|
رد: صحيفة الوئام : تذمر طلاب التعليم عن بعد بجامعه الملك فيصل
اقتباس:
انا الى ابي اوصله لك ياحلو عندك شي شغل سيارتك وروح طالب بحقك ماعطوك وجه شهر فيهم اما من يصير شي على طول رحت شهرت فيهم واشتكيت اول شي رح للمسؤالين في الجامعة و وصلها الى اكبر واحد في الجامعة اذا ماحلو موضوعك هذيك الساعه شهر واكتب في الجرايد وفي الجدران وفي المحلات وابسط جنب الجامعة وناشد وارفع شعارات بالمطالبة وسو الى تبي فهمت الحين يا متناقض |
رد: صحيفة الوئام : تذمر طلاب التعليم عن بعد بجامعه الملك فيصل
اقتباس:
لكن اخوي الجماعة ما قصروا اشتكوا وحاولوا يوصلون كلامهم وما فيه فائدة والنتائج بالله عليك كم سنه وحنا نطالب ونروح ويجي غيرنا ويروح ونفس المشكلة بس تسليك حتى نخرج من المكتب واذا بنروح للجامعة على كل شي ما صار تعليم عن بعد التعليم اوكيه عرفناه وما قصروا عن بعد كا خدمات وينها؟؟؟؟ |
رد: صحيفة الوئام : تذمر طلاب التعليم عن بعد بجامعه الملك فيصل
الشكوى تخص طلاب المستوى السابع ادارة اعماااااااااااااااااااااااااال
ماعمموا الشكوى الله يجزاهم خير واتوقع وصلوا المستوى السابع خلاص فاهمين وعارفين كل شي وطرق التواصل مع الجامعه يدلون طريقها واكيد بنفس الوقت فرحتهم بقرب التخرج مابتخليهم يشوهون جامعتهم على قول البعض يعني التخصصات الباقيه الحين وش مدخلهم الموضوع يناقشون ويبرروون ولا يعانون من مشكلة الفراغ ؟؟؟:oao: |
رد: صحيفة الوئام : تذمر طلاب التعليم عن بعد بجامعه الملك فيصل
وعليكم السلام ورحمة الله وبركاته
بالنسبه لـ قسم إدارة أعمال بشكل خاص ولا أبخس البقيه لكن ما عندي علم بأمورهم .. الإداره إن لم يتداركها الفريدان ويحل المشاكل سـ يكون مالايحمد عقباه من إنحدار وضعية الإختبارات .... نسأل الله التوفيق والسداد لكل خير وشكرآ لك عزيزي على نقل الخبر |
رد: صحيفة الوئام : تذمر طلاب التعليم عن بعد بجامعه الملك فيصل
اقتباس:
طيب شوف انا موقفي مع الجامعة ايش معادلة المواد انا من وجهة نظري نظام سيئ جداً من الجامعة يعني الحين ارفع لكم معادلة ما ادري انتو استلمتوها والا لا يعني من حقي كطالب تعليم عن بعد استلم رسالة مسج منكم يقول استلمنا طلب المعادلة وجاري دراسة موضوعك على الاقل يطمئن بألي وما افكر هل استلمو الطلب والا ماشافوه ولا يدرون عن هواء داري لنا كذا راح اتضرر راح أجل مواد ماراح ادرسها والجامعه نايمه ماشفات موضوع المعادله حقي يعني اقل شي تقدمونه لي لأني ادفع 10 ريال في كل مستوى دراسي على رسائل الجوال وفوق كذا موضوع المعادلة مايحتمل يتأخر كثير لنا مواد راح تتأجل لمستويات متقدمه وراح تتراكم على اقل شي ومراعة لظروف العمل وضغط الجامعه بلغوني عن معادلة موادي في المستوى الى بعد هذا يعني 5 شهور وتردون لي خبر ------------------------------------------------------------------------------------------- اذا ماتدري يالوفي ترا كل طالب في الانتساب يدفع 10 ريال قيمة رسائل الجوال لاتفكرها نظام من الجامعة والا وتسهيل لنا كل شي بحقه ياحبيبي وانت شايف الله واكبر يارسائل الجوال يلي يبلغوني بكل شي يصير أول بأول بس هل تذمرت واشتكيت لا ماهمني بنفسي ادخل المنتدى واستفسر وبنفسي ادخل موقع الجامعة واتابع معهم جعلهم الماحي هع وهذي من حقوقي بس ماسويتها سالفة وهذره وفاك نفسي ومريح راسي -------------------------------------------------------------------------- طيب هل حطيت ايدي على خدي وجلست اشوف الناس الى قبلي في المعادلة متبهدلين واسكت واقول هذا غيري طالب وصايح ومافي فايدة وانا بصير مثله لا ما سكت رحت بنفسي واستفسرت و محد فادني في الجامعة و دخلت على عميد كلية الاداب الى هو المسؤال عن تخصصي وابد كلمتين وانتهاء الموضوع والرجال متعاون ربي لك الحمد وبيض الله وجهه وعلى فكرة هو ماله اي دخل في موضوع المعادلة ------------------------------------------------------------------------- طيب الى قبلي درسو وطالبو في المعادلة يمكن العميد او مسؤال الانتساب الى لحقو عليه زفت يمكن انا الوقت الى درسة فيه يتغير ويكون مسؤال متفهم ويقدر الوضع وان نظامهم خطاء ويفهم ان نظامهم خطاء ويساعد الجميع في موضوعهم او على الاقل اطلع نفسي من مطب نظامهم التعبان واخليه يحل موضوعي ------------------------------------------------------------------------- من حق الجميع يطالب بحقه بس بالمعقول يعني موضوع عن موضوع يفرق يعني بالله عليك موضوع تطلع النتايج بسرعه هذا كلام يأخي عساهم يتأخرون بس خلهم يطلعون نتيجتي صح ومايغلطون فيها شوف اخوي موضوعكم هذا اذا تشوفون لكم حق فيه بالعكس كلمو المسؤالين تلفون ,, تويتر ,, فاكس ,, اي احد وكلوه يروح الجامعة ويدخل على اكبر واحد فيها ويشوف لكم حل مافي فايدة شهرو فيه والعنو خيرهم بعد شوف اخوي نصيحتي لك من تشوف بنت الداود اشلخها على طول هي السبب بعدين حرام عليكم صحتوني من النوم والحلم الجميل https://www.youtube.com/watch?v=4uMpfeCejtg |
رد: صحيفة الوئام : تذمر طلاب التعليم عن بعد بجامعه الملك فيصل
انصحكم انكم تخلون مشاكلنا ماتتعدى الملتقى والجامعة
والصحف الالكترونية ترى ماراح تنفعكم وغير كذا ماهي مصرحة من وزارة الاعلام وغير معترف فيها يعني لاتتحمسون واجد مع هيك صحف تفاهمو مع الجامعة وخلو الموضوع ودي بدل هالمهاترات اللي مردها بترجع علينا كطلاب وبيستقعدون لنا اذا حبو هداكم الله واتمنى لكم التوفيق |
رد: صحيفة الوئام : تذمر طلاب التعليم عن بعد بجامعه الملك فيصل
اقتباس:
يعني مثل هذا https://www.youtube.com/watch?v=87tsloSVOpE اخر رد لي وكمل موضوعك يا لوفي عشان ما يخترب :biggrin: |
رد: صحيفة الوئام : تذمر طلاب التعليم عن بعد بجامعه الملك فيصل
قد ذهبت سابقاً و تناقشت مع العميد الفريدان ..ولكن المُشكلة ذاتها لم تتغير كما توقعت وللأســف
وسأذهب مُجدداً خلال الأيام القادمة ولدي بعض الأمثلة من مُعظم اختبارات المستوى السابع بطريقة أعددتها وكأنها بحث تُظهر للفريدان مدى احتياج الجامعة للنظر في الاختبارات و طريقة وضعها ..اضافة لشرح بعض الدكاترة الله يهديهم و سأحدثه عن الكثير مما أتمنى أن يعود بالفائدة على مُعظم الطلبة نحن طلبة جامعيين ..و قبل كذا بشر لنا قيمنا الأخلاقية و التربوية, لذلك حوارنا يجب أن يعكس تلك القيمة ..مهما اختلفنا في رؤيانا للأمور, يجب أن نُغلف حواراتنا بأعلى مستوى من القيم ..لا يجب أن نوافق بعضنا البعض, ولكن حينما يهبط مستوى الحديث عن القيم العُليا, فلابد لنا من مُراجعة الذات وأي شيء بالخدمــة .. ربي يوفقكم |
رد: صحيفة الوئام : تذمر طلاب التعليم عن بعد بجامعه الملك فيصل
اقتباس:
روح له وناقشه في اي نظام خاطئ منهم ويا يقنعك ان هذا الصحيح او تقنعه واذا جبت لهم اثباتات ان نظامهم خطاء وماتفهمو وصلها للي اكبر منه واذا برضو ما تعاونو وما قدروك يأخي هذيك الساعه اشتكى في الجرايد وفي اي مكان يطيب فيه خاطرك وبس انتهينا جد اخر رد :biggrin: |
رد: صحيفة الوئام : تذمر طلاب التعليم عن بعد بجامعه الملك فيصل
( أنا هذا ثاني باكاروليوس أدرسه ولله الحمد لأن الأول لا يحتمل الماجستير أولا )
ومعدلي ولله الحمد 4,10 .. وعندي دبلوم صناعي .. ودبلوم برمجه حاسب آلي .. وعندي من الدورات كثر عمرك وأحمد الله وأشكره على هذه النعم .. شخبارك انا يعجبني الشخص الي عنده دورات واجد الله يوفقك يارب بس ياريت تعدد دوراتك من باب الفضول بس ولك تحياتي |
| All times are GMT +3. الوقت الآن حسب توقيت السعودية: 07:46 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام