ملتقى طلاب وطالبات جامعة الملك فيصل,جامعة الدمام - قالو لي باقي لك مقرر قضايا ثقافية معاصرة للتخرج ( مع اني معادل مقر آخر نظيره)

صفحة 2 من 2

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)

- ملتقى طلاب التعليم عن بعد جامعة الملك فيصل (https://vb.ckfu.org/forumdisplay.php?f=183)

- - قالو لي باقي لك مقرر قضايا ثقافية معاصرة للتخرج ( مع اني معادل مقر آخر نظيره) (https://vb.ckfu.org/showthread.php?t=479688)

فضيل	2013- 7- 27 03:54 AM

رد: قالو لي باقي لك مقرر قضايا ثقافية معاصرة للتخرج ( مع اني معادل مقر آخر نظيره)

شكراً اخت بيلسان، ولا تتساهلين انتبهي ولاتعتمدين على الخطة اللي في خدمات الطلاب تراها هي اللي خدعتني.

والى الآن والخطة فيها أخطاء:42:

واللهم امين يخلصنا منها لكن بالنسبة لي رحت مشوار تعبت و رايح مره ثانية الله يعوض

وعلى فكرة انا جبت لهم مواد كثير ولا عادلوا لي الا مادة واحدة:40:

ومع ذلك صار فيها مشكلة:23:

وحتى انا معادل هذه المادة من اول ترم ع النظام القديم ، فانتبهي يمكن يصير لك نفس المشكلة

انا بالنسبة لي حاولت اكلم لكن مافيه تلفونات ولا حد يرد ع التويتر

ليان المدينه

2013- 7- 27 04:19 AM

رد: قالو لي باقي لك مقرر قضايا ثقافية معاصرة للتخرج ( مع اني معادل مقر آخر نظيره)

لاحــــول ولا قــوة إلا بالله

أسأل الله العظيــم أن يعوضــك خيرا مما تأمـــل وأن يفتح لك أبواب لم تكن بالحسبان

كرر ( اللهم أجرني في مصيبتي واخلف لي خيرا منها ) وبتشوف العوض بحول الله

دعيت لك في وقت السحر أسأل الله القبول والاستجابه

سبحان الله وبحمده سبحان الله العظيـــم

فضيل	2013- 7- 27 04:33 AM

رد: قالو لي باقي لك مقرر قضايا ثقافية معاصرة للتخرج ( مع اني معادل مقر آخر نظيره)

جزاك الله خير اخت ليان والله يسمع منك

مستوي سابع

2013- 7- 27 05:03 AM

رد: قالو لي باقي لك مقرر قضايا ثقافية معاصرة للتخرج ( مع اني معادل مقر آخر نظيره)

خلك موجوة ليش تتخرج عادي شفت لو نص مادة لازم تكملة

المنصور

2013- 7- 27 05:09 AM

رد: قالو لي باقي لك مقرر قضايا ثقافية معاصرة للتخرج ( مع اني معادل مقر آخر نظيره)

الله يعين ويمكن بالأمر خيره
اذكر الله فمصيبة غيرك اكبر

فضيل	2013- 7- 27 05:11 AM

رد: قالو لي باقي لك مقرر قضايا ثقافية معاصرة للتخرج ( مع اني معادل مقر آخر نظيره)

ماني زعلان كثير، بالعكس فرحان لو اختبرها ترفع المعدل

لكن الواحد وده يتخرج بدري فقط

♥ βąỵℓįşǻŉ ♥

2013- 7- 27 05:12 AM

رد: قالو لي باقي لك مقرر قضايا ثقافية معاصرة للتخرج ( مع اني معادل مقر آخر نظيره)

العفو أخوي فضيل ،، من جد سار ينخاف من الجامعه إن شاء الله أتأكد منهم بكره أتصل عليهم وأشوف كيف وضعي ،،

الجامعه ياكثر أخطائهم مؤ بس على الخطه الله يعدي هاالترم على خير ،،

الله يعينك ويسهل عليك المشوار الثاني ويفرح قلبك وتتعادل الماده وترتاح ،،

أنا أيامها أرسلت لهم معادله المواد السجل الأكاديمي الرسمي كامل وطلبت معادلة كم ماده وعادلوا لي بس الإنجليزي والعقيدة الله يستر ،،

تصدق أنا لي فترة وأنا خايفه من هاالمادتين ماأدري ليش قلبي يقول برجع أدرسهم ولما شفت موضوعك خفت أكثر وأنا قلبي دليلي بس إن شاء الله أرجع وأتاكد من الجامعه قبل لايضيعوني ،،

باأحاول أستلمهم من الصباح من أول الدوام وإن شاء الله يردون عليه ،،

الله يسهل عليك وينحل موضوعك يارب ،،

طمئنا وش يصير معاك ،،

دعواتك لي إن موضوعي إن شاء الله يكون تمام ،،

فضيل	2013- 7- 27 05:12 AM

رد: قالو لي باقي لك مقرر قضايا ثقافية معاصرة للتخرج ( مع اني معادل مقر آخر نظيره)

اقتباس:

المشاركة الأصلية كتبت بواسطة مستوي سابع (المشاركة 9310887)

خلك موجوة ليش تتخرج عادي شفت لو نص مادة لازم تكملة

فعلاً، الواحد لازم يهتم من اقل شيء في الجامعات ، الله يعين

فضيل	2013- 7- 27 05:22 AM

رد: قالو لي باقي لك مقرر قضايا ثقافية معاصرة للتخرج ( مع اني معادل مقر آخر نظيره)

اقتباس:

المشاركة الأصلية كتبت بواسطة ♥ βąỵℓįşǻŉ ♥ (المشاركة 9310939)

ايوا، احسن ما تسوين انك تتأكدين، لأن هذه حقوق وتعب حرام تروح هباء.

وانا حاولت اعادل مواد من ج الملك سعود، ولا عادلولي الا سلم واحد

والانجليزي اللي جايب فيه علامة زينة في الملك سعود ماعادلوه، رغم انه نفس المحتوى

وحتى التحرير العربي نفسه

المهم ما نقول إلا الله يتمم موضوعك على خير ولا تتلخبطي زيادة:21:

وانا عندي امل اني ارسل التوصيف لهم ويعادلونه وبعدين يقولون لي اجيهم أستلم الشهادة! أحسن من السفر لهم للمرة الثالثة.

والله يوفق الجميع!!

♥ βąỵℓįşǻŉ ♥

2013- 7- 27 06:18 AM

رد: قالو لي باقي لك مقرر قضايا ثقافية معاصرة للتخرج ( مع اني معادل مقر آخر نظيره)

من جد حرام تروح حقوقنا وتعب السنين مايكفي إن الوثيقه نستلمها بعد التخرج بشهرين ويضيع علينا ترم على الفاضي مانستفيد من تقديم في تكمله دراسه أو وظيفة المفروض نستلم الوثيقه بدري وخصوصا إلي عندهم تطبيق فقط دون مواد لكن نقول الله يعين ،،

نفس الشي طلبت معادله مواد ومنها التحرير العربي بس عادلوا لي الإنجليزي والعقيدة والله يستر من معادله هاالمادتين ،،

اللهم أميييين ومشكور وإن شاء الله أجلسلهم بكره إلين يردون عليه ،،

يارب إن شاء الله بعد ما ترسل لهم التوصيف يعادلون لك الماده وتفرح ويتصلون عليك وتروح تستلم وثيقتك يارب ياكريم ،،

الله يوفقك الجمييييييع ،،

فضيل	2013- 7- 27 10:11 PM

رد: قالو لي باقي لك مقرر قضايا ثقافية معاصرة للتخرج ( مع اني معادل مقر آخر نظيره)

اقتباس:

المشاركة الأصلية كتبت بواسطة ♥ βąỵℓįşǻŉ ♥ (المشاركة 9311258)

ايوا ايوا، عادلوا لك العقيدة والانجليزي ؟ طيب انا ليش ماعادلوها لي!

وانا درست 4 مواد(سلم) من ج سعود ، ولا فيها ولا وحدة للعقيدة:40:

آخرتها الاسلام وبناء المجتمع

والباقي:
(101) المدخل الى الثقافة الإسلامية
(102) الإسلام وبناء المجتمع
(103) النظام الاقتصادي في الإسلام

وغير (السلم) :
(101) المهارات اللغوية
(103) التحرير العربي

وفيه ايضاً النجم ( وهو الانجليزي):
(121) اللغة الانجليزية (1) وجايب فيه أ
(122) اللغة الانجليزية (2) وجايب فيه الفل مارك يعني 15 نقطة أو 100

ومجموع مادرست تقريباً أربع فصول (16) مادة (( ولا عادلوا إلا مادة وحدة)) وهي النظام الاقتصادي في الإسلام :9:

GLitter Sun

2013- 7- 28 01:03 AM

رد: قالو لي باقي لك مقرر قضايا ثقافية معاصرة للتخرج ( مع اني معادل مقر آخر نظيره)

قدر الله وما شاء فعل
حسبي الله عليهم ناس مستهترة فيني حره منهم اشلون ما تعرف من قبل يضيعون وقتك بهذه الطريقة الغبية ما يهمهم الا الفلوس اما الباقي درجات ومستقبل الطلاب ما همهم وندرس ونتعب ويكتبون على الشهادة( انتساب ) اكتبوا مطور على الأقل اجل يخلونا مثل اللي راح يختبر وبس ما لهم حق
ارجع أقول انها يمكن خيرة لك يا فضيل من جميع النواحي لا مو يمكن الا أكيد ربي قاله (وعسى ان تكرهوا شيئا وهو خيراً لكم وعسى ان تحبوا شيئا وهو شرا لكم)

فضيل	2013- 7- 28 01:15 AM

رد: قالو لي باقي لك مقرر قضايا ثقافية معاصرة للتخرج ( مع اني معادل مقر آخر نظيره)

اقتباس:

المشاركة الأصلية كتبت بواسطة الطموح ماله حد (المشاركة 9313886)

الحمدلله على كل حال، وانا انتبهت من بدري وحاولت اكلم لكن يقولون مايردون، وحتى كتبت للشعيبي في تويتر استفسر عن الموضوع مارد علي :42:

وصحيح كلامك ماهمهم ولاشيء، وحتى الشهادة احنا نعرف انها الانتساب المطور (ونلقاها انتساب فقط)

وانشاء الله انها خيرة منها ان المادة هذه ترفع من المعدل شوي ومنها ايضاً الواحد يحاول يختبر جميع اختبارات القبول في الداخل والخارج، وحتى الدبلوم احاول ادرسه، وحسبي الله على ونعم الوكيل!!.

فضيل	2013- 7- 28 05:02 AM

رد: قالو لي باقي لك مقرر قضايا ثقافية معاصرة للتخرج ( مع اني معادل مقر آخر نظيره)

هذا وصف للرحلة كتبته في موضوع آخر للوزيرة
-------------------------------------------------------

انا رحت الأحساء لإستلام الوثيقة! المهم كانت رحلة غير سعيدة.

أولاً، استخدمت برنامج الملاحة syge وضيعني لأني مفروض الف مع مفرق الإحساء من بدري من جنب الرياض، المهم رحت زيادة حوالي مية كيلو، يعني زودت ساعة في السفر

طبعاً وصلت الهفوف بعد التعب الساعة الثامنة وافطرت في مطعم متأخر عن موعد الفطور.

المهم رحت لشقق مفروشة في المبرز وسكنت وفي الصباح رحت الجامعة ( وضيعني بعد برنامج الملاحة تبع الآيفون) لكن الظاهر من كثر الحفريات، المهم وصلت بعد جهد جهيد الى الجامعة، ورحت لمبنى القبول والتسجيل ومن بعده لمبنى عمادة التعليم عن بعد، وكنت فرحان على بالي اخلص اخلاء طرف واستلم الوثيقة وامسك طريق الرياض، لكن للأسف قالو لي باقي لك مقرر لازم تاخذه قلت لهم اكيد فيه خطأ قالوا لي هذاك مكتب الدكتور مصلح روح له، رحت له وقال لي ادخل ع العميد وعلى طول رحت العميد الفريدان، وماقصر رحب وقالي باقي لك مقرر ، قلت انا اخذت مقرر يوازيه قال لي لا هذا اجباري قلت لكن مافيه اعلان انه اجباري المهم طلعت لأني ما أحب أناقشه زيادة.

ورحت للدكتور مصلح وكان جزاه الله خير متعاون ورغم انه صائم لكن ماسك العمادة كلها. وفهمته وطالع في الجهاز وقالي معاك حق المادة اختيارية وجنبها (أو) يعني مفروض انك متخرج، لكن خذ الورقة وارجع للعميد وكلمه ورجعت للعميد وقالي هذه المادة بعد اجتماع مجلس الكلية جعلوها إلزامية، ولازم تختبرها، قلت كأني أخذتها في جامعة الملك سعود من زمان قال جيبها، واحنا نحاول نعادلها مع انه يبي لها اجتماع مجلس الكلية! قلت له اجتماع علشانها قال نعم، وشكرته ومشيت، وبعدين حاولت في د. مصلح يكلمه وكلمه لكن ما أقنعه

قلت لدكتور مصلح الحين أتأخر على الماجستير قال نحاول نساعدك في الماجستير هنا انتظام.

المهم، مشيت الشقة وبعد المغرب مشيت الرياض وصراحة رحلة طويلة وتعب (وبعد انا ما احب السرعة) فصارت أطول من اللازم!.

فضيل	2013- 7- 29 12:46 PM

رد: قالو لي باقي لك مقرر قضايا ثقافية معاصرة للتخرج ( مع اني معادل مقر آخر نظيره)

الطالب الموهوب

2013- 7- 29 12:54 PM

رد: قالو لي باقي لك مقرر قضايا ثقافية معاصرة للتخرج ( مع اني معادل مقر آخر نظيره)

الله يعينك يافضيل وان شاء الله خيرة لك .

♥ βąỵℓįşǻŉ ♥

2013- 7- 29 01:03 PM

رد: قالو لي باقي لك مقرر قضايا ثقافية معاصرة للتخرج ( مع اني معادل مقر آخر نظيره)

أخ فضيل بشر وش صار معاك طمئنا الله يسهل عليك ويعادلون لك وترتاح إن شاء الله ،،

بدرالرياض

2013- 7- 29 01:08 PM

رد: قالو لي باقي لك مقرر قضايا ثقافية معاصرة للتخرج ( مع اني معادل مقر آخر نظيره)

ما كان لك، لم يكن ليخطئك
وما كان لغيرك، فلن يصيبك

وما كان لك آتيك على ضعفك ومالم يكن لك لن تناله بقوتك.
ولكن! عليك بالصبر أخي فضيل
وقل الحمدالله وَ حسبنا الله ونعم الوكيل
فهو حسيبك وكافيكـ..

فضيل	2013- 7- 29 01:12 PM

رد: قالو لي باقي لك مقرر قضايا ثقافية معاصرة للتخرج ( مع اني معادل مقر آخر نظيره)

شكرا لردودكم اخوان وأخوات في الله

وأنا بكره راح أجيب توصيف مادة اخرى مقارب للمادة هذه وأشوف
والله يعين ع المشوار الثاني للأحساء!

sos!	2013- 7- 29 01:44 PM

رد: قالو لي باقي لك مقرر قضايا ثقافية معاصرة للتخرج ( مع اني معادل مقر آخر نظيره)

لا حول ولا قوة الا بالله
الله يكون بعونك
:2:

GLitter Sun

2013- 7- 29 02:33 PM

رد: قالو لي باقي لك مقرر قضايا ثقافية معاصرة للتخرج ( مع اني معادل مقر آخر نظيره)

في انتظار اخر أخبارك أستاذ فضيل حاول تحسسهم ان وراك واسطه جامدة وشوف ردة فعلهم :8:الله ينولك اللي في بالك

عزيز مجد

2013- 7- 29 03:47 PM

رد: قالو لي باقي لك مقرر قضايا ثقافية معاصرة للتخرج ( مع اني معادل مقر آخر نظيره)

طيب طالبهم

مايضيع حق وراااه مطاالب

اطبع الفقرة المكتوب عليهاا مادة اختياريه

وقدم خطااب على العماادة

H N O O

2013- 7- 29 06:58 PM

رد: قالو لي باقي لك مقرر قضايا ثقافية معاصرة للتخرج ( مع اني معادل مقر آخر نظيره)

ي الله

وش ذي

من جد صدمه :38:

قبل كم يوم فرحآن وتبي تقدم الماستر

والحين بآقي لك مآآده :39:

قهررررر :7:

همسة تفآؤل

م عليكـ يمكن خيررره لك

يمكن في فررص رآح تجيكـ آحلي وآحلي

وعسى ان تكرهوآ شيئآ وهو خيرآ لكم

فضيل	2013- 7- 29 08:18 PM

رد: قالو لي باقي لك مقرر قضايا ثقافية معاصرة للتخرج ( مع اني معادل مقر آخر نظيره)

اقتباس:

المشاركة الأصلية كتبت بواسطة الطالب الموهوب (المشاركة 9320929)

الله يعينك يافضيل وان شاء الله خيرة لك .

انشاء الله، جزاك الله خير

اقتباس:

المشاركة الأصلية كتبت بواسطة ♥ βąỵℓįşǻŉ ♥ (المشاركة 9320952)

أخ فضيل بشر وش صار معاك طمئنا الله يسهل عليك ويعادلون لك وترتاح إن شاء الله ،،

والله ماشي الاسبوع هذا واشوف وش يصير

اقتباس:

المشاركة الأصلية كتبت بواسطة بدرالرياض (المشاركة 9320965)

جزاك الله خير، وحسبنا الله ونعم الوكيل.

اقتباس:

المشاركة الأصلية كتبت بواسطة sos! (المشاركة 9321049)

لا حول ولا قوة الا بالله
الله يكون بعونك
:2:

جزاك الله خير، وحسبنا الله ونعم الوكيل

اقتباس:

المشاركة الأصلية كتبت بواسطة الطموح ماله حد (المشاركة 9321144)

في انتظار اخر أخبارك أستاذ فضيل حاول تحسسهم ان وراك واسطه جامدة وشوف ردة فعلهم :8:الله ينولك اللي في بالك

وهذا اللي صاير(اكبر منوواسطة البشوت) هههه
واعلمكم الاخبار قريب ههه

اقتباس:

المشاركة الأصلية كتبت بواسطة عزيز مجد (المشاركة 9321264)

طيب طالبهم

مايضيع حق وراااه مطاالب

اطبع الفقرة المكتوب عليهاا مادة اختياريه

وقدم خطااب على العماادة

والله فعلاً كلامك ينشد به وهذا سبب فتح الموضوع لطلب النصيحة (لكن خلها آخر شيء) ماني فاضي للشكاوي الوقت الحاضر وخصوصاً المكان بعيد. جزاك الله اخوي على الفكرة (حتى لو توصل المدير) !!

اقتباس:

المشاركة الأصلية كتبت بواسطة نسومه (المشاركة 9321651)

والله اني مثل ماتقولين اقول ( يمكن تجي اشياء تخلي الواحد يندم انه تخرج) وفعلاً خيرة واكبر خيرة

وفي الوقت هذا حتى الواحد يفكر وش يسوي في حياته، يعني مثلاً أنا من الناس اللي ما أحب ادرس برا، لكني مضطر أولاً بسبب كتبهم هناك تفتح النفس و كتابها عمالقة يخلون الواحد يفهم بأسهل الطرق، وأيضاً السبب الثاني أرضهم خضراء و جوها بارد وانا لي عشرات السنين في الرياض ومتعقد من غبااااره الله يعين ساكنيه!!، لكن يمكن مع التأخر يفتحون جامعات هنا قوية وتصير البديل، وتكون في مدن جوها زين. واعذروني على التركيز على الجو لأن الواحد بيجلس
سنين طويلة يدرس ف لازم يهتم بالطقس والمناخ. شكراً وجزاكم الله كلكم الف خير وشكراً لك خاصة ع المواساة! .

♥ βąỵℓįşǻŉ ♥

2013- 7- 31 09:42 AM

رد: قالو لي باقي لك مقرر قضايا ثقافية معاصرة للتخرج ( مع اني معادل مقر آخر نظيره)

أخوي فضيل بشر وش صار معاك في الجامعه طمئنا الله يسهل عليك أمورك ،،

خيال الامس

2013- 7- 31 09:53 AM

رد: قالو لي باقي لك مقرر قضايا ثقافية معاصرة للتخرج ( مع اني معادل مقر آخر نظيره)

خيره

تاج راسي امي

2013- 7- 31 10:00 AM

رد: قالو لي باقي لك مقرر قضايا ثقافية معاصرة للتخرج ( مع اني معادل مقر آخر نظيره)

ان دل دل على فشل عمادة الجامعة

يعني ماتعرف تلتزم بخططها

بصراحة كثرة الاخطاء بسمستر هذا

الجامعات في كل مكان اذا اخذت وقت من الخبره تتجنب المشاكل
اللي وقعت فيها
الا جامعتنا من جرف لدحديره :32:

ماعليه ياخوي الله بجيب لك حقك عاجل غير اجل

faisal_n_r

2013- 7- 31 10:13 AM

رد: قالو لي باقي لك مقرر قضايا ثقافية معاصرة للتخرج ( مع اني معادل مقرر آخر يساويه

اقتباس:

المشاركة الأصلية كتبت بواسطة فضيل (المشاركة 9290654)

امس رحت الجامعة، وقالو لي باقي لك مقرر قضايا ثقافية معاصرة، مع ان المقرر كان اختياري( هو) ومقرر النظام

الإقتصادي في الإسلام ( والنظام الاقتصادي عادلوه لي يعني مفروض ماخذ المقرر ) ---- يعني غيروا الخطة وما وخلوا مقرر قضايا ثقافية معاصرة (الزامي) :42:

ما الحل؟!

يعني حتى الصيفي فاتني :40:

يعني لازم ادرس ترم جاي علشان مقرر واحد، كفااااية ماضااااع من العمر !!!!

لأن باقي عليك كم ساعة للتخرج ولحسن حظك إن المادة اللي نزلاها لك سهلة
يالله مابقى ألا شوي - إيش أقول أنا توني بروح المستوى الثاني وعمري 39 سنة
العمر عطني منك شوي وخلني أفرح - حبيت أخفف عنك

فضيل	2013- 7- 31 02:54 PM

رد: قالو لي باقي لك مقرر قضايا ثقافية معاصرة للتخرج ( مع اني معادل مقر آخر نظيره)

خيره

انا ماشي الحين

نظارة99

2013- 7- 31 03:00 PM

رد: قالو لي باقي لك مقرر قضايا ثقافية معاصرة للتخرج ( مع اني معادل مقر آخر نظيره)

اقتباس:

المشاركة الأصلية كتبت بواسطة فضيل (المشاركة 9332734)

خيره

انا ماشي الحين

زوَّدك الله التقوى، وغفر ذْنبك ويسَّر لك الخير حيث ما كنت....في حفظ الرحمن و الله لا يضيع لك تعب!

H N O O

2013- 7- 31 07:45 PM

رد: قالو لي باقي لك مقرر قضايا ثقافية معاصرة للتخرج ( مع اني معادل مقر آخر نظيره)

فضيل آهم شي الجوووو :29:

مافي جو احلي من جو ابها ب السعوديه

كآنك عايش ب باريس

سبحآن الله :21:

نفسي اختبر فيها بو يووووم عشان اعيش جوهم :13:

فضيل	2013- 8- 2 02:48 AM

رد: قالو لي باقي لك مقرر قضايا ثقافية معاصرة للتخرج ( مع اني معادل مقر آخر نظيره)

توني اليوم جاي من الشرقية

واعطيت الفريدان توصيف مادة مقاربة للمقرر و قال اكتب معروض اشرح فيه جميع الاشياء وكتبته وقال بعد العيد الرد قلت مافيه مشكلة

على العموم ان شاء الله تنحل وان ما انحلت الله يعين على سنة جديدة .

♥ βąỵℓįşǻŉ ♥

2013- 8- 2 09:40 AM

رد: قالو لي باقي لك مقرر قضايا ثقافية معاصرة للتخرج ( مع اني معادل مقر آخر نظيره)

الحمد لله على سلامتك ياأخ فضيل ،،

الله يوفقك ويسهل أمورك ويعادلون لك المادة وتستلم وثيقتك بعد العيد إن شاء الله ،،

إن شاء الله تنحل أمورك وطمئنا وش يصير معاك ،،

فضيل	2013- 8- 2 02:59 PM

رد: قالو لي باقي لك مقرر قضايا ثقافية معاصرة للتخرج ( مع اني معادل مقر آخر نظيره)

اقتباس:

المشاركة الأصلية كتبت بواسطة ♥ βąỵℓįşǻŉ ♥ (المشاركة 9320952)

أخ فضيل بشر وش صار معاك طمئنا الله يسهل عليك ويعادلون لك وترتاح إن شاء الله ،،

جيت امس بعد ما اعطيتهم توصيف المادة وكتبت معروض للعميد بشانها والرد بعد العيد

فضيل	2013- 8- 2 03:09 PM

رد: قالو لي باقي لك مقرر قضايا ثقافية معاصرة للتخرج ( مع اني معادل مقر آخر نظيره)

اقتباس:

المشاركة الأصلية كتبت بواسطة faisal_n_r (المشاركة 9332099)

لا ماباقي لي، اول ما سجلت في الجامعة عادلو لي مقرر ، والحين قالو مانحسب لك بسبب تغيير التخصص
وهذ المقرر كان اختياري مع مقرر آخر (غيروه وجعلوه إحباري) علشان غيروا الخطة ايضاً

اقتباس:

المشاركة الأصلية كتبت بواسطة نظارة99 (المشاركة 9332760)

زوَّدك الله التقوى، وغفر ذْنبك ويسَّر لك الخير حيث ما كنت....في حفظ الرحمن و الله لا يضيع لك تعب!

جزاك الله خير ع الدعوة، تصدقين ماشي امثر من 160 علشان الحق الفطور في الفندق لكن الله ستر هههه
اما وانا راجع ماشي 110 على مهلي :21:

اقتباس:

المشاركة الأصلية كتبت بواسطة تاج راسي امي (المشاركة 9332066)

فعلاً جامعة آخر خربطة، يمكن علشان الطلاب كثروا (مية الف)

فضيل	2013- 8- 2 03:16 PM

رد: قالو لي باقي لك مقرر قضايا ثقافية معاصرة للتخرج ( مع اني معادل مقر آخر نظيره)

اقتباس:

المشاركة الأصلية كتبت بواسطة نسومه (المشاركة 9333716)

اهم شيء في هذه الحياة الخضرة والمطر

حتى ابها قامت تغبر هذه السنين هههههه

الواحد اذا اختار يدرس جامعة في اي بلد لازم يختار المكان اللي جوه أفضل شيء من حيث الطبيعة لأنه راح يعيش سنين طويلة، يمكن 8 سنوات وهو يدرس بكلوريوس (( يعني حياة كاملة )) فلذلك اختيار المكان مهم جداً جداً .

فضيل	2013- 8- 2 03:25 PM

رد: قالو لي باقي لك مقرر قضايا ثقافية معاصرة للتخرج ( مع اني معادل مقر آخر نظيره)

اقتباس:

المشاركة الأصلية كتبت بواسطة ♥ βąỵℓįşǻŉ ♥ (المشاركة 9344972)

ان شاء الله،

على فكرة اللي بيروح هناك انصحه يسكن في فندق ( انظف من افضل شقة)

واريح و طعام تماام و راحة نفسية

سكنت في فندق الكورال بلازا يوم واحد وما شاء الله فرشه تقول جديد ومغسل

وحتى الفرشاة والمعجون عندهم جديد وخاص بالواحد

والفطور مجاني وزودت سحور ههههه

يا سلام على قطع الافكادو مع الفطور ، عارف حسفتكم لكن لازم اوصف هههه

بس صراحة افضل من اي مطعم في الرياض.

لكن صراحة موقع الفندق يلخبط حيل حيل، وانصح اللي يطلع منه للجامعة ما يرجع ثاني

وشكرا على اهتمامك، رحت للفريدان وقال اكتب معروض واشرح فيه كل شيء بالتفصيل

وشرحت ، وعطيته السكرتير، وقال بعد العيد الرد بعد ما اعطيته رقم الجوال!

وان شاء الله اتوفق وان ما حصل خيررررره يمكن يكون فيه مجالات افضل في المستقبل !.

H N O O

2013- 8- 2 08:20 PM

رد: قالو لي باقي لك مقرر قضايا ثقافية معاصرة للتخرج ( مع اني معادل مقر آخر نظيره)

الحمدالله ع السلامه فضيل

آزآ كدا ان شا الله انها رآآح تزبط معكـ

آخباار حلوه لما الحين :21:

فضيل	2013- 8- 2 09:43 PM

رد: قالو لي باقي لك مقرر قضايا ثقافية معاصرة للتخرج ( مع اني معادل مقر آخر نظيره)

اقتباس:

المشاركة الأصلية كتبت بواسطة نسومه (المشاركة 9346526)

الحمدالله ع السلامه فضيل

آزآ كدا ان شا الله انها رآآح تزبط معكـ

آخباار حلوه لما الحين :21:

شكراً على تفسيرك، انا ماعاد معي تحليل بديهي هههههه

ان شاء الله، رغم اني ماني متأكد، الله يسهل

♥ βąỵℓįşǻŉ ♥

2013- 8- 3 04:15 AM

رد: قالو لي باقي لك مقرر قضايا ثقافية معاصرة للتخرج ( مع اني معادل مقر آخر نظيره)

الله يوفقك ياأخ فضيل ويسهل أمرك وترتاح ،،

معلومات حلوه عن الفندق لأن نفسي أسافر أنا وأهلي نتمشى لما يبرد الجو شوي في الأحساء وقطر إن شاء الله وكان نفسي في زي هذا المعلومات ،،

طمئنا وش يصير معاك بعد العيد ،،

صَمْتّ مُؤْلِمْ

2013- 8- 3 04:23 AM

رد: قالو لي باقي لك مقرر قضايا ثقافية معاصرة للتخرج ( مع اني معادل مقر آخر نظيره)

إن شاء الله يقبلوا طلبك

والله يسهل لك وتستلم الوثيقة يارب

موفق :2:

فضيل	2013- 8- 3 04:45 AM

رد: قالو لي باقي لك مقرر قضايا ثقافية معاصرة للتخرج ( مع اني معادل مقر آخر نظيره)

اقتباس:

المشاركة الأصلية كتبت بواسطة ♥ βąỵℓįşǻŉ ♥ (المشاركة 9348982)

ايوا، الفندق أصلاً فيه طالبة هنا وصفته ايام الاختبارات ومدحته وصورته، وقلت لازم اروح له، لكن صراحة مافيه احسن من الفنادق. وسعره متوسط.

والله التمشية حلوة ، انا لي فترة ما تمشيت، وحسيت ان النشاط تجدد من جد.

ورحت العثيم مول اشتري بعض الاغراض، ولقيت عالم فيه كثير.

الظاهر كل اهل قطر في الاحساء ههه

لكن انصحكم تروحون الاحساء وقطر بعد زينة مع اني مارحتها، مع ان الايام هذه غبار حتى في الخليج.

خرب بوية السيارة !.

وانشاء الله تنحل مشكلة المقرر بعد العيد، الواحد خلاص وده يتخرج باسرع وقت.

فضيل	2013- 8- 3 04:48 AM

رد: قالو لي باقي لك مقرر قضايا ثقافية معاصرة للتخرج ( مع اني معادل مقر آخر نظيره)

اقتباس:

المشاركة الأصلية كتبت بواسطة صَمْتّ مُؤْلِمْ (المشاركة 9349048)

إن شاء الله يقبلوا طلبك

والله يسهل لك وتستلم الوثيقة يارب

موفق :2:

والله اتمنى يقبون طلبي، واستلم الوثيقة ( حتى الابتعاث قدمت له ) في اول رمضان

ريوم الرجبانيه

2013- 8- 3 04:51 AM

رد: قالو لي باقي لك مقرر قضايا ثقافية معاصرة للتخرج ( مع اني معادل مقر آخر نظيره)

انا انقهرت :6:

فضيل	2013- 8- 3 04:53 AM

رد: قالو لي باقي لك مقرر قضايا ثقافية معاصرة للتخرج ( مع اني معادل مقر آخر نظيره)

ليش انقهرتي؟

فضيل	2013- 8- 3 05:04 AM

رد: قالو لي باقي لك مقرر قضايا ثقافية معاصرة للتخرج ( مع اني معادل مقر آخر نظيره)

اقتباس:

المشاركة الأصلية كتبت بواسطة ريوم الرجبانيه (المشاركة 9349302)

انا انقهرت :6:

صحيح شي يقهررر، لا اعلانات ولا شي

ليان المدينه

2013- 8- 3 05:25 AM

رد: قالو لي باقي لك مقرر قضايا ثقافية معاصرة للتخرج ( مع اني معادل مقر آخر نظيره)

ماشاء الله عليك يا فضيل

لفتني صبــرك وحلمك

وباين عليك مؤدب وما تحب المشاكل

الله يعطيك على قد نيتك

على فكره احتمال كبير تكون ليلة القدر هي ليلة السابع والعشرون هالسنه

لا تفوتها ادعي بالدين والدنيا وحتى لو ماكانت ليلة القدر اصلا رمضان شهر

إجابة الدعـــوات وربنا كريـــــم إذا اعطى أدهش

صَمْتّ مُؤْلِمْ

2013- 8- 3 12:31 PM

رد: قالو لي باقي لك مقرر قضايا ثقافية معاصرة للتخرج ( مع اني معادل مقر آخر نظيره)

اقتباس:

المشاركة الأصلية كتبت بواسطة فضيل (المشاركة 9349272)

والله اتمنى يقبون طلبي، واستلم الوثيقة ( حتى الابتعاث قدمت له ) في اول رمضان

الابتعاث ظهرت نتايجه لتدقيق

بشر ؟

فضيل	2013- 8- 3 05:18 PM

رد: قالو لي باقي لك مقرر قضايا ثقافية معاصرة للتخرج ( مع اني معادل مقر آخر نظيره)

اقتباس:

المشاركة الأصلية كتبت بواسطة ليان المدينه (المشاركة 9349605)

شكراً، وانا لفتني بلاغتك ما شاء الله! لكن عندي ملاحظة علو توقع ليلة القدر (ليلة سبع وعشرون) لأنه لا أحد يعلم بها الا الله!.
وانا فعلاً ما أحب المشاكل ولا استعطاف الآخرين لمصلحة لي !.

وفعلا الدعاء مطلوب في العشر الأخيرة ف جزاك الله خير، و أرجوا من الله ان يبارك لنا ولكم فيها.

اقتباس:

المشاركة الأصلية كتبت بواسطة صَمْتّ مُؤْلِمْ (المشاركة 9351019)

الابتعاث ظهرت نتايجه لتدقيق

بشر ؟

شكراً، لتذكيري بالمعلومة وبالوقت. راح اشوفه الحين!! جزاك الله خير!! ما كنت داري!!.

فضيل	2013- 8- 6 04:52 AM

رد: قالو لي باقي لك مقرر قضايا ثقافية معاصرة للتخرج ( مع اني معادل مقر آخر نظيره)

اقتباس:

المشاركة الأصلية كتبت بواسطة صَمْتّ مُؤْلِمْ (المشاركة 9351019)

الابتعاث ظهرت نتايجه لتدقيق

بشر ؟

ما تنطبق الشروط خيرة

رغم ان معدلي زين :22:

All times are GMT +3. الوقت الآن حسب توقيت السعودية: 08:28 AM.

صفحة 2 من 2

عرض 100 مشاركات من هذا الموضوع لكل صفحة

Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه