ملتقى طلاب وطالبات جامعة الملك فيصل,جامعة الدمام - ﬗ☀☀ منـــــكـ السؤال , ومنـــــا الإجابــــهـ☀☀ ﬗ

رد: ﬗ☀☀ منـــــكـ السؤال , ومنـــــا الإجابــــهـ☀☀ ﬗ

اقتباس:

السلام عليكم ورحمة الله وبركاته

اخواني عندي سوالين حاولت اتوصال مع العمادة لكن لم اجد جواب اتمنى مساعدتي

1) انا عندي شهادة دبلوم محاسبة من كلية المجتمع بمكة وحاب اكمل في ادارة اعمال التعليم عن بعد هل يعادلون الساعات لي واذا كان الجواب بنعم كيف طريقة التواصل معهم لاني موظف في جدة وصعب اني اسافر في هذا الوقت بالذات

2) هل الخدمة المدنية و العسكرية تعترف بشهادة التعليم عن بعد لاني شهادة ردود متناقضع في هذا الموضوع

شاكر ومقدر لكم كافت جهودكم

وعليكم السلام ورحمة الله \
شوف اخوي بما انها من كلية معروفه فممكن يعادلون لك
بس الترم الاول مافي معاادلة
وطريقه المعاادله في ايقونه موجوده في الخدماات الطلابيه تقدر تعادل منها

الشهااده نعم معترف فيها <<وهذا كلام الاستااذ احمد الشعيبي
وهذا الشي توفيق من الله

موفق خيو

رد: ﬗ☀☀ منـــــكـ السؤال , ومنـــــا الإجابــــهـ☀☀ ﬗ

اقتباس:

المشاركة الأصلية كتبت بواسطة رغد الكويت (المشاركة 5041832)

ياجماعه بطاقه السجل المدني هي البطاقه المدنيه ؟
ايوه رقمك المدني
والرقم السري من اختاري صح ؟
الان من اختيارك , اما الرقم السري اللي من عندهم بعدين اذا اقبلوك بيعطونك
وابي سنة ٢٠٠٦ بالهجري شنو هي ؟
1427
ونسبتي ٧١.٥ شنو تعادل بالتراكمي ؟
هي نسبتك
يمااااا ياكثرررر اسالتي :bawling:

بالتوفيق ..

رد: ﬗ☀☀ منـــــكـ السؤال , ومنـــــا الإجابــــهـ☀☀ ﬗ

اقتباس:

السلام عليكم
عندي سؤال وين اقدم اعتذار عن الأختبارات الفصل الأول و مين المسؤول
عن الغياب في الأختبارات ؟
الي عندة شيء اتمنى انه مايبخل علية في الرد .

وعليكم السلام ورحمة الله
رد مقتبس من طالب جامعي:106:

اقتباس:

الإجابة باختصار :

1- يتم قبول الأعذار (الطبية من مستشفى حكومي فقط) أو (الأعذار الرسمية من جهات عمل رسمية).

2- إذا تم قبول عذرك في المادة فما تدفع عليها فلوس ولاتعتبر حاملها ، انت متغيب عن اختبارها بعذر.

3- المادة اللي غبت عنها وتم قبول عذرك فيها تختبرها الفصل القادم في موعدها الجديد اللي بيكون في جدول الإختبارات النهائية اللي ينزل الفصل القادم.

الإجابة بالتفصيل :

* إذا غبت عن الإمتحان النهائي لمادة واحدة أو لجميع المواد فيجب أن تحضر عذر من جهة رسمية حكومية (مثلا عذر طبي من مستشفى حكومي أو من جهة عمل رسمية إنك كنت تؤدي واجب وظيفي معين ، أو واجب وطني يستلزم حضورك شخصياً ) في هذه الحالة يتم قبول عذرك .

* تقديم العذر يكون عن طريق الخدمات الطلابية ، تدخل أيقونة لتقديم الأعذار والأيقونة هذي تفتحها لك الجامعة في وقت معين

تحط الورقة الرسمية اللي تثبت عذرك في السكنر وترفعها إلى الأيقونة .

* الجامعة تدرس عذرك هذا ولما توافق الجامعة عليه تفتح لك أيقونة استعلام عن الأعذار ، تدخل على الأيقونة هذي وتشوف جواب الجامعة على سالفة غيابك (يعني هل تم قبول عذرك أم لم يتم قبوله)

* إذا تم قبول عذرك فيجب عليك حضور اختبارات المواد اللي غبت عنها بعذر في مواعيد الإختبارات النهائية للفصل الدراسي التالي ، يعني مثلا إذا افترضنا انك غبت هالفصل هذا؛ تختبر موادك الفصل الجاي .

الآن انتبه لهذي النقطة لأنها مهمة :

* الإختبار يكون في نفس مواعيد الإختبارات النهائية للفصل الدراسي الذي ستختبر فيه وليس مواعيد الإختبارات النهائية للفصل الذي غبت فيه

أشرح لك أكثر :

انت غبت عن إختبارات الفصل هذا ، والجامعة قبلت عذرك ..

انسى مواعيد إختبارات الفصل هذا اللي انت غبت فيه ، لأنك راح تختبر الفصل الجاي وبناءً على مواعيد الإختبارات النهائية للفصل الجاي .

يعني في الفصل القادم تدخل على جدول الأختبارات النهائية وتشوف مواعيد إختبارات موادك اللي انت غبت فيها وتجي تختبرها حسب المواعيد اللي تشوفها .

* إذا غبت عن مادة أو مادتين فممكن انك تسجل مواد جديدة الفصل القادم بس انتبه لايصير فيه تعارض بين مواعيد إختبارات المواد اللي انت غبت فيها ومواعيد المواد الجديدة اللي انت مسجلها .

بس إذا انت غايب في كل المواد وقبلوا عذرك أنصحك إنك ما تسجل مواد جديدة لأنك راح تختبر موادك الجديدة وموادك اللي انت غايب عنها وتتجمع عليك مواد كثير يمكن يصلون إلى 12 أو 14 مادة يعني 28 ساعة !

وهذي مخاطرة بصراحة بالإضافة إلى إنك أكيد راح تلاقي تعارض وراح تدخل في دوامة .

* إذا غبت عن المواد وتم قبول عذرك فلا يترتب عليك دفع رسوم أخرى ، وفلوسك ماتروح عليك لأنك انت مو راسب وتبي تعيد المادة ،

مالك لوى ، انت وضعك يختلف .. انت غبت بعذر والجامعة قبلت عذرك يعني ماتدفع ريال واحد زيادة عن الرسوم اللي دفعتها نظير إختبارك للمواد التي غبت عنها بعذر.

أتمنى إني أفدتك وسامحني على القصور .

بالتوفيق للجميع ...

رد: ﬗ☀☀ منـــــكـ السؤال , ومنـــــا الإجابــــهـ☀☀ ﬗ

السلام عليكم

الله يووووفقكم ويسعدكم مابي التسجيل يفووتني

بس الموقع مو راضي يفتح معي

تكفووون فيدووون مابقى وووقت

:Cry111:

رد: ﬗ☀☀ منـــــكـ السؤال , ومنـــــا الإجابــــهـ☀☀ ﬗ

اقتباس:

المشاركة الأصلية كتبت بواسطة om shoq (المشاركة 5044730)

وعليكم السلآم ورحمة الله//

غريبه دشيت عليه وشفته مفتوح ،،

يمكم من الضغط عليه يطول بالتحميل،،

بس بالأخير يفتح ،،حااااولي // وموفقه ،،

جربي من هنآ ،،

http://bannerweb.kfu.edu.sa/PROD_ar/...=&cpbl=&newid=

رد: ﬗ☀☀ منـــــكـ السؤال , ومنـــــا الإجابــــهـ☀☀ ﬗ

والله مايفتح معي

رد: ﬗ☀☀ منـــــكـ السؤال , ومنـــــا الإجابــــهـ☀☀ ﬗ

غريبه //
فتحته من 3 متصفحات ويفتح عادي،،

يعني ش يقول لج // خطأ بالصفحه ولا تطلع لج صفحه بيضآ //؟

طيب شوفي إذا عندج جهاز ثاني او دشي من الجوال شيكي ،،

رد: ﬗ☀☀ منـــــكـ السؤال , ومنـــــا الإجابــــهـ☀☀ ﬗ

يطلعلي كذا

Network Error (tcp_error)

A communication error occurred: "Operation timed out" The Web Server may be down, too busy, or experiencing other problems preventing it from responding to requests. You may wish to try again at a later time.
For assistance, contact your network support team. JD-BC06

رد: ﬗ☀☀ منـــــكـ السؤال , ومنـــــا الإجابــــهـ☀☀ ﬗ

اقتباس:

المشاركة الأصلية كتبت بواسطة om shoq (المشاركة 5045044)

يطلعلي كذا

network error (tcp_error)

a communication error occurred: "operation timed out" the web server may be down, too busy, or experiencing other problems preventing it from responding to requests. You may wish to try again at a later time.
for assistance, contact your network support team. Jd-bc06

حتى انا طلع لي كذا وظليت اسوي تحديث للبيانات لين كملت بياناتي كلها
هذا لأن في زحمه على الموقع
الله يسهل عليك ويفتحها بوجهك

رد: ﬗ☀☀ منـــــكـ السؤال , ومنـــــا الإجابــــهـ☀☀ ﬗ

عفواً ظليت اسوي تحديث للصفحه لين كملت بياناتي