رد: عاجل يااخوان بخصوص المعادلة ... انا توني جاي من الجامعة ...
 

السجل الاكاديمي هذا من وين اجيبه ؟؟؟؟
وانا بالدمام اقدر ارسله لهم على مكان والا شلون ؟؟

رد: عاجل يااخوان بخصوص المعادلة ... انا توني جاي من الجامعة ...
 

قدم مره ثانية يالغالي


انا احس السنة ذي فيه تطور في الانظمة وعقول العمالة في الجامعة

يعني احس ماهو زي السنة الي راحت ...

القهر انك دافع فلوس وتنذل ..

لكن السنة ذي احسهم يدورون الفلوس تعال بس لا تزعل هههههههه

ويجلس ويشرح لك ويبتسم بوجهك واهم شي ترضى عليه
....

انت قدم اليوم بسرعه عن طريق النت اذا ماتقدر تجي ....

ارسلهم السجل الاكاديمي مختوم انسخه سكانر وارسله

مع الاوراق المطلوبه شف فيه الاخوان منزلين طريقة المعادلة عن طريق ايميل الجامعة دون الحضور لها
...


وانا ابشر اراجع لك الجامعة واستفسر عن ايميلك هل هو وصلهم ولا لا واسائلهم وش صار عليها ...

بس اهم شي انت اسلها اليوم لانه اخر موعد بكره الاربعاء على حد علمي ..

اذا انت قريب تعال احسن واذا انت بعيد مالك الا الايميل


واذا راسلتهم ابد دق علي وانا الجامعة حذفت حصى ,,,

جنب بيتي

اذا ارسلتها عطني خبر وارسلك رقمي ...

بس اهم شي اذا انت بعيد لا تتعب نفسك وتجي

ارسلها سكانر وانا امرهم واشوف لك وش الرد ...


وبالتوفيق وانا اخوك ...

رد: عاجل يااخوان بخصوص المعادلة ... انا توني جاي من الجامعة ...
 

تجيبيه من جامعتك السابقة اذا شبق لك درستي بأي جامعة وماكملتي ...

وبالنسبة اذا انتي بعيده تقدرين ترسلينه على الايميل حقهم

فيه اخد الاخوان منزل موضوع بخصوص الشي هذا بس اهم شوفي قبل ماتنتهي الفترة حقتهم ..

وبعيد يجيك الرد منهم ,.,,,


وموفقه

رد: عاجل يااخوان بخصوص المعادلة ... انا توني جاي من الجامعة ...
 

يعطيك العافية اخوي

بس حبيت استفسر اتابع معاهم من نفس موقع الجامعة

والي عنده دبلوم حاسب من كلية المجتمع يصير نكمل على طول اوكيف

وفي معادلة من الجامعة العربية بالبحرين اولا

انتظر ردك لاتخذلني

رد: عاجل يااخوان بخصوص المعادلة ... انا توني جاي من الجامعة ...
 

شلووووووووووون :(
متى اخر يوم معادله ؟؟؟
تو ما يمدي عشان ينهونها :(
طيب انا بكرا بروح اجيب سجلي الاكاديمي
بعدين ارسله لهم في بريد والا شلون ؟؟
الله يخليك حطلي كل الخطوات هنا :(
مابي المعادله تروح علي حرام :(

رد: عاجل يااخوان بخصوص المعادلة ... انا توني جاي من الجامعة ...
 

للامانه تعاملهم فى الاحساء مره ذوق على طول يخلصو الشخص مو يبهذلوه زى عندنا فى الرياض بالروحه والجيه ناس راقين بس المشوار من الرياض للاحساء يخوف

رد: عاجل يااخوان بخصوص المعادلة ... انا توني جاي من الجامعة ...
 

اذا قدمتي المعادلة خلاص

اذا انقبلت راح تجيك رسالة على الجوال على كلام الموظف

واكيد تقدرين تتابعين من نفس موقع الجامعة ...


وبالنسبة لدبلوم الحاس مااتوقع لانه ماله دخل والمعادلة ماتتم للخريجين لازم تكون ماكملتي او اخذتي سنه ...


اما جامعة البحرين مادري والله .... انتي جربي وماانتي خسرانه شي ..

وهذا ردي وان شاء الله مااخذلتك ..

وعلى فكره انتي وش تخصصك وهل انتي قدمتي المعادلة ولا باقي ...

رد: عاجل يااخوان بخصوص المعادلة ... انا توني جاي من الجامعة ...
 

انا برد عن نفسي ههههه
انا درست في كلية الاداب سنه ادب انجليزي
وبالجامعه العربيه تقنية معلومات
وش بيعادلون لي ؟

رد: عاجل يااخوان بخصوص المعادلة ... انا توني جاي من الجامعة ...
 

هذه الطريقة من الالف الى الياء ...


اجراءات معادلة المقررات


في حالة دراسة الطالب لبعض المقررات في جامعة أخرى يجوز له أو لها أن يتقدم بطلب معادلة ذلك المقرر في الجامعه .. وعليه أن يقوم بالتالي:


أولا: الحصول من جامعته السابقة على سجل أكاديمي (دراسي) أصلي ومختوم بختم الجامعه
ثانيا: الحصول على وصف للمقرر الذي يرغب في معادلته من جامعتة السابقة أيضا >> هذا ماسويته انا ووقبولوا المعادلة يعني مااتوقع مهم ..
3- تحديد المواد المطلوب معادلتها ويذكرها في خطاب خطي يوجة لوكيل الجامعه للدراسات والتطوير وخدمة المجتمع <<< وهذا برضوا ...
4- ترسل هذه الأوراق جميعا على العنوان التالي:


عمادة تطوير التعليم الجامعي
جامعة الملك فيصل
الهفوف - ص.ب 400 الرمز 31982


وستقوم العمادة بارسال هذه الأوراق الى القسم العلمي والذي سينظر في القبول من عدمه وسيبلغ الطالب بالنتيجة بعد ورود قرار القسم بالمعادلة من عدمه .


ارشادات عامه لمعادلة المقررات:


1- لايمكن قبول معادلة أي مقرر تقديره أقل من ج أو c
2- لايمكن قبول أكثر من 15 ساعه للطالب كساعات معادلة
3- عند الموافقة على المعادلة سيتم احتساب الساعات للطالب دون الأخذ بالمعدل أي لن يدخل تقدير الطالب الحاصل عليه في جامعتة السابقة في معدلة هنا بالجامعه.. ولن يطالب الطالب بدراسة هذا المقرر الذي عودل هنا بالجامعه.
- لايمكن معادلة أية مادة درست في درجة علمية أو شهادة أخرى تم الحصول عليها ..
يعني أن الطالب أو الطالبه إذا درست بكالوريوس أو دبلوم وتخرجت فلايمكن قبول معادلة أية مقرر من المقررات التي درستها في تلك الدرجة لكي تعادل في درجة علمية ثانية اللي هي الانتساب لأن هذي درجة علمية تختلف عن تلك ولايمكن أن يقبل أي مقرر لكي يستخدم مرتين في شهادتين مختلفتين. المعادلة فقط ستتم لمن درس مقررات دراسية لم يحصل من خلالها على درجة علمية .

رد: عاجل يااخوان بخصوص المعادلة ... انا توني جاي من الجامعة ...
 

يعني الخطوه الثانيه والثالثه انت ما سويتها ؟
انا بكرا بروح اخذ سجلي الاكاديمي
وعلى طول بوديه البريد
كذا تمام ؟

بخصوص البريد اوديه البريد الممتاز ؟؟؟