|
رد: استفسار عن الماستر عن بعد
انقبت موازي بجامعه الملك خالد
بس للاسف شكلي م راح اكمل معهم لانها ب مبالغ هذا معناته معترف فينا وسلامتكم |
رد: استفسار عن الماستر عن بعد
اقتباس:
اهم شئ ان الباب مفتوح لنا .. الله يعطيك العافيه |
رد: استفسار عن الماستر عن بعد
يالله اخذو العلم الاكيد مني بس لاتنسوني من دعواتكم.. كلمت اغلب الجامعات والحمدالله وضعنا في السليم طبعا في الي بشروط وفيه على حسب المقعد الشاغر اول شي عندي نقطه راح اوضحها لكم الي هي / مافي ماستر عن بعد ...طبعا ماستر راح يكون انتظام الي هو يومين في الاسبوع او ثلاث ايام في الاسبوع جامعه نايف كلمتهم طبعا في متاحه للرجال والنساء وقالو اذ انت موظف حكومي بس ارسل لنا خطاب من الجهه الي تعمل فيها باالموافقه وبس طبعا ماعندهم شروط ولا شي وكل الشباب الي اعرفهم انتساب مثلنا وخلصو ماستر فيها .. دراسته 3 سنوات مع الرساله والي موظف قطاع خاص طبعا راح يكون فيه اسثناء على حسب مجلس الجامعه ... التسجيل شغال وراح ينتهي 27-8 عربي جامعه الامام راح يفتح بعد عيد الحج وشروطهم توفل 70 فقط بدون لغه ولا شي الماستر المتاح عندهم ( ماستر اقتصاد) طبعا دراستهم يومين في الاسبوع والمده الدراسه 3 سنوات لان اول سنه تحضيري للاقتصاد او مواد مكمله طبعا تدفع اول ترم ثم تنقبل على الدوله وراح ترجع الفلوس الي دفعتها والرسوم ماسئلت عنها. يقولون ماستر اداره اعمال تحت الدارسه واحتمال كبير يفتح وبيكون دارسته سنتين لانه مثل تخصصنا لا نحتاج الى سنه تحضيريه . جامعه سعود التسجيل في شهر 11 عربي .الشروط توفل وفيه اسثناء لي اصحاب الانتساب عاد انت والواسطه حقتك او انت وحظك شهر 1 القادم راح تفتح ماستر قانون لي اول مره ربما شروطهم بتكون ليست تعجيزيه عشان يكتمل العدد المطلوب في التخصص وباقي الجامعات الخاصه موافقه ع الانتساب بس تدفع 50 الف لكل ترم اذ انقبلت ع الدوله تدفع 12 الف لكل ترم الدراسه عندهم عامين فقط ولايوجد رساله بل بحث يشترك به 5 طلاب يعني اسهل مره من الرساله . جامعه الفيصل الي باالرياض خاصه طبعا ..عامين الدراسه عندهم واذ انقبلت ع الدوله تدفع 6 الف في السنه يعني 12 الف تدفعها في العامين ذي ...شرطهم الوحيد ايلتس او توفل والتسجيل ينتهي 30-6-2014 ندري ان الوثيقه راح تتأخر بس عاد يكفي لكم ايفاده باالتخرج مع دفع رسوم غير مسترده وهي 5000 الف ريال وبعد رمضان جيب الوثيقه ذا كل الي عرفته ....والله يوفقكم:16.jpg: |
رد: استفسار عن الماستر عن بعد
اقتباس:
يعطيك العافية اخوي وزادك الله علما و توفيقا بما انك مستفسر و باحث عن موضوع الماستر عندي فقط استفسار اخوي هل صحيح دراسة الماستر بالانجليزيه لو بعضها عربي وبعضها انقلش؟؟ اذا في بالعربيه اي جامعه؟؟ |
رد: استفسار عن الماستر عن بعد
اقتباس:
لاني حاطة عيني على هالجامعة بس اللي عندنا فرع من جامعة الملك خالد عادي يقبلون ولا لازم المقر الرئيسي للجامعة |
رد: استفسار عن الماستر عن بعد
اقتباس:
|
رد: استفسار عن الماستر عن بعد
الله يسعدكم ويرضا عليكم انا عندي خمس مواد جبت فيها ممتاز بتخصصي هي منها ناخذ التوصيات ونكمل الماستر بس تقديري جيد خخخخخخ
هو ينفع ان شاءالله ولا كيف افيدوني :) |
رد: استفسار عن الماستر عن بعد
دبلوم تربوي ان شاءالله راح اخذه بجامعة الدمام اختي تقولي مدتها سنة ومجانا بدون اي شي والله ييسر لنا جميع
لازم الدبلوم التروبي يابنات وياشباب ناخذها اول ونكمل ماستر اذا الله اراد:verycute: |
رد: استفسار عن الماستر عن بعد
اقتباس:
نايف باالعربي وجامعه دار العلوم فيه باالعربي و الامام عربي وبعض الخاصه فيه باالعربي والانجليزي برضو سعود وغيرها . |
رد: استفسار عن الماستر عن بعد
ب صراحه شفتها ب رسووم وبطلت ادرسسس
وذلك لاني مو موظفه واحس اني ثقلت علي ابوي وبنفس الوقت ودي اثقل عليه هههههههههه يعني ان شا الله اذا اشتغلت راح اكمل دعووااتكم |
| All times are GMT +3. الوقت الآن حسب توقيت السعودية: 12:57 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه