ملتقى طلاب وطالبات جامعة الملك فيصل,جامعة الدمام - بعد التحيه ( نطالب الجامعه بمساعدتنا في آلية وضع الأسئله ... أسئلة الإختبارات النهائيه ) ... يوجد استطلاع الرجاء من الجميع المشاركه وفقكم الله

رد: بعد التحيه ( نطالب الجامعه بمساعدتنا في آلية وضع الأسئله ... أسئلة الإختبارات النهائيه ) ... يوجد استطلاع الرجاء من الجميع المشاركه وفقكم الله

لاززززم بجد ذاكرنا لكن مستوى الاسئله السنه هذي فيها كثير من الف والاستذكاء على الطلاب
ماكان هذا اسلوبهم معنا من قبل كانت الاسئله لو ماتجي من اختبارات سابقه تجي اقلها واضحه
وموو معنا كلامي نبي اختبارات سابقه لكن مفروض يكون لنا مراعاه لضروفنا اغلبنا مسؤلين من اطفال
وموظفين اتمنى يقدرون

اقتباس:

المشاركة الأصلية كتبت بواسطة مجنونهmeshoo (المشاركة 10287596)

لله درك ..

وفقك الله لما يحب ويرضى .

الله يكتب اللي فيه الخير ..

رأيي طبعاً

ما أرى أفضل من طريقة الأسئلة الحالية
ولا أتوقع فيه أسهل من كذا

لا تطلعون علينا شغلات احنا في غنى عنها

على قول المثل ( امسك قردك ترى قردك أحسن من قرد غيرك )

ولكن أنا مع من يطالب بإعادة اسئلة الإختبارات إلى إختياري

اقتباس:

المشاركة الأصلية كتبت بواسطة طالب الكتروني (المشاركة 10287710)

رأيي طبعاً

ما أرى أفضل من طريقة الأسئلة الحالية
ولا أتوقع فيه أسهل من كذا

لا تطلعون علينا شغلات احنا في غنى عنها

على قول المثل ( امسك قردك ترى قردك أحسن من قرد غيرك )

ولكن أنا مع من يطالب بإعادة اسئلة الإختبارات إلى إختياري

أخي ( ما أحد يطلع على أحد شي )

كلامنا هذا لو تم يأتي للمصلحه العامه ..

وبالنسبه للإختياري ( هذا مطلب أنت تتمناه ) .. مثلما نتمنى نحن مطلبنا الذي تراه جدا سهل ..

لكن أسأل الله التوفيق لنا ولكم

وأشكرك على تعليقك وتصويتك والله يسعدك على لباقت كلامك

تحيتي

بسم الله الرحمن الرحيم

اولاً اخوي معك حق
اساتذتنا يتعمدون تصعيب الامور
ويضعون الاسئله على انا منتظمين
واسئله غير مفهومه ومن بين الاسطر
لاتعاريف ولا نقاط ولا مميزات او اهداف او سباب

ثانياً جامعتنا اصعب الجامعات واللي يقول حنا الاسهل
مع الاسف ماعندك خبر

اسأل المنتسبين في جامعة الامام

والجامعات الاخرى

والدليل عدد المنتسبين بجامعة الامام مقارنه بجامعة الملك فيصل

الاسئله واضحه ومفهومه و 25 سؤال فقط
وكلها من النقاط اما تعاريف او اهداف او مميزات او اسباب

وجميعهم يتخرجون ماحملوا ولا ماده

وهم ماعندهم لامحاضرات ولا واجبات ولا مناقشه

ومع هذا درجات عاليه

قصدي جامعة الامام

### اما جامعتنا مثلك مثل المنتظم

ياخي حنا موظفين
وبعظنا برتب عاليه ضباط وغيره

عندنا التزامات عمل وعايله

ماحنا منتظمين طول الوقت بالجامعه

فا اتمنى من العماده وضع دراسه جديده للاسئله

وجعلها مفهومه لطلاب الانتساب

بعدين العماده اعتقد ماقصرو بس مشكلتنا
الاساتذه

زملائي بالعمل اللي منتسب بجامعة الامام واللي بالجوف واللي بجامعة الملك عبد العزيز واللي بجامعة طيبه

كلهم خريجيين وانا للحين انتظر

وبعضهم كان معاي وفصل والحين كل مايسألوني
يصيحون بوجهي

وعلى فكره الرسوم عندنا عاليه حيل

جامعة الامام 2500 بغض النظر عن الساعات ان شاءالله 20 ساعه او 9

وجهة نظري

ولكم تحياتي

نعم أتفق معك نحن إنتساب وليس إنتظام وإن كان التعامل في منهج الأسئله متساويا مع الإنتظام فأرجوا حتى التوظيف كذلك

بوركت

اقتباس:

المشاركة الأصلية كتبت بواسطة عيسى الخياري (المشاركة 10289096)

لافض فوك ..

لله درك .. والله كل ما قلته صحيح .. فعلا واشكرك على التعليق والرقي في تعليقك ..

:

فعلا ما نواجهه من الأسئله هي من بين السطور ..

المشكله تدري وين . ؟ :biggrin:

الكثير علقو بأن الجامعه ( أسهل شي ) ...!

ماحد مصدقني ولا أحد ملتفت على كلمة ( جامعة الإمام ) .. كأني قلت شيء آخر ..!

يا أخوان والله إن صديقي يأتي بـ 100% بالإختبارات ..! قسم بالله ما شاء الله عليه ..

أمس تحدث معي يقول لي :

ذاكرت قبل الإختبار بـ 4 ساعات .. وجبت درجه عاليه جدا نسيتها كم ..

والله يا أخوان إني قائلها لكم .. وهو قائلها لي بنفسه ..

:

الله يعين بس ..

اقتباس:

المشاركة الأصلية كتبت بواسطة أبو نضال (المشاركة 10289489)

يرجل هل يعقل من بين السطور ويعاملونا كإنتظام ..

للمعلوميه .. ( الكثير من الطلبه .. خائفين من أن يطالبون بأشياء مثل هذه ..؟ )

ترى الكثير منهم أيضا (( بس يبون يتخرجون باللي هي فيه ))

يا إنهم واسطات وضامنين شغلهم .. او على البركه ..

:

اتفق معك لا محتوى علمي يقدم بصورة واضحه و لا اسئلة تبين مدى استيعابك للمقرر
المضحك بعض الاسئلة متكرره حتى بالاخطاء الاملائية يعني خطاء يتوارث مع اجيال هالجامعة

كثير راح يعارضك لسبب خوفه ان الجامعة تغير منهجها بتكرار اسئلة الاعوام السابقة
ممكن معاهم حق يعني هالنقطة راح تخدمك اقل تقدير تكون عندك مقدمة بسيطة ع طريقة و اسلوب الدكتور م هالناحية
لكن مع هذا أفضل اسئلة واضحه تقيس مدى استيعابي للمقرر ع اسئلة مكرره و فيها اخطاء أو فيها التفافات
و غير هذا محتوى كامل يغطي المقرر و ليس روؤس أقلام ،،

اقتباس:

المشاركة الأصلية كتبت بواسطة almase (المشاركة 10295091)

لافض فوك .. والله كلامك عين الصواب واشكرك على التعليق والتصويت ..

فعلا ..

الأسئله للأعوام السابقه ما توكل عيش ..!

بما إن الدكتور يتباهى بحجم ( تركيب ) الأسئله .. والتعقيد والإلتفاف ..

وش أسوي بالأسئله للأعوام السابقه ..

الله يعين يخوك .. الله يعين بس ..

حسبنا الله ونعم الوكيل ..