|
رد: الموضوع خطير جدا جدا ..تجمع طلاب وطالبات الجامعه للاعتراض يوم السبـت
يااخوان بعد كل اختبار يطلع كم واحد هنا ويقول الحمد لله الاختبار سهل ومدري ايش والله يجزى دكتور الماده بالخير
وكنت اقول ياحبايبي ترى الاسئله ملغومه والاجابات ملغومه تحسب انك دافور وحال صح والحقيقه ان اجوبتك اكثرها غلط ياجماعه قلنالكم مليون مره مستحيل تظمن اجابتك حل والباقي على رب العالمين |
رد: الموضوع خطير جدا جدا ..تجمع طلاب وطالبات الجامعه للاعتراض يوم السبـت
بصراحة حاقة غريبة !
امتحنت الرياضيات بشكل سيء وأخذت 25 اوكي متوقعتها ! والمحاسبة امتحنتها بنفسية ممتازة ومذاكرة و ثلاث أرباع الاجابات متأكدة انها صحيحة .. وأخذ 25 كمان ! حالها حال الرياضيات .. أيم باد قيرل :( |
رد: الموضوع خطير جدا جدا ..تجمع طلاب وطالبات الجامعه للاعتراض يوم السبـت
يــارب اللي يتكـلم وهو مايـدري وش السـالفه ويتفلسف ومبسوط بس انه نجح ويدري ان الاغلبيه مضلومين يصير نفس اللي صار لنا ويعرف كلامه ...
ترا النجاح بسيط والحمد لله ناجحين بس نسهر ونتعب من اول السمستر ونتاكد من اجاباتنا وتجي تفلسف علينا وتكون في صف اللي ضلمونا ماراح ادعي عليك بس اتمنى يصير لك مثل اللي صار لنا وتعرف وقتها وتذكر |
رد: الموضوع خطير جدا جدا ..تجمع طلاب وطالبات الجامعه للاعتراض يوم السبـت
أنا اللى قهرني النقص بدرجاات المشاركه ليش أنا حلت الواجبات ومـتأكده وبعد الدليل انزل حلي هنا
وحتي أخوي وصديقاتي ناقصه درجاتهم بالمشاركات مع انهم سواها كامله |
رد: الموضوع خطير جدا جدا ..تجمع طلاب وطالبات الجامعه للاعتراض يوم السبـت
اقتباس:
يازينك ســاكت نعرف الثوره ونعرف الفرق بين الثوره وبين اللي جالسين نسويه .. حنا الحمد لله بدوله تحكم بشرع الله وماترضى باللي صار لنا واذا انت تسكت عن حقك هذا شي يخصك انت ولا تتدخل في غيـرك . شي يقهر ناس تسهر وتتعب من اول السمستر وتجي انت واشكالك تفلسف |
رد: الموضوع خطير جدا جدا ..تجمع طلاب وطالبات الجامعه للاعتراض يوم السبـت
لازم من التصحيح على غرار جامعة الملك خالد
مااحد يقول ثورة والاشخاص المستفزين والمنبطحين يسكتون احسن احنا ناروح نعترض بطريقة نظامية جماعية بدون تعدي ولا شتم ولا سب ولا تخريب ..الجامعة نايمة في العسل فية ناس ترضى بالذل والهوان كيفها عساها في زود وفي ناس ماترضى والرسول الكريم يقول(المؤمن القوي خير واحب الي الله من المؤن الضعيف) |
رد: الموضوع خطير جدا جدا ..تجمع طلاب وطالبات الجامعه للاعتراض يوم السبـت
الله يعين اللي يحسن أنه مظلوم
وأي واحد يحسن أنه انظلم خصوصا بالمشاركات والواجبات لايسكت والله لو أدق سلف لبيت النجار لكن الشك بدرجات الاختبار صعبه شوي يعني أنت أصلا منت متأكد ولا تقدر تحط بذمتك شئ لكن درجات اعمال السنه واضحه وكلن يعرف نفسه هو حل والا لا عموما لحد يسكت أنا والله مالي شغل لان ولله الحمد درجاتي ممتازه لكن ما أحب الظلم ولا تسكتون يا أخوان ويا أخوات هذا تعبكم غير الفلوس اللي دفعتوها موفقين خير وان شاء الله حقوقكم ترجع |
رد: الموضوع خطير جدا جدا ..تجمع طلاب وطالبات الجامعه للاعتراض يوم السبـت
اقتباس:
وهذا اللي بيصير ان شاء الله مانبي الا حقـنا وبس |
رد: الموضوع خطير جدا جدا ..تجمع طلاب وطالبات الجامعه للاعتراض يوم السبـت
كلامنا وتظلمنا عن درجات المشاركة لانها الشيء الوحيد اللي تقدر تتاكدد منة
متابع ح لالواجبات والنظام يعطيك درجاتك فورا هنا تكون متاكد من الواجبات تابعت14 محاضرة مسجلة تابعت 3 محاضرات مباشرة او مسجلة شاركت 14 مشاركة بمنتدى الماده اذا كنت متاكد انك سويت كل هذا واخذت اقل من 30 اذا انت مظلوم واذا كنت مظلوم وقررت تسكت اذا انت تستحق الظلم لانك ظالم لنفسك بسكوتك عن المنكر انا بروح يوم السبت لو اروح وحدي وماني طالع من هناك الا بتوضيح يقنعني |
رد: الموضوع خطير جدا جدا ..تجمع طلاب وطالبات الجامعه للاعتراض يوم السبـت
خلونا من التوقعات مدري ايش
اللي شاك درجته ظلم يرفع لحاله كل سالفه والثانيه حمله اعتراض ومدري ايش انا عاجبتني درجاتي بالظبط وماعندي اعتراض كلن وجهده |
| All times are GMT +3. الوقت الآن حسب توقيت السعودية: 08:22 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه