ملتقى طلاب وطالبات جامعة الملك فيصل,جامعة الدمام - أيهما أفضل ( ج الملك فيصل ) أو ( ج الدمام )

- - أيهما أفضل ( ج الملك فيصل ) أو ( ج الدمام ) (https://vb.ckfu.org/showthread.php?t=761379)

رد: أيهما أفضل ( ج الملك فيصل ) أو ( ج الدمام )

أنا أشوف جامعة الملك فيصل أفضل .نصيحه لك

رد: أيهما أفضل ( ج الملك فيصل ) أو ( ج الدمام )

بالنسبة للكبار جامعة فيصل مناسبة ..... اما الطلاب صغار السن اللي محالفهم الحظ ومعدلاتهم مساعدت على قبولهم جامعة الدمام افضل لان عندهم فرصه قويه انهم يجيبون معدل 4 من 5 ويحولون انتظام .... وبتوفيق للجميع

رد: أيهما أفضل ( ج الملك فيصل ) أو ( ج الدمام )

جامعه فيصل بشغله وحده
مسمى الوظيفه ( انتساب )

الدممام ( عن بعد ) غير معترف فيه بالخدمه المدنيه

رد: أيهما أفضل ( ج الملك فيصل ) أو ( ج الدمام )

اقتباس:

المشاركة الأصلية كتبت بواسطة ممموني (المشاركة 1057295889)

جامعه فيصل بشغله وحده
مسمى الوظيفه ( انتساب )

الدممام ( عن بعد ) غير معترف فيه بالخدمه المدنيه

معترف به ..

رد: أيهما أفضل ( ج الملك فيصل ) أو ( ج الدمام )

استغرب من اللي يقول درجاتي ملعوب فيها الحين على وشك تخرج ماقد صلحت ورقتي وماجات نفس الدرجة
المناقشات اتفق بس فيه خريطة تقدر تتاكد منها الواجبات احلها بالنظامين لان اوقات تختلف بلاك بورد عن الافتراضي وهذا اما بالحق هم يعطونك اياها و حتى لمن نرفع اعتراض و يكون العدد اكثر من 100 لتاكيد الموضوع يبحث فيه بلجنة متخصصة
فعلاً الانسان ما يرضيه شي
الشي المعيب فقط بجامعة فيصل هي الانظمة و الدخول عليها و التأخر بالنتائج فقط لا اكثر

رد: أيهما أفضل ( ج الملك فيصل ) أو ( ج الدمام )

اقتباس:

المشاركة الأصلية كتبت بواسطة mad hatter (المشاركة 1057295808)

وعليكم السلام ورحمة الله

التساهل بالأمور الدراسية؟ جامعة الملك فيصل طبعا ً
جامعة تتساهل في الأسئلة لكن في حقوق الطالب ما تحصل منهم شيء

تبي شهادة وبس ادرس بفيصل لأن هالجامعة اسمها في الحضيض بفضل هذا التساهل الي تدورون عليه
تبي تحلل فلوسك وتجيب شهادة تستاهلها شد حيلك بنفسك ولا تنتظر أن المناهج تفيدك
الدكاتره أغلبهم إلا من رحم ربي ناسي المنهج وكل ترم له جواب يختلف عن الترم الي قبله ولا تناقشه لأنك مجرد طالب
آخر الترم تتفاجأ أن درجاتك منسوفه وتتظلم لكن ما يعطونك حقك لأن عدد الطلاب بالجامعة هائل و90% منهم مستهترين ونصابين ويرفعون تظلم علشان ممكن تصيب وممكن تخيب لكن هل ذاكروا واستحقوا الدرجات الي يتظلمون عليها؟ لا
هل الطالب المتفوق الصادق الي حصل خطأ في رصد علامته يتعوض؟ لا طبعا ً حقك يضيع ولسان حالهم يقول لك احمد ربي تساهلنا معكم وكررنا الأسئلة

لا تبحث عن التساهل ابحث عن جامعة منصفه تسمع للطلاب وما تضيع حقوقهم
التساهل الي تدورون عليه هو الي ضيعنا وضيع قيمة شهاداتنا

اخوي .. بالغت و اجحفت بحق الجامعة و حق اخوانك الطلبة ..

.. 90% مستهترين و مايذاكرون و يرفعون تظلم .. ايش دراك عنهم كلهم؟
انت اذا عرفت 50 و لا 100 طالب كذا .. يمثلون انفسهم مايمثلون 11 الف طالب.
ايقونة التظلم وضعت لحفظ حق الطالب ..
السؤال اذا صح .. بيرصد لو اشتكوا كل الطلبة.
و السؤال اذا فيه خطأ .. يحسبونه للجميع.

مسأله طلبه مايذاكرون و ينجحون... هذا شئ مو خاص بجامعة فيصل قسم الانتساب .. بكل الجامعات و بالانتظام بتلقى هالفئة من الطلبة.
سواء ساعدتهم اسئله بعض الدكاتره المتساهلين او حظهم.

و العكس صحيح ايضا ..فيه دكاتره اسئلته صعب فيها التفوق. ايضا مثل اي جامعة.

جامعة الملك فيصل اسمها معروف و تأخذ مراكز متقدمة في ترتيب الجامعات السعودية في كذا مناسبة. و هذا تصنيف من اهل الاختصاص.

يكفيك انك كطالب .. تعرف انها تشجعك على الدراسه و التفوق
بمكافأت التفوق .. شخصيا ماسمعت بهالشى بالجامعات الثانيه.

و موفرة لك مراكز الاختبار بكل مدينه تقريبا و بدون رسوم.

رسوم الدراسه هنا تعتبر ضمن اقل الرسوم مقارنة بالجامعات الثانيه. و تمدد فترة التسديد من بداية الترم الى قبل الاختبارات. و بعد تقدر تختبر و انت ماسددت.
مقابل جامعات قبل يفتح النظام بدايه الترم لازم تسدد اللي عليك و لا مافيه دراسه.

جامعة فيصل عندها استعداد تأخذ و تعطي و تتراجع بأي قرار يمس الطلبة. مثل قسم ادارة الاعمال قبل كم سنة لما بغوا يغيرون المسمى.

جامعة الملك فيصل بدون شك اعطتنا فرصة عشان نكمل دراستنا و سهلت لنا كل الصعوبات كطلبة انتساب.
اما الطالب فهو مسئول عن نفسه اذا بيأخذ الشهاده عن جدارة او لا.

ما انكر ان فيه اخطاء تحصل هنا و هناك . بس وين الجامعة اللي نظامها 100%. مالك حق اخوي تصادر كل الحسنات مقابل كم خطأ بالنظام.

الله يوفقنا و ياك.

رد: أيهما أفضل ( ج الملك فيصل ) أو ( ج الدمام )

الله يعطيكم العافيه جميع من شارك بهذا الموضوع ..

وانا من ناحيتي أستنتجت أن الأغلبيه تقيم لصالح جامعة الملك فيصل ,
وشاكر لكم حسن التعاون
وأسأل الله ان يوفقنا وإياكم .. لنا لقاء بالاختبارات :d

رد: أيهما أفضل ( ج الملك فيصل ) أو ( ج الدمام )

يعني اللحين جامعة ملك فيصل التعليم عن بعد المطور
بالشهادة يكتبون انتساب !!!!!!!!!!!!!!!

رد: أيهما أفضل ( ج الملك فيصل ) أو ( ج الدمام )

اقتباس:

المشاركة الأصلية كتبت بواسطة askazya (المشاركة 1057296606)

يعني اللحين جامعة ملك فيصل التعليم عن بعد المطور
بالشهادة يكتبون انتساب !!!!!!!!!!!!!!!

بالضبط :(204):

رد: أيهما أفضل ( ج الملك فيصل ) أو ( ج الدمام )

فيصل ولاتشاور