حي ذا العين من شوف الكويت **ديرة من عرفها حبها

دار ربعهم في المجد صيت ..كل مبدا هلال انبها

ما تليت الدليلة صوب هيت..في رجا ربعها عن غبها

جيت صوب الكويت اللي هويت ..من هوى جادل أربها

ما تناسى وأنا اللي ما نسيت ..علة الكبد مدري طبها

والله اني خلوج لين جيت..بين تفاحها وعنبها

شيخة الحسن لو عنها حكيت ..بعض الاقلام ما يكتب بها

دام إني في غناها ما وفيت ..ليه الامثال ما تضرب بها

لا طرت لي تبينت وعطيت..غترتي للهبوب تهبها

لين اصوغ القصيدة بيت بيت ..من سبايك ذهب و اصبها

كل هذا على شان الكويت ..نعنبو لايمي في حبها

مير لولا (( هيا )) ماكان جيت ..امدح الدار والا اسبها [/center