مَثلاً :

عَطِيتِي أَحدْ كَأسْ مُويَة ..
قَالْ لتسْ : عِشْتِ
تردِينْ وتُقولِينْ : …. " عَآشَتْ أيَّامِك "

صَحِيتِي مِنْ النُومْ متأَخّر وأَحدْ منْ إخوانتسْ حآبْ يستهبلْ ..
قَال لتسْ : صَحْ النُومْ
تقُولِينْ له : …." صَحْ بدَنكْ "

أحدْ حآبْ يعرفْ وشْ عَاِئلتك , تقُولِينْ عَائِلتِك ..
يقولْ : وَالنعمْ فِيكْ ..
تردِينْ وَتقُولِين : …. " ما عَلِيكْ زُودْ "


أحدْ يَبِي يبآركْ لتس , طبعَاً يقُولْ : مبرُوكْ ..
تقُولينْ : " الله يبآرِكْ فِيكْ وعُقبآلكْ ".. بسْ إنتبهِي تقُولين عُقبآلك وهُو صَآيرْ له هالشَي ..

يعنِي مثلاً بآركْ لك بِ التخرُجْ وهُو متخرّج مآتقُولينْ عُقبآلكْ لأنه خلّص ..


أَحدْ تزَوّجْ , تقُولِينْ له :
" ألفْ مبرُوكْ الله يَجمَعْ بِينكُم بِ الخِيرْ , مِنُه المَآلْ ومنِكْ العِيآلْ
الله يبآرِكْ لِك بِزُوجِك وبِيتِك
الله يعمّر حَيآتكُم بِ المَحبّة وَ المودَة ..


طيّب وحدَة تَوها جَآبتْ بِيبِي وحآبَه تبآركِينْ لهآ ..
تقُولِينْ لَها :
الحمدْلله عَلَى سَلامتِك وَألفْ مبرُوك , الله يجعلُه مِنْ مَوآلِيدْ السَعَآدَة , والله يرزقكُم برّه ويسَخرُه ويحفظُه لكُم مِنْ كلْ عِينْ..


وحدَة بِ المستشفَى تعبَآنَة ومَرِيضَة
تقُولِينْ لَهَا :
طهُورْ إنْ شَآءْ الله ..
الله يشفِيكْ ويعَآفِيكْ ويرَجعِك لِبيتِكْ بِ السَلامَه , وإنْ شاء الله العُمرْ الطوِيل يَاربْ ..
وترجعِينْ بِ الصحّة وَالعَآفيَة وَأحسَنْ مِنْ أَوّل ..
والله يجعَل مَرضِك تَكفِيرْ لِ ذنُوبِك وَتعظِيْم لِ أَجرِكْ , مَا تشُوفِين شَرْ .. وانْ شَاء الله تقُومِينْ بِ السَلامَة ..

حَآلة وَفَآة لِ أَحدْ و تبينْ تَوآسِينهُم

تقُولِينْ :
" عظّم الله أَجرِكْ , إنّا لله وإنّا إليه رَآجعُون , الله يرحمُه ويغفرْ له ..
ويجعَلْ قَبرُه رَوضَه مِنْ رِيَآض الجَنّة , آمِينْ يَآرَبْ " ..


جَآكِ ضيُوفْ وتَبِينْ ترحبِينْ فِيهُم ..
تقُولِينْ لهُمْ :
هَلا وغَلا أسفَرَتْ وَأَنوَرتْ يَاالله انّ تَحيِيهُم
وتبقِيهُم وتمَسِيهُم بِ الخِيرْ وتصبَحهُم بِالسرُورْ تَو مَا نَوّر البيتْ تفَضلُوا تفضَلُوا .. >> شسمُه مُو كأنِي دخلتْ جَو ..



لُوا النَآسْ عِندتسْ فِي البيتْ وخلصتِي مرحبَه ..
شلُونْ نضَيفهُم ؟

لا تضحكُونْ وربِي ترَى فِي نَآسْ كِذا إلَى الآن , يعنِي الموضُوعْ مُو لعبْ ..

خصُوصَاً الشِيبَآنْ وَالعجَآيزْ والرجَآلْ أعتقدْ يهتَمُون بِ الأمور هذِي ..

والفنآجِيلْ لاتكُونْ صغِيرَه مّره يعنِي إختآرُوا من النُوع الوَسطْ يآ حبِي لكُمْ

وعشآنْ مَآتتعرضُونْ لمثلْ الموقف هَذا وتنحرجُون .. http://abo2r.com/vb/images/smilies/rose.gif

مرّه بنتْ عمِي تقُولْ لِي إنُه زوجهَآ كآن معزُوم عندْ نآسْ ولمّآ جآبُوا القهوَة كآن فِيه رجآل كبيرْ شَوي وشآفْ الفنآجِيلْ صغيرَه ..
وشْ سَوَى أخذهآ كلَّها وكسرهآ http://abo2r.com/vb/images/smilies/a10.gifhttp://abo2r.com/vb/images/smilies/0d04.gif .. ويقُول أنا قدرِي أكبرْ منْ فنآجيلكُم وطلَع ..

عآدْ َتدرُونْ وشْ ألعَنْ مَوقفْ لمّا تصبِينْ قَهوَة ومَاسكَة الفنجَالْ وهِي حَآرّة بِيدّك ..

والضيُوفْ يسُولفُون يسُولفُووونْ وأنتِي مآدّة الفنجآلْ وتقُولِينْ تفضَلِي خَالتِي تفضضضضضضضضضضلِي

تفضَلِي يَدِي حرَقَتنِي .. http://www.3rbe.com/vb/images/smilies/3rbe095.gif

و لمّا تقَدمِينْ الضِيَآفَة مُو كِلْ اللي فِي البيتْ يرُوحُونْ المَطبَخْ ..

لازِمْ أَحَدْ يَجلِسْ مَع الضيُوفْ , مَا ينفَعْ يطَولُون لحَآلهُمْ ..



و حلُو تحطُونْ حَلَى مَعَ القهوَة أنَا متأكدَه أن الكلْ عَآرفْ هَالأشيَاءْ ..