ملتقى طلاب وطالبات جامعة الملك فيصل,جامعة الدمام - توضيح من الفريدان بخصوص نقص درجات المشاركة

رد: توضيح من الفريدان بخصوص نقص درجات المشاركة

نصيحه لا يراودكم الشك وتحلون من جديد فقط ادخل وتأكد ان كل شيء في الصميم بدون حل السابق

لك فائق احترامي

رد: توضيح من الفريدان بخصوص نقص درجات المشاركة

وش هالكلام الجديد
انا توني ادري عنه من اول فصل وانا احل الواجبات والنقاش بفترات متقاربة يعني بينهم يوم او يومين او بنفس اليوم
وش السوات الحين ؟

رد: توضيح من الفريدان بخصوص نقص درجات المشاركة

بالفعل لي سنتين بالجامعه ولاعمري قريت خبر عن موضوع حل المناقشات او الواجبات بوقت واحد ..
فجزاك الله خير اختي على التنبيه وياليت ينتشر هالتنبيه لجميع الطلاب والطالبات ،،
حرام يضيع مجهودنا بشي مادرينا عنه ..

رد: توضيح من الفريدان بخصوص نقص درجات المشاركة

طيب ليه ماعلمونا من اول عشان ماحذ يغلط

رد: توضيح من الفريدان بخصوص نقص درجات المشاركة

ليس من شأنهم إن كان الطالب يحل بيوم واحد أو ساعة واحدة حتى
المهم أنه قام بحلها.
ولكن إن ضاعت عندهم عند الله لاتضيع
أول مرة أسمع بهذا القرار الجائر والذي لايقف قطعا في صف الجامعة فالطالب له الحرية في اختيار الوقت الذي يريده ومتى ما أراد
أتمنى ياطلبة أن تقفوا وقفة رجل واحد ضد هذا القرار فهو كما يقول العميد إذا سلموا اليوم مارح يسلمون بعدين
اكتبوا له في تويتر بأن هذا ظلم وسلب حقوق

رد: توضيح من الفريدان بخصوص نقص درجات المشاركة

شفت التغريدة ورديت عليه انه اسوء عذر قاله بحياته ولو ماقاله كان ابرك .

هذا ان دل دل على السيستم المخيس اللي يتعاملون فيه معنا .. اجل هذا رد يقوله عميد ؟
ايش اللي اللي سلم اليوم ماهوب سالم بكرا ؟

مب هذا سيستم ومن انجح الانظمة على قولته ؟ ليش النظام مب ساري على الكل ؟

نظام قاررربج .

رد: توضيح من الفريدان بخصوص نقص درجات المشاركة

يعني الحين العميد دخل ولقى الطالب حال فعلا؟ ليه ماعطاه اجل حقه ؟؟؟؟

بما ان الطالب حل ولقوا حله كامل في ملفه قبل يوم التسليم المفروض يوفونه حقه !!!

ومع احترامي للعميد هذا تخبط منهم ويدل على ان النظام يحسب بمزاجه لأني احل كل الواجبات

في يوم واحد ! و مو بس ماده الا اغلب المواد .. وفضل من الله عظيم ماعمر نقصتني ربع درجة

لا في واجبات ولا مشاركه ولا محاضرات ..

بما ان العميد لقى ملف الطالب مكتمل من الواجب تأدية الامانات لأهلها .. :16:

رد: توضيح من الفريدان بخصوص نقص درجات المشاركة

عيب الجامعة في اعلاناتها أنها مدسوسة ولا لها مكان بين وممكن يكون النظام اللي نبحث عنه يكون وارد في اجابة احد المسئولين على أحد الطلبة في تويتر والا في جريدة والا منتدى الجامعة الأصلي .

على كذا نستعين بقوقل في أي سؤال عن نظام الجامعة وأنا متأكد بتجي أجابة السؤال اللي تبحث عنه ضمن رد لمسئول أما على تويتر أو على سؤال من جريدة الكترونية أو من أي مكان غير موقع الجامعة

أرحمنا يادكتور عبدالله وحط أجابات لأسئلتنا على موقع العمادة الالكتروني وريحنا من المطامر وراء القوانين والانظمة اللي مانعرف لها أول من أخر ، وبصراحة نكتة أن حلك للواجبات في وقت واحد تسقط علامتك هذه مامرت علينا منذ بداية تاريخ الألغاز الشعبية مرورا بنوادر البخلاء وأنتهاء بلعبة طاش ماطاش اللي بدأت في القرن الثامن عشر مدري السابع عشر .

كل الشكر للأخت اللي نقلت لنا هذا النظام المرتجل الجديد وأعاننا الله على المفاجأت المقبلة

(للمعلومية : درجات مشاركتي كاملة ولله الحمد بس جواب الدكتور يقهر من قوة التصريف)

رد: توضيح من الفريدان بخصوص نقص درجات المشاركة

أنا من زمان ما أثق فيهم

:35:

رد: توضيح من الفريدان بخصوص نقص درجات المشاركة

حلللللللوه

قال ايش قال محذرنا !!

هم حذرونا من مشاهدة المحاضرات بوقت واحد , اما حل المناقشات يكثر منها