ملتقى طلاب وطالبات جامعة الملك فيصل,جامعة الدمام - أبيض وجه ورايتك بيضاء يادكتور عبدالله

اقتباس:

المشاركة الأصلية كتبت بواسطة معقول (المشاركة 3890449)

بيض الله وجهك يادكتور عبدالله ورايتك بيضاء
شخصيا انتظر شهر ويجيني حقي احسن من اني اطارد ورى الجامعة فصل دراسي كامل للتعديل
---------------------------------

يالربع العلم سهالات واسمحوا لي باسمي وباسمكم ارفع الطلب هذا مع انه يعتبر متطور بالنسبة للجامعة ولكنه راح يحل اشكاليات كبيرة وراح يوفر لهم أهم مورد هم وحن محتاجينه واللي هو الوقت والوقت والوقت
المثل يقول مافيه عز الا بنقيصه تبون علم يدسم على شارب الكبير والصغير تبون علم تفز له العجوز قبل البنت
ان اعجبكم علمي فخذوه وان مااعجبكم فارموه ولا كانه شي صار ( مشوار اذا ركزت على الهمزات )
------------------------------
الى الدكتور عبدالله النجار - الى معالي مدير الجامعة - الى معالي وزير التعليم العالي .
دام ان العلم فيه تطور الاشكالية اللي نعيشها مالها الا حل واحد والحل هذا يحتاج تضحية من الطرفين سواء كان طلبة أو ادارة والمتمثل في الجامعة .
--------------------------------
الحل هذا مستشفة ( ماخذه ) من نظام التطوير في الشركة اللي اشتغل فيها واللي اسمها شلمبرجير
اذا طلعنا كورسات في المعاهد التابعة للشركة ( الامارات - روسيا - بريطانيا - أمريكا ) عدد الطلبة فيها بالالاف ( كلهم موظفين للشركة من فنيين الى مهندسين ) .
لا وازيدكم من الشعر بيت اختباراتنا اسبوعية واللي يرسب مرتين يقلب وجهه ........
كيف اختباراتهم اسبوعية وبالالاف وتطلع النتائج ؟؟؟؟؟؟؟
كل واحد واللاب توب تبعه ندخل الفصول وعندنا خبر ان فيه برنامج البرسبشن هذا المطلوب للاختبار
نشبك انترنت ونفتح البرسبشن وفي نفس الوقت وبضغطة زر من المسؤول عن المقرر تنزل الاختبارات ويقول لنا المشرف علينا كل واحد يدخل اليوزر والباس ياشباب وسبحان الله اول ماتدخل تلقى الاختبار في وجهك
تفتحه وتحصل الاسئلة وكلها اختيار من متعدد
ميزة البرنامج ماتقدر تفتح معه اي شي واذا حاولت يقفل الاختبار وتطلع راسب
ميزة البرنامج موقت يعني اذا انتهى الوقت يقفل من نفسه ويعطيك الدرجة
ميزه تقدر تعلم على السؤال اللي شاك في جوابه
ميزه اذا جيت تبي ترسل الاجابات يعني خلصت الاختبار وانت فيه شي ناسيه تطلع لك رسالة فيه اسئلة ماجاوبت عليها
والميزة الاخيرة والاهم مجرد ماتضغط زر الارسال
تطلع النتيجة في وجهك وفي نفس الوقت تروح للمسؤول ( لاتعبئة بيانات ولاتجميع اوراق ولا تصحيح ولا ترصيد ولا شي )
حتى الطالب ماراح ينتظر نتيجته لانه عارف وش نتيجته بعد انتهاء الاختبار
--------------------------
بتقولون طيب ومشكلة اللاب توب والانترنت
ماقلت لكم تضحية من الطرفين ( الطلبة يوفرون اللاب توب والجامعة توفر الانترنت والبرامج الخا صة فيها للاختبار )
----------------------------
بتقولون واذا صار الانترنت بطيء أقول لكم الاختبارات كانت في خارج أوقات الذروة
----------------------------
هذي الطريقة مااقول ان مافيها مشاكل ولكن مشاكلها تعتبر بسيطة بالنسبة للي نواجهه الحين ومادري وش يصير مع زيادة اعداد الطلاب .
----------------------------
بالطريقة هذي تنعكس المعادلة وتصير لصالح الجامعة كيف ؟
الحين كل مازاد عدد الطلبة ابتلشت الجامعة ولكن بالطريقة المذكورة اعلاه كل مازاد عدد الطلبة قلت التكاليف على الجامعة
------------------------------

ياليت لو يقرا الدكتور عبدالله هذا الكلام ويرد عليه ان شاء الله بكلمة وحده بس اهم شي ادري انه قراه وعنده خبر فيه

اقتراحك ممتاز ولا عليه كلام لكن مشكلته ماهو عملي < صعب التطبيق
انا اقترح اقتراح ثاني عملي للجامعة وللطالب ويوفر وقت ...
لو تلاحظون ان عذر الدكتور عبدالله النجار ان بعض الطلاب هو اللي سبب تأخير النتائج لانه ما ظلل كويس على المعلومات الشخصية مما ترتب عليه تعطيل الخ ...
اقول يا دكتور عبدالله صح النوم ! بدال لا تلوم الطلاب ياخي شف اولا المعلومات المطلوبة والتي تحتاج الى تظليل كلها قرقر كتير !
مايحتاج اسم الطالب وتعهد ورقم سجل مدني وجوال وصجة ويضيع 10 دقائق من الامتحان على الاقل واصابعنا عورتنا من كثر التظليل وكله كوم وحكاية شهادة الثانوي كل مرة نظلل عليها لذلك اصبح الطلاب يطنشون القرقر الكثير هذا ويبداء الامتحان ومايظلل الا في الاخير عشان ما يضيع عليه الوقت وبعضهم ينسى ويطلع وكله بسبب الجامعة وفلسفتها الزايدة ..
دكتور عبدالله ضبط امورك من الفصل الجاي فقط الرقم الجامعي والمقرر هذا اللي بنظلله غيره نووووو والف نوووووو والجامعة خلها تبرمج جهاز التصحيح بمجرد يقراء الرقم الجامعي واسم المادة خلاص الباقي معروف والسلام ختام .