المشاركة الأصلية كتبت بواسطة doode^.^ (المشاركة 1417216) اهليننننننننن والله تسلمي حكاية الساعات .. و كمان كيف ارسل الاوراق وكيف اعرف انها وصلت :( وكمان انا نسبتي 90.33 ابغا علم اجتماع .. اورقي في جامعه طيبة انا مقدمه بس ما ابغها اخاف اسحب وكمان دي ما تجي :(

شوفي عزيزتي
بالنسبة للساعات لكل مادة ساعات محددة تستفيدي منها في المعدل وفي تسجيل المواد في المستويات بعد المستوى الاول
كل ماكانت عدد ساعات المادة اكتر كل ما اتأثر المعدل
يعني اذا جبتي فيها درجات حلوة يرتفع معدلك مرررره حتى لو بقية المواد مو مره
اما اذا جبتي فيها درجات نازلة فينخسف المعدل حتى لو كنتي جايبة في المواد التانية درجات حلوة

وبالنسبة لاستفادتك فيها من تسجيل المواد
بعد المستوى الاول يطلعلك عدد ساعات للمواد اللي مسموح لك تاخديها في المستوى التاني
وعدد الساعات على حسب المعدل كل ما ارتفع المعدل كل ما زادات عدد الساعات اللي تاخديها عشان يمداك تنهي دراستك في 4 سنين
اما لو انخفض المعدل فعدد ساعاتك حتنخفض فحتضطري تختاري مواد اقل وبالتالي حتتأخري في التخرج ب4 سنين ونص او اكتر

بالنسبة لارسال الاوراق عن طريق البريد الممتاز وتبلغيهم انها مستندات التسجيل الخاصة بجامعة الملك فيصل
وعن طريق موقع البريد الممتاز مداك تتابعي مسيرتها عشان تطمني انها وصلت
فلا تشيلي هم من هادي الناحية

نسبتك ماشاء الله حلوووة وتدخلك اي قسم لانه هنا اقسام الجامعة ماتشترط اي نسبة ماعدا قسم ادارة اعمال

بالنسبة لاوراقك يعني اذا تبغي تسجلي في هادي الجامعة لازم تسحبي من طيبة عشنك حترسلي اوراقك الاصلية
وصعب الاوراق الاصلية تكون في جامعتين في نفس الوقت

انتي باين عليك مترددة, استخيري عشان تلحقي تسحبي او لا

والله يخترلك اللي فيه خير لك ياارب

تحياتي

المشاركة الأصلية كتبت بواسطة الطود (المشاركة 1556167) اخوك / الطود من الحبيبة المدينة المنورة تحياتي

المشاركة الأصلية كتبت بواسطة لافندر (المشاركة 1557575) وانا بعد من المدينه المنوره وان شاءالله نساعد بعض كلنا يد وحده