ملتقى طلاب وطالبات جامعة الملك فيصل,جامعة الدمام - وجهة نظر ،، وأتمنى أنها ما تزعل أحد ،، (( الـتــويــتــرررر )) ..!!

رد: وجهة نظر ،، وأتمنى أنها ما تزعل أحد ،، (( الـتــويــتــرررر )) ..!!

كلامك صحيح
انا فتحة حساب في التوتير وندمة والان مادري كيف اسوي الالغاء لحساب

رد: وجهة نظر ،، وأتمنى أنها ما تزعل أحد ،، (( الـتــويــتــرررر )) ..!!

انا فتحت لي حساب فتويتر عشان مشكلة صارت لي فحافز وقلت بتواصل مع خبير حافز
ولاا استفدت منه و على طول إلغيته ,, الصراحه ماعجبني احسه غبيّ :42:
ومامنه فايدة :41: ولا تجيك وحده تحط صورها وسوالف مالها داعي ولا قدر الله توفت
تجي صديقتها تكفون ساعدوني إلغي حسابها :9:ومدري ايش اعملو لهاا مدري شنو
والله حااله من وجهة نظري :31: لاا تويتر ولا فيس بوك ولا نت لوق كلها مادخلت مزاجي ولا اشوف منها فايدة .

رد: وجهة نظر ،، وأتمنى أنها ما تزعل أحد ،، (( الـتــويــتــرررر )) ..!!

http://t3.gstatic.com/images?q=tbn:A...7bAcwQriFdBDkg

كلام سليم اخوي بس اي شي تكثر من استعمالة له مضارة
حتى الماء لو شربت منه على غير الضماء يجرح الكبد لذالك اللي يستخدم التويتر في الاشياء المفيده مثل تذكير بالصلاة مثل سؤال احد الدكاترة مثل افتاء هذا كله مافيه شي
والبنات مثل ازياء تتبع اخر صيحات المكياج والموضه بما يرضيى الله برضوا مافية شي
هذا من وجهة نظري وكل واحد له وجهة نظر خاصة فيه
http://t0.gstatic.com/images?q=tbn:A...09gNccI4_1E6tg

رد: وجهة نظر ،، وأتمنى أنها ما تزعل أحد ،، (( الـتــويــتــرررر )) ..!!

يالله
لهالدرجه تويتر خطير :31:

معليش اخوي ايفون بس كيف حكمت عليه وانت حسب كلامك ما سويت حساب ولا اطلعت على الناس اللي فيه ولا تدري وش السالفه :26:

اولآ انا اضن ان كل الزملاء والزميلات هنا تعدوا السن القانوني وتعدوا مرحله المراهقه
ثانيآ اللي عنده اتصال نت وقدر يدخل على الملتقى هنا وفي راسه لعب صدقني مو محتاج تويتر او غيره و المواقع المشبوهه كثير
ثالثا انا ما اعرف طريقه تراسل فيها العميد او مدير مكتبه الشعيبي ويردون عليك بنفسهم وبنفس الوقت الا بتويتر ( وهذا شي يحسب لهم )
رابعآ النصيحه لأخوك المسلم من اعضم الفضائل لكن المفروض تكون في شي انت عارفه تمامآ واخوك يجهله تمامآ واللي حاصل العكس !

الطبيعي مو اننا نتخوف من كل تقنيه جديده ونحاربها واحنا ما ندري وش الطبخه
الطبيعي اننا نستخدم التقنيات ونواكب التطور لكن في حدود شريعتنا وديننا ونستخدمها في النصح والدعوه ونشر الدين او اقل شي نكون واجهه مشرفه لهذا الدين العظيم ( ولنا في مشايخنا اسوة حسنه )
اتمنى تقبل كلامي بصدر رحب

رد: وجهة نظر ،، وأتمنى أنها ما تزعل أحد ،، (( الـتــويــتــرررر )) ..!!

من وجهة نظري
كل شيء بذا الدنيا سلاح ذو حدين ذو جانبين السيء والجيد (نت\برامج\تلفزيون\جوال\سوق\مكتبات\مطاعم...الخ)
وكلن على حسب استخدامه وإستخدامه يتعمد على خوفه من ربه ثم تربيته

التويتر رابط قوي اغلب المشايخ والدكاتره فيه (نبيل العوضي,محمد العوضي,عايض القرني,طارق حبيب,عبد الرحمن دمشقيه,عدنان العرعور.محمد العريفي,محمد الثوينيطارق السويدان,احمد الشقيري)
وفيه الأخبار اول بأول تجيك اسرع من التلفزيون(الثامنه,mbc في الاسبوع,الاحساء نيوز,خبر عاجل,جريدة الوطن السعوديه,شبطة بلادي الأخباريه)
<-- هاذولا انا مشتركه فيهم
في دكاتره جلديه,باطنيه,..ألخ
فيه حسابات لإعلانات الوظايف في القطاعين عام وخاص
وفيه الفريدان وطالب جامعي منتسب

--
للأسف
الجامعه حطت وسائل إتصال كثير (منتدى\إيميلات\ثابت\جوالات) وما من مجييب
وللأسف الدكتور عبد الله يرد على التويتر فقط
وللأسف الشديد يرد ع ناس وناس (مو انحياز) بس في ناس تسأله يرد عليهم
وناس تسأله (انا منهم) مايرد عليهم

فـ من الطبيعي اذا جاتك فرصه تتواصل مع دكتور او مع مدير او عميد بالتويتر تستغلها
وهذا مو خلل منك
انا اشوف انه خلل منه هو
لأنه عنده وسائل رسميه تتواصل فيها معه ومهملها
(موقصدي الدكتور عبد الله فقط اقصد الكل)

تخيلوا نلقى دكتور من دكاترنا بالتويتر
ويتواصل بالتويتر طوول الوقت
واذا دقيت ع جواله الخاص بالجامعه مايرد
وش بتقولون عنه؟

اذا الجامعه موفره وسيله اتصال لك ماتدفع فيها قرش, ليه ماترد وتستخدمها؟
ليه ترد ع اللي بالتويتر؟

الموضوع من الباديه وجهة نظر

رد: وجهة نظر ،، وأتمنى أنها ما تزعل أحد ،، (( الـتــويــتــرررر )) ..!!

كلام اي فون عين العقل ...

رد: وجهة نظر ،، وأتمنى أنها ما تزعل أحد ،، (( الـتــويــتــرررر )) ..!!

صحيح كلامك اي فون
فعلا مواضيع كثيره نحصل كاتبين روحو تويتر
احنا دخلنا المنتدى عشان نحصل الاجابة مونروح نبحث عنها بتويتر
يعطيك العافيه اخوي على وجهه النظر الرائعه
وبلعكس عدم اشتراك بعض الاشخاص بتويتر ليس تخلف
المتخلف الي مايحصل وقت لقراءة القران بيومه:16:

رد: وجهة نظر ،، وأتمنى أنها ما تزعل أحد ،، (( الـتــويــتــرررر )) ..!!

ياخوي والله ان كلامك صحيح وقلت كل اللي في خاطري وكان نفسي اقوله..... بارك الله في جهودك وموفق:3:

رد: وجهة نظر ،، وأتمنى أنها ما تزعل أحد ،، (( الـتــويــتــرررر )) ..!!

الله يجزاك خير إخوئ
بس اللي يبي البطال بيدور له مكان ماهو بمنتدى أو غير منتدى أو تويتر

إذا دليناه على أكاونت استاذ أحمد الشعيبي بتويتر
مؤ معناه رشدته على الخطأ بالعكس دليته على الحل اللي يبيبه

ويعطيك ألف عافيه

رد: وجهة نظر ،، وأتمنى أنها ما تزعل أحد ،، (( الـتــويــتــرررر )) ..!!

السلام عليكم ورحمة الله وبركاته

قلت كل ما اريد ان اقوله ونطقت بلسان الحرص والغيره على اخواتك المسلمات ...

اسال الله الذي خلق الانسان وانزل القران واسقط عنا الخطأ والنسيان ان يحفظ اخواتنا وبناتنا من مواطن السوء والفتن وان يدلهن على طريق الحق والصواب وان يجعلهن قرةً لأعين ذويهن وان يرزقك انتي يا اخي الكريم صاحب الموضوع الفردوس الاعلى من الجنه وان يزرق العفه في نسائك واقربائك والمسلمين اجمعين

لا اريد ان ازيد على كلامك الا خيرا

ولكن اني ارى ان هذا الزمان هو زمان الفتن والملهيات والمغريات وزمان الشهوات فمن ترك نفسه تتبع هواها خسر دنياه واخرته ومن نهى النفس عن الهوى فقد فاز بالاخره
فهي وصية سدينا وحبينا محمد صلى الله عليه وسلم فقد قال «أوصيكم بتقوى الله والسمع والطاعة، وإن كان عبدا حبشيا. فإنه من يعش منكم يرى بعدي اختلافاً كثيراً. فعليكم بسنتي وسنة الخلفاء الراشدين المهديين، وعُضُّوا عليها بالنواجِذ، وإياكم ومُحدَثات الأمور فإن كل محدَثَةٍ بِدعة وإن كل بدعة ضلالة»