|
رد: دعوه عــامه لطلاب وطالبات تخصص الـ( English )
موضوع مهم للغاية يالغالي ..... خصوصا إن اللي حولنا أي شي عن الإنقليزي ( يقضبون حلقك ) ..... هذي وش معناها وهذا وش قال ....
|
رد: دعوه عــامه لطلاب وطالبات تخصص الـ( English )
ومنكم نستفيد :(204):
انا بديت بالمواقع اللي تعلم بالصوت واحاول احفظ واردد :biggrin: وبعد جربت القصص القصيره للمبتدئين وقصص الاطفال :biggrin: لاااحد يضحك والله حلوه وتفيد بس الحين بديت بقصص اطول شوي واكثر صفحات وفيه فائده :(204): عموما موضوع رااااااائع ومتابعه معكم :106: |
رد: دعوه عــامه لطلاب وطالبات تخصص الـ( English )
يآسلام على هالموضوع الخرآفي ..
بمآانني قدمت على اللغة الانجليزيه (تعليم عن بعد ) فلازم نضغط على انفسنآ انا بصرآحه أحب اللغه الانجليزيه ودرجآتي فيهآ ممتآزه ايام الدرآسه ..يمكن اللي يعقدني هو التعبير ..بس الحين ندمت انها كانت عقدتي ..لان التعبير في اللغه الانجليزيه شي ممتع وحلو .. حتى اذكر استآذتي قيمت كل البنات ولا قيمتني فقلتها استاذة لايكون ناسيتني:000: قآلت مآيحتآج اقيمك انتي من بداية الدراسه وانتي ماشيه معي في المآده وممتآزه فيها فــ/استانست:71: وشجعتني :biggrin: على فكره الدروس اللي اخذناها ايام الدرآسه مررره سهله ومش معقده .. وهذا لايعني اني ممتآزه في اللغه لكن عندي القدره اذا اجتهدت .. بعدها دخلت المعهد تخصص محآسبه وبعد ماتخرجت فــ نسيت ابو اللغه الانجليزيه بسبة هالمحآسبه :biggrin: حآفظه مصطلحات محاسبيه انجليزيه :biggrin: والحين أعآود ادرآجي للآنجلش :love080: بعزيمه واصرآر .. اذكر عندي زميله ماشاء الله تبارك الرحمن عندهآ تحدث وكتآبه في اللغه الانجليزيه ممتآزه بدون معآهد ولاهم يحزنون من نفسها تعلمت تقرأ كثير وتسمع كثير في التلفزيون وخصوصا قناة بي بي سي الاخباريه كنت اقولها هالقناه هاذي وشلون تفهمينها كلامهم سريع وماقدر القط كلمة حتى افهمهآ :Cry111: قال انا مثلك في بدآياتي ماكنت افهم شي بس اسمع و افهم بعض الكلمآت وصرت اعرف بعدها عن ايش يتكلمون من خلال فهمي لقليل من الكلمآت لين صآت تفهم .. اذكر استاذتي تقول لاتحفظون مفردآت مو هالشي الوحيد الي يفيدكم ولكن اهم شي تحفظون جمل هذآ اهم شي .. ومن بعدهآ صرت احفظ الجمل وفعلا هي صآدقه حفظ الجمل يسآعدنا كيف نتحدث لما اتكلم عن نفسي أو أخآطب غيري استخدم أي ضمير ووين أحطه قبل الفعل ولا بعد الفعل زي كذآ :biggrin: انا أشوف القصص والروآيات مفيده لنآ كمبتدئين حتى نتقوى .. وبعدين انتم يآارجال تقدرون تسآفرون عشآن تتحدثون مع الاجآنب وتكسبون لغة أكثر لكن احنا يالبنات كيف :Cry111:..؟ لاتقولون شغالات مو كل الشغالات يتكلمون انجليزي ولاتقولون ادخلي معهد بريطآني وخصوصا ان مثل هالمعآهد مفيده بشكل كبير ولكن الرسوم غاليه والمآده ماتسمح .. مافي طريقة غير السفر والمعآهد نكسب فيها التحدث باللغه الانجليزيه ونتخاطب فيهآ ..؟ لايكون بس طولت عليكم :biggrin: فيدونا بروآبط موآقع ممكن انها تفيدنا :Cry111: |
رد: دعوه عــامه لطلاب وطالبات تخصص الـ( English )
السلام عليكم مسائكم / صبآحكم رحمه ومغفره من الله موضوع في قمة الرووعه كل الشكر لصاحبه والردود في قمة الجماليه أحيي فيكم الحماس والله وحب التعلم قرأت كل الردود واشوف أكثر الأخوان والأخوات يتذمر من القرامر والله يا أخواني وأخواتي أن القرامر مررره سهله يعني لو تركز في القرمر وتحاول تفهمها لو باللغه العربيه ما راح يكون فيها أي أشكاليه أنا الحين مستوى ثاني انقلش وما اخفيكم بحكم عملي واختلاطي مع الإجانب واعتماد وظيفتي بشكل كبير على الإنقلش استفدت كثير من هذا الشيء بقولكم على بداية المعاناه مع الانقلش دخلنا كورس الإنقلش أقسم بجلال الله ما نفقه شي وربي يسامح مناهجنا أيام الدراسه والمدرسين وكان مستقبلك مرسووم على هاللغه يا أنك تنجح أو يطردونك والاختبارات معتمده على 100 سؤال (( Multiple-choice )) أختيار من متعدد ع الكمبيوتر الخمسين سؤال الاولى كانت (( Listening )) أستماع والخمسين سؤال الثانيه كانت (( reading )) قرآءه ومدة كل سؤال 12 ثانيه يعني يأ أنك تجاوب أو يروح السؤال عليك لأنه مافي مجال أنك تجلس تفكر وتختار وش الإجابه خاصة الخمسين الأولى الي هي السماعي تسمع المدرس يسأل بس وعندك اربع اختيارات بسرعه جاوب ولا بيروح عليك السؤال ياربااااااااااااااااااااه:bawling: والحمدالله في البدايه كانت مره صعبه والله صعبه وجبت العيد أكثر من مره لكن مع الاصرار والجد والإجتها كل شي يهون مع ان المدرسين من الجنسيه البريطانيه بس شي جديد عليك وكأنك مو خريج ثانوي ودرست الإنقلش رحت واشتريت جريدة التايمز البريطانيه فوق المناهج الي عندنا وندرسها :mh12: من الخوف لا يقولون انطرد ولد فلان الفاشل الداشر الي فيه وفيه بدوونا ما يرحمون :mad: وصرت أقراء واترجم الكلمات وارجع اقراء يمكن اكون ترجمة اغلبية الجريده ههههههه والمشكله اني اترجم من دكشنري الي هو القاموس مو مثل النت على طول اكتب الي تبي وتجيك الترجمه والله يا أن الجريده قلب لونها من الشمس وللحين عندي هههههه بس شي جديد عليك وكأنك مو خريج ثانوي ودرست الإنقلش ما ابي اطول عليكم وآسفين ع الإطاله حبيت اشارككم النقاش واحيي فيكم هالروح الحماسيه ,, وأعطيكم نبذه من حياتي الإنقليزاويه فترة الدراسه المريره كلمه أخيره إذا غامرت في شرف مروم فلا تقنع بما دون النجوم فطعم الموت في أمر حقير كطعم الموت في أمر عظيم والله الله بالنيه الطيبه واحتسب الأجر بما انك تتعلم هاللغه الأم حط في بالك انك بتحاول تنشر دينك وتنصر نبيك صلى الله عليه وسلم وتوصل هالدين للغرب بالتوفيق يا الغالين إن شاء الله ** أنا عندي كوزات في اللغه وقرمر مبسط ومرره سهل واشياء تساعدك في اللغه وبخاطري انزلها من السمستر الأول لكم لكن والله ما عرفت إن شاء الله في بداية هالسمستر بسأل الأخوان وبنزلها لكم بأذن الله تقبل الله صيامنا وصيامكم واتم بالصالحات أعمالنا وأعمالكم في أمان الله |
رد: دعوه عــامه لطلاب وطالبات تخصص الـ( English )
باختصار:-
ياشباب الانجليزي والله العظيم سهل جدا ..>>لامعهد ولاهم يحزنون تبغى تتعلم انجليزي صح * افتح القاموس دايما واقرا كلمات من انجليزي الى انجليزي >>انجليزي -عربي خله اخر شيء اذا عجزت *اسمع اخبار بالراديو باللغه الانجليزيه *اتكلم لوحدك واقرا من كتب قصص بسيطه *ادخل مواقع الانجليزيه المشهورة واستمع ... >>>>دايما اسمع لانك لما تسمع بترسخ وبتردد ....>>>>كل يوم لو كلمه واحده تكتبها وتقراها وتسمعها صح كلمه في *375 يوم يعطيك 375 كلمه بذلك انت فهلوي في الانجليزي وتمشي نفسك ... والامور سهالات بس يبغى لك تبدا شكرا لك :53: |
رد: دعوه عــامه لطلاب وطالبات تخصص الـ( English )
اقتباس:
future .......from here I start:119: I hope you all a happy full day... :love080: شكرا لك سعيد اقدر كلماتك الفعاله واتمنى ان نحصل على الفائده من التحدث مع بعض هنا في المنتدى وفي المستقبل .. ومن هنا ابدا اتمنا لكم يوما سعيدا :love080: |
رد: دعوه عــامه لطلاب وطالبات تخصص الـ( English )
اقتباس:
كنت مثلك بالضبط اخذ الكتب المنطله و احاول اقراها ولو انو بعض المفردات صعبه شوي وماكان عندي الديكشنري الناطق بس كنت احاول انطق الكلمه الصعبه حتى لو كان نطقي غلط :biggrin: واحيان كثييييره يطلع نطقي صحيح .. وغير كذا كان عندي دفتر ملاحظات اكتب فيه كل كلمه جديده اتعلمها واعرف انطقها :71: ونفس ردك اللي قبل هذا كنت اتابع التلفزيون بشغف واقلد طريقتهم و اللهجه واحب كثييير اللهجة البريطانية اللي اتقنها جدا الحمدلله :119: واقرا قصص احيان كثييير تكون مو مترجمه عشان احاول اترجمها وتثبت الكلمات في بالي :53: وايضا الممارسه تلعب دووور مهم جدا في تعلم اللغه الانجليزيه او اي لغة اخرى :(204)::(204): اتمنى التوفيق للجميع ياااااارب :106: :106: |
رد: دعوه عــامه لطلاب وطالبات تخصص الـ( English )
اقتباس:
|
رد: دعوه عــامه لطلاب وطالبات تخصص الـ( English )
السلام عليكم.. :(204):خوووووووش موضوع الصراحه أولا الانقلش سهل حييييييل و سلس للي يركز شوي بس..الانقلش عباره عن فوكابلري<<يعني كلمات جديده نتعلمها و جرامر>>يعني قواعد اللغه..مثل النحو بالعربي و آخررررر شي الممارسه.. اذا ركزتو على هذول الثلاث اشياء..راح تصيرون بلبل بالانقلش:53: . . . . و على فكره الانقلش اللي بالجامعه سهل حييييل حييييييل.. بالنسبه لي ماني شايله همه..لأن عندنا بالكويت ندرس انقلش من الابتدائي..واذا تخرجنا من الثانويه يكتبون لنا بالشهاده..يحمل لغه انجليزيه:d5: ..والتوفيق للجميع يارب.. |
| All times are GMT +3. الوقت الآن حسب توقيت السعودية: 08:39 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه