ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   ملتقى طلاب التعليم عن بعد جامعة الملك فيصل (https://vb.ckfu.org/forumdisplay.php?f=183)
-   -   الي بمدرسه الثانويه العاشره للبنات (https://vb.ckfu.org/showthread.php?t=76384)

كلي امل فيك 2010- 6- 15 07:18 AM

رد: الي بمدرسه الثانويه العاشره للبنات
 

صباح الجوري .....
صباح العسل ....
صباح كل شي حلو بالدنيا....
او احلى مافيها....<<<اكيد انا


بنااااااااااااااااااااااااااااااااات صدعت من الاحصاء احس اني برجع<<<الله يلوع كبدك

ماقدرت انام <<<خلاص كسرتي خاطري


الله يعين عالماده بس
بشروني مين خلصت؟

j0o0ry 2010- 6- 15 08:39 AM

رد: الي بمدرسه الثانويه العاشره للبنات
 
كلي امل
هذه اعراض الحمل
=>>برا
انا وصلت للمحاضرة 6 تقريبا
بس انا مذاكرته الويك اند
انتي وين وصلتي
مدري ليش متفاائله خيررر بهالماده
احس الدكتور يبي يسهل علينا قد مايقدر
ان شاء الله خيررر

ريماسKSA 2010- 6- 15 09:39 AM

رد: الي بمدرسه الثانويه العاشره للبنات
 
صبااااااااح الخير ياحلوين
والي عندها اختبار <<ماتقصد جوري
تروح تدرس جوري والفاتنه ودفره وصديقة جوري الي ماعندها نك نيم
ادرسوا ولاتخلوني اصير ابلتكم في البيت والمدرسه وافرقكم عن بعض زي امس لوووووووووول
يلا الله يسهل عليكم اختباركم اليوم ويوفقكم ويسهل علينا التقنيه:(
ونعود احرار للحياه الطبيعيه اشتقت لها خخخ

j0o0ry 2010- 6- 15 10:07 AM

رد: الي بمدرسه الثانويه العاشره للبنات
 
رموسه قلبي
صباح الحب والعشق والوله
وووه بس يالبى هاليوزر ياناس
الحين بفهم انا وشلون كذا يعني
اليوم اروح وماشوفك
ماله داعي بصيح==>>جتها الحاله
تعالي خل اكحل عيوني بخشتك يامليحه العرب

اهم شي لاتفرقينا اخر مره ==>>مودبه
لاتقهريني ماجاب شي من الي ركزت عليه
ونشبنا للعالم وشو الكلستررول وقلق
خخخخخخخ انا الي جاني الكلسترول من اسئلته

من جد
ودنا وشسمه
نعيش بالحر زي ماقلتي
اقصد احرار
وياسلامي عليكم يالسعوديه===>>برا

RoshoF 2010- 6- 15 10:11 AM

رد: الي بمدرسه الثانويه العاشره للبنات
 
.
وشسمه أحس إني بصيح بس مستحيه منكم << برآآآ
لا من جد أوووب فآهمه شي بـ الإحصـآء وش ذآآآ ؟؟
قسسسم بالله أحس أني بفحط في اللجنـه
وآعزتيلي بسسسس

الجوري
بالله إذا فـــآهمه شي فهميني
بس تكفين إبدي من الأخير << ضمنت أنك بتفهمينهآ هع

أحس أني دآيخه .., صدعت .., بزوع خلآص مقدر
بطني وشسمه مدري وشبلآآهـ << تبي تكسسسر خآطرتس

RoshoF 2010- 6- 15 10:17 AM

رد: الي بمدرسه الثانويه العاشره للبنات
 
.
الإحصــآآءآت الحيويه

وشسمه اللي هو البآب الثـآلث
بالله أحد يعطينن الزبدهـ << فسمن مآلي خلق له أحس مـآفي وقت
لا من جد مستحيييييييييييييل شوفوا كم السآعه
10:15 ):
مـآ أصدق معقووووله اليوم إختبـآرنـآ
يـآهوووو
النجدهـ أنقذوووووووووني مـآهذا الهرآء ؟ << تحس أنهآ تقرأ ترجمة فلم أجنبي
الإحصــآآء مـآل امووهـ دآعي يعني بالله أنـآ يعني اللي بدور في ذآ الشوآرع والحوآري جمع حآرآت هع وأقعد أطقطق بـ بيوت النـآس وبالله كم عندكم بنت وكم مده درآستهآ والحآله الإجتمآعيه للفرد ومتى تزوجتوا
لابووووهـ لابو من إخترع الإحصـآء
وآحد فيلسسسسسسسوف هع

ريماسKSA 2010- 6- 15 10:27 AM

رد: الي بمدرسه الثانويه العاشره للبنات
 
جووووووري يامحبوبة الجماهير ياحبي لك حبا لايوصف في هذا الصباح الرائع الي مافيه اختبار<<ماتقصد تقهر احد
انتي بكذا بتخليني اطردك طرده شنيعه لاتحمد عقباها واعمم عليك في الاقسام يابنت عندك احصاء ادرسي واذا خلصتي نامي شوي عادي اصحيك بس ارتاحي ولاتنشبين لاحد اليوم بسؤال من تحت الارض وماتلقين اجابته وبعدين مايجي في الاختبار وصدقتي جانا الكليسترول<<متعوب عليها الكلمه ماحب اكتبها
المهم ان شاءالله بكرا نعيد لما نخلص اختباراتنا ونكحل عيونا في خشش بعض كلنا المحتفلين بانتهاء الاختبارات الرعبيه وعنديها بسلام
وبعدين راح اشتاق لكم كلكم:(:(
رشوووف يابعدي انا مانزلت الاحصاء عشان كذا ماقدر اساعدك ولو اني نزلتها فا اكيد بكون الشخص الغير المناسب في الزمن والمكان الغير مناسب لاني بنت ادبي ومفحطه بالرياضيات
مووووفقين يارب
من الحين بدور لي مدرسه خاصه للاحصاء سبب لي رعب قبل لانزلها ياكرهي للمسائل الحسابيه

j0o0ry 2010- 6- 15 10:31 AM

رد: الي بمدرسه الثانويه العاشره للبنات
 
رشوف
صبحكم بالخير يالعمال العماليه
صيحي واغرقي الدنيا دموع ==>>مسويه شعر
عادي كلنا عيال عم من ام وحده ==>>برا

لحظه بشويش خل نتفاهم
انا نيابه عن نفسي
واصاله عن زملائي الادبيات==>>اي بنات الادبي
اقولك مافي الا تشوفين شرح الدكتور انا هبله وفهمت بس
عيدي وزيدي بالمقطع المراد فهمه
وهو مسكين ترى يحاول يشررح قد مايقدر ويعصب ويفتح عيونه ويده
يعني يتقمص شخصيه المدرس==>وهو وشو ياهبله

اووه اوووه
دايخه ومصدعه الخ
هذا اعراض دوار البحر الله يسلمك
طريقه الاسعاف
انسدحي على ظهرك الايمن 3 مرات
واغمضي نصف عينيك اليسار ==>>على بالي الصحه واللياقه
طيب وش اسمى خذي حبوب منع حمل وبتروح الحاله صدقيني ==>>بتنجلد باقرب زاويه

تكسرين خاطري هاااه ماعندي الا ريال مشقوق ملزق بلزقه جروح
تبينه عطيتك اليوم ولاتعلمين احد==>>ماكانها بمنتدى عام

المهم بقولك سالفه على طاري الاحصاء
يقولون واحد من حقين التعداد
وهو يودي عمليه الوظيفي القوامي
ويطق شقه شخص ما
ويطلع ابوه متزوج ثانيه بالسر
ثمن يرشوه يرشيه اي يعطيه مال ثمن سكوته

==>>على ذمه جريده اليوم

الحين جيتي على اسهل دريشه مدري باب وقلتي صعب
قراءه مايبيلها ترى سهل والله
بس تعوذي من ابليس وصلي ركعتين وصومي

نشوفك ان شاء الله على خير عند الساعه 4 بتوقيت الدمام ودواعيسها
12 الف ريال

j0o0ry 2010- 6- 15 10:40 AM

رد: الي بمدرسه الثانويه العاشره للبنات
 
يالبى جوري
وقلبها وعيونها وروحها وحياتها وبنكرياسها==>>بالغلط
مافيه اختبار
لاتخليني اروح الحين لاقرب بوفيه واطلب كبده والبيبسي الابيض==>> 7up

عشان اثبت لنفسي اني فااضيه ورايقه وماعندي شي احاتيه ==>>برا

ابله والله خلصت راجعت بس باقي لي المحاضرة الاخيره بشوفها الحين ان شاء الله
الله يسهل==>ولاده
سوف اشتاق لكي شوقا جموحا زائدا مرتفعا لاقصى درجات الوله==>>لاعاد تشتاقين

وبعدين وشسمه ترى والله الماده موب صعبه بس يبيله تركيزز زالدكتور شرحه يفهم
خلاص
رموسه قلبي
انا بشرح لك وشسمه الدروس==>>يعني حامله الماده

وشسمه يلا برا روحي ذاكري تقنيه :150:
ايتها الفتاه
يلا عشان بكرا بسوي لك حفله تخرج:mh001::mh001:
وبجيب لك كتاكت 4 اصابع
كل وحده فينا 1 وثلث==>>مسويه احصاء
انا وانتي ورش رش

كلي امل فيك 2010- 6- 15 10:40 AM

رد: الي بمدرسه الثانويه العاشره للبنات
 
مرحبا انا جيــــــــــــــــــــــــــــــــــــــــــــــــ ــــــــــت ميـــــــــــــــــــــــــن دور علي وسال عني <مصدقه عاد
ياعزيزاتي الطالبات انا وصلت المحاضره 9 الله يجيب الباقي ............الي تحبني تدعيلي....


All times are GMT +3. الوقت الآن حسب توقيت السعودية: 11:41 AM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه