السلام عليكم ورحمة الله وبركاته ,,,


شكر خاص لأخواننا وأخواتنا في جميع المستويات على تفاعلهم معنا بكل أمانه لولا الله ثم هم لما كنا مستعدين على الأقل 50%

:


ندخل بالموضوع

لسنا ضعيفين لنقارن أنفسنا بغيرنا ...!

ولكن والله ( شاب الشعر ) ... كل ما أقابل أحد ويسألني بأي جامعه .( وأقول له فيصل ) .. يقول لي ( له له له .. وش تبي فيها صعبه وحوسه ومعقدين ) ...

صراحه ماكنت متيقن من هالكلام ..

بكل امانه الدكتور الفريدان أرفع له قبعتي إحتراما له وعلى جهوده وتواضعه ..


ولكن كلامنا الآن عن أسئلة الإختبارات لأغلبية المواد ( .. سواء ذاكرت أو لم تذاكر ) .. لأني جربت أذاكر من اول الترم ( والترم هذا حصلت لي ضروف وذاكرت بأواخر الترم أي ما قبل الإختبارات ) ..

والصعوبه نفسها ( كأن الطاقم التدريسي - يتجاكرون - .. من يعقد اكثر .. او كأنهم يستحون من بعض أعني بذلك .. بالمثال : اختبار التقنيه جميعهم ما فوق a إلى a+ بينما النظم c إلى b .. إذا مدرس النظم بنقووووو بطل )


طيب ( ترانا مو طلاب منتظمين ونعرف كل صغيره وكبيره ونعرف ماهية المدرس ) .. بل أن المدرس لا نسمع صوته بالحقيقه إلا عن طريق المحاضرات المباشره والتسجيل ( من عام جدي )

لا إعتراض على الآليه هذي .. ( سجلو بكيفكم )


ولكن ... إرحمونا شوي بالأسئله .. ( بعض المواد الله المستعان تطلع وأنت مستغرب ..! )

الكل منا ( عنده التزامات من وضيفه وعائله و و و إلخ .. )

لا نجعل هذا سببا بكثر ماهو نقطة ضعف فينا بأننا لا نستطيع تجميع مهام كثيره ..

( الحقيقه ..! )

أننا جميعا لا نريد فقط العلم بكثر ما نريد الدرجه العلميه .. حقيقه لا أحد يتهرب منها ..


مطلبنا هو ( المساعده .. المساعده .. خاصه بالأسئله .. )

جامعة الإمام :

جميعهم مرتاحين مع العلم أن لا يوجد هنالك آلية لرصد المشاركات كما هو عندنا .. مع ذلك لم يشتكون بحياتهم من صعوبة الأسئله ( أتكلم عن طلاب كثير قابلتهم ) ومعدلاتهم عاليه ( وكلهم ميييييييييييح )


اتمنى إني قلت الحقيقه .. والصراحه نبي معدلات زينه على الأقل إذا حجونا بشهادتنا نقول معدلاتنا عاليه . .

:
:


يوجد استتطلاع الرجاء المشاركه ..

ملاحظه : الرجاء من الجميع عدم التجريح وعدم الخروج من الموضوع وأخذ المسئله بكل ليونه

.
.

والله السهولة عندكم يا أصحاب الاختبارات الموضوعية

حنا يالمقالية اللي جلطونا وأشوف إن الجامعة غريبة الأطوار

لأن نظامها عجيب تخلي طلاب اختبارات مقالية وطلاب تعطيهم أسئلة اختبار العام نسخ لصق!

هذا في حد ذاته شيء عجيب غريب

لأن المفروض نفس النظام على الجميع أو يكون للأقسام المقالية مميزات لأن فرق السماء

عن الأرض النظام المقالي والنظام الموضوعي

طبعاً ياليت ما أحد يجيني الحين ويقول وليه تدخلين تاريخ دامه مقالي لأني راح أرد عليه

وأقول لأني أحب التاريخ وأميل له وليس لأجل توظيف أو غرض مادي أنا أبي بكالريوس للتخصص اللي أحب

وهذا من حقي لو أتخصص في تخصص ما أحد سجل فيه غيري ودام حنا ندفع فلوسنا وسنين عمرنا

ودخلنا الجامعة وحنا نعرف إن نظام اختباراتها موضوعي وفجأة تقلب هذا النظام فهالأمر غير مقبول أو معقول

لعل وعسى هالمتصفح ينفع والا يوصل كلامنا للمسؤلين عن هالجامعة . مع الشكر لصاحب الموضوع .





.