ملتقى طلاب وطالبات جامعة الملك فيصل,جامعة الدمام - قرار يحدد مستقبلي افيدوني جزاكم الله الفردوس

صباح الخير دفره .. كيف ؟

تقولين .. ماني مرتاحة مع الإدارة ....و قلبي هناك مع علم الإجتماع ..
حبيبتي .. إنتي سألتي ... و إنتي الي جاوبتي ..

بعطيك مثال علشان يطمئن قلبك أكثر و تأكيد على كلام الأخوة ..
تعرفين د . طارق الحبيب .. انا اعتقد انو الكل ما شاء الله يعرفة ..
تخصص في بداية دراسته .. تخصص ما كان مرغوب نهائياً و كلن
قال له .. هالتخصص ماله مستقبل .. اصلاً و ش هذا التخصص
الي كله خرابيط و خرافات ...

لكن شوفيه الحين .. ما شاء الله عليه ..
صار هو الي يوظف الناس ..

قرار الدراسة ما يبنى على مثل هالجمل ( عليه طلب و لا ) ( اتوظف بعدين و لا )
أنت ايش رغبتك .. ؟ ميولك وين ؟ إيش هي قدراتك ؟
ساعاتها راح تعرفين بالضبط أيش هو التخصص المناسب لك ..
ليش ؟

لأنك يا طويلة العمر الدراسة و الوظيفة بعدين إن شاء الله .. راح تعيشين فيهم
نصف عمرك .. تقريباً .. طيب تبغين تقضين نصف عمرك في مكان إنتي ما تحبينه ..؟
بعدين لما تكونين تحبين التخصص الي إنتي تدرسينة ..
حتى و لو كان فيه صعوبات ... راح تتقبلينها .. لأنك تحبينه ما عندك أيه مشكلة ..
ما تملين منه .. تقدرين تبدعين فيه .. تقدرين تتطورين و تطورين فيه ..
و كل هذا .... راح يساعدك في إنك تصلين إلى مراتب عليا في الوظيفة المستقبلية ..
لأنك .. تعطين من قلبك ..
يعني .. إنتي في كل الأحوال ......................... رابحانه ,,
و لا تنسين قول الرسول " صلى الله عليه و سلم " :( استفت قلبك ولو أفتاك الناس )
يعني في النهاية القرار في يدك إنتي .. مو يد الغير ,,

دعواتي لك و لا تنسين الإستخارة ,,