رد: ((( خـــــاص ))) جداً لطلاب الرياض
 

اول شي السلام عليكم*
وثاني شي اتمنى انكم ماتزعلون من كلامي وكل الدعوه نقاش

اتوقع انو الجامعه ماتقدر تحدد لك مركز معين والاختيار عن طريق عدد الطلاب الي مسجلين بالماده*

يعني مدينه الرياض كم طالب منسب فيها كثير نقول مثلا ١٠ آلاف طالب
فيهم تخصصات كثيره ومختلفه وكل تخصص فيه عدة اترام وطبعا ماهو كل الطلاب يمشون على الخطه الدراسيه فيه بعضهم مابنجح ويحملها مره ثانيه وبعضهم ياجل الماده .. الخ

مثلا مركز شمال الرياض وطلاب شمال الرياض نبي كل طلاب شمال الرياض يختبرون في هالمركز والله ماتجي اولا لتداخل التخصصات والمستويات وهذا حامل ماده من الترم الاول ومسجل ماده من الترم الرابع ويدرس بالترم الثالث هذا يبغاله مركز و مراقب لحاله تخيل كيف يصير توزيع الاوراق يسالك المراقب اي تخصص واي ماده
الحل الافضل هو ياخذون مكان كبير وسط الرياض ويكون الاختبار فيه
انتم تخيلو اعداد الطلاب واعداد والتخصصات والمستويات وبتفهمون كلامي

رد: ((( خـــــاص ))) جداً لطلاب الرياض
 

:017: الدائري الجنوبي في الرياض والله مرض

رد: ((( خـــــاص ))) جداً لطلاب الرياض
 

وعليكم السلام والرحمه

مايحتاج وانا اخوك تكبير وتضخيم الموضوع

بغرب او شرق او شمال او جنوب الرياض كل هالاحياء فيها كااقل تقدير 4-5 مدارس

مثلا انا من سكان غرب الرياض المدارس اللي فيها اختبارات جامعة فيصل تقريبا 5 مدارس وكذالك عندك جنوب الرياض مو بعيد مني مثل شرق الرياض

بامكانهم فتح تحديد مركز الاختبار وانا اختار اقرب شي لي في غرب او جنوب الرياض او جامعة الملك سعود

وبخصوص كل مادة ليش مايخلون المدرسة تحدد مثلا فصل كذا لطلاب المستوى الاول مثلا وفصل كذا لطلاب المستوى الثاني وانتهت المشكله

واذا انت مثلا بالمستوى الرابع وبتدرس مقرر بالمستوى الثالث في فتره هذا المقرر تروح للفصل المحدد للمستوى الثالث وتختبر وانتهت السالفة

وادري لو تكلمنا ماراح يصير شي بس نوسع صدورنا بهالنقاش :53:

رد: ((( خـــــاص ))) جداً لطلاب الرياض
 

^^^^^^^
صحيح كلامك
غاب عن بالي هالكلام
وترى الضغط يأثر

رد: ((( خـــــاص ))) جداً لطلاب الرياض
 

هذا وانتم تسوقون ومدبرين اعماركم وماتحتاجون حب روووس والا خشووم ويكسب عليك معروف انه يوديك لااا وبمنه بعد :017:

اجل حنا البنات وش نقول :Cry111: الله يعين بس انا اجي من الشفاء للازدهار اطلع من بيتي الساعه 2 الا ربع ولا اوصل الا الساعه 3 والا وقت الرجعه للبيت اقعد في الطريق من ساعه ونص الى ساعتين :000:

انا معكم اي والله ياليت على الاقل نحدد في اي جهه في الرياض مانبي في نفس الحي على الاقل قريب منه

رد: ((( خـــــاص ))) جداً لطلاب الرياض
 

كلامك درر وشكرا على مرورك:d5:

رد: ((( خـــــاص ))) جداً لطلاب الرياض
 

وانا معكم بس كيف اشارك في الاستطلاع وشكرا

رد: ((( خـــــاص ))) جداً لطلاب الرياض
 

الله يعطيك العافية وشكرا لمشاركتك لكن تقدرين تدخلين على الخدمات الطلابية وتقيم مراكز الاختبارات وارسلي نفس الموضوع وان شاء الله يسمعوا صوتنا..