رد: استفسار : هل يوجد ابتعاث لطلاب التعليم عن بعد
 

:24_asmilies-com:
الله يحينا والي. ربي كاتبه. بيصير

نسيت. اقولكم. كل. عام. وانتم. بخير
:53:

رد: ابتعاث طلاب التعليم عن بعد
 

الأطفال يتلقون تعليم جيد ويتأسسون صح بالدراسة ..ربما يكون ذلك صحيح ..

ولكن ...

بالنسبة للتربية فليس هناك مكان أفضل من هنا لتلقي الأطفال التربية الإسلامية
الصحيحة ...هذا رأيي

رد: استفسار : هل يوجد ابتعاث لطلاب التعليم عن بعد
 

ابتعاث على وشو ان شاءالله ؟ على تربيه ولا اجتماع ولا ابتعاث علشان تدرس تاريخ
هههههههههه

ياخوان الابتعاثات للاشياء اللي تحتاجها الدوله مثل مهندسين فنيين اطباء
اما الاشياء النظريه مثل دراستنا مايحتاج لها ابتعاث كل شي متوفر هنا ويزيد ابشرك .

وحتى الانتظام بعد كثير على تخصصاتنا فما بالك بابتعاث ؟! تعليم عن بعد او انتساب مناسب لتخصصاتنا .

رد: استفسار : هل يوجد ابتعاث لطلاب التعليم عن بعد
 

معليش حبيت اوضح وجهة نظري وارجو انك تتقبلها
ابتعاث على وشو تربيه ولا واجتماع
لعلمك يوجد ماستر لتربيه الموهوبين ويتم الابتعاث عليها من قبل الدوله في جامعه الخليج بالبحرين
يعني يوجود ابتعاث للتربيه
والتربيه بتفيد مجتمعنا اللي يوجد كم هائل من الموهوبين وللاسف لا يتم النظر اليهم الا من رحم ربي سوا من جهة الاهل او المدرسة او غير ذلك
وغير انك نظرة شمولية للمجتمع تكفي لاخذ دكتوراه لتطويره
وكل هذا يحصل بالتربيه وعلم الاجتماع اللي بيعلم كيف الواحد يرتقي بسلوكياته شوي

رد: استفسار : هل يوجد ابتعاث لطلاب التعليم عن بعد
 

اعرف لكم واحد خلص بكالوريس ادارة اعمال انتساب عادي و اخذ عليها شهادتين ماستر ..


الحكومه حالياً ما ترسل ابتعاث الا في التخصصات العلمية اما التخصصات النظرية اللي ندرسها فما اتوقع لها نصيب ..

اللي اعرفه انك تقدر تخلص بكالوريوس في تخصص و تدرس ماجستير في تخصص آخر ..


اعرف واحد بالدوام هندي عنده شهادتين ماستر و طلع النظام يوم جلست معاه انه خلص البكالوريوس وبعدين درس ماستر في تخصص و تفاجأ انه فيه ماستر ثاني مواده اكثرها من الماستر الاول يعني الماستر الاول 10 مواد الماستر الثاني 10 مواد .. لكن الماستر الثاني 6 مواد من مواده تشابهه الماستر الاول هو درس اجمالي 14 ماده في سنتين او 3 سنوات ناسي و اخذ شهادتين ماستر ...

و العقبة البكالوريوس خلونا نخلصة وبعدها يصير خير إن شاء الله

رد: استفسار : هل يوجد ابتعاث لطلاب التعليم عن بعد
 

الابتعاث يتم لطلاب الأنتظام لأن شهادة الأنتساب معترفه بس هنا وتدخل في المفاضلة مع شهادات الأنتظام في الوظائف وغيرة وأكيد في الأولويه بيكون طالب الأنتظام وعمره الصغير بس أنا الحين ندرس وعلى باب الله

لو بيفتحون مجال للابتعاث فتحوا أجل باب الأنتظام للجميع لأن شهادة الثانوية العامه إذا كانت 5سنوات واكثر راحت عليك الدراسة كيف ابتعاث وكبير بس يالله أطلب العلم من المهد إلى اللحد والله كريم

رد: استفسار : هل يوجد ابتعاث لطلاب التعليم عن بعد
 

اعرف ناس اخذوهم بعثه تربيه خاصه قسم توحد بالتحديد

رد: استفسار : هل يوجد ابتعاث لطلاب التعليم عن بعد
 

زوجة صاحبي موظفة في جامعة الدمام وابتعثتها الجامعة لبريطانيا لإكمال الماجستير والدكتوراه في اللغة الإنجليزية تخصص لغويات

بعض الأحيان تكون هناك شروط خاصة لبعض الدوائر الحكومية تختلف عن شروط وزارة التعليم العالي ولكن لا تتعارض معها, لأن الابتعاث يكون عن طريق وزارة التعليم العالي

أما بالنسبة للقطاع الخاص فالأمر مختلف تماما ولا علاقة له بوزارة التعليم العالي, حتى أن شركات القطاع الخاص تقبل شهادات بكالوريوس من جامعات غير معترف بها من قبل وزارة التعليم العالي

رد: استفسار : هل يوجد ابتعاث لطلاب التعليم عن بعد
 

,





يا الله .. كم هائل من السواليف إلي مالها مصدر .. منها إلي يقول ( الإبتعاث يتمّ لطلاب الإنتظام )
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!
أنا بقول لكم طبعاً أنتم ما تسألون عن الإبتعاث على البكالوريس , تبون الماستر ..
يوجد إبتعاث للطلبة المنتسبين في جميع التخصصات ,


بعدين القبول في برنامج الملك عبدالله لـ الإبتعاث ( نوعين ! )

1- تُقبل من الوزارة وتذاكرك وسكنك وراتبك وتكلفة الدراسة موفّره لك قبل أن تذهب ..
( لازم يكون التخصص تطلبه الدولة ومن إحتياجاتها في السوق )
* لازم تنطبق عليك شروط برنامج الإبتعاث كامله , منها العمر لا يتجاوز 27 للماستر .

2- تُقبل من المحلقية الثقافية السعودية في الخارج , والطريقه :

أ- تجيب موافقه من الجامعه الخارجيه وتوديها لوزارة التعليم العالي ( لازم تكون جامعة موصى بها )
ب- الوزارة تسجّلك كـ طالب مبتعث على حسابه .
ج- تروح برى وتدرس لمدّة 3-5 شهور .
د- تقدّم على الملحقيّة طلب إلحاق في برنامج الإبتعاث
و- تلحق في البرنامج ويتمّ تعويضك عن مصاريفك كامله ( مبلغ معيّن لكل شهر ) .
* لا يلزم أن تنطبق عليك أغلب الشروط في برنامج الإبتعاث ..

فيه شروط في كل النوعين ما تتغيّر منها إنك ماتكون موظف حكومي
ومنها ما تكون جامعتك غير موصى بها , وأشياء بسيطه يمكن تلافيها ..


^ الكلام هذا صاير لثلاثة من أخوياي , آخر واحد منهم عام 1432 , يعني قبل سنه
والثنين إلي قبله في عام 1431 , وكلهم خريجي جامعة الملك عبدالعزيز أنتساب ..
وأزيدكم من الشعر بيت تخصصاتهم لغه عربية وراحوا يدرسون قانون ..
( لكن فيه مشكلة في التوظيف هنا , لأن المتطلبات التوظيفيه لازم يكون الماستر أمتداد للبكالوريس )




إللي تخصصهم لغه أنجليزيه أحبّ أبشركم أن أكبر جامعة بريطانيا وأمريكا الموصى بها تقبلكم على
تخصصات اللغويات والأدب , وأكثر من تخصص بعد , لكن الدراسة في بداية الأمر حتى تحصلون على
القبول والإلحاق في البرنامج راح يكلفكم أقل شيء 120 ألف ..

وأنا عن نفسي بحثت كثير في البرنامج حتى كسبت خبره ويعيقني شرط *إن لاتكون موظف حكومي
لإني موظف وراتبي مرتفع ولله الحمد وما ودّي أفصل عشان أجازف بشهادة ما أدري أرجع أتوظف بها ولالا ..

لكن إذا لقيت تفرغ من صاحب سمو أمير ملكي .. راح أروح بإذن الله لو أعيش هناك في عزبة بنغاليه :sm5:


وبعدين زملائي المبتعثين عن طريق الإنتساب كثيرين وعن طريق الإنتظام وأنا سبق لي الإبتعاث
لكن على حساب القوات الجويّه , مش على حساب وزارة التعليم العالي :sm5:


أي سؤال أنا حاضر , إلي بيقول وش مصدرك يروح يبحث بقوقل عن مصادري وبيلقى كلامي صح ..

رد: استفسار : هل يوجد ابتعاث لطلاب التعليم عن بعد
 

^



وكان يدرسني مدرّس لغه أنجليزية في فترة من فترات الدراسة , وكان يحضر محاضرات مباشرة يومياً
الساعة 10 الصبح و 1 الظهر , وإذا سألناه وش هالجامعه إلي تدرس بها , يقول جامعة ماليزيّه أحضّر
فيها ماستر إدارة موارد بشرية < الظاهر أسم التخصص كذا , الكلام هذا عام 2008 , يعني ماستر عن بعد

يعني تقدر تآخذ الماستر عن بعد برضو