ملتقى طلاب وطالبات جامعة الملك فيصل,جامعة الدمام - تعالوآ بقول لكم طريقة تصلحوها إذا أشتغل البلآك بورد

السسلآم عليكم

الحين البلاك بورد تعبآن الله يشفيه مدري متى بيتحسسن
ولكن عندي طريقة حلوـوـوهـ

طبقوهآ .. والله ماراح تحتاسوا أبد

الكل يكون طبع الملخصآت .. وأشترى الكتب المطلوبة
تقريبآ الكل نزلت له 4 محآضرآت هذآ الأسبوع

مآعليكم الاتصلحوا جدول ..
مثلا أنا عدد موادي 8
جدولي يكون
السبت : عقيده
الاحد : صحة ولياقه + نحو
الاثنين : مدخل الى تقنية المعلومات + مهارات التعلم والتفكير
الثلاثاء : انقلش
الاربعاء : مبادئ الاداراه
الخميس : تحرير عربي
الجمعة : off

ملاحظه : انا مقسمه وقتي على حسب صعوبة المواد لديا قد تكون هناك مادة صعبه لدي ولكنها سهله لغيري
فانتوا تشوفوا قدراتكم والسهل والصعب
وعلى هذا تقسموا جدولكم

وابدأ من بداية الاسبوع احيانا ابدل ماده مكان ماده اذا كانت هالمحاضرة سهله وعندي وقت ونفسيتي مقبله للمذاكره اخذ ماده

طيب بعدها تجون قبل ماتفكروا تفتحوا المحاضره الجديده بساعه
وتاخذ الملزمه او الكتاب
وتذاكر الاربع محاضرات اللي فاتت
او تقرأها بقصد الفهم والاستيعاب
وبعدها تفتح البلاك بورد وتسمي بالله
وتعقد نية التعليم وطلب العلم في سبيل الله

ولاتنسوا ان العلم يعتبر عباده
كما جاء في بعض التفاسير

نشغل المحاضرة
ونبدأ نركز مع الدكتور وبيدنا دفتر او الكتاب ونكتب الاشياء اللي ذكرها الدكتور ومو موجوده في الكتآب
مثل الامثله
وبعض الاضافات

الكتابه تساعد على التركيز والتذكر . فلا تهملوها حتى لو تلخص كامل المحاضره

بعد تنتهي المحآضرة نعيدها مره ثانيه
ونسمعها من جديد

واليوم الثاني
ناخذ الماده الثانية ونصلح معها نفس الشئ

الاسبوع اللي بعده
بتكون عدد المحاضرات 5
نذاكرهم قبل بدأ المحاضره السادسه
نصلح نفس الطريقه

بعد 8 او 9 محاضرات
بتصير المحاضرات الاولى خلاص انحفظت عن ظهر قلب
:
نبدا قبل المحاضرة الجديده نذاكر من المحاضرة الخامسه
وهكذا
:

الفائده
يجي اخر الترم وانت فاهم ومو محتاس بشئ
غير كذا لو صار خلل او عطل بالبلاك بورد
بيكون عادي ومو هذيك الاهميه لانك تذاكر باستمرار

حاجه مهمه
خصص وقت للمذاكره وسماع المحاضره

ووقت آخر لحل الواجبات والاطلاع على اخر تحديثات البلاك بورد
من واجبات ونقاش ..الخ

وبالنسبه لوقتي للمذاكره من 6 الصباح لحد 10صباحا اطلع على الـ محاضرات + مذاكره
11بالليل حل واجبات مناقشات تحميل محاضرات او طباعه اسئله وملخصات
وبقية الوقت ادخل المنتدى واقرأ المواضيع واتابعكم
:
صدقوني يا أخوان ويآ أخوات
الطريقه جدا منظمه وماتاخذ وقت كثير كلها ساعتين تتفرغ فيها تفرغ تام ذهنيا وجسديا
:

والله يوفق الجميع
لاتنسوآ
الدعاء لي بالتوفيق والسعآدة الدآئمه
ولامي الغاليه بالرحمه والغفران