ملتقى طلاب وطالبات جامعة الملك فيصل,جامعة الدمام - اخواني انا خريج وحملت مادة وحدة بس وش الحل تكفووون

اقتباس:

المشاركة الأصلية كتبت بواسطة أبونوره (المشاركة 12503528)

اخواني اشكركم على التفاعل وامس رحت للاحساء على شان اشوف حل لمشكلتي
المهم دخلت الجامعة الساعة 8 ونص الصباح
ورحت للمبنى التعليم عن بعد
وبعد عناء دخلت على مشرف الخدمات الطلابية
الاستاذ مصلح /سوري الجنسية
شرحت له ظروفي وقلت له انا جايك من الرياض وانا باقي لي فقط مادة وخارج التخصص واتخرج وشرحت له باقي ظروفي ارجو النظر في هذه المادة
المهم الرجال لم يعطيني باله ابد
ورد علي على طول انا مالي دخل راجع دكتور المادة
وقام ووقف عند الباب يبغاني اطلع
وقال معليش انا مشغول
قلت انا جزء من شغلك وحقك علي تسمعني اقل شي
في النهاية مافادني بشي ابد
مع العلم ان الصلاحيات كلها عنده
طلعت ورحت لدكتور المادة
الطاهر ابراهيم
وقال ماعندي صلاحية ولا اقدر اسوي لك اي شي
وقال ينتهي دوري بوضع الاسالة فقط
طلعت من عنده ورحت لرئيس قسم اسمه د عدنان الملحم
وبرضو قالي مالي دخل ولا عندي صلاحية
رجعت للعمادة وكنت بدخل على الفريداني
وقالو ماداوم اليوم وناس قالو عنده اجتماع
في النهاية رجعت للاستاذ مصلح
وقلت هذي جامعة تعليمية وفيها بعد انساني وبعد تعليمي ونظامي
وانا ابغى فقط تنظر لموضوعي
وشرحت له ان دكتور المادة ماله دخل
وقال اعتذر منك ما اقدر اخدمك
في النهاية اكتشفت انه لو اعرف احد او عندي واسطة كان انتهى موضوعي بكل سهولة
لكن ما اقول الا الشكوى لله
والله العظيم يا اخوان ان فيه ناس مثل موضوعي ونجحوهم
واسف على الاطالة

ما أقول إلا لا حول ولا قوة إلا بالله، والله يهون عليك

اقتباس:

المشاركة الأصلية كتبت بواسطة أبونوره (المشاركة 12503539)

اي احد يبغى تفاصيل
يراسلني على الخاص

بيض الله وجهك يالذيب

اقتباس:

المشاركة الأصلية كتبت بواسطة اخصائي اجتماعي1 (المشاركة 12503556)

لو مارحت كان قلت لك لاتروح
طبعا انا وضعي مختلف وكان الخطا من عندهم يعني خطا موظف
تكبدت عليه عناء السفر والمرمطه
ورحت للفريدان نفسه وكان اسلوبه قمة بالسوء وعدم التفهم جيته بكل الطرق وشرحت له ضروفي بالاوراق
ولكن للاسف لم اجد منه الا كل سوء وعدم نخوه ولاشهامه وتقدير للوضع والضروف من مبدأ انساني مع انه حتى ماقدر ان الخطأ من عندهم

واخيراً اسأل الله ان يعوضك خير وانا اخوك

ما لك لوا وانا اخوك إنك تسكت عن أمر فضيع في إن الخطأ يكون منهم وترضى بالحكم الي جاك.
والله لو أنا منك لا أخلي هالموضوع ينكتب بعد بالجرايد وادفع الآلاف عشان مايذلون بك بمثل سواتهم.
حسبي الله ونعم الوكيل

اقتباس:

المشاركة الأصلية كتبت بواسطة اخصائي اجتماعي1 (المشاركة 12503562)

على فكره الدكتور مصلح العضايله ليس سوري بل اردني
وكثير من الطلبه اشتكوا منه ومن اسلوبه القذر واستهزاءه بهم بلاحسيب ولارقيب

والله الأجنبي بصراحة أنا ما أحط اللوم عليه دائما، لأنه دائما السعوديين الي اعلى منه يخلونه شماعة وإذا ماطاعهم شاتوه من اقرب حدود لبلده.
فعشان كذا لا تحسب هيبة الاجنبي جاية منه إلا لا أعطاه السعودي الي اعلى منه الضوء الاخضر، فاعرف من اللي معززه ولومه. وإلا الكبار معروفة خفاياهم وخاصة في هياطهم من ورا ظهرك.

اقتباس:

المشاركة الأصلية كتبت بواسطة نورة بنت فهد (المشاركة 12503601)

لازم يابونوره تدرسها علشان تتخرج ،،، ومثل ماقالو لك الحبايب رح للعماده وجرب حظك ،،،، مع اني ماتوقع يمشونها لك
المهم لو وافقو ونجحوك اتمنى ماتنزل خبر هنا او في اي مكان ،،،،،،، خلاص خذ شهادتك ولملم السالفه ،،،،
هذا الافضل ،،، بالتوفيق

صدقت إن فزعوا لك فإكتم الموضوع حتى لا تنقلب الموازين على التالين لا طلبوا منهم

اقتباس:

المشاركة الأصلية كتبت بواسطة معقول (المشاركة 12503611)

شوري عليك اختبر مع طلبة عاصفة الحزم وابدا ذاكر من الان

ما اظنهم بيعطونه فرصة بمثل هذي إلا لا صفت قلوبهم على الخلق.

اقتباس:

المشاركة الأصلية كتبت بواسطة اطرحه (المشاركة 12503705)

اخوي مالك الا تعيدها .. انا خريج وعندي ماده عامه تغيبت عنها بعذر ومع ذلك راسلت الفريدان وقالي تاخذها الترم الجاي .. هذا وانا غايب بعذر وليس f

والله ماندري وش عذرك... هل هو بعد ما إختبرت وإلا قبله، وعذرك بخطاب وإلا مجرد لفظي، عشان نقدر ننصف معك يالغالي

اقتباس:

المشاركة الأصلية كتبت بواسطة malmarri (المشاركة 12504729)

لا تتعب نفسك وتروح مشوار الفريدان ما يساعد
انا جيته في مادة إدارة الاعمال الدولية ناقصتني درجتين بس جايب 58
ورفض يعطيني هذي الدرجات الناقصة

اعوذ بالله!! عاد درجتين الله لا يشتكر له
مابقى إلا يقول لك اربض عندنا لا هنت
سماجة هذي مو تعليم صارت
عاد انا اللي ما عمري رسبت بمادة إلا وحدة بظرف خاص وهي مادة الإحصاء في الإدارة وحضرت لها لعدم وجود خطاب رسمي يقنعهم لأني اعرف إن الأنظمة الحكومية ما تقبل إلا بخطابات رسمية، ورغم الظرف الشديد رسبت بها وكانت درجتي 56 يعني باقي لي 4 درجات بس وإستقعدوا لي بها وكان في ذاك الوقت النجار الله يفك اسرى الجامعة الألكترونية منه
والحمد لله على كل حال

اقتباس:

المشاركة الأصلية كتبت بواسطة كرستن ديور (المشاركة 12505875)

انا كان عندي مشكله بالجامعه وكنت اروح للجامعه بال ترم تقريبا مرتين ودكتور مصلح ماينفع ابدا وأخلاقه سيئه
ومحد كان متعاون معنا غير أحمد الشعيبي هو اللي حل لي المشكله بعد سنتين
انصحك تروح له وان شاء الله تكون خريج معنا

والله انا دائما اسمع عنه الشعيبي مديح من الناس، ولو اني داري عنه من اول كان جيته على ال4 درجات الي خفست علي المعدل بسبتها

اقتباس:

المشاركة الأصلية كتبت بواسطة فيصل0 (المشاركة 12506466)

ارفع تظلم وجرب حظك ان شاء الله تصيب

عساهم يقبلون بس التظلم على الاسئلة الخاطئة الي رفعناها لهم بالتعاقد والتفاوض الي جاب بها العيد الجيزاوي هو وفضائحه، أما على مثل هالأمور ما اظنهم بيعطونها وجه.
لكن مثل ماتقول يافيصل جرب وش وراك دامك خلاص جربت كل الامور وآخرتها جيتك لمهم