|
رد: الماسح الضوئي
شكرا جزيلا ودعواتي من الاعماق لكل من افادني بالردود ربي يعطيكم لين يرضيكم في الدارين
ابي توضيح اكثر حبة حبة لو سمحتم يعني الحين بشتري فلاش مومري اوكي:21: وبعدين وش اسوي فيه..... قبل اروح للمكتبة..... وهل ممكن الحين ادخل على الخدمات الطلابية واحط بالفلاش اللي ابيه منها او انتظر لين تفتح المحاضرات؟! وبعدين لو رحت للمكتبة اقول له: ابي تنسخ لي هالاوراق عليه علشان ابيها عاللاب توب واذا شبكت الفلاش فاللاب توب اروح لجهاز الكمبيوتر بلقى جهاز جديد اضغط عليه مرتين يفتح لي و اختار اللي ابيه منه للاسف ماعندي احد في البيت يفهم بهاذي الامور:12: تحملوني شوي ولكم الاجر والدعوات |
رد: الماسح الضوئي
أشتري لك فلاش ميموري من اي محل كمبيوتر ( يفضل من جرير ) ومن هالشركتين لو حصلتي SanDisk أو Kingston وتجي بأحجام مختلفة 4 , 8 , 16 , 32 قيقا وأكثر وأنتي وحاجتك للفلاش تقدري تحددي الحجم المناسب لك , أتوقع 8 قيقا تكفي لك ورخيصة بالمقارنة بأحجام أكبر إذا كان إستخدامك لها ملفات صغيرة كصور للأوراق ( نفس طلبك ) بدون ملفات فيديو ...
خلصنا من الفلاش ... تاخذين الفلاش والأوراق اللي راح تسوين لها سكان للمكتبة أو أي خدمات طالب وتطلبين منه أنه يسوي لها سكان ويحفظها بالفلاش ميموري وإذا فيه إمكانية أنه يحفظها بصيغتين مختلفتين ( PDF + Word ) على شان تكون عندك خيارات كثيره لو حبيتي ترفعينها للخدمات الطلابية لأني ماأدري أي صيغة يقبلون , بعدها راح تكون عندك الأوراق محفوظة بالفلاش ميموري وتقدري تطلعي عليها بكمبيوترك وتشوفينها ... بعد هذا كله وإذا خلصتي من المكتبة أشبكي الفلاش ميموري بكمبيوترك وراح يتعرف الكمبيوتر على الفلاش ميموري والمفروض يطلع لك رسالة أول ماتشبكينها ( قرص قابل للنقل Removable Disk ) وخيارات متعدده وأنتي أختاري ( فتح المجلد لعرض الملفات Open folder to view files ) وراح تشوفي ملفاتك اللي سويتي لها سكان وتقدري تنسخيها لسطح المكتب مثلاً أسرع للوصول لها ولو ماطلعت لك الرسالة أدخلي لجهاز الكمبيوتر My Computer وراح تشوفين الفلاش موجوده ... http://www.kwaree.com/blog/wp-conten...1/DSC02753.jpg http://img841.imageshack.us/img841/5...rn501ff6c4.png شرحي السابق من جهازي ( الصور من الإنترنت ) وعليه نظام ويندوز إنجليزي أما الماك ماعندي خلفية عنه للأسف ... بالتوفيق ... |
رد: الماسح الضوئي
فيه فلا ش ميموري رخيص وحلو عليه عرض عند العثيم 8 قيقا بـ 13ريال فقط
وعندهم هاردسك خارجي 500 قيقا بـ 186 تقريباً |
رد: الماسح الضوئي
شكرا لكم جميعا ربي يعطيكم لين يرضيكم عاجلا غير اجل
اتمنى عدم حذف الموضوع وتثبيته في المستوى الرابع مشكورين لامامورين |
رد: الماسح الضوئي
سؤال هل يكفي الفلاش مومري او لازم اشتري الهاردديسك الخارجي ايضا؟!
|
رد: الماسح الضوئي
أختي انا اتمنى تكتبين اسم المادة اللي تطلب وجود الماسح الضوئي عشان اقدر افيدك شوي
ع العموم بإختصار الماسح الضوئي (الأسكنر) فائدته هي : لو عندك مجموعة أوراق في يدك ولتكن مثلأ ملزمة مادة اوكي تحطينها بالماسح الضوئي الحين تمام الماسح الضوئي ينقلها على جهازك الكمبيوتر على شكل (صوووورة فقط ) يعني كأنك مصورة الورقه ما تقدرين تعدلين عليها . هذي فكرته ،،، بعد ما تنحفظ على جهازك اضغطي بزر الماوس الأيمن عليها واضغطي آخر شيء بالقائمة (خصائص) يطلع لك الحجم او (Size) بالأنقليزي اذا كان اقل من 8 قيقا فما يحتاج هاردسك خارجي في العادة الحجم يطلع بالميقا بايت وليس بالقيقا بايت 8قيقا = 8000 ميقابايت يعني ان شاء الله يكفي وزيادة وبالتوفيييق ،،، |
رد: الماسح الضوئي
الايفون أحسن شئ تصورين الأوراق ونزليها ع الابتوب أنا سجلت بالطريقة هذي ما احتجت إسكنر
|
رد: الماسح الضوئي
اقتباس:
واللي بالاحمر مب فاهمته:12: وشكرا لمرورك على موضوعي ومساعدتي بخبرتك حفظك الله |
رد: الماسح الضوئي
اقتباس:
شكرا على مرورك وافادتك :16: |
رد: الماسح الضوئي
8 قيقا هذي مساحة الفلاش يعني تقدرين تحملين عليه بيانات بحجم 8 قيقا
|
| All times are GMT +3. الوقت الآن حسب توقيت السعودية: 03:40 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه