ملتقى طلاب وطالبات جامعة الملك فيصل,جامعة الدمام - اذا ممكن الي عنده محاضرات للغة انجليزية لكل مواد تخصص مستوى اول ..

رد: اذا ممكن الي عنده محاضرات للغة انجليزية لكل مواد تخصص مستوى اول ..

المعذره على التأخير

تفضلي الرابط

http://www.4shared.com/dir/ufhgxYlL/_online.html

على فكره لفت انتباهي تخصصك ( ادارة اعمال )

لأن اغلب المواد المرفوعه لتخصص كلية الآداب

فالك التوفيق ان شاء الله ودعواااتك

رد: اذا ممكن الي عنده محاضرات للغة انجليزية لكل مواد تخصص مستوى اول ..

اقتباس:

المشاركة الأصلية كتبت بواسطة ^تركي^ (المشاركة 3848097)

يسلموو كتير كتير خيووو تركي

فعلا انا تخصصي ادراة اعمال مستوى اول ولغتي اشوي ضعيفة ابغى اقويها وفرصه انا ادرس الحين على ما اتخرج كل درست تخصصين في اربع سنين ادارة اعمال بشهادة و للغه نجليزية مجهود شخصي :biggrin:

سؤال .. الحين تخصصكم للغة انجليزية تدرسون فيه مواد بالعربي يعني مو كله انجليزي اشوف عندكم علم اجتماع وفقه وعقيده ما صار تخصص للغه ..
ما عندكم ماده تعلم كيفية القراءة والكتابة ؟:(269):

يعطيك الف عافيه خيووو ما تقصر لا خلا ولا عدم ان شالله :119:

رد: اذا ممكن الي عنده محاضرات للغة انجليزية لكل مواد تخصص مستوى اول ..

شوفي .. المستوى الأول والثاني مواد عامه والتخصص يبدأ من المستوى الثالث

يعني موادنا اللي اخذناها في المستوى الأول والثاني ياخذونها جميع التخصصات في كلية الآداب

بالنسبة لتخصصك اللي هو ادارة اعمال بعض المواد اللي رفعتها لا تناسب تخصصك ولا راح تأخذينها لأن خطة كلية ادارة الأعمال تختلف عن خطة كلية الآداب ولا يتفقون الا في متطلبات الجامعه واعتقد هي 8 ساعات فقط ومنها مادة العقيده الاسلاميه اخذتها في المستوى الأول ومتبقي لي 6 ساعات من متطلبات الجامعه ..

ايضاً الكليه لها عدد محدد من الساعات وتشترك فيها باقي التخصصات اعتقد 44 ساعه ..

وكل تخصص له عدد محدد من الساعات اعتقد ايضاً مطلوب 80 ساعه اجتياز ..

طبعاً هي مجدوله حسب خطة الجامعه ممكن المستوى الجاي اخذ متطلب جامعي او كليه حسب الخطه ..

اشور عليك دام تخصصك كلية ادارة الأعمال تكون مواضيعك في قسم ادارة الاعمال وتقدرين تستفيدين منهم وتسألينهم عن اللي يدور بذهنك .. انا ما عندي فكره عن تخصص ادارة الاعمال ..

وبالنسبة لتخصص الانجليزي ومواده .. تقدرين تشوفين مواضيع المستوى الثالث والرابع وتستفيدين منها في تقوية لغتك وايضاً سجلي في دورات خلال فترات الإجازة وايضاً فيه بعض المواقع التعليميه تقدرين تستفيدين منها .. وكل هذا يعتمد على وقتك وعلى رغبتك في التعلم ..

وما فيه شيء صعب .. وعسى الله يوفقك ويحقق لك مرادك ..

موفقه