والي ما الله كتب لهم النجاح و حملوا بعض المواد ترى شي عادي و طبيعي و بالعكس هذا يعطيك اشارة قوية انه الموضوع مهو بس تنزيل محاضرات و نسخ و لصق مناقشات و مراجعة قبل الاختبار بيوم او يومين الموضوع يحتاج لها تحضير مسبق و صدقني كلنا عندنا ظروف و دوام في الشفت و ساعات عمل اكثر من 12 ساعة يعني لازم تشوف لك حل .... و اهم شي تكفون خلوا عنكم سب الجامعة و المدرسين و انتقادها يا جماعة ترها على قد حالها و لا لي نية اني انتقدها لانه هذاي هي امكانياتها ... يعني الي يسمع انتقادات العالم بعد كل اختبار يحسب انها جامعة هارفرد او يال .. ترها ادارة اعمال و انتساب و اختبار جنب البيت و الرسوم بحدود 500 ريال شهري ... يعني خليك متواضع و لا تدقق و الي ما يبي ها الجامعة صدقوني اشتر راحتك واسحب ملفك بكل هدوء بدال الجنان الي صاير من تكبير و تشويه صورة الجامعة في كل مكان مثل موقع سبق او بعض المنتديات او حتى الشكوى عند التعليم العالي .. يعني وش تبون .. تصلحون البنية التحية للتعليم في البلد .. هذا مهو بشغلنا خل العالم الي ماخذينا الدكتوراه و لابسين البشوت يسوونها ... اخيراً الحمد لله نعم الحمد لله على كل الاحوال و الرضا بما قسمه الله في كل الاحوال سبب صفاء النفس و السعادة طول الوقت هذا ما اتمناه للجميع و الله يوفقكم :21: |
| All times are GMT +3. الوقت الآن حسب توقيت السعودية: 12:30 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه