ملتقى طلاب وطالبات جامعة الملك فيصل,جامعة الدمام

- - قصة تسجيل... (https://vb.ckfu.org/showthread.php?t=196071)

رد: قصة تسجيل...

معاناتي كانت على النحو الآتي اول ما انفتح باب التسجيل للانتظام قدمت بكل جامعات المملكه العربيه السعوديه ..
بدايه بجامعه الدمام بكل فروعها , وجامعه الملك فيصل بالاحساء , جامعه الملك عبد العزيز بجدة , جامعه الملك سعود بالرياض , جامعه الأميره نوره بالرياض, جامعه طيبه في المدينه ,, وكان عندي استعداد اقدم على أي جامعه أهم شي ما اقعد بكابوس اسمه شهاده الثانويه العامه ..
وانا لله الحمد كنت عارفه بنظام الدفعات اللي ينص على ان كل اسبوعين من قبول الدفعه الاولى نسوي تحديث الطلب عشان يرفعوا طلبنا ويقبلونا
اسبوعين الدفعه الاولى : مر على سهر وكوابيس
اسبوعين الدفعه الثانيه : كانت كلمه وحده تتردد ببالي ( ما أبغى اجلس بالبييييييت زي قلتي ) على آخر كم يوم بالاسبوع الثاني وجاني قبول من جامعه الدمام بقسم العلوم والاداب اللي بالخفجي :Cry111:
شاروا علي اخواتي اني ارسل اوراقي لهناك واحدث الطلب يمكن يرفعوا اوراقي ويجيبوني لمكان اقرب من الخفجي ..
بالفعل ارسلت اوراقي وحدثت الطلب
اسبوعين الدفعه الثالثه: على امل ورجاء برفع الطلب ..

اسبوعين الدفعه الرابعه : اذكر كان وقتها اجازات الموظفين وطبعا معاهم موظفين الجامعات ..
وقتها بالذات انقبلت بجامعه الملك فيصل انتظام قسم العلوم والاداب انتظام..
وانا اوراقي الثبوتيه الاصليه بالخفجي وما فيه دوامات الجامعات مسكره ..
وقتها كان موت بطيء بالنسبه لي ..
لان على مبدأي أنا أن الحياه بدون دراسه انما هو كانسان يحتضر ..
ما فيه مجال ابدا اني اروح اجيب اوراقي من الخفجي ..
جا دور الاخوات .. قالوا لي خواتي قدمي بالانتساب عشان لا تروح عليكي هالسنه حرام تقعدي بالبيت وانتي بهالعمر:bawling:
..
" اذكر اختي الكبيره قالت لي : لا زوج ولا دراسه تموتي احسن .. على الاقل لو متزوجه نقول عندك شي يشغلك .. مع انه عذر واهي للتخلف عن الدراسه لكنه سبب من الاسباب "
..
قدمت بالانتساب ..
وقبلوني من الدفعه الاولى :mh001:.. طبعت اوراق طلب الالتحاق
ورحت عند بابا اذكر اني كنت اصيح وكلامي ضايع مع صوت صياحي
وقلت له هذا اللي سجلت فيه وهذا اللي أبيه ..
قال لي خلاص يوم السبت اروح انا وانتي وامك للخفجي نجيب اوراقك
صحيت بابا من الساعه 2:30 بالفجر ومسكنا الخط للخفجي وصلنا 6:30
وكان تو ما بدت الدوامات قعد بابا يفر فينا بهالخفجي وشفنا انها صحراء من جد
يمه ما اتحمل اقعد هناك ثانيه اشلون لو ادرس قسم بالله انهبل
دخلنا على الاداراه ولقينا معامله زي الزفت اهم شي اخذت اوراقي وطلعنا وعلى طول رجعنا للدمام ما فيها كلام ابد .. اليوم اللي بعده ارسلت اوراقي مع ايصال سند المبلغ :53:والحمد لله على كل حال .. الحمد لله :53:

رد: قصة تسجيل...

هنوده قصتك مررره حلوه استمتعت وانا اقراها بس معنااااه الله يعينك
وانا معك في مبدأ الحياه بدون دراسه احتضار...من جد احلي شي في الحياه
لما كل يوم تتعلمي شي جديد وتحسين فيه هدف تسعين له.

اسعدني مرورك الله يسعدك:119:

رد: قصة تسجيل...

طموووووووووووووحه حلوه قصتش وهذا دليل انه الله كاتبش تكونين معانا (( غصب عن الجامعه ))

انه قصتي نوعا ما عاديه
اخوي الي اصغر مني كانتوه متخرج من الثانويه وانه كنت خايفه انه يفوته التسجيلات ولا يكمل دراسته (( متعقده من نفسي لانه ما انقبلت اول ما تخرجت من الثانويه ))وطبعا لانه الاولاد شوي مهملين فانا جمعت له تواريخ والروابط حق الجامعات علشان يسجل فيهم وكان كل ما فرب موعد احدى الجامعات يا اما انه اسجله او اتصل عليه اذكره علشان يسجل

ومن ضمن الجامعات كانت فيصل وانه اشوف التواريخ انتبهت حق تاريخ التسجيل للانتساب المطور
استغربت الصراحه من الاسم وسوي بحث بقوقل وطحت على منتدانا هذا الجميل ومن كلام الي مسجلين حسيتهم يمدحونه فقلت حق اخوي اذا ما قبلوك ولا جامعه سجل فيه وما رضى وانه من زود الحماس قلت له خلاص انه بسجل و سجلت نفسي وقبلونا في الدفعه الاولى الحمدلله والحين بخلص سنه كامله وبروح للمستوى الثالث ومرتاحه كثيررررررررررر انه بتحقق حلمي واصير جامعيه
واخوي انقبل في مكان ثاني انتظام والحمد لله على كل حال :wink::wink:

رد: قصة تسجيل...

اقتباس:

المشاركة الأصلية كتبت بواسطة حلم&& حياتي (المشاركة 3867102)

طموووووووووووووحه حلوه قصتش وهذا دليل انه الله كاتبش تكونين معانا (( غصب عن الجامعه ))شفتي كيف:cool:سبحان الله كل شي عنده بمقدار.

انه قصتي نوعا ما عاديه
اخوي الي اصغر مني كانتوه متخرج من الثانويه وانه كنت خايفه انه يفوته التسجيلات ولا يكمل دراسته (( متعقده من نفسي لانه ما انقبلت اول ما تخرجت من الثانويه ))وطبعا لانه الاولاد شوي مهملين فانا جمعت له تواريخ والروابط حق الجامعات علشان يسجل فيهم وكان كل ما فرب موعد احدى الجامعات يا اما انه اسجله او اتصل عليه اذكره علشان يسجل

ومن ضمن الجامعات كانت فيصل وانه اشوف التواريخ انتبهت حق تاريخ التسجيل للانتساب المطور
استغربت الصراحه من الاسم وسوي بحث بقوقل وطحت على منتدانا هذا الجميل ومن كلام الي مسجلين حسيتهم يمدحونه فقلت حق اخوي اذا ما قبلوك ولا جامعه سجل فيه وما رضى وانه من زود الحماس قلت له خلاص انه بسجل و سجلت نفسي وقبلونا في الدفعه الاولى الحمدلله والحين بخلص سنه كامله وبروح للمستوى الثالث ومرتاحه كثيررررررررررر انه بتحقق حلمي واصير جامعيه
واخوي انقبل في مكان ثاني انتظام والحمد لله على كل حال :wink::wink:

تصدقين عاد حاسه اني الي يصر معاهم كذا يعني قبولهم بالجامعه تييسر من ربي وبدون منة حد او واسطات هم الي يستمرون وينجحون في حياتهم العلميه.

نورتي موضوعي يالغاليه.:119:

رد: قصة تسجيل...

:53:غيرو جو..وتذكرو..قصصكم..مع التسجيل في جامعتكم..

رد: قصة تسجيل...

بالنسبه لي سجلت اخريوم واخر ساعه في التقديم وكان يجيني احساس انو مراح يقبلوني وتحطمت يوم ماقبلوني بالدفعه الاولى ولا الثانيه لكن الحمد لله الثالثه ثابته وتم القبووول والحمدلله

رد: قصة تسجيل...

اقتباس:

المشاركة الأصلية كتبت بواسطة روز طيبه (المشاركة 3869375)

ياحليلك اخر ساعه عاد..
يوووه قسم لوني مكانك غير اموووت ما اتحمل شد الاعصاب:000:
انا اسبوع وبغيت انجننننن كل لحظه تمر كأنها سنه.

بس الحمد لله هاذا حنا وش حللاتنا منورين ملتقي الجامعه:hahahahahah:امممم الثقه.

رد: قصة تسجيل...

قصتش معببره طموووحه بس مو حسيتي بطعم الفرح اكثر من بعد الضيق فرج ولا احلى شعور ينوصف ..

امااا انااا قصتي قصاااهـ والمشكله مستمرااهـ << ع الوزن :biggrin:

اممم اول شي مو انا اللي سجلت نفسي ..اختي بامر من بابي بعد ما اعطيتهم الاشاره الخضراء :icon9:

اوكيشن ..

صحيح اللي مايحس بالنعمه يرفسها ..لكن بالنسبه لي اعتبرتها نقمه ..

سبحان من خلق وفرق ..ناس تنتظر تنقبل وعلى اعصبها ..وانا ادعي مايقبلوني ..باختصاااار ماابغى التخصص واكررره حد المووت ..

بابي له نظره بعيده يوم اختارلي انقلش والمشكله فيني ..

كنت ع اعصابي مثلكم بس الفرق خايفه يقبلوني ..طال عمره ما غصبني لكن هو تمنى لي هالشي ..ماحبيت اكسر خااطره ولعيونه وبراا فيه وافقت ...كتجربه

وللاسف المليون جاني خبر قبولي بدون جهد ولا تعب ..لعلها خيره ..

<< عمري ماتخيلت ادخل انقلش وررربي ولا باحلامي طراالي ..:icon9:

دعواتكم بس انجح فيه هالحين لاجل لا خرب فرحته بنجاح اختي بالماستر حاسب والثانيه بالجامعه اداره اعمال ..

الله يوفقكم

<< حسيتني ارتحت :biggrin:

رد: قصة تسجيل...

اقتباس:

المشاركة الأصلية كتبت بواسطة انفجار (المشاركة 3876450)

قصتش معببره طموووحه بس مو حسيتي بطعم الفرح اكثر من بعد الضيق فرج ولا احلى شعور ينوصف ..

امااا انااا قصتي قصاااهـ والمشكله مستمرااهـ << ع الوزن :biggrin:هههه مو انتي اديبه وشاعره

اممم اول شي مو انا اللي سجلت نفسي ..اختي بامر من بابي بعد ما اعطيتهم الاشاره الخضراء :icon9:

اوكيشن ..

صحيح اللي مايحس بالنعمه يرفسها ..لكن بالنسبه لي اعتبرتها نقمه ..

سبحان من خلق وفرق ..ناس تنتظر تنقبل وعلى اعصبها ..وانا ادعي مايقبلوني ..باختصاااار ماابغى التخصص واكررره حد المووت ..ياسبحان الله والله انا احس الحياه بدون دراسهم مااالها طعم.

بابي له نظره بعيده يوم اختارلي انقلش والمشكله فيني ..

كنت ع اعصابي مثلكم بس الفرق خايفه يقبلوني ..طال عمره ما غصبني لكن هو تمنى لي هالشي ..ماحبيت اكسر خااطره ولعيونه وبراا فيه وافقت ...كتجربه

وللاسف المليون جاني خبر قبولي بدون جهد ولا تعب ..لعلها خيره ..

<< عمري ماتخيلت ادخل انقلش وررربي ولا باحلامي طراالي ..:icon9:

دعواتكم بس انجح فيه هالحين لاجل لا خرب فرحته بنجاح اختي بالماستر حاسب والثانيه بالجامعه اداره اعمال ..

الله يوفقكم

<< حسيتني ارتحت :biggrin:

:hahahahahah::hahahahahah::hahahahahah:
من جد فرق بين ناس وناس بس صدقيني ربي بوفقك وبييسر لك دراستك عشان بريتي بأبوك وما عصيتي كلامه..بعدين استمتعي بدراستك بيجي يوم وتقولين يازين ذيك الايام.