ملتقى طلاب وطالبات جامعة الملك فيصل,جامعة الدمام - ملاحظات للفائده وخاصة الاخوان الجدد ,,

اقتباس:

المشاركة الأصلية كتبت بواسطة الجــــ@ـارح (المشاركة 11376749)

السلام عليكم ورحمة الله وبركاته

اسعد الله جميع اوقاتكم بكل خير اخواني اخواتي ,,

كثير من الاستفسارات في المنتدى وعلى الخاص من الاخوان... وخاصة الاخوان الجدد

بخصوص الدخول على الانظمة , وتحميل المحاضرات ,,

طبعا راح اوضح لكم كل شي في هذا الموضوع ,,,

الانظمة في بداية تحديثها وشي طبيعي دائما في بداية الدراسة لازم على الاقل أسبوعين بعد بداية الدراسة

والانظمة يوجد بها خلل والسبب الضغط على الانظمة وعدد الطلبة

ياخوان اعيد واكرر لا تستعجلووون الجامعة وضعت لكل ماده عدد 14 محاضره مسجله

وعدد 3 محاضرات مباشرة وعدد 14 مناقشة وعدد 3 واجبات , المطلوب منكم للحصول

على الاعمال الفصلية ان تنجزوها جميعها . ومعكم الي قبل وقت الاختبار بثلاث اسابيع ورصد الدرجات

فيه ناس يقولو نخاف نتركها اسبوعين او ثلاثه وتتراكم علينا ,, ياخوان يكون لعلمكم فيه طلبه

كثيرون عندهم مشاغل واعمال أكثرهم مايدخل الا قبل الاختبار بشهر وينجزون كل المطلوب منهم ,

لكن انا ما انصحكم انكم تتركونها لهذا الوقت , لو الطالب نظم وقته مابين المذاكره وبيت تحميل المحاضرات

صدقوني تنجزون كل الي مطلوب منكم وانتم مرتاحين , انا راح اعطيكم طريقة لو مشيتو عليها

ماراح يكون عندكم ضغط ولا راح يكون فيه تراكم في المحاضرات ,

طبعا لو انتظرنا مثلا الى ان تنزل المحاضرات الخامسه لجميع المواد في النظام الافتراضي

وخصصنا يوم الجمعة والسبت فقط ساعتين لكل يوم لتحميل المحاضرات صدقوني راح تنهون جميع

المحاضرات الخمس لكل ماده طيب لو فرضنا طالب عنده 9 مواد كل ماده 5 محاضرات المجموع 45 محاضره

بتقولون كثيرة لا ماهي كثيرة الجمعة اخلص 15 محاضره والسبت 15 محاضره والجمعة الي بعدها 15

واخصص خلال الاسبوع ساعات للمذاكرة بالنسبة لحل المناقشات مايخذ منكم وقت كل مناقشة ممكن

دقيقه واحده اواقل بعد الانتها من تحميل المحاضرات الخمس الاولى لجميع المواد راح ينزل كل اسبوع

محاضرتين لكل ماده تقدرو فقط تخصصو يوم واحد لتحميلها وراح تمشون بالطريقة الصحيحة وراح

تنجزون كل اعمالكم لكن,, الترتيب والتنظيم مهم جدا

وعندكم وقت وخاصة الطلبة الي ما عندهم اعمال ومتفرغين للدراسة تقدرون تدخلون النظام أي وقت

ودايما وقت بعد صلاة الفجر يكون النظام ماعليه ضغط تقدرون تخلصون كل شغلكم وانتم مرتاحين

وفي النهاية اعيد واكرر لا تستعجلون وتطمنو لوجلستم الي بعد عيد الحج ماراح يضركم شي

والي مستعجل ويخاف من الضغط يقدر ينتظر فقط لين تنزل على الاقل المحاضرة الخامسه لكل ماده

في الافتراضي وليس البلاك بورد لان البلاك بورد تنزل فيه المحاضرات قبل الافتراضي

ونزولها في الافتراضي دليل على انها محدثة وجاهزة للتحميل ,,

والي خايف يقول فأتتني الدراسة والي يقول ماني فهم شي اقول تطمنو الجامعة نظامها واضح

ماحددو وقت لتحميل المحاضرات وانه الزامي تحميلها في وقت نزولها,, الجامعة معطيه فرصه

للطلبه. الي قبل الاختبار بثلاث أسابيع يكونو قد انهو كل الي مطلوب منهم

لكن للضمان المفروض يكفي دخول الطالب في الاسبوع مره او مرتين وينهي الي عليه

وباقي وقته يستغله في المذاكرة ,,,

والاخوان الجدد الي باقي ماستخرجو الرقم السري

ويجيهم غلط في ادخال الرقم الجامعي , راح يتم تفعيل ارقامكم الجامعيه

وراح تستخرجون الرقم السري لان باقي فيه عدد كبير ما تم تفعيل ارقامهم

لكثرة العدد فقط انتظرو الى نهاية الاسبوع هذا او بداية الاسبوع القادم وراح تتفعل ارقامكم

جزاك الله خير
لكن عندي سؤال ، كيف اعرف انه رصد لي حضور المحاضره واخذت الدرجه ؟!!!