المشاركة الأصلية كتبت بواسطة نمارق هل (المشاركة 9480156) الحين اللي فتح الموضوع يقول لكم اللي موافق "يرجعون له الرسوم او يعفونه منها" ياللي ماتبون الاعفاء ولا تبون يرجعون لكم فلوسكم أعفونا من مشاركاتكم ولاجاتكم الفلوس والاعفاء قولوا لهم حنا مقتدرين (ارجعي يالفلوس) لا انتم ولا الجامعه تخلونا ندافع عن انفسنا براحه انا الآن خريجه والى الان ادور على وظيفه علشان بس اسدد اللي تسلفته من الناس وانا ادرس. انتم بحال وحنا بحال واللي مايبون اعفاء يعفونا من مشاركتهم ويتركون الموضوع للمتضررين مثلنا

المشاركة الأصلية كتبت بواسطة نمارق هل (المشاركة 9480203) ((أكد وزير التعليم العالي الدكتور خالد العنقري على عدم نية وزارته إلغاء رسوم الانتساب، واصفا قرار الإلغاء بهدر لموارد الجامعات، وأضاف "في حالة الإلغاء سوف يتقدم مئات الآلاف من الطلاب للالتحاق بالبرنامج، فيما المتاح في الوقت الحالي للجادين فقط")) يهدر يهدر وليه؟؟!! المكافأه اللي تدفعونها للأنتظام مافيها هدر تدرسونهم ببلاش وتعطونهم مكافأه طيب لا تعطونهم مكافأه علشان مايهدرونكم حرااااااام ولا بس حنا اللي نسبب لكم الهدرررر؟؟!! ولو سمحتوا اللي قالوا مستحيل لا ياخذون فلوسهم لو رجعوها (طيب ياحلوين) كل من فتح موضوع يشكي ويطالب حرمتوا عليه المطالبه ووقفتوا بوجهه قل خيرا او اصمت انا اشوف الصمت احسن الفرجه على الموضوع واجد احسن لكم

اقتراح ممتاز لمعرفة الجاد من غير الجاد على كلام وزير التعليم العالي .... مع الشهادة الجامعية يصرف له قيمة مادفع للجامعة ... إذا كان فعلاً الغرض من عدم تطبيق قرار الملك هو التمييز مابين الطالب الجاد الي بيدرس على حسابة من الطالب الي فقط حاب يستفيد من القرار لو طبق ... والله ياجماعة المسؤلين عندنا بوادي غير الوادي الي حنا متمرمطين فيه ....بعض الإجابات فعلاً تنرفز الشخص وتخليه يطلع عن طورة ... ياوزير التعليم العالي تستطيع التمييز كذلك عن طريق المعدلات ... المشكلة إن ماهنالك نية أصلاً للتمييز والمعرفة فقط كلام يقنع المسؤلين الى أكبر منه بأنه حريص على مستقبل التعليم العالي ... المشاهد الغير متعمق بواقع التعليم العالي لدينا عدة تناقضات وانتم ابخص ....

المشاركة الأصلية كتبت بواسطة تركي العياش (المشاركة 9471248) ( طيب ياخي ، كلنا جادين ، طيب اللي يبي يكمل تعليمه وما عنده فلوس وش يسوي..؟ واللي تخرج من الثانوية ولا قبلته الجامعه انتظام وش يسوي ..؟ واللي تخرج من الثانوية ولا قبلتة الجامعه وكذلك ما لقى له أي وظيفه بسبب ماعندهـ واسطه وش يسوي ..؟ يعني لا جامعة انتظام ومكافأت ، ولا جامعة انتساب بدون رسوم ، ولا وظيفه وش يسوي ..؟ مثلآ يسرق او يتاجر في الممنوعات اوالمحرمات ..؟ ) هنـــا حــــل ( بما انك تقول للجادين فقط ، طيب اللي يتخرج من الجامعة ويستلم وثيقة التخرج اعيدوا له المقابل المالي ، لانه يعتبر جاد جدآ بما انه واصل دراسته واخذ الشهادهـ ) وتتالت الاحداث وفي تاريخ 13/2/1433هـ كلية خدمة المجتمع والتعليم المستمر بجامعة أم القرى تعيد المقابل المالي ببرنامج التعليم المدفوع لاحظوا ان ام القرى رجعت المقابل المالي حتى بعد تصريح العنقري برفض الغاء رسوم الانتساب ، وليش ترجع المقابل المآلي ..؟ الجواب .. لأنها نفذت توجيهات خادم الحرمين الشريفين الملك عبدالله بن عبدالعزيز