|
رد: ياست وانا فاشله وراح افشل
حبيبتي اكبر غلط تقوليننن فاشله او صعبه او ماققدرت كلنا عندنا مواد نعجز نستوعبها لكن الهمه العاليه ورفع المعنويات هي السبب اللي خلتنا نتجاوز الصعوبه
لا تتحطمممممممممممين ابد ابد مريت بذي الماده ومااخفي عليك اني بكيت وقعدت اسب وكل شي بس تحديت الماده بالنهايه والحمد لله عديت بتفوق توكلي ع الله قبل كل شي وتعوذب من ابليس ومافي شي صعب ومافي شي سهل لازم المثابره والمجاهده لاجل النجاح << تفلفست واجد واذا بديتي تذاكر خلي معش كوب كوفي او شاي واقري واقري بعدين بتركز لحالها و اولا واخيراااااا ثقي بالله ثم بقدراتك انك قدها الله يوفقك ويييسر امرك |
رد: ياست وانا فاشله وراح افشل
هههههههه والله ان الدكتور جدا محترم .. شوفي لما يتكلم معكم بالمباشره لايتكلم من خشمه ولاشي ..
وبعدين ...هالماده سهله مقارنة بباقي مواد الجامعه ... وانتي تخصصك علم اجتماع ياقلبي يعني لاتتشكي من هالماده .. اشكتي لاجيتي لمواد التخصص ههههههه مبادئ الاداره ياحيها قدام مبادئ علم الاجتماع !!! المهم الان ..توكلي على الله وذاكري بفهم ... موضروري تحفظي نصا وكل حرف وكل كلمه بس بشكل عام الاجابات بالاختبار قدامك ... مجرد انك تتعرفين على الاجابه الصحيحه فقط !!!!! سهالات ... بمجهود بسيط تقدري تنجحي ان شاء الله |
رد: ياست وانا فاشله وراح افشل
المواضيع السلبيه نتائجها سلبيه على الطلاب، أتمنى من الادارة حذفها!
ومستحيل إنسان يستصعب شيء حتى لو كان تافهه ويحط في باله انه ماراح يقدر عليه ويقدر عليه، لأنه حطم نفسة بنفسه وعقله يتبرمج على العجز وعدم المحاوله. ( تفائلو بالخير تجدوه ) التوكل على الله والتفائل والايجابية والثقة بالنفس يقدر يسوي المستحيل. ونصيحه لكل اللي يعانون من المذاكرة خصوصاً المواد النظريه، ذاكر المادة بالقراءة من المحتوى كأنك تتثقف وتتعلم شيء جديد في حياتك وانسى موضوع الاختبار نهائياً. |
رد: ياست وانا فاشله وراح افشل
انتي ناجحة وتبي تنجحين وما اسرع ما نلاقيك بالمستوى الثامن
شدعوة يالغالية لكل مجتهد نصيب قومي قبل الفجر وذاكري المادة احلى وقت هدوء البيت مافيه ازعاج او صوت مع التوكل على الله والدعاء بالتوفيق ومافيه شيء صعب على الانسان بقدرة الله تعالى يابنت وصل الانسان للقمر ماوقفت عند ملزمة هههه شوفي كلنا كذا نخاف ونحس انه ماحفظنا بس بالتوكل على الله وقراءة الاسئلة بتمعن تتيسر الامور ولكل مجتهد نصيب |
رد: ياست وانا فاشله وراح افشل
بالعكسس الماده حلوه وسهله مو مره صعبه
انتي بس هونيها على نفسك وبتهون ولا تتوترين وانتي تذاكرين :o الله يوفقك ويسهل لك |
رد: ياست وانا فاشله وراح افشل
ايه اذكرها كانت غثيثه بس شطبت المحاضرات من قاموسي
واكتفيت بالملخص وجبت درجه حلوووه |
رد: ياست وانا فاشله وراح افشل
السلام عليكم ورحمة الله وبركاته :rose: الله يسعدك شوفي بقى 3 اسابيع بالضبط ع الاختبارات .. مو عارفه جدولك بس بقولك كيف تتم المذاكرة :53: المواد الصعبه ع قولتهم ، المواد متوسطة الصعوبة ، المواد السهلة .. ماقول صعبة لأنها صعبة ، بس نقول كذا عشان نركز اكثر ونهتم اكثر بالمادة :sm12: المواد الصعبة .. مبادي الادارة .. تقنية المعلومات < لأنها تحتاج حفظ وتركيز اكثر المواد المتوسطة .. العقيدة الاسلامية .. الصحة واللياقة < لأن معلوماتها كثيرة يعني شوية تركيز المواد الأسهل .. التحرير العربي .. الانجليزي .. مهارات التعلم والتفكير .. قبل كل شيء لازم تبينين لزوجك ان هالشهر بيتغير اشياء بس عشان المذاكرة والاختبارات عشان يعذرك بالتقصير البسيط وكمان عيالك لازم تبنين لهم هالشيء ، منها ماتهضمين حقك بمستقبلك ولاتقصرين عليهم :rose: حبي نفسك هالشهر تقبلي كل شيء يجي منك :icon1: رفهيها بنفس الوقت ، حطي ببالك اني بنت لسى وحيدة وعيشي اجواء الدراسة والصديقات ، شوفي فيه قروبات بنات ان شالله يساعدونك ويحمسونك .:mh318::53: نجي للجدول ، مثلا :wink: كل مادة 14 محاضرة ، حطي لك كل يوم محاضرة من مبادئ الادارة ، هذي خليها ثابته .. الجمعة .. محاضرة مبادئ الادارة .. محاضرتين عقيدة ، 3 محاضرات تحرير عربي .. السبت .. محاضرة مبادئ الادارة .. محاضرتين الصحة واللياقة ، محاضرتين انجليزي .. شوفي كم مادة .. هي 7 وعدد محاضراتها 14 .. يصير عندك 98 محاضرة .. قسميها ع ثلاث اسابيع .. الأهم الأهم الأهم .. شوفي جدول الاختبارات و حاولي ع الاقل تختمين المواد اللي ماقبلها اجازة يوم .. الله يوفقك يارب دنيا ودين ويسهل عليك أمورك ويضاعف أجرك بطلب العلم والتربية :rose: |
رد: ياست وانا فاشله وراح افشل
حاولي يكون عندش عدة ألوان خطاط للتأشير على السطور أثناء المذاكرة
فذلك يسهل المذاكرة ويفتح النفس اثناء المراجعة وأيضاً حاولي تكتبي سؤال على كل فقة مهمة |
رد: ياست وانا فاشله وراح افشل
البلا في الدكتور ,, لاشرح ولا حتى كلام يتكلم مثل الناس والمنهج صحيح يتتشابه وانا مريت مثلك بمثل هالحاله
لكن انصحك أول شي انك ماتتابعين المحاضرات افتحيها او حمليها عشان الدرجه اذا تابعتيها بتكرهين الماده اكثر وكلها ماده وحده مع هالدكتور تحمليها وذاكري بالقلم والورقه عشان تركزين بشكل أفضل والله يسهل أمورك |
رد: ياست وانا فاشله وراح افشل
تنبيه .. الله يرضى عليكم مانبي نشوف أي رسالة سلبية هنا .. كنا بالمدرسة عندنا 15 مادة وكتب فوق المية صفحاتها وماشالله مشينا ، الحين الممواد 7 والا 6 والملازم احيان ماتتعدى 40 .. اللي بيدخل يقول الدكتور فيه وفيه والا المادة فيها وفيها الله يسعده يحطم فيها نفسه :rose: |
| All times are GMT +3. الوقت الآن حسب توقيت السعودية: 05:04 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه