|
رد: وين حي التلال بالرياض؟
شرق الرياض حي الربيع بجانب حي التلال
وش السالفه كل شوي يزيدون حي لين يقولون امسك الدايري لين ييطح مافي راسك ههههههههههههههاي جامعه منسمه ويقولون ليه الطلاب منتهين ضبطو اموركم وبعدين نتفاهم الصنف قوووي هههههههههههههههههههههههاي حي الربيع بجانب حي التلال <<< مسوين يبوون يطمنونا والله من تقفيلت المخ عندكم من يعرف حي الربيع يقول لنا اللي جنب حي التلال |
رد: وين حي التلال بالرياض؟
حسب علمي حي الربيع اساساً شمال الرياض مهب شرق ورى الصحافه مباشرة
حتى فيه الجامعة الالكترونية على اي اساس سموه مركز شرق الرياض؟ |
رد: وين حي التلال بالرياض؟
حي التلال ياهو مسبب ازمه
الله يعينكم انا ماحطوني فيه ومع ذلك ودي اعرف وينه فيه ذا الحي :Looking_anim: بس شلون شرق الرياض وبعدين يقولون بجانب الربيع :cheese: :hhheeeart4: |
رد: وين حي التلال بالرياض؟
انا حاطيني بحي التلال و قدرت اغيره لحي اليرموك
بس شسالفه خلل بالموقع والا وش ؟ :Looking_anim: لان قبل حاولت اختار اليرموك يطلع لي ( لا تنطبق عليك شروط التحويل لهذا المركز لانه لاتوجد شواغر في احد المقررات المسجله لديك في هذا المركز ، حاول في مركز اخر ) بس حاولت اختاره كذا مره لين ما تم بنجاح وش اسوي ؟ ارجع لحي التلال ؟ اخاف ماراح احصل كل المقررات بمركز اليرموك :Looking_anim: |
رد: وين حي التلال بالرياض؟
السالام عليكم ورحمة الله وبركاتة ..
يا أخواني لا احد يغير مركز الاختبار لينك لو غيرتة ما راح ترجع لنفس المواقع المركز الي محدد لك من البداية هو المركز الي اختبرت في السنة الماضية . والله يوفق الجميع ويعين الطلاب علي حوست الجامعة لا تلفونات يردون عليهاا ولا عميد الجامعة يرد علي التغريدات في تويتر الله يعين بسسسسس |
رد: وين حي التلال بالرياض؟
للمعلومية ترى فيه اكثر من حي بنفس الأسم . فيه غرب طريق الملك فهد وفيه بجنوب الشفاء لكن حي التلال اللي بشرق الرياض أتوقع أنه جديد
ويقع شمال طريق الدمام خلف مزاد السيارات أللي بعد كبري الفحص وقبل كبري الجنادرية وأنت متجه شرق حول حي الرمال يعني كأنك رايح للدمام يجي على يسارك . والله أعلم لكن بالنهاية راح ينزل الوصف بالكروكي لذلك وسعوا صدوركم وريحوا بالكم تراني مثلكم بحي التلال بس بصراحه موضوع هالحي يستحق التسمية !! أبسمية (ضحايا حي التلال) هههههههههههههااااي |
رد: وين حي التلال بالرياض؟
يالربع انا حاطيني بحي القدس
وصار لي سنتين اختبر بحي السعاده شرق الرياض وش فيهم زعلو علي !! وبعدين اشوف البنات مثل حي القدس والسعاده لايكون يبون يختبرون معنا ينفس المدرسه :hhheeeart4: وتجلس قدامي وحده مزيته شعرها ابلش فيها !! المهم اذا ماحطوني بحي السعاده .. تراني بروح اداوم بحي السعاده واقولهم اختبروني معكم ياخوكم ولا ادقها مشوار لمخرج 12 |
رد: وين حي التلال بالرياض؟
السلام عليكم حي الاندلس الي شرق الرياض وين اختفى العام اختبرت فية والحين مالقيته خير شر
حطوني باليرموك واليوم بغرناطه الغربي "طبعا مدري وين موقعه " الله يعين |
رد: وين حي التلال بالرياض؟
انا كنت بالنرجس و غيروا لحي التلال
المشكله حي جديد ما نعرفه وما نعرف كم يستغرق الوقت من بيتي للمركز |
رد: وين حي التلال بالرياض؟
انا بعد حطوني حي التلال جانب الوادي ��
طيب ابي القدس ☺️ |
| All times are GMT +3. الوقت الآن حسب توقيت السعودية: 07:23 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه