رد: (( ~ اسأل .... ونحن نجيبك ~ ))
 

اذا قبلوا العذر تنزل لك دايركت الترم القادم ..

رد: (( ~ اسأل .... ونحن نجيبك ~ ))
 

كيف اعرف اني حليت الواجبات والمناقشات كلها

رد: (( ~ اسأل .... ونحن نجيبك ~ ))
 

باذن الله اذا تم قبول عذرك ينزلونها لك الترم القادم وليس الصيفي القادم بالمجان واذا نجحت فيها يتم ترحيل درجاتها الترم الي انت تغيب فيه علشان ماتضرب عليك المعدل وهذي خدمه كبيره جدا تقدمها الجامعه لنا جزاهم الله خير

لكن انتبه انتبه انتبه تسجلها بنفسك حتى لو تاخروا في إضافتها لك اصبرررر كم اسبوع وراح تضاف لك باذن الله ... وضروري تترك فراغ في جدولك بعدد الساعات يعني لو جيت بتسجل موادك السنه الجديده وكان المسموح لك ١٨ ساعه حسب معدلك سجل لين توصل إلى ١٥ ساعه ثم وقف بشكل تاااااام علشان تضاف لك أليا وتكون عدد ساعاتك ١٨ ساعه

وانتبه تعتذر عن الماده او تتغيب فيها مره ثانيه

ولا تنسانا من صالح دعائكم

وبالتوفيق للجميع ان شاء الله

رد: (( ~ اسأل .... ونحن نجيبك ~ ))
 

من الخارطه الأكاديمية وتختار النظام الي تدرس عليه وبتظهرلك موادك كلها

وبالتوفيق للجميع ان شاء الله

رد: (( ~ اسأل .... ونحن نجيبك ~ ))
 

بالعكس كذا اريح لك وافضل لوضعك الاجتماعي

التطبيق ومشاريع البحث مرهقة جدا جدا

والميزة في تخصص إدارة الاعمال القوي والغني عن التعريف انك تتخرجين ثم تتوظفين على طول بدون مايشرطون عليك وجود شهادة تدريب او خبره

وبالتوفيق للجميع ان شاء الله

رد: (( ~ اسأل .... ونحن نجيبك ~ ))
 

من يقول مايشرطون خبره وتدريب؟ اخوي انت معنا بالسعودية ولا دولة ثانيه؟
حتى خريجين الماستر والانتظام عقدوهم بسالفة الخبره بعضهم يطلب سنه سنتين..الخ وتبي احنا بالانتساب اللي أحس اننا منبوذين مع بعض الجهات يقبلونا هههههههههه!
الرزق على الله ونعم بالله بس لازم الواحد يعمل لان رزقك مو جايك على طبق من ذهب.

ومن وجهة نظري أشوف التدريب الميداني مهم حتى نكون فاهمين مو ضايعين .. + انا اتكلم عن التدريب الميداني مو البحوث ومشاريع التخرج(:

رد: (( ~ اسأل .... ونحن نجيبك ~ ))
 

وجهة نظرك انا احترمها وعلى راسي
وهدي وانتي تطرحين وجهة نظرك تراك متفلته وكأني قاهرك بشي ههههههههههههه اهدى من كذا وناخوك

كل الشركات تطلب منك خبره لكن بعضها تطلب منك درجة البكالوريوس فقط لا غير بشرط تكون حديث التخرج وبعيوني اشوف هالشي
وعندك موقع طاقات يعرض وظائف كثيره من شركات عالمية وبعضها بشرط الخبره وبعضها بدون شرط الخبره ،،،
القطاعات الحكوميه ما تطلب منك خبره او شهادة تدريب لكن تطلب منك البكالوريوس فقط وتكون حديث التخرج بدون النظر الى كونك متخرجه انتظام او انتساب وهذا يثبت اننا غير منبوذين واتوقع انك متحطمه من شي صاير لك وخلاك تشوفين المنتسبين انهم منبوذين وهذا غير صحيح حيث انه تم مساواة الانتظام بالانتساب المطور وبشكل رسمي ... شوفي ديوان المظالم لما طرحوا المسابقات الوظيفيه الاسبوع الي طاف اذا معك دبلوم مع شهادة حاسب يعينونك على المرتبه الرابعه او الخامسه واذا بكالوريوس إدارة اعمال يعينونك على المرتبة السادسه بدون شرط الخبره وبدون شرط الانتظام... هذا اذا كان تخصصك إدارة أعمال

اما التخصصات الأخرى يعقدون عليهم شروط القبول ولا أعلم لماذا

والله أعلم وصلى الله على نبينا محمد وعلى آله وصحبه أجمعين

رد: (( ~ اسأل .... ونحن نجيبك ~ ))
 

مسائكم ورد جميعاً
أنا للحين ماسجلت مواد ولقيت حاطين لي منقطعه سؤالي يمديني الحين أسجل أو لا والله كنت مشغوله ماحسيت الا الناس تجهز للإختبارات ولحفلات التخرج ياالله مادري كيف مرت الأيام

رد: (( ~ اسأل .... ونحن نجيبك ~ ))
 

الله يعطيكم العافية وين يكون مقر الإختبار بالدمام حي الفيصلية طالبات بس وين بالضبط ويش إسمه ووين موقعه جنب وين ؟ الله يسعدكم جاوبوني

رد: (( ~ اسأل .... ونحن نجيبك ~ ))
 

لاتاكلين هم راح تفتح إيقونه الاستعلام عن مراكز الاختبارات خلال هاليومين القادمين وفيها كل إجابات اسألتك هذي من وصف للموقع واسم المدرسة الي راح تختبرين فيها ورقم جوال مشرف المركز ورقم المركز

محد راح يفيدك الا هالايقونه الي راح تفتح مع الايام القادمه باذن الله

وبالتوفيق للجميع ان شاء الله