|
رد: خبرونـا عن أنطباعكم ومواقفكم في صيفي الحسـا :)
انا من الاحساء واخذت مادتين بدون اختبار تدريب 3 ومشروع تخرج عشان اتكتك على الباقي:19:
المهم مريت جنب الجامعه بحكم اني راعي فرفره وشفت الزحمه وشفت الشقق عليها بعض الحركه ومن نحاسة حظكم ان الجامعه على طريق دولة قطر والامارات وياكثر اهل قطر خصوصا يوم الجمعه والسبت ويسكنون عند الجامعه مما يسبب ارتفاع السعر لكثرة الزبائن عموما اتوقع ان البنات اذا راحو سوق السويق بتصير الحسا عندهم باريس :42: والشباب بيستانسون بجو المزارع والاستراحات. بشكل عام اتوقع ان السكن رخيص ومناسب وحنا اهل الحساء مانمدح انفسنا بس سباقين لفعل الخير ونحب نساعد ونعجبكم :29: |
رد: خبرونـا عن أنطباعكم ومواقفكم في صيفي الحسـا :)
ربي يوفقكم :29:
|
رد: خبرونـا عن أنطباعكم ومواقفكم في صيفي الحسـا :)
برق الشمـال والله دايماً أذكركم ياأهل الرياض الله يعينكم على الخط حيل تعب قاعده أتخيل لو أني ماسكه الخط إياب وأنـا اللي أسوق ومزفته في الأختبار أدعم بأعمدة الإنـاره مـايبيلهـا الله يعينكم من جد بس يـارب يكون أحسن من مـاتتوقع وتنصدمون فيهـا من الفرحـة يـارب بنت الداوود فديتهـا أمج متحمسـه :004: دايماً كـذا الأهـالي يتحمسوون زي أبوي مـاظل ترمس مـاي ، سن كويك برتقال ، كيك ، سمبوسـة ... تقولين رايحين البر :biggrin::004: الله لايحرمنـا منهم :004: إذا مـاقرروا يفتحون مراكز أختبار يمديج تعيدينهـا أن شاء الله من هنا لين التخرج :43: Adel من جد طـارت بغمضـة عين عـاد لكنات الحسـا أتوقع أكثر من 160 لكنـه عد وأغلط :004: اللي يروح الحسـا ومـايمر القيصرية زي اللي يروح الكوييت ومـايمر الأبراج :29: زحمـة الحسـا لاتقارن بزحمـة الدمام لاتطاااااااااااااااق الساعة 2 الليل والعالم مقفلـه الشوارع :26: |
رد: خبرونـا عن أنطباعكم ومواقفكم في صيفي الحسـا :)
كم هي جميله هذه الاحساء..جميلة باهلها وبشوارعها. افتقدنا هذه البساطه فى الرياض الاطفال يلعبون حول المساجد والنساء تمشي في الشوارع وبين الازقه .مازال الكثير من سكانها علي الفطره ولم تفسدهم هذه المدنية البغيضه بعزلتها وسواء ظنها.جامعتنا تتنفسها الحساء وتتنفس بالحساء جزاء من المدينه وليست معزوله عنها كما هي جامعاتنا بالرياض.ذكرتنا بايام الابتعاث وكلية نسكوت .لولا المشقه والارتباطات لما حرمت نفسي كل ترم من الاختبار بين اهلها الطيبن.اتمنا ان لا تفسد المشاريع الجديده هذا الجمال وهذه البساطة*
|
رد: خبرونـا عن أنطباعكم ومواقفكم في صيفي الحسـا :)
وزيرة
ياحبيلك كنت أتمنى أشوفك لكن ماكتب ربي :16: أنا أخذت لغويات تطبيقية والشعر ولو كان فيه مجال كان أخذت :love080: صراحة خطوة حلوة من الجامعة :14: بالنسبة للأحساء حلوة بأهلها ،الطريق من الدمام للحسا ساعة وداخل الحسا ساعة حوسة :9: حتى ثاني يوم نحوس مع العلم معنا جارمن وآخرتها نستأجر تاكسي يدلنا الطريق :8: لو صار فيه اختبار مرة ثانية بعيدها تجربة حللللللوة :16::(204): |
رد: خبرونـا عن أنطباعكم ومواقفكم في صيفي الحسـا :)
انا اخذت مادتين
لغويات تطبيقيه ولغه وتقنيه معلومات الاولى ما حليت فيها زين :9: مع ان الدكتور ابدآ ما قصر والاخوان ما قصروا هنا بعد :10: اما الثانيه فكانت ابدااااع بفضل الله سبحانه ثم الدكتور عبدالله التجربه جميله والاحساء اجمل من اخر زياره لي قبل ١٠ سنوات بس ما اضن اكررها ( تعب+ سفر+ صيام) |
رد: خبرونـا عن أنطباعكم ومواقفكم في صيفي الحسـا :)
وزيره
والله أن أكبر خساره يوم أخذتي مادة نظرية المعرفة حبيت أخذها معش عشان تلخصيلي مثل اول لكن اذا انتي ملخصتها اليومين الي طافن أبيها وشايف معروفة من يوم وحنا بثاني |
رد: خبرونـا عن أنطباعكم ومواقفكم في صيفي الحسـا :)
كويس ماجاكم مرض ابو سعيبيلة
|
رد: خبرونـا عن أنطباعكم ومواقفكم في صيفي الحسـا :)
السسلام عليكم
أنا أخذت لغويات تطبيقية والشعر الإنجليزي .. ولله الحممد كان الأختبارين في قمة الرووعه وبالنسبة للأحساء .. الأختبار كان فيه مميز صراحه .. لا من ناحية التعامل والأستقبال والوجيه البشوشه لكن ماراح أخذ صيفي مرة ثانية ... لأني وقتها بإذن الله أكون قد تخرجت وبعد أختبر الشعر تفأجات بمقدم قناة عالي يوقفني ويقول بنسوي معك لقاء عن الجامعة وعن أنطباعكم عن الاختبارات وعن أنظمة الجامعة ... وكان وقتها عميد الجامعة موجود والفريدان برضوه موجود وأحد الدكاترة وبعد ماعملوا لقاءات مع الدكاترة .. أخذونا حنا ي الطلبة وأول سؤال قاله لي ماذا تفضل الاختبارات الموضوعيه إم المقاليه فبكل تأكيد قلت له الموضوعية وبعدها سئلني كم سؤال عن الجامعة وأنظمة الجامعة ... وبالاخير ترك لي المجال أقول اللي بخاطري فقلت له اتمنى من الجامعة مراجعة أوضاعنا كـ طلبة مع وزارة الخدمة المدنية يطلعون مسوؤلين وزارة الخدمة المدنية ويقولون مالكم مكان بيننا ي المنتسبين في التعليم نخسر جهد ومال وبالاخير الوظائف محدوده نتمنى من الجامعة انصافنا من قرارات وزارة الخدمة المدنية ومساواتنا بالطلبة المنتظمين واعتماد شهادتنا وبالاخير قلت لمقدم اللقاء لو سئلت أي طالب وطالبه يقولون لك نفس كلامي .. لأن هالشي هو هاجس الطلبة الوحيد وانتهى اللقاء ... وانتهت أختباراتي مع هذا اللقاء وموووفقين :16::16: |
رد: خبرونـا عن أنطباعكم ومواقفكم في صيفي الحسـا :)
كانت بالنسبة لي تجربة جميلة جداً وان شاء الله بتتكرر سواء فتحوا مراكز صيفية في الرياض او مافتحوا انا عاجبتني الديره مررررره احب الناس البسيطة والمتواضعة تمنيت اجلس فيها فترة اطول عجبني الجو رطوبة خفيفه وخصوصاً في الليل ياسلالالام عجبني منظر الشباب وهم جالسين يذاكرون حول الملعب داخل الجامعة عجبتني مباني الجامعة والشعور بالحياة الجامعية عجبنتني المدينة والجولة داخل النخيل والحياة الزراعية وتنوع الجنسيات عجبني التواجد الخليجي فيها خصوصاً القطري عجبني مطعم الارنب الجائع هههههههه قلت أبي اجربه لأنه غير موجود في الرياض حسب علمي عجبني الطريق من الرياض للاحساء عجبني كل شيء فيها وكان ودي اجلس فيها فترة اطول لكن وحشوني اهلي وعيالي كان ودي اشتري رطب خلالالاص لكن ما عرفت من وين احصل انواع كويسه وحتى يوم رجعت نظرات غضب :32::32::32: من ابوي وامي متوقعين اني اجيب معي ههههه لكن ان شاء الله المره الجاية تحية لجميع سكان الاحساء وشاكرين لكم حسن التعاون اخوووكم ابن عاقول |
| All times are GMT +3. الوقت الآن حسب توقيت السعودية: 10:57 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه