ملتقى طلاب وطالبات جامعة الملك فيصل,جامعة الدمام - أرجو منكم المساعدة والنصيحه بخصوص التوصيات

رد: أرجو منكم المساعدة والنصيحه بخصوص التوصيات

اقتباس:

المشاركة الأصلية كتبت بواسطة احتمال (المشاركة 13144125)

السلام عليكم ورحمة الله وبركاتة
أخواني وأخواتي أنا الحمدلله من الخريجين وفتحت معي أيقونة التوصيات وأحترت وش أختار لاني ناوي بإذن الله اكمل ماجستير في تخصص ادارة اعمال أو التخصصات المتفرعه منه وهي كثيرة ولكن لا اعلم ماهي التخصصات المتاحة داخل المملكة لاني استبعد الدراسة بالخارج لظروفي العائلية
وهذه جميع المواد المتاحة للإختيار
القانون التجاري
اساسيات المحاسبة الادارية
ادارة مالية 1
ادارة ماليه 2
اخلاقيات الاعمال
اللغه الانجليزية
مبادئ التوريد
تقنية المعلومات 2
مبادئ القانون
الاحصاء في الادارة
التحليل الاحصائي
موضوعات خاصة فالادارة
الادارة العامة
ادارة الاعمال الالكترونية
ادارة التسويق
ادارة الاعمال الصغيرة
تعاقد وتفاوض
ادارة المعرفة
الاساليب الكمية فالادارة
مبادئ الرياضيات 1

الفرص المتاحة لي 4 توصيات
أتمنى منكم مشاركتي بالرأي والنصيحة
وما هو التخصص الذي ترونه جيد ومناسب للماجستير
( عملي إداري بمؤسسة البريد السعودي وقريبا سيتم تحويلها لشركة بنظام تجاري )

وعليكم السلام .. مرحبا أخوي احتمال

الف مبروك التخرج وعقبال الدراسات العليا والمناصب العليا يارب ..

طبعا دراسة الماستر في أي تخصص يعتمد عليك أنت وإختيارك للتخصص ومهاراتك الي تشوف نفسك فيها ..

والي أشوفه من المواد أنك جايب في المواد المالية درجات عالية ماشاء الله وبرضو في بعض مواد المسار العلمي عندك مواد حلوه ..

إذا حاب تكمل في تخصص مالي أو محاسبي .. أرشح لك المواد هذي ..

ادارة ماليه 2 - الاحصاء في الادارة - التحليل الاحصائي - الاساليب الكمية فالادارة

واذا حاب تكمل في إحد التخصصات العلمية أرشح لك هذي حسب الترتيب ..

الادارة العامة - ادارة الاعمال الالكتروني - ادارة المعرفة - تعاقد وتفاوض
ادارة التسويق - ادارة الاعمال الصغيرة

بخصوص تخصصات الجامعات في السعودية عملت بحث ع السريع وشفت لك التخصصات

جامعة الفيصل عندها تخصص ماجستير إدارة الأعمال وفي أيضا تخصصات تندرج تحته مثل
ماجستير المحاسبة - المالية - المواد البشرية - التسويق - إدارة العمليات

جامعة دار العلوم عندها تخصص
ماجسيتر إدارة الأعمال
ماجسيتر القانون التجاري
ماجسيتر القانون الجنائي
ماجسيتر في نظم المعلومات الإداري

بإمكانك الإطلاع على مواقعهم وبإذن الله تستفيد أكثر

أتمنى إني أفدتك وفالك التوفيق أخوي :rose:

رد: أرجو منكم المساعدة والنصيحه بخصوص التوصيات

اقتباس:

المشاركة الأصلية كتبت بواسطة رحا777ل (المشاركة 13150468)

الله يوفقك ويسهل امرك ياغلاي ماقصرت
ولكن اطمع في رأيك بأكثر من كذا
بخصوص تخصصات جامعة دار العلوم وش أفضل تخصص من هالتخصصات وأقواها فائده لي بحكم عملي كإداري طبعا بعد استبعاد القانون الجنائي لبعدة عن مجال عملي

رد: أرجو منكم المساعدة والنصيحه بخصوص التوصيات

اقتباس:

المشاركة الأصلية كتبت بواسطة احتمال (المشاركة 13153496)

اجمعين يارب والله يوفق الجميع ..

الي اشوفه وحسب مجالك الحالي والأفضل لك تخصص ادارة الاعمال .. لانه عام وشامل لجميع الادارات مثل ادارة المشتريات والمستودعات و المالية و الموارد البشرية والعلاقات العامة والحكومية وغيرها واذا حبيت تنقل الى ادارة اخرى مستقبلا يكون عندك المجال..
اما تخصص نظم معلومات ادارية فهو يعتبر نقطة التقاء وجامع مابين الادارة وتقنية المعلومات والهدف من التخصص تطبيق وترجمة جميع العمليات الادارية الى انظمة معينة على سستم الشركة عشان تصير اكثر مواكبة وتطور في اداء الشركة )) تطوير وبرمجة الانظمة ((

لو عندك مهارات عالية او هواية في البرمجة ممكن هذا التخصص بتحبه كثير لانه عملي جدا.

مع العلم مازلت متمسك في تخصص ادارة الاعمال ..

اتمنى اني افدتك يابعدي واسمح لي ع التاخير واذا برضو نقصت شئ من المعلومان الي تحتاجها والله يوفقك ويسهل عليك :rose:

رد: أرجو منكم المساعدة والنصيحه بخصوص التوصيات

اقتباس:

المشاركة الأصلية كتبت بواسطة رحا777ل (المشاركة 13160565)

مشكور ياغلاي وماقصرت الله يسعدك
اتمنى لك التوفيق والنجاح