رد: الدراسة بدون موافقة جهة العمل
 

اخوي اذا انت موظف وكملت دراستك الجامعيه بدون موافقة عملك وخلصت الجامعه
عشان تضاف الشهاده بملفك وتترقى فيها لازم موافقة عملك وحاول مع المدير واذا رفض قدم خطاب طلب موافقه وشوف وش يشرح على الخطاب واخذ صوره منه وقدمها للوزير اللي انت تابع لوزراته .
او اسكت وخلص الجامعه وماراح احد يسئلك الخدمه المدنيه تتطابق بياناتك فقط
واذا عقدوها الخدمه المدنيه لاتضيف خدمتك السابقه وخلك بدون خدمه .

واذا تبي نصيحتي ارسل خطاب بطلب الموافقه حيث اني طالب انتساب وفي المستوى الخامس واذا رفض فيه اعلى منه منصب مايرفض

والله ييسر امرك ... وياليت تقول لنا االوزاره اللي تعمل فيها

رد: الدراسة بدون موافقة جهة العمل
 

طيب أنا من منسوبي وزارة الصحة ورفضوا يعطوني إجازة للاختبارت قالوا لازم امتداد لتخصصك بس وأنا كلمة الرئيس قسم شوؤن الموضفين بنفسي وقال الي هالكلام وش أقدر احاجة فيه وهل القرارات الأجازة عدلوا عليها ؟

رد: الدراسة بدون موافقة جهة العمل
 

عيوني
اللي افهمه, الانتساب لا تتطلب موافقة جهة العمل

رد: الدراسة بدون موافقة جهة العمل
 

انا قدمت الجدول للمدير وسمح لي غياب في يوم الاختبار فقط
وسألت قسم شئون الموظفين قالو لك حق الاجازة كاملة( من اول يوم والى الاخير ) اذا كان عندك إذن للدراسة من قبل العمل غير كذا على حسب البعبع (المدير ) الي عندك
اما نقطة ان الخدمة المدنية تطلب اذان موافقه الدراسة من جهة العمل هذه يبغالها سؤؤال من المصدر

رد: الدراسة بدون موافقة جهة العمل
 

الله يعطيكم العافية على ردودكم اللي أسعتدني وما أقدر اقول الا حسبي الله ونعم الوكيل على كل ظالم وظالمة
والظاهر لابد من سؤال احد بديوان الخدمة المدنية عن الدارسة بالانتساب هل من شروطها موافقة جهة العمل والا الدراسة بالانتظام هي التي لابد من موافقة من الديوان.

رد: الدراسة بدون موافقة جهة العمل
 

أخوي موظف أكاديمي .. شوف هذا الرابط أكيد رح يفيدك ويفيد الجميع إن شاء الله :)

http://dc07.arabsh.com/files/7/8ozhg.../image0072.pdf

موفق لك خير يا رب :16:

رد: الدراسة بدون موافقة جهة العمل
 

ما ذبحنا الا القطاع الصحي لا بارك الله فيه

رد: الدراسة بدون موافقة جهة العمل
 

السلام عليكم ورحمة الله وبركاته

انا موظفه بادارة التربية والتعليم

وتم تثبيتي مع الدفعه الاخيره يعني اول مستوى مثبتين في هذا الفصل

طلبو منا جهة العمل رفع الاوراق التي توضح او تعلم للاداره ان ندرس ونحن على رأس العمل

طبعا هذا ما طلبوه من قبل يوم كنا ع البند

عطونا بيان من الاداره وعبينا بياناته مع ارفاق شهادة الثانويه وكرت العايله وشهادة تعريف من الجامعه انا ملتحقين فيها

وطبعا الشهاده بالتوقيع والختم انا طبعتها بدون ورجعوها لي قالو ضروري

بعد ما اكتملت الاوراق وقعتها المديره ورفعناها لقسم الرجال بس اي اداره بالتحديد ما اذكر

انا وكل زميلاتي اللي ندرس رفعنا اوراقنا بدايه الفصل هذا

وعلى فكره كلمنا شؤون الموظفين والخدمة المدنيه وسالناهم

هل الحصول على الشهاده والموظف على راس العمل ترفع مرتبه

فكان الرد لا .. ماترفع لا مرتبه ولا درجه

الا اذا كنت بحول من اداريه وبقدم على مدرسه بتنفعني

انتو اسألو اداراتكم وشوفو وش يقولون لنا

هذا والله اعلم

رد: الدراسة بدون موافقة جهة العمل
 

موظف اكاديمي, شف الرابط اللي حطته الاخت فوق
شف صفحة رقم 7
مكتوب فيه موضح فيه ان موافقة جهة العمل غير مطلوبة, وهذا من الخدمة المدنية (ضوابط اعتماد الشهادات)
يعني ما عليك فيهم ولا يهمونك, جهة عملك
بالنسبة للاجازات الدراسية اثناء الاختبارات, فأنا حقيقة ما ادري, هل تقدر تآخذها غصب عنهم او لا !
لكن سو مثلي, انا في قطاع حكومي (غير صحي) وادرس سكاتي, ولا احد يدري عني
حتى فترة الاختبارات, يعلم الله ما اخذت اجازة ولا قلت حتى لمديري

لما اخلص المستوى الثاني, بطب عليهم واقول ارفعوها لي عشان الترقية واعطيهم النموذج اللي في الرابط
عشان لو احد ييفتح معه, يدري ان النظام معي وضدهم.

تحية