|
رد: خواطر الاختبارات^^ فضفض^^
اقتباس:
|
رد: خواطر الاختبارات^^ فضفض^^
اما انا قصتي غير انا داخله الجامعه وماعلمت احد من الاهل ولاالجماعه لاني ادري ان بيزعجوني وبيقولون كبيره لك مزاج ولك بال ومن هالكلام الي كله حسد وتنظل لدرجه بالجامعه مااقول اسمي الحقيقي اقولهم انا من عائله معروفه ولاابغى احد يعرف اسم عيلتي وترى فعلا مااكذب لو اقول اسمي على طول انعرف بنت مين انا
المهم تعرفت على بنات من خيرة البنات منهم وحده نفس اسمي وانا مش من نفس المنطقه الي ساكنه فيها فامالي معارف كثير فيها يعني ينعدون على اصابع اليد الوحده فاضامنه محد يعرفني المهم اخر يوم اختبار انا واقفه الا مجموعة بنات ينادوني ويأشرون لي ويضحكون انا هنا تبنجت مت في مكاني خلاص مابقى على التخرج شي اللهم استرني فوق الارض وتحت الارض ويوم العرض المصيبه اني مااعرف البنات الي ينادون علي لكني متاكده انهم ينادوني لان اصلا ماوراي الاجدار يعني انا وقفت في حالة صمت وتامل بعدين اشوف البنت الي من صديقاتي الي نفس اسمي نازله تسلم عليهم انا هنا زين مااغمى علي فهمت الغمنده ينادوون صديقتي مش انا ياحياة الشقا لاتضحكون او تستغربون انا اول مادخلت مستوى اول بالعبايه ماافصخها وبالنقاب لين ادخل القاعه وطبعا افصخه اذا اكتمل العدد ودايما اقعد قدام عشان لو احد دخل يعرفني مايشوفني وعلى طول اخلص اختبار واطلع بتقولون طيب الى متى بقول الى ان يشاء الله ودمتم سالمين |
رد: خواطر الاختبارات^^ فضفض^^
:lllolll::lllolll:
|
رد: خواطر الاختبارات^^ فضفض^^
في احد الاختبارات جلس وحد خلفي
و كل شوي يسالني السوال الاول اي فقره و هكذا وانا طناش و كل شوي يسالني عن سوال و انا متجاهل له ثم نغزني مع ظهري و قال لي الله يهديك ساعدني الله يهديك ابي اي شي و جاء المشرف له و قال له الاسئله تختلف و ترتيبها يختلف المهم نقل الطالب من خلفي الى مكان ثاني و يتكرر نفس الموقف مع شخص اخر و نسمع له يسئله و الثاني تاركه ما يرد عليه |
رد: خواطر الاختبارات^^ فضفض^^
الله يسعدكم جميع وفالكم النجاح بس الي بتخيم بالسطح من الحين ضيفيني للعايله وناسه وفله خيمه وبرد وشبت نار ولا دوري مكان ثاني http://www.ckfu.org/vb/images/smilies/smile.gif
المهم انا من بداية الدراسه الى العام وانا كل ما اذاكر من ملزمة المعتقل ادعي له ان الله يفك أسره واجلس أفكر ياربي هو بسجن غونتناموا وولا وين ويروح فكري بعيد حتى أني. احيان ابكي حزن عليه shttp://www.ckfu.org/vb/images/smilies/smile.gifs والعام تخرج الله يوفقه ويحقق له أحلامه طلع لا معتقل ولا هم يحزنون وبس يوم اكتشفت الحقيقة ذي مت ضحك على نفسي ،،،، |
رد: خواطر الاختبارات^^ فضفض^^
الحمدالله خلصت الاختبارات وخلص الهم يارب النتيجه تفرحنا وتجبر خواطرنا
المواقف كثيره بالاختبار بس الي قهرني المراقبه باختبار مادة الانجليزي العامة بس خلص نص الوقت قالت سلموا الاوراق انا توني احل بورقة الاسئله مابعد جيت ورقة الاجابه المهم بعض البنات سلموا وبعد عشر دقايق قالت يلا خلص الوقت سلموا او ابسحب الاوراق !!! والبنات ساكتين !!قلت لها سلامات تو الوقت قامت تصارخ وتنافخ !!مادري وش جاها المهم انها ازعجتنا وغثتنا وسببت لنا تشتت شكلها حاقده على الدراسة او مادري وش علتها ذاك اليوم باقي الايام عاديه لدرجة مادري وش حليت وش ماحليت منها ....:sm1: |
رد: خواطر الاختبارات^^ فضفض^^
الباب الباب الباب .
كنا نختبر في مدرسة سعود بن نايف بالدمام وكنا في الصالة الكبيره ولها باب الله لا يوريكم كأنه باب قلعة والمادة الى نختبرها رياضايان 2 والواحد مركز في الاختبار تركيز عضلي وعقلي وعصبي وكل مافتح الباب احد وعندما يتسكر يصبخ يضيع التركيز قلت للمشرف ازعجنا الباب رد على رد الله لا يوركم خلك في ورقتك اول ما طلعت رحت اتفاهم مندوب الجامعة قلت له السالفة ما رد على ناظرني من فوق لتحت وراح وخلاني وصفطني. الترم الى بعدة غيرت مكان الاختبار . الى على فكرة منين جابو الرداف حق الباب . |
رد: خواطر الاختبارات^^ فضفض^^
اقتباس:
وش عين وماعين وينظلونك ويحسدونك وحتى اهلك مايعرفون انك تدرسين جامعه هو دراسه تتشرفين فيها ولا عار وفضيحه وخايفه منها واهم شيء وانتي تدعين اللهم استرني فوق الارض وتحت الارض ويوم العرض ليش الاخت تطلب العلم ولا تطلب شيء ثاني وخايفه من الفضايح وماتعلمين ب اسمك وماتبين احد يشوفك وزحمه الله يعينك احس هذا وسواس ومرض :Looking_anim: تكفين امسحي ردك جاب لي الاكتئاب المزمن وانا اقرا ضاق صدري :( |
رد: خواطر الاختبارات^^ فضفض^^
اقتباس:
سبحان الله كل إنسان له فكره وله منطق وهو حر لكن ذكرتيني كنت ابغي أسجل في الجامعه وخبرت اهلى قالو ليش تسجلين خليكي متمسكه في وظيفتك الدراسه بتضيعك عاد انا حاطه في راسي ادرس واكمل المهم سجلت عن طريق الايميل لان التسجيل تقفل وارفع اوراقي وأنجز اموري وجاني رساله على الجوال بقبولي ساعتها فرحت وأمبسطت وحسيت قدرت إحقق اول خطوه في حياتي وخبرت زميلاتي ومديرتي امبسطو وخبرت أهلي وفرحو وصرت قدوه لخواني وأخواتي شوفو عزه تدرس شوفو عزه موظفه لكن ماشغلتها الوظيفه عن الدراسه والحمد الله |
رد: خواطر الاختبارات^^ فضفض^^
اقتباس:
من انت ايتها الفتاه ؟ ... ههههههههههههه مايسوى عليك امتحانات ضاعت علومك ... الله يسعدك موفقه يارب اقتباس:
اقتباس:
اقتباس:
|
| All times are GMT +3. الوقت الآن حسب توقيت السعودية: 12:57 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه