|
رد: عييييب عليييييكم....
الشخص المهمل ومايتذكر المذاكره الا في ليلة الاختبار ويجي بعد الاختبار ويتفلسف ويسب
وماخذين الدوام والبيت والاطفال شماعه لهم على اهمالهم مو عذر ابد محد جبركم تكملون الدراسه لاحد يقدم على خطوه الا وهو عارف وفاهم كل شي وش له و وش عليه الحمدالله ان في فرصه وصارت نكمل الدراسه بدون شروط من عمر ونسبة دراسه وغيرها بس احنا تعلمنا الكسل ونبي كل شي جاهز حلات الشي اذا جا بعد تعب بالتوفيق |
رد: عييييب عليييييكم....
الموضوع مكرر ونفس العنوان بعد ونفس مستوى الاسلوب .... سبحان الله
|
رد: عييييب عليييييكم....
ماخلانا متخلفين الى كلمة عيب عليكم الا عيب عليك انتي تكلمين معنا بالاسلوب هذا والنقد مهم وما فيه احد فووووووووووووق النقد على الدكاترة ان يغيروا من طريقتهم ومن يخطئ يتحمل خطأة
|
رد: عييييب عليييييكم....
السلام عليكم ورحمة الله وبركاته
تصدقين ذكرتيني بنفسي لما امسك ولدى واضربه على اطراف اصابعه واقوله عيييب عليك انتى هنا تتحدثين مع من ؟؟؟ يختي هنا طلاب وطالبات تجاوزت اعمارهم الاربعين وش هالاسلوب فى كلامك اللى مافهمت انتى تمدحين والا تذمين الحين تقولين شرحه على قده!!!! هاذى وين تنصرف هذا دكتور فاهمه وش دكتور والا اشرحلك تراه مو خريج ثانوي ليلي علشان تقولين على قده اما يكون قد مهمة التدريس وايصال العلم والا يتنحي ويترك المسئولية لمن افضل منه شوفى مو كل مانقدنا احد جيتو يالمطبلين وقلتو ماتذاكرون ولا تدرسون واحمدو ربكم انكم لقيتو من يدرسكم (ليش نتعامل مع بعض بهالدونيه اذا انتى وغيرك معي فى نفس السفينه ويتعامل معنا بهالاسلوب اجل مانلوم اللى فى مراكز القياده) وترا ملينا من هاللاسطوانه المشروخه اللى معاد له طعم ولا ريحه ولا لون فقدت طهرها واصبحت نجسه ندرس ونتعب ونجتهد ونقصر فى حقوق اولادنا وعوايلنا واخر شى يجي دكتور على قده (على قولتك)يحذف كل هذا بطريقته السيئه فى وضع الاسئله والدخول فى تحدي مع الطالب ماكان هذا نهج حبيبنا ومعلمنا محمد عليه افضل الصلاة والسلام لم نقرأ فى كتب السيره ان الرسول عليه الصلاة والسلام يمن على من علمهم او يضع لهم صعوبات فى سبيل تلقيهم للعلم انا اترفع اني اسب او اشتم اى شخص لكن اذا ظلمنى وانا واثقه مما بذلته من جهد فانا ارفع يدي واقول حسبي الله ونعم الوكيل فقط اختي من أخطأ سننتقده ومن اصاب سنصفق له ونشيد به ولما الاغلبيه تتفق على خطأ شخص فيجب ان يتدارك نفسه ويلتفت لنقصه ويعدله اعذريني ان اطلت لكن عنوانك اثارني ,,, (على فكره هل يحق لى ان اطالب بأن يححدو موعد ثابت لاستخراج النتائج ويلتزمون فيه ويبلغوني هالامر برساله والا اسكت واحمد ربي ) |
رد: عييييب عليييييكم....
اختي احنا ضد سب الدكاتره واعضاء الجامعة وبعد ضد ظلم طلابنا وزملانا الظلم ظلمات يوم القيامه اذا كانت الجامعة تبي شهره وتبي الجرايد تتكلم عنها ياليت يكون بعيد عنا احنا طلاب كبار محنا صغار ندرس نطلب العلم مو عشان ندخل معركه ونشوف مين ينتصر المفروض الي شعاره نلتقي لكي نلتقي يكون قد هذي الكلمه :rose::rose::rose: |
رد: عييييب عليييييكم....
اقتباس:
|
رد: عييييب عليييييكم....
اقتباس:
يسسلم بؤك على هيك حكي :004: |
رد: عييييب عليييييكم....
اولا اشكر من أعجب بالموضوع لانه اكيد عرف نوعية الاشخاص اللي اقصد
وثانيا من لم يعجبه الموضوع... انا ما احب ادخل في جدال عقيم تشين فيه النفوس على بعضها لاني ماعمّمت الكل ولاحددت أشخاص بعينهم أنا اقصد اللي على راسه بطحا يحسسها... أقصد الفئه اللي تطاولوا فالكلام لدرجة وصل للعن والسباب وانعدام احترام من هم أولى بتقديرهم وهم المعلمين أنا ما أثنيت على دكاترتنا كلهم وقلت انهم ملائكه منزهين... كلنا نخطي....واتحدا احد يجي ويقول انا ما اغلط.. بس لابد من وجود حدود للاحترام.. واذا العنوان أثاركم فأعتذر منكم لاني مالقيت موضوع يجذب غيره.. والاخت اللي قالت اني قلت عن العميد اني مااحترمته بكلمتي عنه (على قده) حبيبتي لايلعب عليك ابليس،،اذا تفسيرك وداك بعيد مو مشكلتي.. انا ماقصدت الا ان كلن له قدرات ومواهب عطاه اياه ربي وهذا هو الشي اللي ربي مقدره عليه..مو الكل يقدر يكون فالقمه ولابد من اختلاف المهارات والقدره وهذا هي الدنيا كلن له ماميزه ربي به،، وعموما انا مراح ارد على كل كلمه بتكون ضدي هي مجرد رساله ابي اوصلها لكل واحد عارف نفسه بإيش غلط ضد الجامعه.وبعد الجامعه انا مدحت توجهها معنا في أنظمة الدراسه ،، ويحق لكم تطالبون بكل حقوقكم،، بس بأسلووووب..مو بالتطاول والكلام المتعدي الحدود.. لان هالشي مو في صالحنا اذا رفعنا الصوت راح يوصل للعناد والتحدي بين الاطراف في امور يمكن ماتحمد عواقبها علينا مستقبلا.. الله يهدينا جميعا ويصفي النفوس ويغفر لنا ويسخر لنا عمادة الجامعه حتى تسير الامور على مانحب واكثر،، والله بالدعاء تزين الامور مو بسب فلان وعلان.. اعتذر عالاطاله لكن اتوقع هذا اخر رد لي فالموضوع لان همي مثل ماقلت ان رسالتي توصل لكل من عرف نفسه بايش تلفظ من كلام مايرضي ربنا .. |
رد: عييييب عليييييكم....
ام رند قولي الى تبين بس كلمة عيب عليكم قووووووووووية بين وجهت نظرك كيف ما احببتي لكن بإدارة الاعمال شفنا شئ ماشفتية وانشاء الله ماتشوفينه .
الله يهدك ويهدينا |
رد: عييييب عليييييكم....
احنااا كبار عن العيب وكلن هنا يمثل شخصيته وبيئته واسلوبه ويمثل نفسه محد له دخل في احد :(204)::
|
| All times are GMT +3. الوقت الآن حسب توقيت السعودية: 11:20 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه