رد: موقف مره عليك اثناء الاختبارات
 

انا ماصارلي موقف محدد بس المراقبه تصرخ علينا تبي ترتبنا طبعا داخله جو قلت لها لاتصرخين علينا ترى محنا صغار فينا امهات العيال وفينا الجدات طبعا الاخت تحسبني جده احترمتني لاقصى حد بعدين جات تسالني تقول انت جده :8:قالت اقولك فينا الجدات . بعدين خوفتها قلت ترى نتكلم عنكم في المنتدى انتبهوا لاتضايقونا :5:

رد: موقف مره عليك اثناء الاختبارات
 

هالاختبار مر علي دون مواقف تذكر

مدري أنا شيبت وصرت ثقيل دم أو اللي معي كلهم ثقيلين دم :20:

رد: موقف مره عليك اثناء الاختبارات
 

وإن كان فيه شيء يذكر فهو : أحد الطلاب كان بجانبي يوم وزعوا ورقة الإجابة دقائق قليلة جداً إلا الرجال مخلص تعبئة البيانات ماشاء الله لا قوة إلا بالله صديت ورجعت مرة ثانية أطالع فيه إلا الرجال منتهي

التفت وذكرت الله لا أعطيه عين يروح فيها وقلت لنفسي : الله يخلف علي بس ما انتهيت من رقم الجوال والرقم الجامعي والرجال ماشاء الله بدأ في الإجابة لا ومن زين التعبئة عندي شي دائري وشي مستطيل وشي بيضاوي :8:

رد: موقف مره عليك اثناء الاختبارات
 

عاد تصدق بعض المواقف انا ادخلها بجلنط ماشي الطبلون وموقف واحد بس كان خطير والحمدلله وقفت بسلام واليوم الثاني لقيت الكفر مبنشر وطلع صاحب الموقف هو اللي مبنشر الكفر



مانرسي ع بر يا جدعان :6:

رد: موقف مره عليك اثناء الاختبارات
 

رد: موقف مره عليك اثناء الاختبارات
 

,



واحد في اختبار قراءات ومطالعات

يسألني وش معنى كلمة logging

قلت معنااته قطع الاشجار

وسألني مره ثانيه وش معنى كلمة hemp

قلت معناتها ( حشائش )

قال وشششهو ؟؟؟؟ ما اسمع

قلت ( حشاااااااااائش )

قال ما اسمع .. وش تقول انت ؟؟؟

قلت : تبـــــــــن < هذا معناها التقريبي

قال : افاااااااااااا والله < يحسبني أكرشه:42:



بس انتهى الموقف وماعاد سألني لين انتهينا من الاختبارات :42:

رد: موقف مره عليك اثناء الاختبارات
 

هههههههههههههههههه الله يسعدكم بجد مواقفكم طريفه :13:

الموهيم خلو اذكر لكم موقفي ولو انه بايخ اشوي بس هذا اللي اتذكره بس :31::5:

كان بيوم اختبار الموارد البشريه وكنت قلق بصوره غير طبيعيه الدكتور الكل يسبه ويغير اسئلته

ويركز على النقاط الصعبه والمتشابهه وكنت مرهق يومها ومو مذاكر كويس :42:

المهيم وصلت المدرسه متاخر ممكن 10 دقائق ومريت عند لوح الاسماء وطالع ماحصلت اسمي

وروح للمشرف اللي واقف بمدخل المدرسه وقلت له اسمي مو موجود مع الاسماء والاختبار بدا وش الحل

قال يابني روح دور اسمك باللوحه تحصله :32:

بلعت العافيه ورجعت للوحه ودور ماحصلت شيء :4:

ورجع له قلت ياخي اسمي مو باللوحه اكيد سقط منكم ونتم تطبعون الاسماء ناظر فيني واحس وده يخنقني

شكله مشغول وبيده كوم اوراق قال وش اسمك انت واعلمه باسمي قال ياخي انا شايف اسمك باللوحه

روح شوف اي قاعه ودخل اختبارك بسرعه وقتها حسيت طارت كل المعلومات اللي براسي وشوي وصيح

بوجهه واقول انت ماتفهم بعدين انت تعرفيني يوم شفت اسمي باللوحه .:29:

سكت وقلت طيب وروح للوحه 3 مره وهني كانت الصدمه شفت اسمي اخر واحد باخر صفحه صرت كذا:4::4:

معقوله طول الوقت ارجع واطلع ولاشفت اسمي :42::42:

ودخل القاعه بسرعه وحصل اوراقي على الطاوله لاني متاخر وابدا اعبي البيانات ومن السرعه احاول الحق

حتى افتح الاسئه واشوف هي نفسها او متغيره الحمدلله خلصت تعبئه البيانات وفتح الاوراق وحصل اسئله

متغيره بس مو بمستوى الصعوبه اللي كنت متصوره وابدا احل ولما خلصت وقبل اسلم الورقه قلت خل اشوف

البيانات يمكن يطلع فيها غلط وهنا اتفاجاء اني معبئي بيناتي غلط السجل المدني مكانه الرقم الجامعي

والرقم الجامعي مكانه السجل المدني واجلس احوس فيهم من جديد :13:

عرفت ان الربكه والاستعجال ممكن توديك بداهيييه :29:

رد: موقف مره عليك اثناء الاختبارات
 

خالد :16:
انا صار لي مثلك بس اول يوم اختبار
والله 3مرات ادور اسمي ومو موجود قلت يانهار ابيض :4:
واروح بعد اقولهم مالقيت اسمي :31:
وتقولي انتي فتره ثانيه قلت ايه :34:
قالت طب ارجعي دوري بتلقينه :38:
ورجعت ادور وانا قلبي مو في مكانه من الخرعه :23:
وانا ادوره واخيرا شفته :11:
قلت معقوله 3 مرات ماشفته :4:
والان في المره الرابعه اشوفه :39:
حسيت اني مفهيه :5:
بس صادق الربكه مي زينه لان لها نتايج سيئه :21:

رد: موقف مره عليك اثناء الاختبارات
 

في الاختبار وآنا آعبي النموذج حقي ناديت المشرفه لو سمحتي كم التاريخ اليوم ؟
قالت : ليه آمس كم كان التاريخ :4::4::4::4: :4: << الله يسامحك
قلت لو آدري آمس كم كان ما سألتك عن اليوم كم ..:22:

رد: موقف مره عليك اثناء الاختبارات
 

اكرة شئ لما تدخل المدرسة ودور اسمك ولا تحصلة وتسأل اللجنة ويردون برود لما يدققون يحصلون احد الطلاب مزعها وبسلة المهملات . ما ادري ونسفي ادري الى يمزعون اوراق الاسماء ليه وش يحسون فيه الله الهادي .
عبدالله سليمان خلك بورقتك وترك الناس بحالها من راقب الناس مات هماً .