ملتقى طلاب وطالبات جامعة الملك فيصل,جامعة الدمام

اووووك " احسن شي اني اقدر ارد ع الموضوع حتى لو كان مغلق "

مو من شي " من باب الكل شاف وناظر فـ ردي زياده للتأكيد فقط "

هو تسكر وماراح افتحه واوجه تحيه للي سكره وماحذفه عشان ع الأقل ادخل واعلق عليه هنا " لأني انا لو كنت موجوده وقتها كنت بأتصرف نفس هالتصرف وبأغلقه بس عقب ماراد عليه "

الحين وش سالفتكم ؟؟

الواحد لا فتح موضوع وحب يتكلم فيه ويطرح وجهة نظره تردون عليه كذا ؟

ولا بعد تقولون - لنا حريه التعبير عن مايجول بخاطرنا - اي خاطرنا واي تعبير وردوكم كذا؟؟

تدرون انكم طلاب وطالبات جامعين ولا لأ؟؟

ماصار موضوع نقاش الا ولازم رد او ردين يشوهون الموضوع " واخرته الموضوع يتسكر "

ليه طيب ؟؟

بنقعد نشوف رد رد وصفحه صفحه عشان نلاحظ الردود الي مشوهه المواضيع ونحذفها ؟

وين قاعدين بصاله مراقبه ولا وشو ؟

يجيني واحد يقاله ينصح الحين ويقول - انتي تمثلين نفسك وظهر المستور- ومدري ايش مسويلي انا الفاهم واعرف اتكلم واقول ؟ ومرادد صاير بالموضوع "

اصلا الي يبي يريح نفسه بيرد مره وحده بس ومولازم يرجع للموضوع اذا كان الموضوع مايهمه " يكتب وجهة نظره - بإحترام - ويطلع من الموضوع وتنتهي السالفه

يا اخوان - عجبكم الموضوع علقو واشكرو واثنو وانتهينا ماعجبكم - اكتفو بالنظر فقط -

اسلوب انا الفاهم وانا الي اعرف ارد مابيه هنا عندي رجاءآ

كلنا نعرف نكتب ونقول بس كل واحد يعكس شخصيته برده"

مولازم تردون طيب دام ردكم فيه خدش لصاحب او صاحبه الموضوع " ردو ان شفتو الشخص تضايق من ردكم " اتركوه ولا تردون عليه

لأني ادري ان في ناس بعقولها - انا الصح - لأنهم يشوفون نفسهم صح ولو بناقشهم لين بكرى ماراح يفيد نقاشي بشي "

فـ اوك عبرو عن وجهة نظركم لكن - بإحترام - وعدم احراج او جرح صاحبـ/ـة الموضوع

خيو - ناوي - عسا ماشر وانا اختك ؟؟

ماشاء الله عليك مبين من ردودك انك واحد مثقف وتتبع المقوله المعروفه - خير الكلام ماقل ودل -

متابعه لردودك في اغلب المواضيع لكني ساكته - :tongue:

شخص محترم ولك تقديرك واحترامك بس مو كذآ او بالعربي مو بالصوره الي انت فاهمها ابدآآآ

الواحد لا رد وقال وسوى ملخصات وطرح مواضيع مهمه مو معناته انا عكست شخصيتي امام الملأ " اني انا انسان فاهم وعارف

ومن رد واحد لي الكل يتفاجأ اني انا كذآ " واصير ام وجهين "

اخت - دوحه غناء - غنيه عن التعير وانا بقول هالكلام مو دفاعآآ عنها ولا لأني بنت حالي حالها فـ بكون بصفها ابدآ

هالشي مو بقاموسي انا مع الحق "

انتم اعضاء في قسم انا مسؤوله عنه لو صار هالشي بقسم ثاني مع اعضاء ثانين بقولك صح لازم اوقف مع اعضاء قسمي وادافع عنهم "

لكن هالشي صاير هنا بكون مع الحق "

انا لاني معاك ولاني معها لأن كلكم غلطانين مليون مره امشي واقول اي شي يتعرض للثاني برد او كلمه تجرحه او تضايقه

والمشرفين ما يكونون موجودين "

في شي اسمه بلاغات - وله قسم خاص بلغوو عن الشي الي صار ولاعاد تردون لين تنحل المشكله "

انا لو اني موجوده مابقصر " ووعد مني اكون مع الحق "

خيو ناوي لو انك معلق بـ ( مشكوره ) افضل عندي من انك تترادد معها

البنت ماغلطت نزلت موضوع في خاطرها وبينت فيه النقاط الي مو عاجبتها واخر شي قالت

مابي احد من الرجال يكتب لي كلمات هيك وهيك وحددتهم "

احترم وجهة نظرها الي ردو وش انت ناقص عنهم مثلا ؟؟

الي قال تسلمين والي قال مشكوره والي رد وشاف الموضوع وماعلق وطلع وش فيهم زود عنك ذول ؟؟

لطختي بوحل ومدري ايش مالخطت ولا عاش من يلطخ تواجدها او مكانتها بالوحل "

لأنها ماغلطت بطرحها للموضوع وانا شخصيا شفته ورديت عليه "

موضوع ارد عليه اعرف انه - مافيه عيب - لو موضوع بيضركم انا بنفسي بشيله من القسم "

انت غلطت وهي غلطانه في شي واحد انها جلست تترادد معاك لو انها سكتت احسن لها "

ترى مولازم كل الردود الي تضايقكم تردون عليها " اكتفو بالنظر " ونطو للي بعدها خاصه اذا كانت المواضيع لكم "

مثلا:

الي يدخل ويشكرك والي يدخل ويثني عليك والي يدخل ويكتب ( موضوعك ماله داعي ) عاااااااااادي

نطو للرد الي عقبه ولا كأنكم شفتو الرد الي ضايقكم و طنشو ""

وهالنصيحه للجميع "

وش فيكم الحين خلصتو اختبارات صرتو فاضين منتو عارفين وش تسوون "" :smile:

افضل كل واحد يلهي نفسه بأي شي لين تطلع النتائج ادري اعصابكم مشدوده وكلكم تنتظرون ع احر من الجمر

لكن مو لـ هالدرجه "

موضوع مهم موضوع ماجاء بوقته موضوع مايخص الدراسه كيفهااااااااااااااااااا هي حره البنت "

وبالعكس ترى موضوعها يعتبر _ نصيحه _ للكل " ونصيحه دراسيه بعد "

ماخصت احد ولا قالت انا اقصد فلان او فلانه " اتركوها تعبر عن الي بخاطرها دام كلماتها ومحتوى موضوعها كله - احترام -

شي ماحبت انها تشوفه من البدايه قالت مابيه اتوقع هالشي خاص فيها ولازم نحترمه "

انت لو كتبت مثلا - لو سمحتو الي بيكتب لي كلمه كذا وولا كذا رجاء من الحين لايرد ع موضوعي لأني ما احب هالكلمه "

غصب عننا كلنا بنحترم كلمتك ومابنرد عليك لأنك انت ماتبي طيب السالفه ماهي عناد

اقرى كلامك واكتب لك الكلمه الي ماتبيه يعنني بشوف يلا وش بتسوي مثلا ""

ترى احنا نمثل قسمنا قدام الكل

وابي اقولكم شي - ترى قسمنا بالذات امام اداره هالمنتدى كله من بد اقسام الانتساب كلها

يعتبر ( من انشط وافضل الاقسام ) هالشي بحذ ذاته شهاده للجميع " ولي شخصيآ

ما قلت هالكلام لأني مشرفه ولازم اتفلسف عليكم ومن هالكلام ابدآ

حالتي حالكم مشرفه تغير لون فقط وامتلك صلاحيات " بس "

احب استفيد منكم واحب انصحكم عشان تستفيدون مني "

وكلنا مخيرين هل _ نتقبل النصيحه او لأ _

تقبلت كلامكم شكرتكم عليه وان ما تقبلته هم بشكركم وتنتهي السالفه واطلع من الموضوع

كلنا اخوان وخوات " والنقاشات والردود القويه شوي مالها داعي "الواحد لا حب ينصح ينصح بطريقه حلوه عشان تتقبل نصيحته "

كلنا واجهنا وبنواجه اشياء تضايقنا لأن اصابعنا مو سوى والناس مو كلهم زي بعض ومستوى تفكيرهم مو واحد "

عندكم انا خير مثال شفت وياما بشوف ردود يقشعر لها البدن " وبإمكاني اقول طلعوني من الإشراف وش دخلني فيهم انا اتعب وادور واجيب واسوي عشانهم واخرتها كذا يجازوني ؟

لكن لا " الكثير الكثير يشكرني والأقليه الي مدري من وين طالعين يردون بردود مدري شقول "

وانا وحده تدور الكثير وماهمني القليل " لأني اتبع المقوله الي حاطتها بتوقيعي "

خليكم مثلي " ردي هذا كلللللللللله اعتبروه نصيحه من مجربه " مو عشان شي

عشان ترتاحون بس " وتتوقعون اي شي من اي احد " في اي يوم

<<< طولتيها وهي قصيره :tongue:

اقرو كلامي زين عشان مااعيده مره ثانيه بردود وموضوعين ونقاشات اخرى "

واضطر لإغلاقها " او حذفها "

موفقين يارب "